米芝蓮2018：車胎人美食推介率先公布 17間餐廳新上榜

米芝蓮2018將於11月30日公布，今年同上年一樣，未正式公布三星、兩星、一星等餐廳排名之前，米芝蓮官方率先宣佈車胎人美食推介，當中有17間餐廳新上榜，即刻睇下有乜餐廳先！

今年嘅米芝蓮車胎人美食推介一共有73間本地餐廳及9間澳門餐廳上榜，以食物質素高、並又能夠喺港幣400元以下提供到3道菜式為評分指標。73間上榜餐廳入面，今年就有17間新上榜餐廳，當中大部分以廣東菜式為主打，仲有平民粥麵店，快啲睇下係咪你認識嘅好味餐廳先！

17間新上榜餐廳：

增煇藝廚 - 曾獲蔡瀾點名推介，其招牌菜鮑魚海參釀燉雞亦深受食客歡迎。

聚興家 - 位於太子嘅聚興家，可算係明星們嘅平民飯堂，有譚詠麟、陳百祥、Joey Tang、喬寶寶、梁烈唯都係座上客，主打多汁鹽烤雞。

坤記煲仔小菜 - 以炭火炮製煲仔飯，火侯控制得宜，味道好兼有香脆飯焦添，餐廳門外經常大排長龍，可算係香港十大必食煲仔飯之一。

嚐囍煲仔小菜 - 位於堅尼地城嘅嚐囍，主理人曾經喺坤記工作。招牌煲仔飯同樣以炭爐製作，推介黃鱔、田雞煲仔飯。想食嘅話要預早時間去排隊兼等食呀！

信得過 - 以豬什同蝴蝶腩馳名嘅小店，推介製作繁複嘅杏汁白肺湯、三杯雞、水晶雞等等。

益新 - 開業超過半世紀嘅老牌粵菜館，以懷舊菜式做主打，食家推介大良炒鮮奶、古法煙倉魚、古法灌湯餃等。

粵來順 - 由《大廚出馬》四強譚嘉輝師傅夥拍前東來順主廚陳國強師傅開設，主打經典廣東菜式，推介得獎菜式金勾銀柳、千絲芝心球等。

容記小菜王 - 曾經結業又復活嘅容記，繼續供應鑊氣十足嘅小炒、燒味及其他廣東菜式，包括燒鵝、彈牙鮮蝦餅、容哥第一嘴等。

潮樂園 - 北角有名潮州打冷店，有鎮店蠔仔粥、黃金煎蠔餅等。

德記 - 於西環開店已有30年，以傳統及新派潮州菜打響名堂，長期爆滿，價錢仲非常抵食。

英記麵家 - 西營盤平民麵家，以自家製叉燒同足料炸雲吞聞名，牛腩同牛雜亦出色。

圖：ki918

麥文記 - 超過40年歷史嘅傳統麥吞麵家，屬廣州雲吞麵世家麥煥池門下，必食新鮮彈牙嘅鮮蝦雲吞同入味嘅南乳豬手。

請坐 - 開業未夠一年，由兩位居港多年嘅台灣媽媽開設，富台式風味個蛋餅同牛肉麵係招牌菜式。

泰麵 - 灣仔人氣熱店，主打正宗泰國街頭風味小食同粉麵，招牌菜包括和牛船麵同虎蝦炒金邊粉。

嚐囍點心皇 - 與嚐囍煲仔小菜相連，供應多款無味精，即叫即蒸嘅傳統點心。

靠得住 (灣仔) - 灣仔總店開設多年，以自家鮮魚湯粥底馳名，亦係第一間獲得米芝蓮車胎人美食推介嘅粥店。

蔦 (銅鑼灣) - 首間東京米芝蓮一星拉麵嘅香港分店，醬油湯底加入黑松露製作，每日限量供應。

圖：Cathy

2018米芝蓮車胎人美食 完整名單：

餐廳
阿純山東餃子	古月
巴依	Bombay Dreams Indian Cuisine
Brass Spoon（灣仔）	書湘門第（西環）
陳勤記鹵鵝飯店（上環）	潮樂園
泉章居（旺角）	CIAK - All Day Italian
粥麵館	鼎泰豐（銅鑼灣）
鼎泰豐（新港中心）	容龍海鮮酒家
英記麵家	富聲魚翅海鮮酒家（銅鑼灣）
富聲魚翅海鮮酒家（灣仔）	鳳城酒家（太子）
增煇大排檔 & 增煇藝廚	好旺角粥麵專家（花園街）
好到底麵家	聚興家
九記牛腩	功德林（銅鑼灣）
坤記竹昇麵（長沙灣）	坤記煲仔小菜
蘭苑饎館	蓮香居
留園雅敘	好運印尼餐廳
麥文記麵家	美味廚
新滬坊	錦
波記燒臘粉麵店	莆田（銅鑼灣）
巧饍坊	請坐
拉麵Jo（銅鑼灣）	莎巴馬來西亞餐廳（灣仔）
Samsen 泰麵	生記
蛇王二	石記廚房
嚐囍點心皇	嚐囍煲仔小菜
麵鮮醬油房周月（中環）	麵鮮醬油房周月（鰂魚涌）
星記海鮮飯店（中環）	華姐清湯腩（天后）
肇順名匯河鮮專門店	雪園飯店
新園興記燒臘飯店	大榮華酒樓
太湖海鮮城（銅鑼灣）	德記潮州菜館
竹家	正斗粥麵專家（國際金融中心）
泰潮（深水埗）	添好運點心專門店（北角）
添好運點心專門店（大角咀）	靠得住
信得過	沾仔記（威靈頓街）
蔦（銅鑼灣）	王府（中環）
詠藜園四川擔擔麵	永華雲吞麵家
有緣小敍	益新美食館
裕記大飯店	粵來順
容記小菜王

延伸閱讀

《米芝蓮指南香港澳門2017》上榜名單
《米芝蓮指南香港澳門2016》上榜名單
 《米芝蓮指南香港澳門2015》上榜名單
 《米芝蓮指南香港澳門2014》上榜名單
 《米芝蓮指南香港澳門2013》上榜名單
 《米芝蓮指南香港澳門2012》上榜名單
 《米芝蓮指南香港澳門2011》上榜名單
 《米芝蓮指南香港澳門2010》上榜名單
 《米芝蓮指南香港澳門2009》上榜名單

文：Joyce、Cathy