242
54
22
港鐵灣仔站 A3 出口, 步行約5分鐘 繼續閱讀
電話號碼
22340001
開飯介紹
榮獲米芝蓮推介的泰國船麵餐廳,舖面不大但人氣甚高。招牌和牛船麵湯底濃郁清甜,牛肉腍滑,粉麵口感彈牙。 繼續閱讀
營業時間
今日營業
12:00 - 15:00
18:30 - 23:00
星期一至日
12:00 - 15:00
18:30 - 23:00
*最後落單時間: 22:30
付款方式
Visa Master AlipayHK 現金 Apple Pay 微信支付
座位數目
35
其他資料
酒精飲品
電話訂座
外賣服務
加一服務費
食評 (359)
等級4 2021-07-02
642 瀏覽
This Thai noodle shop is a popoular spot in Wanchai and is awarded with a Michelin Bib Gourmand award. I think waiting for a table is pretty standard.Described as a casual diner, their prices are not.We ordered:Wagyu beef soup noodles, real depth of colour and flavour to broth. Beef was cooked just right, really soft texture. Beef balls had a nice 'bounce' to them.Crabmeat fried rice, nice flavour with plenty of crabmeat pieces. Rice is well fried with individual grains of rain, not clumpy. Didnt feel the need to add fish sauce on the side as too salty.Pad Thai with King Prawns, noodles well coated in the sweet hot sauce and not oily at all.Fried Fish skin, a little chewy, unusual flavouring.Fried marinated pork collar, nice chuncky pieces of succulent meat, with a flavoursome tomato chilli dip.Found the portions to be a good size and was too full to try dessert.Liked the vibe of the place but all a bit rushed. 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-23
2291 瀏覽
平民價灣仔米芝蓮泰國菜 🇹🇭 喺藍屋附近嘅呢間泰國菜每次經過都大排長龍我哋晏晝去起碼要等半個鐘先至有位但食完就會明白點解咁多人願意烈日當空嘅時候排隊等咁耐😋雖然獲得米芝蓮推介 但係價錢可以話係相當貼地一個餐仲已經包左餐飲 佢嘅iced lime tea 同 milk tea同樣值得一試👏.🎈招牌泰式和牛濃湯河 ($138)唔好睇佢咁嘅衰樣😂 一碗麵包含咗好多心思除咗有和牛之外 仲有牛丸 牛腩 牛展😋牛肉微微透紅 口感更加係嫩滑即使連牛腩同牛展部位都唔會覺得韌每樣野都好有牛肉味👏👏👏湯底比起普遍嘅船麵濃少少 非常惹味評分: 7.5/10.🎈泰式虎蝦炒金邊粉 ($138)講到泰國名菜又點少得pad thai食完嘅第一個感覺係料多過粉🤣🤣唔好以為剩係得面頭一隻蝦 其實個粉入面收埋好多隻蝦🦐調味非常之惹味 有一點點油膩而伴碟嘅芒果絲就可以去除呢啲油膩感😋呢啲生芒果其實冇乜芒果味 不過就微微帶點甜個感覺食落幾得意😋評分: 8/10.