一日內食左灣仔幾間好評好潮既名店!!都有d飽飽地!!

叫了個狀元及第粥:::價錢有d貴!!!:粥底都 好清甜!!! 同好多料!!!有肉丸好甜!好濃郁既肉味!!!好好咬,蝦子一般無咩味道!.腰潤好爽!!!好有咬口,...

總括!!味道好!!材料多!!:粥底正!!!唯獨是價錢略貴!!!

又到灣仔克街搵食，呢次目標係自稱全港最好粥店嘅“靠得住靚粥魚湯專門店”。 根據店內貼滿嘅蔡生文章所講，呢間粥店原本嚮利東街，其門如市，依家搬來克街。 話事人向我透露間舖依家係太興集團成員，但仍然只此一家。 我分別嚮五月七日同十日光顧，食評如下：

1. 爽脆鯇魚皮（$36）：嚮國內東莞同廣州都食過，質素參差，最驚係魚皮生唔衛生，有D用硼砂“哪” 過，有D又韌。 呢度嘅魚皮賣相差不多，都係用薑、蔥、鼓油做調味，所唔同嘅係“靠得住”強調D鯇魚皮係100%熟嘅，之所以咁脆係因為拖滾水後即刻放入冰水嘅效果……雖然唔係最爽脆嘅，但勝在食得放心，值得一試！
2. 狀元及第粥（$42）：貴咗D，但係就比其他粥大碗，粥底都幾甜，但係就食唔出有無混入魚湯，照計亦無咁嘅需要。 材料唔算多但係腰潤好爽，肉丸好香好Q，好似落咗蝦或蝦子之類，依家都唔係咁易食到。 “靠得住”強調唔落味精，食完又真係唔口渴噃！
3. 拆肉泥盂粥（$26）：聽講係用五、六種魚熬湯放粥嘅，所以好甜，但係正如蔡生所講真係有細骨，小心！ 粥唔算杰，亦千祈唔好攪，因為咁會令米粒同粥水分開，若果閣下見到米粒的話就即係……
4. 鹹肉粽（$16）：有食客認為D粽唔夠黏，我都有同感，不過當我知道佢哋以七成綠豆三成糯米比例做粽嘅時候，我就理解為何“靠得住”D粽會唔夠黏，D腩肉會“鞋”……五花腩嘅肥膏會融入粽肉，好味但唔健康，“靠得住”似乎都有一份食肄經營者難得的良心。
5. 北菇雜菜炒麵（$13）：普通，第一晚食嘅時候仲乾乾地，失敗。

總括來講“靠得住” 雖然唔算佢自己所講咁巴閉，但係D出品都算健康好食，尤其係大病初癒嘅時候，不過價錢就偏貴咗D！

叫了一碗豬肝粥, 粥底不俗, 豬肝也好吃, 不太熟. 但 $29 一碗太貴了. 魚湯味太濃, 搶了米味, 新興棧較它平, 較大碗, 粥底亦較佳. 只是環境..........
只鹿一個 ok !

魚片粥$26 ~ 雖然菜較多及粥的份量ok,但都唔值呢個價錢, 水多米少.
正黃沙豬潤湯拉麵$34 ~ 湯底很特別,胡椒味略重了點,拉麵與湯另上,碗大大,但豬潤只得4塊,又薄又細.

今日同事仔請食飯,
去左試食靠得住靚粥

Order左個碎牛肉粥再加白灼黑柏葉,油菜and油炸鬼Share食,
我覺得粥比較稀,
唔夠新釗記得粥底靚,
白灼牛柏葉,幾爽,但係size好細,
不明為何賣到五十幾蚊一碟

Overall黎講,唔係唔好食,
只係價錢同質素唔成正比

又病左，今次仲要行動不便，睇完醫生捱唔到搭車，所以唯有試生記以外既粥~
叫左隻咸肉糭，講到有幾好食有幾好賣....唔知係唔係因為病左所以無咩味覺，味道一般...
雞粥，粥底好甜唔係似生記既濃香，而係清甜，雞都幾滑，味道還可。
雖然唔及生記，但好過咁星球既粥品店好多~
粥病左先係好味既，下次病到唔旭得LE間都可以食下既~

連續幾天都感到不舒服.....每一次食粥都會係病的時候食.,...
今天下晝又係無咩胃口,想去食粥,但又想食豬腰粥,於是就去了這間"靠得住"食了~

點了個豬腰粥,等了很久都仲未有得食.....那位員工說豬腰要生滾,所以要耐一點~
等多一陣,終於都來到了!!!粥好熱好熱,第一口食那啖粥時,入口好鮮甜...好"綿"....一點都不像普通粥店的粥.....感覺很好~

記得之前有位同事,帶我來點了這碟魚皮,睇到好像好核突,但食落口怎料好食到不得了~
於是再點多一碟鮮魚皮~
食落口非常之爽口,而且又不腥~
又有蔥花絲+薑絲一齊食,辣椒豉油,入口真的完全不似食緊魚皮!!
因為我最怕食到腥魚味,而這碟魚皮真係好正~

上次係旋轉餐廳有類似這間店的魚皮,但旋轉餐廳做的簡直不知所謂.....

