跟朋友試了清湯牛腩伊麵.........得一個字--失望.........
那些牛腩很tough呀..........看到同枱的小朋友也吞不下........
而那些伊麵好食的,煮得剛好..........

進店內覺得環境狹窄﹐仕應亦安排6-7人坐埋一張大概5人大小的位置。這裡落單形式是男仕應用他們粗獷的聲線大聲叫出人客的阿打﹐所以聽見這裡的服務員常常在你耳邊失驚無神大叫入廚房下單的情境不足為奇。

叫了咖哩牛筋腩麵及清湯牛腩粉。

咖哩牛筋腩麵 – 湯底杰身﹐咖哩香濃﹐味道鹹而不辣﹐但味精蠻重手。 牛筋腩鹵得入味﹐嗜濃味的朋友不妨一試。

清湯牛腩粉 – 牛腩份量不少﹐肉質亦很淋身。但湯底吃落覺得油了一點。


與之前吃過好幾間出名主打牛腩的食店﹐這裡的牛腩份量是最多﹐但這裡的湯底是最油及最鹹的。 如湯底能清一些會更好。

成班fd 一齊~揀左呢間野~
我都係第1次黎食九記~

去到有個fd 想拎餐牌~
點知個伙記話：都係個D野啦，唔洗餐牌啦…
其實個時人又未算好多~
而且我地成8個人~拎個餐牌都唔過分ja...

最後一人一碗咖喱牛腩河~
D牛腩肉質一般~不過都幾入味~
咖喱汁好香好濃~
以$26一碗黎計
每碗份量一般啦~
雖然服務態度唔多好~
不過整體味道唔錯~
都可以再番黎食~

幾年前食過超好食,推介牛爽`腩.....正,不過好難先食到,好似係留比熟客.....E麵都出其地煙URN同彈牙,早幾日有機會去食,叫左個半肥E,牛腩依舊淋身好味,但係D湯就無以前咁濃,E麵都好淋.......好似做多左等客要咁員工依舊全無禮貌,唯一個人之長就係全口叫落單,記憶力超強

九記有多出名, 就連我住老遠的沙田都知道呢間野有幾出名
尋晚去睇南華vs科威特SC, 足總話朝早得幾千張飛, 咁我就下午去大球場買
仲有時間去左搭叮叮去九記食, 上次同fd食清湯腩河, 今次自己去食咖喱伊
結果我覺得好一般
清湯腩又唔係話真係好好食, 只係有水準咁解
今次咖喱腩覺得好一般, 咖喱味我覺得幾香濃, 不過牛腩仲有d韌, 咖喱太重味精, 好口喝
伊麵太淋
焗我飲杯野, $13
$41埋單, 太貴啦
我會覺得咖喱腩係深水埗生龍清湯腩做得俾佢好

我認同蔡瀾的推介, 不過呢間店的水準已經有下降

食過兩次，都是因為行過附近又肚餓又想嘗試下。第一次感覺真是一般。有少許覺得佢名過其實。因為只覺個湯味好瀧，牛腩同其他鋪頭冇分別。而且好少，有少許被搵老襯feel。但因為個湯，我上個月因為經過附近又去再試。一樣的感受。所以可以certify 呢間野。除非改老闆，如果唔係，只有我被挾持才會再去。

同朋友去港島遊﹐難得見到有間清湯牛腩，就入去叫了兩碗清湯牛腩河
第一啖試清湯好好味，鮮甜味美，正!
牛腩份量足，絕無欺場，肥廋相間，好靚仔
當中帶一點肥坑腩及另一種有點像瘦肉的牛腩
兩者皆入味而不韌，水準頗高。
河粉都滑喎，掂!
店鋪環境尚算整潔舒服
返來一睇先知原來已經咁多好評，今次真的有口福

去海洋公園哈囉喂之前，EE肚，朋友帶我食九記牛腩，話真係好好食，好想同我一齊食，我就少少飽都去食啦。哇！叫左個牛腩河粉，牛腩係唔同出面0個D一舊舊架喎，佢係整齊的一件件，紋理分明，好得意。食落真係好好味，好有味。佢有埋咖喱汁，可以變做咖喱牛腩，另一種味道。"正"字黎形容不失為過。佢既河粉都好特別，超滑，加埋湯一齊食真係好一流！果然係冇介紹錯呀！讚！！！

牛腩伊麵(24元)，這味道真的很好吃噢～吃著伊麵，竟然想到鄭伊健，哈哈～牛肉也墩得很軟嫩，湯頭更是鮮甜。連在旁邊不餓的老王，也忍不住要偷吃幾口。這道料理我吃的好滿足～金牌上湯(5元/碗)，因為我的碗被伊麵和牛腩佔據不少的位置，以致於湯變的不多，所以老王就加點一碗上湯～和我們併桌的其它顧客幾乎都會加點一碗上湯，所以這可能是個慣例呢！不過上湯和原先伊麵的湯頭比較，是點有鹹～沒有那麼好喝。

不久之前的下午，和朋友慕名來一試!

朋友點了個牛腩米，我則點了喱腩伊!

不一會伙記送上食物，嚐了一口伊麵，未夠入味！

咖喱味濃，牛腩有渣，但不失好吃之選。
等了一會，再吃，伊麵才開始吸收湯汁，好吃。

總的來說，好吃，但不用再Encore!!

次次去都淨係會食咖哩牛筋腩伊, 咖哩汁辣辣地配伊麵一流, 牛筋超正!

I went in there for my tea last week. I had beef brisket rice noodles. The soup was really good as it had lots of flavours but the meat didn't taste as good as last time I had.

I love this noodle shop!

朋友M想食牛腩麵，我哋三個就嚟呢度食lunch，平時有好多人排隊，可能天氣熱，今日冇人排隊，真好彩呢！樓下full 咗，原來樓上仲有位，環境有D迫，不過都喺 expected。

我要了一碗清湯牛腩河、朋友們要了咖哩牛腩伊麵和牛腩麵。牛腩河OK，牛腩都幾淋又不太肥都幾香，朋友讚咖哩牛腩伊麵好味，佢話伊麵吸咗D咖哩汁，辣辣哋，好好味。而另一位朋友嘅牛腩麵都OK。

聽講呢度嘅凍奶茶不錯，所以我都order 咗杯，味道OK但甜咗少少。

如果唔駛排隊，我哋都會再嚟食嘅。

Ok, so today I went to Kau Kee (九記) for the first time today after my gym session around 4PM (so no crowds). I order a bowl of beef brisket hor fun (牛腩河). Overall it was a pretty tasty bowl except I found it a little too oily, too much MSG and maybe a tad pricey at $26 for a bowl of 牛腩河. It's now 7PM and my mouth feels super dry. Outside of that the brisket was very tender/tasty, noodles pretty smooth and the soup pretty flavorful. IMHO it's more satisfying than say a bowl of won ton noodles at Mak's (I know it's comparing apples to oranges but they are equally priced at $26/bowl).

Service wise I can see why people might be turned off by the place but considering I was in and out within 15 minutes the service didn't bother me at all. Maybe because I don't really have much expectations (service-wise) for HK noodle places. The restaurant is cramped but it didn't bother me.

Overall a tasty bowl of 牛腩河 but I just wish there wasn't so much MSG...

叫左碗咖喱牛腩味道太濃又油,用黎送飯就差唔多!清湯又無咩特別,份量又少又唔平!名過於實!無D人講到咁正~~只會食一次