本來想吃益新的，怎知道店家說節日不做特別菜式，如鴨腳包之類那天不供應，那麼我為何要在這天吃它呢？最後轉呔訂了在附近的生記，一心想來吃其出名的泥猛粥及鹽焗雞，怎知道原來看似平凡的泥猛粥也要預訂，今回真的大失預算，最後騎虎難下，也唯有在是日的精裝版餐牌上點了八款東西，以六個人的晚飯來說，也應該夠吃了吧。

打頭陣的是鹽焗雞一隻，二百八十元一隻但又不算太大，嗅起來已經是鹽度十足，那股鹹香撲鼻而來，無論是薄身一點的雞背，與及厚身一點的雞胸及雞脾，鹹度很夠很足，鹽份充份的焗進了雞肉內，很是入味，面層的雞皮鹽味當然也很足，嫩滑的雞肉，配起雞皮爆出來雞油的甘香，真的不錯，奇就奇在為何有一陣羶味，是肉的羶味嗎？只在羊肉及牛肉最為常見，這個新穎未曾嚐的雞羶味，似乎証明雞是新鮮的，一點雪味也沒有，其實不用蘸同來的薑蓉也夠味，但其實此處的薑蓉是做得挺出色的，真的是一絲絲無添加的薑蓉，在這個年頭已經很難得。

之後要了份家鄉手磨蓮藕餅，往時吃藕餅，最大的一個弊端是藕餅內毫無藕肉，反之豬肉下得很多如吃煎肉餅，是日的藕餅藕的成份算高，吃起來除了鯪魚肉的香及彈彈的口感，又有非常之多爽爽的顆粒，全都是藕粒來的，而且煎得夠乾身香脆，真的不錯呢。

乾煎釀青椒可以選有辣有唔辣，貪心的我各要半客，鯪魚肉釀青椒一半是青椒，另一半其實是虎皮椒，釀青椒煎得夠熱夠香，尤其是鯪魚肉那一邊，泛起了黃色而有點脆口，入口熱騰騰的，鯪魚肉彈牙有鯪魚香，青椒爽口，較可惜的是油了一點，至於那虎皮椒，店家已經先廢了它近大半的武功，除了不少的核囊，吃起來不夠辣，大家大呼不過癮。

原來此處什麼肉類都喜用鯪魚肉，除了以上的蓮藕餅及乾煎釀青椒外，這客豉油王蒸釀豆腐，也是用上了鯪魚肉，鯪魚肉如上的一樣彈牙夠鯪魚香，此處的魚肉確是打得非常不錯，一定是手打貨色，加上底層的豆腐都還算滑，入口有豆香才是難得，加上豉油熟油同吃，味道是家常但出色。

之後來兩個菜清清大家味蕾，也為大家的腸胃着想，先來一客銀魚仔蒸勝瓜，勝瓜皮去得淨，入口軟腍水份足，店家再加了點蒜蓉、蔥花及銀魚仔來蒸，之後再加醬油，可能蒸過出水的關係，醬油味明顯很薄，店家要認真一點倒走水份才下醬油已經可以避免這個問題，加上銀魚仔沒有炸過，味道顯然不太惹味，這個菜式是做得鮮有餘，味不足，希望店家可以認真改善一下。

接下來的梅菜芯蒸菜遠真的認真不錯，梅菜芯下得夠多，爽口有鹹香，味道絕不是死鹹，在出色的梅菜芯引領下，菜遠清爽嫩綠的個性更能顯現出來，兩者一剛一柔，味道非常之配，不比梅菜蒸豬肉遜色。

之後來一個惹味的肉食，乃菠蘿生炒骨也，排骨入口非常透、脆及香口，相信是一來店家炸排骨得出色，排骨炸得夠乾夠脆，二來是店家之後把握時間，再快快地將炸排骨、青椒、菠蘿及汁醬炒成此碟菜，汁醬掛得不錯，碟底不多咕嚕汁，炒功一流，但稍嫌個汁不夠酸香，酸甜的衝擊不是太大，這一點希望店方改善一下。

