第一百篇.就寫名店

名店服務差.就一定架.......
首先環境..好迫,會有一種唔自在感覺...
食物都正的.馬拉榚好鬆軟....鴨米的鴨勁甜好正......
出名.佢都名不虛傅.....

同honey 已經在元朗食到飽 飽, 但是難得到 元朗, 又好想試 大榮華酒樓 出名的奶皇馬拉糕 , 於是買一客外賣作 下午菜.

阿姐話　沒有一件賣, 要買夠一底~ $58

等了 15mins, 好期待的心情 打開 外賣盒~ 嘩~好大件好多件~ 足夠8 人份量.

有 香 味, 但是 味道 偏淡, 不夠鬆軟, 奶皇又不滑, 令我 有d失望，只會 試 一次，好普通 的奶皇馬拉糕. 只是　大大件～　有ｄ　貴～　吾抵食!

友人推介 New York Cafe & Bar，不過榮華呢個老牌 brand name 以及它的豬油飯更吸引我。

要 6 位先有得 book 位。

我地 3 位要等位7:30pm 多黎到等到8pm就有位。

過百款圍頭菜每款都係 $52 咋。

叫了：

砵仔飯 ($9) 一碗細細的，參考食友推薦，用1/4湯匙 豬油及豉油最香。

圍頭五味雞 (一隻) 我以為得半隻，原來有成隻！好飽呀， d 肉質好嫩又不會太水，唔知係咪蒸過。五味就食唔出，但佢同豉油雞無乜分別。

梅醬一字排 - 完全唔似叉燒 - 佢係金沙骨但較乾身同個醬酸酸 mei mei 幾醒胃。

金沙蟹粉扒西蘭花 - 唔係用蟹柳而真係有 d 蟹肉係度，不過有 d 粗，因為蟹殼都仲係度。咸蛋味不重，所以不咸，我仲想佢輕輕濃味少少就得。

奶皇馬拉糕 (8件) - 即叫即蒸出黎的，所以要提佢上。無想象中的好味，奶皇味唔夠呢，同埋好快凍番。

甜品有麥米粥送 - 少少甜，但多豆幾得意。但我本身想食綿綿冰，所以留肚。

呢度 d 服務幾好架。

聽講食神滔滔係老闆，攪得唔錯，好抵食又好味，第時會再黎過。

友人為左要入去食涼粉，於是去了大榮華醫肚先。

為左方便有位關係，就食六點既早輪晚飯。兩位友人早去攞位，我和另一位友人隨後到。

四個人點了四個菜:

燒鴨
梅子排骨
面鼓西生菜
土釀鯪魚
蒸飯三個
另加一渣橙汁 - 四杯份量
酒樓會送糖水

以老牌酒樓黎講，我不嬲都覺大榮華係咁多年黎都能保持質素。所以佢係人龍酒樓係無可置疑既

發覺自己有時真係幾懶, 明明次次食飯都有影低相, 預備食食評, 結果到宜家都只係得幾篇= =. 同埋幾乎寫親都係好食果d(除左一間, 果間真係超差, 想知邊間可以睇番我之前寫果d).

上個星期日入左白泥釣魚, 不斷落雨, 結果零漁獲. 好彩大榮華都無令我失望~ 七點半左右去到大榮華, 是夜竟然不需等位就直接入座, 一個好開始的晚餐.

總共6個人, 叫左1羮8餸+馬拉糕. 飽到差小小反肚. 未講野食, 就要先讚一讚果度d侍應, 服務非常之好, 真係我加左唔小分.

講番食物,
栗米魚肚羮 - 唔計阿媽整的, 呢個係我試過最正的. 如果你平時都喜歡, 必試!!
乳香酥炸鱔球 - 我怕鱔多骨,所以無試, 不過呢碟餸都俾我d朋友清晒, 應該唔差.
香茜燒米鴨 - 阿姐強烈推薦, 我自己覺得, "ok la".
圍頭五味雞 - 好咪, 隻雞d肉好嫩, 不過我自己就只係食到豉油味, 究竟其實有邊五味呢?
拖地叉燒 - 肥瘦適中, 不過食落好似老左小小
鳳凰蟹肉炒長遠 - 又係阿姐強烈推薦, 不過食落普普通通, 唔算特別好食
炸軟殼蟹 - 呢個整得好油, 唔好食, 勁唔好食
鹵水拚盤(豆腐&蛋) - 真係好入味, 所以覺得咸左少少
豬油撈飯 - 第一次撈, 所以整得太咸, 我自己就唔太中意豬油味啦
奶皇馬拉糕 - 好好好好好味呀, 必食!!!!

