話說媽媽好想食擔擔麵~~早兩日提起, 舅父話黃埔有一處食上海菜同擔擔麵既地方好唔錯~
佢識人在裡面做, 仲可以為我地預留一啲好食材~
於是我地就約左今日齊齊去黃埔既詠藜園食馳名既擔擔麵同埋試佢地啲上海菜啦！我係後JOIN的~舅父之前BOOK了檯, 佢地去左先~
因為收工晏.. 所以遲左三、四個字先去到~~
依家去食嘢都會之前做做RESEARCH喲~在OPENRICE 見到詠藜園既招牌好有氣派,
一上電梯一睇, 果然丫, 好有特色風味哩！佢地好好丫,
明知我超愛吃, 特登等埋我先起筷~
望一望張檯, 涼菜都到齊啦~但係除左涼菜之外~仲大一朵色澤鮮艷既假水連, 在擺設佈置上都放了心思哩~

花雕醉雞, 鎮江肴肉, 雞絲粉皮, 滬式燻魚, 金獎雲白肉我地點左5款涼菜~整體黎講我就覺得普普通通呀
燻魚唔知係咪咁啱我果舊有少少骨..雖然其他人就食唔到.. 不過我對佢都係免啦~
金獎雲白肉個汁幾香, 不過偏多油, 而肉身雖然好薄.. 但略嫌老左D丫~
而雞絲粉皮個汁隻花生味就淡左啲~而且偏稀... 有啲失望..

主食: 素冷麵, 擔擔麵(不辣), 擔擔麵(普通辣), 生煎包, 楊家小湯包再來要講主食, 睇左其他食家既食評, 對佢既冷麵同生煎包好有興趣, 所以除左舅父話要點既(辣)擔擔麵同兩籠小湯包之外我兩樣都追加各一！(另外爸爸媽媽手術後唔食得辣~~所以都點多了一個唔辣既擔擔麵)
小湯包個皮偏厚, 一放耐左外皮就會變硬~所以建議一定要趁熱食~
而生煎包佢有芝麻烘底~幾特別丫，可惜佢烘得唔夠脆.. 唔得香口, 同樣包皮太厚, 料偏少哩~
擔擔麵可能因為係馳名主打麵食，所以我對佢好有期待~..點知一食.. 花生味好啖..汁稀..以至麵掛唔到湯, 而麵身都偏腍, 無嚼感, 真的好失望.. 係辣味個汁因為多一份辣香, 稍為好一點~
反而個冷麵真係意外既好食丫！
麵身偏少少硬, 好有嚼勁, 作為冷麵哩種麵底最適合不過！麵上面既係花生汁~中間放了青瓜和芽菜, 麵底下一層辣汁~不錯不錯！同樣的, 都係花生汁偏稀偏淡...

主菜: 金獎Q版松鼠魚, 蟠龍茄子, 素蟹黃, 砂鍋雲吞雞, 清炒白菜仔相比馳名擔擔麵實際既素質, 詠藜園既菜餚質素就真的不俗了！
尤其係龍蟠茄子..整條茄子整到一條龍咁~薄薄既脆漿沒有掩蓋茄子既嫩滑口感, 炸得外脆內軟..加上佢既甜而不膩既醬汁..
我一個人都食左大半條丫！ (哩個係我問店經理食茄子點整法好吃~佢介紹我們的~在餐牌上沒有寫出來喲~)
佢既金獎Q版松鼠魚好香丫~酸甜漿汁味濃郁！魚個造工外型神似, 魚肉好鮮, 只係粉漿多了點..不過好脆好香口~加埋滑滑既魚肉, 一脆一硬一鮮一滑, 真的好吃得不得了！配料仲配上松子, 份外惹味！
其實哩度既嘢食碟頭都好大~茄子一整條拉長差不多有我手臂咁長喲~
而一條松鼠魚都有超過我前臂既長度, 份量十足哩, 一般4-6位用我諗要半份(即1條)就夠啦~我地7個人兩條魚初初食剩成一條..係我哩啲為食妹先先食下食下將另一整條松鼠魚ko到架咋哈哈！...
舅父好好~點了素蟹黃~可以止止媽媽既口癮喲~
這個我在餐牌上搵唔到呀!! 應該是舅父special request 的！蟹的容器好可愛, 已經加左唔少分, 再加上用素菜既食材整到味道同口感都好像真的蟹膏~真的好利害哩！
至於另一馳名菜砂鍋雲吞雞既雲吞就麻麻~料少皮大而厚, 且煮得過腍, 入口有D霉既感覺, 這個我食左一隻就無再添啦！
反之用黎淆湯既雞就好香好滑, 唔怪得這個渣舅父將佢算做一味菜啦！
有樣美中不足既係明明我點了清炒油麥菜..但係上左白菜仔..而且仲好細碟丫.. 有啲唔完滿既感覺呀~