是日的單尾是豉油皇炒麵，既然是此處的名物，當然對它有一定的期望，幸好它也沒有讓大家失望，炒麵有油香潤口之外又不過份油膩，每條麵條也平均的沾上了豉油，幼麵爽身不過腍，加上蔥段、韮黃及洋蔥的提味，吃起來當然不錯。

最後是店家敬送的白糖糕作甜品，切成方粒狀的是挺細心的，入口鬆之中帶點爽，腍之中帶點實，味道都是一貫的白糖甜味，但就勝在沒平常吃到的酸味，是這兒做得好的地方。

總括而言，此處的菜式是平民得來又出色的，但以是日來計，店家在菜式的選擇上實在太少，希望店家精益求精，炒出更多好吃的港式小炒，乃食客之福。

最後也在此祝父親節快樂。

今天有3個台灣朋友來香港玩, 所以要盡地主之地儀, 他們說要吃道地的廣東菜, 想一下就帶他們去灣他生記吧, 一行7個人點了9道菜:-

鹽焗雞 - 今日超水準
蒸黃腳立
枸杞浸豬潤 - 必食
泥孟粥
煎蓮藕餅 - 必食
梅菜蒸菜心 - 必食
豉油皇煎中蝦 - 生鮮的蝦做出的美味
生炒排骨
椒鹽鮮魷 - 必食 - 用生鮮的魷魚來做, 正!!!!
白糖榚 - 送的

有一段時間沒有來這裡吃食, 不過水準還保能持的.
台灣朋友都是經常來香港的, 也說沒有吃過這麼道地的菜式. 朋友吃得開心, 當然要來表揚下他們喇!
特別喜心的是今次的伙記沒有一直在吃, 一直趕著我們快點吃的感覺.

巴閉得要食兩輪的，一係6點一係8點，咁唔係我約的，因此6點就到。

睇開飯網都見到水準滑落的勢頭，當然開飯網只當參考當中有甚麼可以食，口味是很個人的。叫了大部份人都會叫的物事，如枸杞浸豬潤、鹽焗雞之類，之後仲爭兩三碟，居然菜牌前前後後睇了幾次都唔知叫甚麼好。不是菜牌沒有選擇，而是大部份菜跟本同屋企煮飯無分別，菜牌無心思，已經扣分。

當然老飯店的侍應係串咀黑面，呢d 係可以預期的。

主打的枸杞浸豬潤，枸杞係幾鮮嫩，豬潤係幾軟滑，但無乜特別的地方。

再主打的鹽焗雞，都係一隻鹽焗雞囉，都無乜特別。最特別係伴碟那條白菜，又無整熟，生勾勾，但又唔食得，我打趣說影了參加花卉展，應該可以拎頭二三名。

椒鹽蝦碌幾惹味的，不過這一碟的價錢等同其餘咁多碟的價錢加埋囉。

有個梅菜蒸菜心的，不是梅菜蒸豬肉（雖然裡面都有豬肉），都算係幾好味，呢個叫做合格。

值得一提的係泥蜢粥，理應泥蜢的味道係幾獨特的，你一入口一定會知係泥蜢粥，不過對唔住，我只係食到幾粒肉丸；就算是撈到出來的魚肉，特地放入口，都唔覺得係魚，即係話，你去M 記食個魚柳飽你係講唔出係咩魚一樣，我接受唔到囉。