下次有機會要再係茶市時間黎一次, 食下佢d點心!

10月1日國慶那天，同mi入了元朗大榮華飲茶。雖然已是下午二時多，但仍有不少人在等位。不過，由於我們肯搭枱，故等了約十五分鐘已有位坐。

看看點心紙， 見有很多懷舊式的點心，但落單時，因已是兩時多，故最後只點了出名的馬拉糕、蝦餅、咖哩牛筋及牛栢葉。由於我近期四處找好吃的馬拉糕，故對這裡"出名"的馬拉糕十分有期望。但當送上枱後，見是淺黄色並有奶黃的，心裡已扣了分（純屬個人喜歡傳統深黄色的囗味有關），一夾下去算是鬆軟的，入囗亦有奶黄的香味，但咀嚼幾啖後，就"出事"，因好似整個囗似食緊一啖粉一樣，味道還可以，質感真是差。

而咖哩牛筋就有牛肚及蘿白一齊上。咖哩是典型中式酒樓的味道，牛筋腍亦有咬囗，算好味;但牛肚及蘿白就不入味及靭。蝦餅方面，經過頭兩樣野後，都不抱期望。然而，降低expectation，亦不一定代表可收貨；這蝦餅真是完全無蝦味，入口又較油，連一般的煎魚餅都不如。

最後碟牛栢葉終於送到，這時心裡只想盡快食完走人。結果，這牛栢頁亦不失我所望，真是......腍到呢......有點霉!

柜面找數一百元有找，即場有個街坊買了半打馬拉糕走...oh well.....good for her...its national holiday!

more comments and share our dinning experience, pls visit:
http://hk.myblog.yahoo.com/mianddi-home

住在九龍的我，被「大榮華酒樓」的名氣吸引我去試一試他們的「美食」。
我們2個人去食下午茶，沒有揚名的「豬油撈飯」，於是唯有食點心，
我們點了生菜、蝦餃、燒賣、牛肉及蓮蓉飽，
可是呢幾樣都平平無奇，
雖然唔係難食，但亦唔見得特別好味，
它的點心與出面普通酒樓無異。
或許是我對名氣食店的要求太高!?

最近愛上左飲茶呢個活動，純粹係因為ｄ點心太好食，

加上下午茶分分鐘仲抵食過好多快餐店。

兩點正開始下午茶時段，隔離一早寫好張紙，一開咪就舉手，勁！

點左：　蝦餃，燒賣，豉椒味菜鮮魷飯，奶皇馬拉榚，蓮蓉包

先黎豉椒味菜鮮魷飯，大大碟，廿九蚊，抵食之選，味菜酸咸甜有齊，唔錯！

奶皇馬拉榚，重馬拉榚味，少少奶皇味，勝在夠鬆軟

蝦餃，燒賣，普通貨色，蝦餃多旬，燒賣多豬肉

蓮蓉包，正！有驚喜，蓮蓉有少少流，唔太甜，好味！

３個人食，埋單８０蚊（識人免左茶芥），平過食ｍ記！

和友人們的生日飯，1930開始等位，等到2015才有位，頸都長。入座前已點餸，因大家已好肚餓了。

水準依然能保持，服務員的態度佳，忙中有禮，而且很樂意為我們為我們拍照，十分好。不過今次最失望是馬拉糕，希望下次再來時可以改善。

這間老字號酒樓，只收現金，不設訂枱，就是喜歡它夠型!!價錢合理，服務好，出品得，住元朗真好!!

