去 開 西 環 突 然 想 食 德 記 ﹐ 之 前 去 過 兩 次 都 覺 得 好 好 味 !
我 諗是 星 期 日 的 關 係 ﹐ 好 多 人係 出 邊 等 位 。

細小碟前菜: 鹹 酸 菜 /豆 腐 皮 (好 味 ) $8一 蝶
鹹 檸 7﹐ 男 友 話 正 !
一 碗 蟹 粥 ﹐足料﹐好味! 蟹 就 唔 會 expect 太 多 ﹐ 因 無 咩 味 &肉 。通 常 蟹 粥 都 係 甘 。 ($40)
蝦 棗 拼 墨 魚 卷 ﹐ 蝦 棗 好 味 d.($68)
素 卷 ﹐ 好 大 蝶 ﹐ 好 味 似 素 鵝 !($50)

埋 單 :$197


一 定 會 再 來 !

"德記"係香港數一數二出名既潮州菜館, 好彩尋晚只需要等10分鐘左右, 除咗本身出名之外, 伙記效率高, 食物水準高, 咁先至可以一而再, 再而三幫襯...

<食物>
"蠔仔粥 $24 - 主角蠔仔變成大大粒, 料多粥綿, 水準保持
淨鵝片 $68 - 鵝片好入味, 唔駛額外俾鹵水汁, 比灣仔鹵八好味得多
豉油汁鱔球 $68 - 無論賣相同味道都同樣吸引, 鱔起骨後啖啖肉, 不膩不熱氣, 極力推介
大地魚炒芥蘭 $48 - 大地魚較咸, 要跟菜一齊食, 但今次菜就炒得太乾, 口感略差

2人共消費 : $220

經人介紹,老遠走到來一試,唔清楚環境所以訂左位,6:00pm第一輪 到左馬上有位

餐牌好多雜誌的報導所以加強了信心,人不多所以叫既野食都少d, 只叫左肉碎蠔仔粥一鍋,炸蠔

餅,卥水鵝+秘製梅子燒烏頭,仲有鹹檸7..d野食份量好夠..而且料足..蠔餅新鮮炸出來非常美味...卥

水鵝都好入味..蠔仔粥加左方魚係入面倍感芳香..燒烏頭開頭都怕有d腥..但鍚紙包住打開後食落

又冇腥味..反而梅子醬個種酸甜味更能帶出口感...唔怪得好多台都有叫...又可以一邊食一邊睇電

視..人生一樂也!

德記我都去過幾次，佢嘅質素向來唔錯。上次幫襯仲係舊鋪，今次嚟到新鋪呢度，地方大咗，好有新鮮感。今次大家得閒，我一早訂好位，就同D朋友聚一聚，擦番餐!

味道方面，今次叫咗幾道菜式，菜式味道均不錯!食物包括:
(1)家鄉煎蠔餅:食落去好多蠔，好豐富!
(2)家鄉炸蠔餅:同樣多蠔，不過炸就香口D，所以個人中意炸多過煎!
(3)胡椒豬肚湯:料都足，不過冇以前咁有胡椒香!
(4)蝦棗拼墨魚餅:味幾好同埋有D脆口!
(5)脆皮炸子雞:真夠脆，皮香肉算嫩!
(6)欖菜肉碎炒四季豆:鹹咗D，但惹味!
(7)鹹魚雞粒炒飯:普通，同埋不算大碟!
(8)白飯:叫咗幾碗嚟送餸!
環境方面，比舊鋪大咗，坐得算寬敞，不過開業時似乎冇乜裝修(裝修同上手南北嚼差唔多)，同埋較昏暗!
服務方面，D待應都算有禮，係其中有個較黑面!
衛生方面，碗碟算乾淨，廁所麻麻!
抵食方面，叫咗咁多嘢，500蚊左右，唔算貴!

整體唔錯，又可以同朋友坐好耐!如果中意食潮州菜，可以一試!

自從搬左來新店既呢一段時間都未來過! 今次去到新店前訂定位...門面真係靚左好多,...冇改變既係一樣咁多人係出面等位...已經係晚上9點...-.-好可怕的功力..

有訂位等一陣就有位座...今次坐左係廂房入面...途中經過其他台..見到d人叫既野食已經流晒口水...
坐定拿拿聲叫野食...