咁其他的，都無乜特別，我番轉菜牌只識叫了蒸釀豆腐，可見可以食的有幾多。當然，多謝阿蘇的介紹，我知道仲可以蒸條芝麻班o既。當然我無咁做啦。

甜品係送的白糖糕，由細食到大的白糖糕都帶少少酸味的，這裡無，係唔係白糖糕呢咁？唔知。

唯一值得一讚的是我們都坐了內堂，冷氣充足，否則坐近門口都要食盡外面衝入來的熱氣（雖然已經是一樓）！

十一人食一餐每一道菜都無乜特別的都要每人$160，點算都唔算便宜。

多謝，我行過去船街o個頭的街坊小菜仲好味過佢 n 咁多倍囉，平起碼一半。無下次。

Require booking in advance, this is a traditional cantonese crusine, food was unexpected good, tried baked chicken with salt, kidney with chinese veg., Fried prawn with Soy sauces, Deep fried lotus root (Lin Ou), fish congee (Lai Mount Chuk)...etc. Those are the dishes which are highly recommended dishes.

Went here for dinner tonight with my parents. This restaurant serves very good seafood and salty dishes, but definitely not good for dessert!

We ordered the following dishes:

1) THeir Soup of the Day: tasted delicious and made me feel warm.

2) Steamed fish: the fish was big and delicious. Nicely cooked. I liked the sauce which blended with the freshness of the fish.

3) Salty Baked Chicken: again, this is another commendable dish. The chicken was yummy! Liked the sauce as well!

4) Dessert: the dessert was for free and it was that white sugar pastry. Didn't like it that much but it was a complimentary dish, so couldn't complain much.

Overall, service is quite efficient, but we were a bit disappointed with serving the rice. We had to ask them for over 3 times for the rice. Anyway, prices here are high as the restaurant is in Wanchai. Good traditional Chinese dishes though!

同班friends 聚舊, o黎生記食晚飯. 由於朋友極力推介"枸杞浸豬潤", 所以叫了一份,其餘叫了鹽焗雞, 菠蘿生炒骨, 椒鹽魷魚和涼瓜炒面.
枸杞浸豬潤- 真係好好味, 豬潤真係好滑同好新鮮, 掂
鹽焗雞- 一隻平凡的雞, 沒有特別
菠蘿生炒骨- 甜酸汁ok, 個骨亦好脆
椒鹽魷魚- 好野味, 但份量好少
涼瓜炒面- 面底好脆, 但涼瓜沒有什麼時別
除了"枸杞浸豬潤"好食之外, 其餘那些小菜真係沒有待別

環境及衛生：個lift好細，行上樓重方便。入到去覺得所有野都比較舊，包括裝修，地毯，廁所，枱櫈，餐具。每人都有濕紙巾，個位都算乾淨。

服務：都唔算係太差。可能年紀比較大既男侍應聲氣帶點粗豪，不過態度，效率，完全冇問題。友人話可能同我地一早訂定餸有關。

　枸杞豬潤：好正，我地食完要encore。枸杞好甜，食落覺得好新鮮。嘩，D豬潤無得頂，好爽，冇渣，必吃推介一。

　椒鹽蝦：蝦本身好新鮮好爽口。好入味，但唔會太過咸。個皮脆都好連殼都食埋。必吃推介二。

　鹽焗雞 + 雜：要預訂講明要雜先有雜。隻雞唔肥，味道有少少偏咸，不過唔係太大問題。D雜先係精髓，最快食哂，咁你地話正唔正。

　泥孟粥：雖然係少泥孟（可以話幾乎睇唔到咁滯），但係個粥入面既肉丸同個粥本身真係好好味，而且唔會太杰。個問題係泥孟既份量真係同個價錢唔係好夾。講真一句係話係淨肉丸粥都有人信架。