屋企都係無人係到．
又要諗下食乜嘢．
今次就想試下呢間老字好:大榮華．
都好耐無黎囉，睇下好唔好食先．
我Order左以下既菜色．

砵仔飯
好香，正呀．放埋D頭抽同豬油落去，成個世界唔同哂．好食既話，肥都無所為．

家鄉梅菜扣肉
呢味做得唔錯，同飯一起食夠哂味．肥就一定架啦．嘻

南乳燒雞
呢個唔得，唔係難食．只係用賣唔哂既雞，再張佢返炸做燒雞，我接受唔到．

白飯
幾香，都好食．

紅豆沙
送既．好過無．味道就真係一般．

老字好都算保持到，唔係每樣都做得好好食．睇你識唔識選擇啦．
味道就真係幾好．最正都係D飯．嘻．．．

來元朗咁多次都係食壽司~
今晚約埋幾個朋友仔一齊嚟大榮華食DINNER
一向都愛食奶皇馬拉糕既我~
今晚終於可以一嘗它了

五個人叫吴以下食品' 大部份食物係 $55-60元一個餸~

五味雞 ~ 真係幾好味喎, 雞肉嫩滑 幾有雞味呀~
蟹肉長遠~ 超揾笨呀~ 得少少蟹肉炒粉絲, 一點也不覺好味, 仲話係出名菜之一.....
金銀蛋莧菜~ 煮得太耐, 變咗色~ 味道一般啦, 沒有特別呢~
梅子一字骨~ 呢個即係= 义燒骨上面淋上梅子汁, 都幾好既~
豬油撈飯~ 我無落油, 因為怕肥呀, 只係淋上豉油, 佢吔既豉油都幾好味架~ HEHE

因為好似不太飽, 所以叫咗 义燒手工飽~ (阿姐話好味喎,不是一般酒樓既义燒包皮, 係北方人既饅頭皮喎)
既然阿姐推介比我吔, 我吔就信佢啦~ 試咗一籠有八隻, 果然好好味, 饀料不是濕淋淋的果種, 但我不知怎形容出來~
一句講晒, 好味道~ 我食咗差不多二隻呀..... (沒有肥肉... GOOD AR)

奶皇馬拉糕~ 終於出場既馬拉糕, 點解由高至低既~ 即係有些大件有些細件.... (又揾人笨???)
真係好香蛋味同柔熟呀~ 第一啖食落口,好似以前細路女時食媽媽蒸既雞蛋糕咁... 好好味~ 好懷念的味道~

整体係OK, 但佢最出色既嘢都係五味雞, 馬拉糕同义燒包喳~

(A) 規定要早1日, 親到大榮華俾訂的濃湯雞排翅 $550 (8兩).

都幾麻煩 ...... 要抽時間去俾訂, 才有食.

咁巴閉, 以為應好好.......誰知......個魚翅好差好咸.

魚翅不彈牙, 湯底好咸 ...... 失望!!!

(B) 波士頓龍蝦都幾爽口, 都ok

(C) 5味雞 .... ok, 分量足

(D) 鮑汁脆皮豆腐

一點鮑汁都沒有, 豆腐不脆.

(E) 砂鍋紅酒燴牛仔骨

個汁好差好杰, 牛仔骨沒肉味.

(F) 椒鹽羊架

好味 ..... 正

(G) 馬拉糕

全場最好 GOOD

ps: 送的湯水 (麥米粥) : 太甜 .... 可以不要.

唔明點解，碟碟餸都同老闆個 size 一樣，勁！所以，七人只叫了五個餸，個個都飽晒 ．．．．．．仲未試到 “焗魚腸”

豬油撈飯：只是加了半湯匙豬油，已經好香；加埋頭抽，必食！
金銀蛋莧菜：正常。炸蒜頭，送飯正!
圍頭五味雞：用雞碗上枱，本身味道已足夠，可以唔使加蔥油，但Ｄ蔥油又可以撈埋飯添。
菠蘿生炒骨：用半肥瘦肉整，正！
ＸＸ金沙蝦：估你唔到！Ｄ“沙” 唔似出面加多多油落去炒，呢度薄薄一層，食起o黎好濃鹹蛋味，正！
梅子麵醬烏頭：熟o左少少，肉質唔夠滑；但個醬汁調得幾好，同條魚咁夾。
麥米粥：加o左我最喜愛的眉豆，份外美味

下次叫多Ｄ人，試多Ｄo野！

今日Mummy生日，一家人晨咁早就渣車入元朗大榮華飲早茶。可能係間野實在太出名ge緣故，九點鬆 d上到去居然要「搵位」。 話時話都好耐冇試過「搵位」飲茶lu~好彩唔洗點等，但係我地走果陣就好多人啦! 建議大家weekend最好九時前上樓。

雖然係「名店」，但係d點心份量一d都唔細。我地一家4口叫左10碟野，最後都食唔晒呢!