蠔仔肉碎粥: 多粥多蠔 好好味 仲有d大地魚定唔知方魚既魚 好香..
炸蠔餅: 非常脆 而且食落口唔會太油感...蠔仔份量都夠..
墨魚餅拼蝦棗: 加埋個醬 非常出色
川椒雞: 普通啦, 唔夠其他野出色
卥水鵝例牌: 想叫半隻..但驚太多...雖然好好味..但最後証明決定冇錯..
不過真係食完令人好懷念

環境坐得唔迫..氣氛非常熱鬧,四周感覺打成一片..因此食得非常開心..
但想食一定要訂台 或食早場...否則真係有排等
侍應大部份係伯伯同一d阿e...唔好睇小佢地..好多都熟手技工..而且拿野拿到成層咁高都冇問題...反應都好快...而且我地唔明既小菜 佢都會解釋得好清楚..

其實仲有好多野想食,例如梅子燒烏頭魚..風沙雞..燸米大腸個d..但真係人太少...
所以想食多d..真係要多d人先可以...點都好 下次再來搏殺...今次真係太飽....

唯一唔好既我只能諗到係交通..始終係西環.-.-真係遠左d..特別係住九龍新界..來一次都幾辛苦下...但要食好食既野..就要付出..

極速父親節晚餐, 1750左右到等位, reception好串咁話冇book枱就等下睇下有冇人過左時未到同埋最重要係齊一半人 我完全明白我地冇book枱係一定要等~不過佢o既態度好差, 真係想即肯走人

1815入座, 1915前要還枱~~ what a mess~~~

冇咩菜式可以order, 因為佢地pre-set左一d set同一版o既菜........請睇相~~~

最後order左:

鵝片$75, 必食item...........好味........我地多數order片.........因為可以啖啖肉, 當然會貴d啦~~~ 但都有附送少少鹵水豆腐!!! yummy!!!

金菇瑤柱勝瓜甫$68, 原先以為係一個個圈o既勝瓜入面釀住一粒瑤柱, 點知完全唔係o個回事~~~oh no~~~被誤導 唉~~~佢上到枱完全係一pat pat咁, 好失望啊~~~ d金菇同d瑤柱又"散收收"咁

潮州炒魚麵, $55 細碟到無話可說~~~ 唉~~~ 而且配料又少~~~ 原先想order紅色o個個麵食, 不過見menu冇又費事問, 而且又得一個鐘食添~~~ 你知啦~時間緊迫嘛~~!!!

草草了事o既一餐, 令我慨嘆香港人o既厲害程度..........
唔通真係好又一餐唔好又一餐???

節日正日真係唔好出街食飯啊~~~

是日夜晚一行三人到屋企附近o既德記開飯
去到果陣已經見到唔少人o係道等位
最後等o左半個鐘左右就有枱
不得不提o既就係, 佢個speaker真係好大聲
每次一嗌號碼都好刺耳