甜點: 豆沙鍋餅, 黃金餅, 高力豆沙最後最後, 又點少得叫甜點呢？無論幾飽都好~總係會有空間裝得落甜品的！
睇左樓下有食家提到豆沙鍋餅皮薄而餡多, 咁當然要試一試啦！其實我對豆沙鍋餅無乜特別喜好, 雖然我愛紅豆, 但我不太喜歡中式甜點既豆沙總係整得太蓉太甜...但食過尖沙咀「滬江飯店」皮厚而腍又少餡料既豆沙鍋餅之後, 真係好想試番一次正宗好味既豆沙鍋餅呀！
真的！詠藜園無令我失望！佢既甜點相當有水準！
豆沙鍋餅的皮薄薄脆脆~而豆沙餡料好多好滿~四個角邊都滿曬豆沙~中間的同邊角的我都有試, 中間的餡料滿載, 甜甜蓉蓉的紅豆既口感蓋過薄薄既脆皮, 好甜蜜好full丫！中間既脆皮梗梗比豬肉紙厚啲啲架咋！入口脆開即溶化在豆沙當中！
而邊角的哩, 豆沙都好多, 但皮既脆口感會強啲, 兩個位置都同樣好食呀！
如果佢既豆沙唔咁甜就更加好！因為佢一整片餅皮都好薄, 豆沙亦係適量的薄薄一層, 即使豆沙甜, 亦唔會覺得好多好滯！整個餅都處理都相當唔錯！
而黃金餅係舅父堅持叫的, 初初我對佢無乜興趣~
但無論點叫左都要試一試, 唔試過點知好無味呢？
咬一口, 外皮煎到脆脆的, 內裡軟熟~帶點煙煙肕肕黏黏的~係我喜歡既糯米口感！加上這個地瓜味好香~食下食下就食曬啦！好香呀~而且勝在唔太甜！
但最最估唔到既係個高力豆沙..！舅母係咁話要一人一件！佢話豆沙鍋餅同高力豆沙選佢一定會選高力豆沙！
我本身有啲唔想點的, 因為我正在減肥丫...咁高糖既嘢如果可以都想吃少一點的..但見佢咁堅持, 惟有點啦！
我地等左近15-20分鐘, 因為師傅即製即炸的...
一上枱...嘩！一件仲大過我個拳頭喲~！
佢個蛋白外皮一啲都唔甜唔餾..配上裡面既甜甜既豆沙剛剛哩..唔需要沾砂糖食就已經可以啦！~唯一要挑剔既係紅豆餡同蛋白層真間有好多空氣,, 吉了很多~唔得充實~如果佢整細少少, 或者餡料多一點既話食落既質感同口感會豐富啲哩！
** 高力豆沙真係好油丫..為食既我先至唔慢慢用叉去品嚐丫~~一手就拎起黎食啦！食完先發現成手油淋淋到不得了哩！這個一餐半餐一次半次就好啦！

普遍既價錢其實都唔貴, 以有特色既裝潢環境同服務質素, 這個價錢真的算物有所值哩。

我們有一件趣事, 我地食完後其實佢地已經過左打烊時間了！
麻煩佢地一位員工幫我地在餐外拍照, 即時佢地忙收拾同下班都無任何不悅既神色~
不過我建議如果想搵人影相可以拜託其他途人幫忙,
因為佢地通常會搵其中一位員工幫客影相, 但影相技術麻麻...
好有趣既係佢影完叫我睇睇影得好唔好,, 我一睇, 發現佢cut走了我隔離企最邊邊的哥哥, 只影到哥哥個肚腩入鏡！
我即使影唔住指指我哥哥同個員工講話「咦！佢都係架！」
員工「呀~我唔知佢都係影相架..唔好意思呀！」
忍到全家人都忍唔住大笑哩！