🎈泰式炒闊河粉 (雞) ($128)同樣地係非常之足料 一碟河粉嘅配料食完都未必可以記得返晒🤣調味固然係一貫嘅惹味 好有泰國風味但相對而言雞肉就比較遜色雖然都有沾到調味料 但係肉質有少少鞋🥲係唯一嘅扣分位評分: 7.5/10.🎈總括而言餐廳不接受book位 只可以排隊等🤣冇半個鐘以上都唔使旨意可以食到🥲🥲但係一坐低飲番杯冰涼嘅嘢飲 就已經覺得好值得作為米芝蓮連續幾年推介餐廳 質素果然係唔錯👏評分: 8/10 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-21
2285 瀏覽
呢間位於灣仔藍屋既米芝蓮泰國餐廳主打船麵,無時無刻都係有條長長既人龍排隊,所以每次經過都只係望,今次我決定等佢12:00開門,點知去度都已經有人排緊隊,最後都要等左45mins先入到餐廳入面座位其實唔算多,枱與枱之間迫得密密麻麻,裝飾擺設都以泰國懷舊風格為主,感覺有d似去左泰國街邊食船麵招牌泰式和牛濃湯河見到個湯咁深色,再聞到個湯既味道就知道係泰國既船麵呀,大廚每日精心熬製, 放了多種材料同食材,再嚐一啖湯,味道層次豐富,好好飲薄薄既和牛腍身唔韌,仲有3粒牛丸同炸豬皮,麵好掛湯,成碗都好出色泰式虎蝦炒金邊粉酸酸甜甜既金邊粉好岩我口味,花生係半粉咁上碟,我就鍾意花生碎多d, 同埋佢無左平時放係隔離既辣椒粉,不過佢有辣椒醬供應,鍾意落幾多都得,辣醬都非常辣🥵泰國炸魚皮呢個有d失望,因為同平時香港既魚皮係比較厚身,有咬口同質感d,而泰式呢款就好似食緊薯片,唔似食緊魚皮泰國船麵本身係平價美食,雖然呢度既船麵真係相當出色,用料上乘,但$138一碗真係幾貴,同泰國傳統船麵平價既概念好似有d差別,同埋真係坐得好迫,好唔舒服 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-13
5091 瀏覽
香港嘅泰國菜餐廳好多,但要食好食嘅船河就唔容易。船河本身係廉價地道嘅泰國美食,喺水上市場工作嘅勞動階層食多,喺艇上食所以特此名稱。而家嘅船河做法好多,有平有貴,貴嘅甚至用和牛做配料,好似今次介紹嘅依間船河。依間位於灣仔藍屋旁邊嘅泰麵,係原本想返悉尼但又懷念香港既老闆,用左年半時間,睇左200幾個鋪店,最後揀左呢個係灣仔一級歷史建築藍屋附近既鋪位,而且灣仔係一個集合左富裕同地道、本地同外國人、新舊建築既地方,客人有年輕又有上年紀既。開業初期已經吸引左好多人黎排隊食, 2017年已經獲得米芝蓮推介, 係門口已經見到2018,2019年米芝蓮既貼紙,而今年既2021米芝蓮必比登都唔例外,係新入榜既唯一一間泰國菜。呢度既老闆兼大廚係澳洲人,先後係悉尼、倫敦、曼谷、新加坡同香港既泰國菜館做廚師,所以呢度主打既唔係fusion菜而係傳統地道既泰國菜,為左重視泰國風味,堅持採購泰國當地食材同香料,主打船河同埋創意特色小食,主廚希望透過湯河同埋街頭小食,等香港人可以試到地道嘅泰國風味。超過六成嘅食材係每日由泰國當地直送到店。-排隊🧍🧍🧍當日係星期六晨就1350到餐廳,已經見到條龍有成廿人,長到轉左個彎,排左差唔多9個字終於入到。基本上假日去食一定要排隊,如果唔想排就要佢開鋪姐係12點到去做第一批客人。店員會問定你order D咩,就會係紙圈定比廚房,同時會比返張紙你對下order左D咩。唔接受訂位,所以如果要試就要排隊,唔想排咁耐就要開門就到。-環境🪑店舖唔算大不過樓底高,不過枱貼枱坐落有啲迫身。以復古風格裝飾,有多舊家具、古老小販檔嘅陳設、泰式鐵牌等,好似小店古色古香咁,非常充滿泰國嘅懷舊風情。環境偏暗,如果影相會比較唔夠光,尤其係入面既位置同BAR枱,有幾張枱會係近室外D就會夠光D。唔計吧枱大概有26-30個位,吧枱大概有4個位。