鮮蝦腸 ---------- 唔差ge，而且唔係特別貴，但亦冇咩特別
節瓜瑤柱甫 ---------- 用料新鮮，肉碎唔會呈糊狀，正!
沙姜雞腳 ---------- 一籠竟然有7-8隻大大隻! d雞腳本身已經好入味，所以唔點沙姜汁都ok
胡椒豬肚湯 --------- 好明顯唔係湯，不過用料比一般酒樓上乘，豬肚食落唔會有雪氣，堆頭亦夠!
煎鮮竹卷 --------- 完全喜出望外 煎比湯浸好食N倍! d料又係靚野，必食!
招牌馬拉糕 ---------- 初頭見佢細細舊有d失望，不過食落確又真係幾「對板」。依款點心ge精粹係「香」而唔係一般貨色ge「甜」，值得一試
大包 ---------- 係懷舊野，好有「內涵」ge，包括雞翼、叉燒、火腿等。好足料但幾個人食分唔勻，一個食又太飽肚。難怪買少見少啦
京都菜肉包 ----------- 一般水準，雖然餡靚，但皮唔夠薄。
茶果 ---------- 係特色夥來的，一試無妨。
牛柏葉 ---------- 唔韌唔重味精，ok ge~

大家如果plan得好d入出飲茶兼遊元朗，咁過weekend都唔錯嫁!

今年既父親節有點不同,沒有妹妹,只有4人的晚餐
更重要既係和弟弟已完成了AL,鬆了一口氣

同往常一樣,去了生日同各大節日慶祝的地點-大榮華.
經過多次經驗,已經知道一定要早黎,唔係有排都冇得食
是日5:30已經拎左籌,又拎左點送紙,果然等到差唔多8點先有得食

叫了7碟送,1個豬油飯(小女一人獨食),1白飯,1渣洛神花蜜,和3枝啤酒

炸門鱔-粉漿好厚,未能接受門鱔既味道

金銀蛋莧菜-(不在$52菜式內)皮蛋很足,而且同蛋,莧菜既味道好夾,唔會太鹹

香茜燒米鴨-半隻,皮脆,燒得岩岩好,唔會太多油,冇油膩感

西芹炒班塊-係多碟送入面最少份量既一碟,略嫌多油,而且班塊真係好少

鹵水吊桶-小女最愛,每次都必喊,吊桶爽口,而且未點醋之前既麻油芝麻同豉油味混合真係好好味,點醋後係另一種味道,強烈推介

鹵味拼盆-有豬耳,鹵水豆腐同豬腸等,未至於好食,合格

薑蔥抄魚雲-唔太多油,炸得幾乾爽,薑蔥不多,完全唔似大排檔果D只有2,3件既魚雲煲,味道不錯,小女對上次都有食

豬油飯-用個砵裝住,D飯熱辣辣,頭抽同豬油各一枝俾你自己撈,幾好玩,但由於小女係唔多食飯既,唔多覺得好好味,

洛神花蜜-小女至愛,本身係好甜既飲品,但加左幾塊檸檬,中和番,美味!而且有美顏功效

晚飯後附贈既花生麥米粥係我食過最好味既,皆因佢落左D薑去煲,令D個糖水唔似坊間既咁甜

今次因為點得太多冇食馬拉糕,但係若果各位黎到一定要試下,真係好鬆軟

4個人當然食唔曬咁多,最後真係要打包拎走,食飯時同爸爸傾計,發覺佢真係好關心我同弟弟,果陣未放榜,希望考得好令佢唔好失望,宜家放左榜,我真係好希望有大學收,到時再黎過食餐慶祝飯啦