同大班朋友食團年飯, 諗住大眾化d去生記, 不過埋單一d 都唔平, 仲好似冇乜食野落肚, 要食宵夜

煎蓮藕餅：好香好鬆脆, 不過偏咸要送飯, 一碟得果幾件, 手快有, 手慢冇

枸杞浸豬潤：招牌菜, 唔訂可能冇得食, 但自覺味道普普通通, 豬潤切得好厚, 枸杞得果幾條, 菜咁平好心俾多d la

鹽焗雞：冇乜特別, 肉質亦唔算嫩滑

蒸薑蔥魚雲: 得果幾舊, 點夠分呀? 不過咸得要命, 不吃也罷

肉丸泥鯭粥: 又係招牌菜, 唔訂肯定冇得食, 不過可能真係好多人訂唔夠分, 唔多見有泥鯭肉, 連米都唔多夠, 水流流

梅菜蒸菜心: 梅菜好甜, 菜心蒸得入味而唔會變黃, 全晚至正既一味菜

老少平安 : 豆腐+鯪魚, 都幾鮮甜, 唔會蒸得太實, 加埋豉油食啱啱好

咸魚蒸肉餅: 咸魚味唔係好濃, 但勝在惹味, 送飯一流

蓮藕炆豬手：又係得果幾舊，唔夠分冇食到

羅漢齋煲: 基本上得栗米芯同腐竹, 低成本製作, 但一d 都唔平

加送白糖糕, 味道一般, 但冇乜地方食到, 當係懷舊

服務態度尚可, 上菜速度極快, 可能因為太多booking, 其實以咁既價錢, 唔算係好出色, 都唔知點解咁多人去?位

生記在網上的評分似有滑落的趨勢。不過作為好食方徒，都要自己試試才能當真。

店內的格局一如各網友點評一樣，比較陳舊。服務方面，無個別網友所講咁差。不過，作為一間有少許名氣的老店，少少「唔休做」的感覺還是存在。食物款式不多，多是家常小菜，一行六人點了以下菜式：

煎蓮藕餅：口感雖實了一點，但有馬碲粒增進了評分。味道不俗。
豆角蝦餅：口感比蓮藕餅彈牙。同樣幾好食。
枸杞浸豬潤：豬潤應是全晚最好食之選，夾起來已feel到佢嘅彈性，用料生鮮，味道香濃。
鹽焗雞：Size略少，肉質未算嫩滑，味道略鹹。
肉丸泥鯭粥：雖然係招牌菜之一，但無乜特別吧！泥鯭數量很少，或許已被弄碎混入粥內。肉丸OK。粥底普通，不覺有魚粥的鮮甜味。
菠蘿生炒骨：酸了一點點，但肉質口感不俗。
菜遠炒牛肉：菜遠OK，幾嫩口；牛肉唔得，明顯經過醃製，腍得來不自然，亦無鮮味。
白糖糕：普通。

埋單一千元多啲。因蓮藕餅、蝦餅要百餘元一碟；泥鯭粥要四十元一位。以這個價錢吃家常小菜貴了一些。

[10/2/2010; Wed]

Have been coming here year after year and you can count on its quality food. But lately I have come to think that this place is really going downhill and I am not the only one. I went there for dinner tonight and at 8pm 1/4 of the tables were empty. And these are the early signs of a business going seriously downhill:

1. they let just anyone answer the phone and take reservations which gets lost and mislocated

2. when the owner hard selling the expensive fish and she just told you how much it cost at the top of her head without weighing the catch