這裡既員工其實都好隨和的, 環境都唔錯, 冷麵菜餚甜點都唔錯, 值得一試哩！

星期六響紅磡搵地方食飯。見呢到咁多個笑又唔似貴，費鬼事諗飛的黎食。八點半黎到。未黎過下見佢個門口咁精緻，以為會係靜靜地，原來裏面都幾嘈。一坐低經理即刻話砂鍋雲吞雞淨返幾煲，要就快啲叫，咁就即刻叫左第一個餸。

菜牌上選擇十分多，兩版A4紙排到密密的。啲餸就以茶餐廳速度到。

砂鍋雲吞雞: 好大煲。鍾意佢津白好多，雲吞皮夠薄。湯都幾濃。隻雞都幾大隻。
小籠包: 4隻。皮夠薄，餡都ok，感覺唔油。原來食過鼎泰豐真係返唔到轉頭大叫好味XD。
燻魚: 本人不嬲麻麻地燻魚。覺得呢個都ok，唔會太甜。
糖醋魚柳: Ok。都幾大碟。汁都幾好，濃到剛好。魚塊肉都ok。係魚塊面稍'冧'。
菜肉包: 呢個又係叫完餸冇耐有侍應走黎話:'菜肉包得返兩個要唔要？'的成果。兩個中size。冇食到。但見個樣都幾好，咬開菜都ok多。食的人話幾好味。
蒸饅頭: 包煉奶一小碟。Ok。冇乜特別好唔好食。
改良版擔擔麵（小辣 + 唔辣）: 麵質好正，彈牙。湯都幾濃，可惜擔擔肉花生味唔夠香。小辣嗰碗好味啲，因為有辣油的香味。

服務都幾好。啲侍應好鬼忙，但都有心serve的。叫餸時本來想叫個奶油津白，好彩阿姐提點我哋砂鍋雲吞雞已經有好多津白響裏面先冇叫到。

後尾媽媽話返我知原來詠黎園係老舖頭黎，以前響啲屋邨位開始做到而家。諗諗下幾年前原來食過黃大仙嗰間，當時覺得野食都不錯，係舖頭舊同踎兜啲。

總結：超飽。樣樣嘢都ok以上，每人只係百一蚊。食得過。

去到黃埔, 梗係要試下最出名既詠藜園啦, 一坐低即刻有兩個餐前小食,
魚皮花生好香脆鹹鹹地, 酸椰菜就酸味味好開胃擔擔麵個湯比想像中淡, 冇乜花生味土豆絲好爽, 有少量既蒜芯作伴, 味道只是微辣肴肉有點實, 如果放耐小小會更好, 鎮江醋一流完全冇骨, d肉又唔肥, 食左咁多野之後再食呢個蔥油酥餅, 感覺已經有d膩, 只係感覺到成口都係麵粉

由於搬屋仲有大量雜物未執好，放假都要叫埋男友幫手，當然要同佢去食番d好野，慰勞下佢啦 ~~

是日我地去左「詠藜園」食馳名擔擔麵!

擔擔麵 : 我食唔辣，男友食辣，兩隻味都食晒, 正!! 招牌擔擔麵花生香濃肉鬆惹味，麵條爽口，果然係正宗手打麵。而辣既擔擔麵味道更搶口，岩晒無辣不歡既男友。
小籠包 : 一睇就知皮勁簿，筷子夾大力d都流晒d湯汁，肉汁鮮甜，每人兩個都唔夠喉呀 ~~
火腿娃娃菜 : 火腿甘香，唔會一味得鹹味，娃娃菜夠晒甜，岩晒我地呢d OL。咕嚕肉 : 甜酸汁味道岩岩好，咕嚕炸到外脆內嫩，咬落仲係JUICY。咕嚕肉用左腩肉黎做，肥瘦肉相間完全無骨，岩晒我呢個懶鬼。
豆沙鍋餅 : 都話女仔有兩個胃，雖然已經飽飽地，但都要叫埋個甜品先叫畫上完滿既句號。豆沙鍋餅熱辣辣送到，豆沙餡料夠多，就算角落果四件都爆晒豆沙，豆沙唔太甜，連我男友都幫手食左幾件。