事關坐o係出面無野做
所以一早就睇定哂菜牌
一入到去就即點菜:
大眼雞一條, 炸蠔餅, 火腿絲扒娃娃菜, 炸子雞同糖醋麵

先黎兩碟前菜: 豆乾同酸菜
同枱果兩個唔太好後者
所以我就一個人獨吞成碟酸菜
好爽口, 酸度適中, 幾鍾意*

- 火腿絲扒娃娃菜
成碟感覺好統一
將娃娃菜切成一條條
同一條條o既火腿絲好襯
本身娃娃菜調味唔算好多
所以夾埋火腿絲一齊食就剛剛好

- 炸蠔餅
反之我就覺得呢碟就唔算太好味
入口o既炸粉蓋哂d蠔味
最突出o既莫過於佢o既咸味
無沾任何魚露已經好咸
沾埋d魚露, 仲咸

- 炸子雞
上枱好靚, 又紅又綠
半隻炸子雞旁邊放滿炸過o既紫蘇葉
食落都唔錯, 個皮好脆
雞肉都好嫩
但係可能隻雞肥美o左d
再加上係炸o既
所以感覺有d油膩

- 大眼雞
唔算好鮮甜, 肉質有少少柴
原本預期佢會俾辣椒豉油我地沾黎食
點知無, 最後問佢拎o左碟辣椒油同樽豉油
即場自製辣椒豉油

- 糖醋麵
最後上場o既一碟菜
一邊脆, 一邊林
灑上少少砂糖
沾上少少醋
食落好過癮

點解要讚前菜呢...因為我亞媽冇乜牙力, 食唔到花生, 而且菜甫味不會過咸過甜 $16

香芋雞粒玉子豆付 $48 芋頭很淋, 雞粒一食入口是急凍貨色, 其實是否香港食店已經不會用''冰鮮'' 肉來煮菜呢 , 個獻適中不會過杰過稀過咸但玉子豆付過咸

燒梅子烏頭 例$78 但都唔細條嫁, 我自己去街市買都要$25/條, 酸酸的最好配白飯

大肚婆炒飯 例$28 是用薑粒, 雞粒, 蛋來炒飯的, 薑(切得很碎+細) 味炒得頗勻但唔夠薑, 雖然未致於炒得很乾身, 但並不是話佢炒得很濕, 而且油的份量適中; 我落單前問過這碟飯有幾多份量到, 佢地話有3碗白飯咁尚下, 我地只有3個人所以便ORDER 了這個, 但其實都有3-4碗

服務唔錯, 我同佢地反映玉子豆付咸, 原本想叫佢地唔好入D 咁咸的貨 (我以為玉子豆付是現成買回來) 點知個部長話是師傳自己調味的, 會叫佢地輕手少少, 咁話明白現代人少鹽少糖, 但我卻告訴他不是少鹽少糖的問題, 如果那個菜式應該是那種咸度便要配合番

我覺得這晚ORDER 的菜式應該是配合白飯好過大肚婆炒飯

咸檸七 $13 /杯 , D咸檸真係幾咸

因為是平日 (非假日) 所以不用加一亦都免茶

拼鵝片尚可

豬肚湯味濃

川椒雞一流

蒸鱔亦不俗

炒魚麵美味

煎蠔餅普通

鹹檸七：每人一杯。個人認為中環某店較好

脆皮糯米釀大腸：豬腸中釀入糯米、花生、蝦米、瑤柱碎、栗子、臘腸等的材料，雖然吃起來都幾肥下，但陣陣的糯米飯香非常吸引，我也淺嚐一件，感覺頗特別，最重要的是內裡的材料還很爽脆，不會煮得淋晒

碧綠川椒雞：人地專登叫比我架，哈哈，辣野岩晒我，由於無咩人嗜辣，差唔多都係我負責晒，微煎炸過的雞肉不會鞋，還保持其肉汁，都夠辣喎！

潮式拼盤：有墨魚卷、炸蝦棗、素卷、海蜇：整體味道不錯，多人的話嗌兩盤吧，這個好搶手！呵！多款選擇中最受歡迎的是蝦棗，金黃的炸蝦棗炸得很香脆鬆化，蝦味濃之餘還不會太油膩，蝦肉爽口彈牙，可吃到一些馬蹄粒、肉碎和蛋碎，必定要試！

潮式糖醋伊麵：由於本人不愛吃飯，所以這個麵麵吃了不少哦。甜甜酸酸的伊麵，普通得來很開胃，麵質剛好，我愛！

香酥芋茸鴨：這個炸得金黃香酥，可酥香卻不油膩，多吃幾件也可，但吃了咁多煎炸野要多喝水哦，哈

自從德記搬去新地點之後，因為地方大了而且環境比舊店好，所以都差不多一個月會光顧一次。
今次叫了個2人餐，$198再加一杯咸檸7$1x 以及1碗蠔仔粥

小黃瓜+海折頭 - 普通貨
豆腐拼鵝腎 - ok味道
胡椒豬肚湯 - 夠分4-5碗分量，胡椒味可以再加多些
川椒雞 - 正~雖然比較油
蟹肉扒豆苗 - 都不錯，蟹肉都比較多
咸檸7 - 自家推介飲品，其實檸根本就不咸，不過就沖淡了7up的甜味
蠔仔粥 - 非常足料而且$24的份量很多，味道一貫好味

如果不是今次懶惰，其實散叫更加好。不收加一，不過就有$8的介菜收費。

以往我會叫鵝肉、川椒雞、蠔仔粥、沙嗲牛肉炒介蘭。德記不是一間十分精緻的菜館，味道亦不夠尚興好味。但就勝在很街坊感覺，而且味道價錢成正比，所以多年來都有很多人光顧。

