香港人最喜歡平靚正, 大件夾抵食, 看到沾仔記的受歡迎程度便略知一二. 這家以前也是 '大大粒雲吞' 的始創者, 但和今天市面上的相比, 也算是貴精不貴多了.

午飯時間到達, 門外有人在等位, 但幸好及時有人離座, 可以立即進內. 內裏格局有點舊, 但是乾淨企理. 坐了卡位很闊落, 但看到店子中間坐圓枱的人則有點擠迫的感覺.

店內有牛腩, 叉燒, 豬手選擇. 我只點了一味鮮蝦雲吞麵 ($30), 約五分鐘後送上.碗子的確是不大的, 不過在這家店已是預料之內. 對面坐的食客點了豬手麵, 分量好像大一點. 不過, 整體分量應不足以滿足一位男士.
麵餅放在頂部, 以免被湯浸稔, 有心思, 是老牌麵店的慣常做法.

我喜歡吃麵前先喝口湯. 有大地魚香, 不錯.

麵條是有嚼勁的那種, 蛋味一般, 鹼水味低, 整體不過不失.今次的主角藏在碗底. 雲吞其實不小: 當然沒有沾仔記那樣, 但好像較同樣是老店的麥奀記大. 不過論精緻度, 這雲吞的尾部不太美觀, 整個扁扁平平的, 觀感差了一點 (除非閣下喜歡大大粒的快感). 裏面真的吃到原隻的蝦, 鮮味十足. 不過其實我希望雲吞內可加點豬肉會更好.三兩口便把這碗麵幹掉, 雖然店員阿姐們沒有催趕的意欲, 看到門外的人群也就不好意思霸佔坐位, 結賬離去.

整體感覺是不錯的. 下次再試試豬手麵如何.

這家麵家有很耐歷史了，我小時候已開始幫親，是長期客仔😋

他的雲吞雖然細細粒，但很爽口，很好味，咁多年也保持水準，非常好👍

不過不知是否食材貴，麥文記也加了價，其實當中已加了不少次，但只要保持水準，我也會樂於接受，但相信今次加了價，卻又換了供應商，麵條沒以前的爽口同彈牙感覺，鹼水味也重了，可能這是我不喜歡的鹼水味，苦苦地，所以感覺很差，我仍會幫親，但只會食淨雲吞而放棄了我的最愛=雲吞麵！😢希望老闆可用回以前一樣的麵條吧！！

三點半左右入到去
都幾多人 仲有幾台外國人
我都估到今餐實有好野食!!!
叫左個雲吞麵
純粹為食好野而食 唔系想食飽
3~4分鐘後 牛腩麵黎左 個碗超細
D麵幾有咬口 不過可能兩啖已經食得晒
但系D牛腩好入味 大約有6舊 正!!!!
萬眾期待既雲吞終於黎左
睇落去唔系好大粒 但系食落去先正
你真系會食到入面有原隻鮮蝦!!!!
D蝦既肉仲好爽 真系勁正
我覺得咬完一啖 浸落湯再食系最好食!!!

哈哈 有機會一定會再黎拜訪依度既雲吞

個日經過佐敦，睇到另一面既佐敦，
搵食經過呢間鋪面是正既舊式麵鋪，入去試一試。
十分知味！係卡位坐低，望一望佢貼左餐牌之外，亦有雜誌介紹。
雲吞麵、豬手麵、蠔油……
見價錢相宜，就點左碗雲吞麵。比較多有歷史既麵鋪都係用呢種相較細既碗黎盛載食物。
套用簡介「食家要係「好食」同「夠食」之間選擇。」
但對我個人黎講，呢碗係both!!

上菜個時，睇黎出佢地係先放雲吞後放麵，所以要額外攪起雲吞上面影相。
話明「雲吞麵」，當然先食雲吞 後食麵。
雲吞包法相當好，無鬆散既漏汁跡象，但亦爽口，雲吞大小適中，蝦味十足，總之就係好食！
麵食得出同其他出面既唔同，冇梘水同煙韌，但我個日就有韌左Ｄ。
湯比較清，唔知算唔算特別。

食到一半先望到雜誌額外介紹佢既蠔油，通常要拌油菜，
由於budget有限，只單叫一碟蠔油。
唔係講笑，可能係本人孤陋寡聞，佢個碟蠔油我真係食到蠔既鮮味同蠔味，Jesus!!
食野食左廿幾年先知咩係蠔油，真係無介紹錯！！

由於呢蝶仔蠔油比較大碟，我之後用左黎撈麵。

有機會再番黎試其他野！相當不錯既經驗。

坐位比較窄，但唔算太差。
舊鋪頭要有心理準備關於佢 服務，但我覺得只要佢無乜話特別HASH，完全可以接受。
小小價錢，又要好食又要好坐又要環境服務好，係咪太貪心呢？