聽說「詠藜園」從前開在鑽石山的大磡村，那是片木屋區，想象得到有多簡陋。「詠藜園」憑借精心研制擔擔麵而聞名暇耳，之後由於政府清拆大磡村，而搬來了「蔡瀾美食坊」（現已改名「黃埔美食坊」），破舊小店進駐商場大鋪，這樣的傳奇在如今的世道是很難再上演了。記得當時「詠藜園」還在旁邊開設一家叫「楊家菜」的餐廳，不過，現在成了「巧膳坊」，不知兩者有無關聯。

在「蔡瀾美食坊」的時代，來吃過幾回，但都印象模糊了，上次和女兒在斜對面的餐廳吃飯時，她對「詠藜園」復古的裝修很好奇，於是改天過來用餐。

餐廳環境：紅得不能再紅的城堡式大門，進去用餐是名副其實的「‘紅’門宴」！餐廳裡仍然是鋪天蓋地的火紅，牆上掛著如意結，屋簷式的假天花貼著龍形圖案，典型的橫豎結構門楣，通通都很中國，可看著有點俗（不過自由行的同胞應該很有親切感）。

進門的左手邊是些二到四人的小桌子，而對面則是以大圓桌為主，桌椅間的距離頗近，要擇路而過，有些困難。桌上擺放塑料蓮花，浮在花瓶裡，像真度高，酷暑裡看到這樣一朵水蓮，頓覺添了一份清涼。

服務態度：
幾乎都是大嬸，本以為大嬸做慣家務手腳麻利，其實不然，聽力不好（菜名重複說了幾遍），理解緩慢（我多要一張點心紙帶回家好在寫食評時參照，誰知阿嬸搞不明白，一味地說桌上不是有一張了嗎），不留神聽到男經理取笑阿嬸，當時阿嬸正端出一盤東坡肉，經理說：“嘩，睇來好好吃喔，你的樣好似它喔！”阿嬸聽罷很不開心，走去和其他同事說：“他話我的樣似肥豬肉，有無搞錯！”一則花邊插曲，卻讓人覺得此店的管理層尚且這麼不正經，那培訓員工怎麼會好？

食物素質：
午市特惠套餐2位用$108，四款湯麵選2碗；22道小菜選1款；六種點心挑一樣，另外惠顧此套餐可以優惠價享用2杯豆漿（$4）及特式小食或甜品類二選一。說明特惠，沒理由散叫，只是套餐內包兩碗麵，而我們有三人，怕不夠，所以每次叫套餐都額外加了一碗麵食。

以下是前後光顧兩次所選的套餐內容：

第一次來桌面上沒有前菜，第二次多了兩隻小碟，一個是魚皮花生，少少鹹多多脆，蠻不錯的；另一碟是鹹酸菜，酸鹹均衡，也不算強烈，三兩下就把這兩碟東西掃除掉了！

不辣擔擔麵：蠟黃的湯頭中間突出一團麵條（每碗麵都是如出一轍的放置，看來真的很重視這款鎮店之寶），先不急著吃麵，勺一口湯喝，花生醬的濃鬱甜香直鑽鼻孔，同時間吃到由花生、蘿蔔乾、蝦米、絞肉混合而成的細小碎粒，這些材料雖然軟硬和口感大不一樣，可攪和在一起卻是那麼地可口，散落在湯水裡，纏繞在麵條上，為它們帶來層次豐富的味道。出色的湯頭也要有優質的麵條相伴，這擔擔麵的麵條比上海麵細些，質地接近「壽桃牌」四川擔擔麵，不算很爽但也決不軟腍，韌性十足，用筷子很難夾斷，完全沒有鹼水味（好象也只有廣東麵才有鹼水味，不知為何？），不過與非同凡響的花生醬湯頭相比，這兒的麵就顯得一般了！