年廿八嘅團年飯

知道嚟德記食都開心d, 好過去食普通酒樓小菜, 不過冇第一次食咁正
我地大約十五人, 食咗唔係好多, 因為要留肚去小甜谷食甜品

1) 鹵水鵝拼盤(大): 鵝肉好食, 夠鹵水味
2) 墨魚拼紅腸: 完全唔特別, 只係紅腸 + 墨魚
3) 蠔餅: 鍾意食蠔餅嘅人會鍾意, 我就一直覺得蠔幾腥, 麻麻
4) 蝦棗拼墨魚餅 : 墨魚餅完全食唔出係墨魚, 只知佢係deep fried, 又硬, 唔食好過食, 蝦棗冇食到
5) 芋頭雞粒玉子豆腐: 呢個係我喺德記嘅favorite! 玉子豆腐好滑, 撈飯一流~
6) 椒鹽九肚魚: 炸得夠鬆, 幾好食
7) 紅燒鱔球: 鱔幾韌, 一般
仲有叫啲可樂橙汁啦....

total $1000 有找

今天在朋友家大戰四方城後
一起到他們家附近，在西環赫赫有名的德記吃晚餐
雖然巳經訂座，到德記還要再等上半小時才有位子
還好朋友S在我們還在開戰時，早就先下樓拿位子

巳經是晚上9點，德記還是爆滿
門口還有一堆客人在等位子
果然是西環名店！

每桌奉上前菜三小碟
有椒鹽花生、豆卜菜莆及鹹酸菜
鹹酸菜酸酸鹹鹹的
一坐下就被我們幾個女生吃光了
豆卜菜莆則有點甜膩

一行六人點了：
- 炭燒梅子烏頭
- 鵝片
- 煎蠔餅
- 欖菜肉碎炒四季豆
- 糖醋麵
- 蠔仔粥
- 蒜泥炒芥蘭
- 鹵水豆腐

上菜速度很快
飢腸轆轆的我們當然一點也不會客氣，呵呵~~~

炭燒梅子烏頭以錫箔紙包好，以梅子醬淋滿烏頭魚上
烏頭魚肉質鮮嫩沒泥巴味
沾上酸甜適中的梅子醬，很是醒胃！
烏頭魚魚肉很容易拆開，每一口都是嫩嫩的肉，好好吃唷~~~~
一整條烏頭好像都被我吃掉一半了

鵝片一小碟，沒吃到所以不知道味道如何
鹵水豆腐入味非常，皺皺的豆腐皮裏是嫩滑的豆腐
美容的嚕！

煎蠔餅一份兩大片，疊在一起很有份量
煎的金黃金黃，卻不會油亮亮的
蠔仔給的很大方也很大一顆
不過沾醬用的魚露有點過鹹，隨便沾一點點就好

欖菜肉碎炒四季豆很惹味
不過肉末有點過鹹，這個小菜用來配白粥吃最好

一大窩的蠔仔粥可以分成約8小碗
湯頭很鮮，烤過的大地魚乾脆脆的，比尤魚乾還好吃，呵呵
肉末不像坊間的用上大量肥豬肉，所以吃的安心多了

蒜泥炒芥蘭平平淡淡的，沒有蒜香味
後來才知道有魚湯浸時蔬，後悔沒點這個！

糖醋麵最後上場
煎的乾乾脆脆的麵餅，切成8小份
沾上白糖及黑醋來吃
朋友們吃完一片再一片，啪滋啪滋的聲音
應該很不錯吃的嚕

好久沒吃潮州菜了
非常滿足的一個晚上
謝謝S的請客！

第2次去，因為朋友生日！
叫了8樣野，我主要講下幾款餸，蠔餅，枱枱都有叫，但我等咗成30分鐘先上，炸得好勁，好多粉，蠔反而唔多！
另一碟係鹵鵝片，唔係大碟，切得夠薄！
炒飯好一般，但夠多菜！
胡椒豬肚湯，料超足，又係鹹的！
服務差，你一食完就有侍應叫你走人！

記得上一次黎既時候已經上年既事, 當時德記仲未搬, 一定要六點前到先唔洗等位, 所以今次黎我地都特意早少少. 黎到先發現原來德記搬左去隔離街...

二個人, 食唔到D咩, 所以只叫左三樣餸..

潮州蟹粥
滷水鵝片
炭燒梅子烏頭

蟹粥好足料, 但蟹較細, 無乜肉, 但都好鮮味!
鵝片肉唔韌, 滷水汁好好味, 其實係為左滷水鵝而黎...
烏頭個梅子汁酸酸甜甜, 魚肉食落感覺好新鮮. 成條魚都幾大條, 多兩個人食好D~~