價錢適中，唔知點咩既牆上面有雜誌介紹。

午飯時間，不想吃得太多，所以走到這麵家，品嚐有名的牛腩河。雖然份量不多，但勝在好味道。牛腩味道很濃，很腍，真是食過番尋味！

而河粉的軟硬度也夠適中，配合牛腩的濃味更是絶配。

同桌的有一位來自澳洲的親戚，叫了一碗撈麵。他用英文說太乾，但侍應叔叔竟然將一碗豬手汁送到，並用廣州話說可以加一些汁來調味。不知是巧合，還是叔叔的英文了得，在應該的時候用了該做的事，扺讚。

已經想吃這店很久了,今天接女朋友仔放工後便去試一下吧.這店高朋滿座呢,要等一下才能夠進內啦,為了吃好東西便等一下吧.
座定定看一下有什麼東西吃.我當然是吃最愛的雲吞麵了,而女朋友仔點了水餃麵呢,也好可以交換吃.為了健康便再點一客蠔油菜心好了.這店菜跟蠔油是分開計算的呢,要加一元的蠔油費啦,呵呵XD
在等食物的時候看一下顧客,大部份也是遊客啦很有趣呢.轉過頭食物也來了,快點吃啦很肚餓呢.先吃一下雲吞麵吧,看不見雲吞的雲吞麵是很正宗的煮法不要見怪,吃下去第一個感覺是這真的是手打麵嗎?可能放久了影響了彈牙感呢,但仍是不錯的.而湯底也是典型大地魚清湯,略嫌鮮味沒有想像的強而已.而雲吞便真的無話可說啦,我未吃過那麼大隻蝦的雲吞呢,不止鮮味而且也大粒啦,很回味便是了.@v@而水餃跟雲吞的分別是多了一份爽口感,因為有木耳絲啦.而蝦也好像是比較小隻的,但鮮味仍在,也是值得嘗試的呢.=v=菜心倒又怎樣了?菜框很粗呢不易入口,幸好應是用煮麵水煮的令菜心比較腍啦.蠔油是畫龍點睛的,不可忽略啦.很鮮味,一起吃很配合啦.但那麼多的蠔油根本不可能用光的呢有點浪費便是了.因為食物好吃女朋友仔忍不住再點一客牛腩河呢.希望也好吃吧.等了一段時間也沒有來,可能太多客人了漏單了呢,再催促一下便來了,快點試一下吧.未吃時有點怕不是強項的食物會不會有問題呢,一吃才知道是經典的柱候牛腩,跟平常麵店吃的不同味道啦.牛腩很入味而且很大舊,一口吃不完的啦.加上不韌有口感很不錯.而河粉也很滑呢,不是便宜貨啦.連腩汁一起吃很好吃呢,但因為始終是燥熱的食物,湯汁便不喝啦,呵呵.
二人吃雲吞麵也可以吃到100多元的我們也太厲害了吧?但這店是值得再吃的呢,有機會再來吃才行,呵呵

原本想去食拉麵，但好多人排隊，上網搵到佐敦呢頭既麥文記好多人讚，就試下啦。
首先要左雲吞麵、南乳豬手麵和油菜。雲吞麵細細碗，雲吞大大粒，全部係彈牙蝦肉，幼麵爽滑有咬口，湯底清甜，好鮮味。豬手唸身，南乳入味香濃，點埋醋汁，減去肥膩既感覺。
食物甘好味，忍唔住要多碗牛腩粗試埋佢。牛腩肉嫩野味，但粗麵太過硬身，我喜歡幼麵多些。
店員係一班叔叔, 佢地好親切, 沒有因為店舖多人忙碌而黑口黑面。
我地兩個人用左 $100 試晒幾款美食，滿足而歸。

麥文記是老牌麵店之一，他的雲吞和豬手（還有油菜）都是有名的。一段時間沒吃過了，這日就來到吃碗雲吞麵($28)做午餐。雖然座位有點逼，但地方算打理得整齊乾淨。等了數分鐘我的雲吞麵送到。幼麵一絲絲，煮得時間剛好一點不過淋，最合我較愛硬身麵條的口味。而雲吞是全蝦，蝦肉爽甜味道鮮美，配著滑滑的雲吞皮，好吃！由於份量真的不多，轉眼就吃完了。男士或肚餓的日子一碗麵應該會是不夠飽的。

因為一個人, 所以不用等位. 讀了這兒的評價, 所以選了淨雲吞和豬手麵.

淨雲吞$28 -- 8粒, 每粒約金莎朱古力左右大小. 皮滑, 的確蝦粒是有鮮味又彈牙的. 清湯無味精. 好吃.

豬手麵$30 -- 麵條彈牙, 是沒鹼水味的好貨. 但手只是掛了醬汁在表面, 味不是入了皮. 我覺得只是一般, 是周圍都可以吃到的味道. 失望.

會再來幫襯雲吞.

之前都嚟過食幾次 , 老字號水準自然不錯
點知今日坐低叫碗雲吞麵,
唔夠十秒已經送到我面前, 都知唔對路
一食落就知難受: 湯唔熱, 麵浸到林晒
應該係落錯單/ 煮多咗之類, 擺咗喺度

我都廢事同佢嘈, 哽完即走
今日一個28蚊, 慳番我第日唔知幾多個28蚊

我當然明白呢次係個別事件, 但係一間老字號會做嘢咁冇要求真係令我好失望
我唔會再嚟