辣擔擔麵：湯面一片紅通通的，油光閃亮，以為辣度不輕，試一小口，就這種辣女兒都能吃。只是在不辣的擔擔麵上加了一點點辣醬之類的，顏色上顯辣了，其實如同吃胡椒粉般，小兒科！另加的麵1：酸辣炸醬麵，和辣擔擔麵的唯一區別是有一撮肉碎堆在突起麵條上。辣味還是那般輕微，酸味就更加甭指望了！仔細地在麵裡尋找，好不容易看到那麼一兩顆酸菜粒，小到用筷子夾不起來，所以幾乎感覺不到酸味！另加的麵2：雞絲冷麵，雞絲量少，不是手撕，刀切粗細平均，沒啥味，還有些許芽菜，皆是淡味食材，僅僅靠淋於麵上的花生醬汁拌勻來吃，才不致於像喝涼白開的無味！冷麵的麵條比擔擔麵粗，且更爽，個人倒喜歡這樣的質地。小菜1：醬爆肉，和回鍋肉差不多，鍋氣夠，黑漆漆的麵豉醬把材料緊緊裹住，底部沒有多餘水份，少鹹帶甜的醬汁調配不錯。肉片很薄，炒得卷起，罕見地加了蒜苗，香濃惹味。小菜2：蔥爆牛肉，同樣地炒得火候足。京蔥比小香蔥更香，並且香氣更持久，更有口感。牛肉的化學處理還算克制，不像中了化骨綿掌般的軟弱。楊家小湯包：論精致肯定沒有以小籠包著名的店鋪那般好，可也不賴，個頭比一般的大三分一，皮略厚，夾起時不用小心翼翼。精彩的是肉餡，調味偏濃，比常態的小籠包餡滋味得多，像在吃餃子似的，豬肉雖剁得較粗，卻令人吃起來感覺實在！湯汁也蠻甜的，只是不算多。豆漿（特價$4/杯），論價錢是很便宜的了，還沒想到質量都過硬。豆味顯著，甜度恰當，漿體順滑，是價廉物美的典型！散叫的金獎雲白肉（$55）：一個大盤子鋪上薄得不能再薄的白切肉，大約十來片，看肥瘦分布不太像五花肉，而是俗稱的上肉，雖然沒有層次分明的肥瘦間隔，但上瘦下肥的肉片切得超薄，故此一點也不韌，不過成也在薄，敗也在薄，沒咬兩下就吞肚裡了，牙齒沒怎麼多接觸，那味道就更停留不住了，澆的醬汁太甜，蒜末又偏少，真不明白這雲白肉憑什麼拿金獎的？難道是比拼刀功——把肉片切薄至透光就奪冠了嗎？個人心得：
原以為張燈結彩的門面收費應該不便宜，出乎意料價錢還蠻合理的。此外，食物水準不錯，尤其是首本名菜——擔擔麵真有兩把刷子！

一段時間沒有在詠藜園吃過晚飯。之前多次午餐來都不用等位（店其實頗大有很多位），但沒想到原來週末的晚市人客十分多，我們結果要等了約30分鐘才有位。還好等的過程有冷氣亦有位坐，所以等位的時光總算過得不太久。由於友人不吃辣，這夜點的菜色已原味為主。點心有楊家小湯包($25)和原味水餃($32)。兩者的餡料都是淨豬肉。豬肉吃得出新鮮甜美，不過我稍嫌兩者無論蒸餃皮和水餃皮都過軟，少了煙韌的食感。水餃的清湯下了些蝦乾、鹹菜粒和蔥花，配著水餃吃帶出鹹香，不錯。(3.5/5)小菜選了份紅燒茄子($52)。茄子做得既滑又甜美，而且份量頗多讓愛吃茄子的我們吃得滿足。醬汁濃香而不會鹹。好吃。(4/5)麵食方面，一場來到詠藜園怎會不吃擔擔麵呢， 我們點了一客不辣擔擔麵($20)和一客清湯炸醬麵($30)。兩者的麵條質感吃起來應該是新鮮做的麵條，有咬口，軟硬適中，好好吃。炸醬麵的肉碎香濃，但我更愛擔擔麵的濃杰湯底，帶濃郁花生香（如帶辣會更美味），麵條掛著湯一起吃，美味非常！(4.5/5)這裡食物出品水準穩定（穩定的好），價錢很便宜，店內整潔企理，服務亦不錯，一定會再來。

我第一次自己去食自己點菜. 之前兩次都是老師帶路.
心得係：只有擔擔麵係超水準，其他菜好普通.