3. You order the same old thing every time although they fail to impress

4. when even the basic dishes are not done properly

上星期去食晚飯
先講服務..
服務生態度極差, 唔憂做
由於要在830pm交枱, 所以老是走過來收起枱上的東西, 超煩

食物一般
出名的雞, 我媽做得比它好
生炒骨ok
其他no comment

以此服務 + $$唔平, 不用來這裡

有朋友搞飯局，建議灣仔新記，雖未曾往，亦知這間菜館毀譽參半，但朋友一腔熱誠，唯有順從民意。朋友於星期一預訂星期五約六時半晚膳，新記講明要八時半交檯，朋友並預訂一鍋泥鯭粥及鹽焗雞。是日准時到達，環境格局比一般工會食蛇讌好少少，我們共有五人，侍應帶我們往一張五人枱但一邊貼著一條大柱，坐位較擠之外傾偈亦不甚方便，當時食堂衹有一枱半枱人客，便要求換枱，嘩！侍應一大堆理論噪音叨叨不絕，甚麼個個客人都是老板，不能個個遷就等等，可能全新記衹有這張五人枱吧，大家唯有面柱而坐希望一會兒的美食能除此不快。打開菜牌看見開瓶費要五十元，真是食堂格局大酒店心態。朋友再點了煎藕餅、薑蔥魚雲、勝瓜雲耳浸豬潤、梅菜菜心、豉油王炒麵，侍應再推薦一份四百元的豉油王中蝦。
先上鹽焗雞，入口便知不是新鮮貨，雖非難下嚥，但感名過於實，再上泥鯭粥，衹見肉丸飄浮，難尋泥鯭芳影，沒多久，更見粥底水渣分隔，陪覺觸目驚心，其餘如薑蔥魚雲、勝瓜雲耳浸豬潤、梅菜菜心均一般貨色，煎藕餅更無大驚喜，豉油王炒麵靭如橡根，全晚祇有豉油王中蝦較可取，但衹要中蝦新鮮則一般酒家也可以做到此效果，價錢可能更相宜。全晚消費一仟二佰多元，實在物非所值。除非以後我有嚴重自虐狂或與銀紙有深仇大恨，否則不會到此一遊。

上星期食過晚飯 , 所有藥餸菜味道都是一般 , 唯獨碟鹽焗雞最出色 , 於是再約朋友一起再次去食 , 但今次我們是食 lunch .

我們四個人, 叫咗四個餸 , 但與晚飯質數就有天淵之別 , 首先鹽焗雞 (與百佳雞無分別, 仲好似是昨晚賣剩的, ) ; 跟住碟豆腐蚊班塊 ( 大家樂好過佢 , ) ; 再嚟個生炒骨 ( 酸到無人食 ), 最後是全餐最好的炒通信菜 , 都食剩一半 ) .

唉 ! 以後咪攪我喇 !

昨日應約到生記午膳 , 經侍應極力推介 , 我們叫咗四個菜 , 1) 鹽焗雞 , 好似百佳雞, 無雞味及好似昨晚賣剩的 , 2) 豆腐蚊班塊 , 大家樂好過佢, 3) 生炒骨 , 酸到一放入口要吐番出來 , 炒通菜 , 比較好d , 但都只是一般 , 最後每碟食餘 3/4 .
總之以後咪攪我喇 , 怕怕

很早前, 已經想到生記食飯, 但聽聞好 full , 今次終於有機會了 . 我們 book 了 6:50 pm , 但要 8:00 交檯 (他們說 8:00後已 full booking , 但我們 8: 15 分都發覺未 full )

我們在坐 2 樓 (生記是上樓的 , 1 樓同2 樓) , 我們叫了香片茶 (但 d 茶唔香 , 唔好飲 , 唔知以為係例牌茶 )

我們5 個人, 叫了 6 個菜, 分別是 :

生炒骨 - 唔夠酸 , 肉質唔係夠鬆化
鹽焗雞 – 係招牌貨 , 仲要預訂 , 真係好好味 ，皮姽肉嫩，比泉張居更好食
豉油皇炒面－來到時已覺得色水差 , 食落唔夠味 .
薑蔥焗魚雲 – 唔滑又少肉 .
豬膶浸聖瓜 – 都 ok .

海鮮 - 鼓油王煎蝦碌 , 用的只是海中蝦 , 比起新斗記就差了 (都成$400, 一d 都唔平)

白糖糕 – 係送的 . 略酸 , 唔送好過送 (寧願送水果好過)

總結 – 5 個人食了 $950.00 , 都算貴 , 但只有鹽焗雞同豬膶浸聖瓜是好味 ,
原本想叫多個椒鹽豆腐 , 都係算啦 !

本人覺得生記只是一般飯店而已 , 如果想食好味小菜 同 海鮮 , 看來要找別處了