當日我坐廚房嘅吧枱,因為係開放式廚房,可以一路望住廚師煮嘢食,而家因為疫情,會每兩個位隔一塊板。上菜速度都快,大概等左5分鐘就上菜。-1️⃣ 招牌泰式和牛濃湯河💰138(👅: 9.5/10)雖然價錢偏貴但係配料多而且質素對得住價錢,個湯好飲到可以飲晒成碗所以食完會好飽肚。呢碗和牛湯河除左有幾塊和牛之外,仲有牛腩、牛丸、泰式豬皮、通菜同埋好多傳統方法會用既泰式香料好似芫荽、玉桂、八角、蒜頭、南薑、辣椒、香茅同羅勒等。和牛同牛腩食落好淋身好有牛味,和牛特別係用澳洲和牛,所以肉味特別濃,又唔會過肥,灼到啱啱好熟,食落幾嫩滑,牛腩有兩舊,好軟腍好入味,比起和牛我覺得仲好食。牛丸好彈牙好爽,而且丸入邊有牛筋粒,咬落口感豐富。泰式豬皮炸到脆卜卜,不過一浸左湯就無左脆既口味。船麵質感偏幼,夠爽夠彈牙,非常吸湯,每條都索滿晒湯汁嘅精華。湯底係每朝早就開始製作,經過六個鐘頭嘅熬製,非常重牛味,有牛肉嘅鮮甜味,帶少少椰子味,因為湯底加咗豬血、腐乳、豬骨等好多種食材熬製,所以色澤非常深同濃郁,呈黑啡色,飲落甜酸辣鹹嘅味道兼備,層次感豐富。成碗船河基本上每一部份都做得好好,因為從來未飲過咁好飲嘅湯,如果要挑剔就係河粉冇得轉其他麵。-2️⃣ 泰式虎蝦金邊粉 💰138(👅: 8.5/10)聞落香氣逼人,食落似係用茄汁炒既金邊粉,金邊粉充分吸收左醬汁,酸甜味都適中,好開胃,而且係香辣既金邊粉不過辣味唔重,因為主廚話辣只係其中味道一環而唔係全部,如果真係唔食得辣可以同店員提出。麵條唔會話炒到痴埋一齊或者邊一條調味唔均勻,不油不膩,加上炒到夠鑊氣,夠鑊氣係泰國街頭小食既重點,呢碟食落就好似係泰國食緊既pai thai咁。虎蝦好大隻仲要有3隻,用料唔馬虎,食落夠新鮮,唔會有雪味。配料有豆干、芽菜、花生、青木瓜絲、蛋絲、蝦米、泰式香草、蔥、青檸,將佢地撈勻食到pai thai應有既味道,每個配料都處理得宜。-3️⃣ 炸豬頸肉配烤番茄醬 💰78(👅: 8.5/10)炸豬頸肉份量唔小,好抵食。食落非常有曼谷街頭食到既味道,豬頸肉味道同傳統既唔太一樣,但會一舊接一舊咁食,炸得好酥脆但又唔會柴,肉汁保留到唔會過乾,味道唔算好重所以唔鹹,配上蒜酥同自家制蕃茄甜酸醬絕對係昇華。-☕ 泰式凍奶茶 💰48(👅: 7.5/10)今次依間泰式奶茶就冇得叫熱嘅,只有凍。呢杯都係用手標紅茶沖出黎,飲落係泰式奶茶既甜味,呢種甜我仲可以接受到,都飲到泰式奶茶嘅茶味同奶味,但茶香小小唔太夠,不過個味道就相對熟悉,唔會話太大驚喜。-☕ 泰式街頭椰子雪糕 💰78(👅: 9/10)雪糕用椰殼上,雪糕嘅椰子味幾重,但又唔會係好廉價既味道,食落唔會過甜。除咗椰子雪糕仲會有一塊塊嘅椰子肉,口感好爽加落雪糕食增加口感,同埋加咗甜品好少見嘅花生同粟米粒,但個配搭出奇地夾。份量都唔使係可以食飽人嘅甜品。-🌟無疑係食過最好食嘅泰國菜,最出色係牛河,之後係非常有泰國口味嘅椰子雪糕,炒金邊粉同埋炸豬頸肉都出色,但價錢唔算平,而且要派至少半個鐘先食到,但佢絕對對得住米芝蓮呢個名。要數2021年要試嘅餐廳,佢一定喺其中一間。-👅味道: 9.5/10🍴環境: 7.5/10💰消費: $180 (服務費: 10%) 繼續閱讀
(以上食評乃用戶個人意見 , 並不代表OpenRice之觀點。)
等級1 2021-07-22
0 瀏覽
咁岩係灣仔, 突然想食泰國野、 上網搵下見到間米星星推介餐廳、 因為只收walk-in 拿拿聲行過去排隊、 岩岩好最後2pair 入到餐廳仲要坐到counter位、 如果唔係坐table 位會同隔離d人太近我唔鐘意、 真係好好彩、 所以係愉快心情下都食得好開心同埋坐counter 可以睇住廚師整呢樣個樣都幾好叫左佢地d招牌菜、 最後個雪糕好大份覺得都幾抵, 因為我鐘意椰子味! 個豬頸肉好香酥, 勁好味, 反而招牌牛肉飯冇咩驚喜, 個麵既湯底都做得好好 繼續閱讀
(以上食評乃用戶個人意見 , 並不代表OpenRice之觀點。)