擔擔麵好好食, 手打麵果然不同.
擔擔麵的醬風味很不同, 味道有好多層次. 差的, 只能做到花生醬味或芝麻醬味.

不過, 其他的菜就無法接受了.
我點了肴肉、生煎包、紅油抄手.
肴肉是冷盤, 這間做得很一般, 沒有特色.
生煎包還可以.
通常生煎包有兩種, 一種是薄如餃子、小籠包皮, 內裏滿是肉汁.
另一種就是菜肉包一般的外層包著肉. 詠藜園的就是如此. 沒有驚喜.
紅油抄手就太差喇, 完全感受不到四川風味.
好歹我去過重慶, 食過街頭的紅油抄手, 辣得來味道很出眾.
詠藜園卻差都很遠. 就是廣東雲吞皮包著肉與西芹, 浸在甜多於辣的紅油之中.
公平點說, 也可能我太討厭西芹. 不過, 簡單來說就是太甜, 一點都不像川菜.

或者要交交學費, 要看看除了擔擔麵以外詠藜園還有甚麼拿手菜.

今天鍾於有機會黎呢間相富聞名的詠藜園四川擔擔麵.因為應成左何仔帶佢去全港最大的冒儉樂玩.玩原行過兩步就是今次我的目的地了實在太好.因為唔洗等位啵~~~~心目中以經點好我想要的名物(唔辣擔擔麵 ~~~)再看看餐牌.......連還叫埋(紅油抽手)(煎餃子)(楊家小湯包)(牛肉抄飯)...........等左一陣都好快..我的擔擔麵黎啦先暍一口湯比我想像中味淡了一點但好香麻醬再配上這裹的幼麵...好滿足呀再黎(紅油抽手)[IMG:3啲醬汁]酸酸辣辣都好開胄.好食(煎餃子)味道一般.唔講(楊家小湯包)好熱呀..一夾上來可以見到包內有很多肉汁準備爆發出來.......一口放進口中肉汁真的爆發出來了.....正好食呀~~~~~(牛肉炒飯)味道一般.冇經喜.不過一食都無防:總結:擔擔麵好食湯低都好香.楊家小湯包.一定要熱食....其他都可以不理.但其實我重有好多想食架.不過今次我們得三個人吃量有限.所以下次有機會一定要試埋其他食物.有機會再同大家(報告)88

女友今日考完試，同她去尖咀行街，行行下，突然話想去黃埔食擔擔麵，就當然選擇去詠藜園啦，
女友話她細個的時候叫呢間鋪頭做「排隊麵」因為話去親呢間食都要排隊wor~
但今日7：00到黎到都好鬆動，完全唔使等tim~我地叫左海「節」食，幾爽口，但如果有少少辣就perfect 啦！
有個炒菜，幾夠味
當然仲有個麵啦，幾彈牙，5會整到好林
還叫左個螞蟻上樹，叫個時，個經理同我地講：「我地的螞蟻上樹係粉絲同汁分開上的，同出面的5同的。」我地：「哦！」
其實係因為我地未食過，都5知係咩黎的
螞蟻上樹黎到的時候都嚇左一跳，一大籃的炸粉絲！！！！！之後要將粉絲夾落個碗到，再淋D汁上去，個味都幾好，又脆卜卜，幾好味。
不過夾就麻煩D，D粉絲太長啦，搞到成枱都係， 女友後來研究到要叉碎D粉絲先夾落個碗到，會方便D

食到好飽牙，下次叫一個麵就夠啦

剛剛下班啦,肚子餓了,好耐沒食過擔擔麵,我記得黃埔美食坊詠藜園擔擔麵好有名氣,openrice食評寫都是讚多.如是搭車去食啦,係門口等左5分鐘.
知客安排我坐corner位.當時已經是晚上7點鐘啦.客人約坐8成左右,鋪內掛左好多得獎菜式獎狀,環境可以.有一位上年紀waiter推介師傅剛剛做起幾份麻辣牛根腩,價錢$38好抵食.我order一碗唔辣擔擔麵,一籠小湯包,一碟麻辣牛根腩.擔擔麵麵條幼細,花生和麻醬味香濃,小湯包肉汁鮮味,麻辣牛根腩份量足夠,辣味適中.埋單$96,價錢合理.下次我會同女朋友會再光臨詠藜園.