所以我推介這間店的魚皮!!!

係我既concept入面, 我成日都覺得所有賣粥既地方都一定好早開門. 我成日都覺得佢哋係要半夜就起身開始煲靚個粥底黎應付天光就黎買早餐既人! 所以當我嗰日十點幾黎到見到呢間粥舖居然未開門我就覺得好奇怪... 要成十一點先開舖, 咁佢哋咪唔駛半夜爬起身, 可以訓晏d囉?

因為黎之前無黎過or到睇. 其實我原先係想食牛脷酥再搵碗明火白碗黎一齊食. 點知呢到原來係無呢d野食! 見佢既wallpaper都係sell佢哋既拆肉泥鯭粥同糭. 我本身對有料既粥同係端午節以外既其他日子對糭都無咩興趣, 不過一場黎到, 即本試試!

呢鯭粥上枱時連住一句: 小心碎骨. 不過我諗呢句說話都係 "預警", 反正我食完一碗都食唔到一條骨出黎. 粥底好夠甜, 魚肉鮮甜. d泥鯭去晒骨啖啖肉咁真係好過癮. 至於佢嗰個所謂既享譽國際既咸肉糭. 被評為 "享譽國際", 我當然expect佢more than ok, 但老實說我只能話佢ok, 其實佢同我食開既糭唔係咁一樣. 我由細到大食既糭d糯米比呢到既都要黏身d, 而且應該油dd, 呢到既確實無咁油, 不過好似都無咁好食! 唔係難食, 但因為太普通, 食完唔會叫人有印像, 更加枉論成為我心目中既 "享譽國際". wallpaper其中一張話佢係全港第一,實在真係唔明. 或者, 我同國際標準有距離啦!

病了一排仍然未好
不能吃太刺激的東西
在友人介紹下就來了這裡試粥

坐下就點了我必吃粥品 -- 滑牛粥 (他們註明是牛仔肉)
我的粥品不是此店之出名食品, 但此店以粥出名, 應該都不會太差的
份量ok啦, 不多不少的, 但滑牛得幾片, 覺得有些寒酸吧, $28一碗, 料是如此的少
粥底味是很濃很豐富, 但水多米少, 吃下就是覺得不足
可惜的是沒有肉丸, 以我愛的滑牛 & 肉丸粥來說, 就是喜愛大王東街那間了

另一食品是咸肉糭, 甚麼甚麼上晒報紙雜誌的一樣食品
但食落也不是太有特別之處, 好乾呀, 無蛋黃油的, 很散很碎的
不知傳統的是否如此, 但不是我所愛吃的黏黏的很有油香的咸肉糭

還有一食品很奇怪, 就是註明每日得10隻的"間"水糭 (我是沒有吃的)
我去到時已2點多, 但還有得賣, 本來是想吃的, 但諗諗下都只覺得是 宣傳手段而已
所以就打消念頭

就在等食物, 看到table邊一張報紙 / 雜誌 cut出來的英文報導
就是全港前5名粥店, 此店是第一的, 但吃過後我開始懷疑其可信性
不過......不過他們推介的是eel congee
但我沒有吃, 如果以後有機會吃到此店的魚粥品, 又覺得是好的話
我會加返個happy face to them

今日Lunch同幾個同事去o左依間「笑面」粥店吃粥。食左兩款野，覺得還可以的，不過都冇咩驚喜。

豬潤豬腰粥 ---------- d料唔多，但係大大舊ge，ok新鮮啦! 粥底唔差ge，但除左米同水之外咩都冇， 齌左d。

炒麵 ---------- 間野話「粥同湯」包冇味精，我信ge。不過我doubt佢地其他食物唔知有冇law~ 碟野ok緇碟同勁咸，唔建議食

都有下次ge~ 不過會試吓其他o野。

P.S. 服務唔錯，會主動幫客人arrange位

只相隔兩個月,我已來了第三遍,原因很簡單,因為他的拆肉泥鯭粥真的叫我愛的難捨難離.

最近正值流感高峄期,喉嚨有點痛也不敢怠慢,還是吃碗粥清清熱比較穩妥.晚上9點,店內還是門庭若市,厲害厲害.

一心想試魚鰾粥,上一次來時已賣完,這一次亦不例外.新鮮的魚鰾來貨不多,下次想吃恐怕要早餐時分來吧.不至於太失望,因為還有我最愛的拆肉泥鯭粥($25),粥底依舊鮮甜,依舊軟綿.只是這次泥鯭肉較少,但相應地碎骨也較少,有利有弊吧.

接力推介的是白鱔球粥.白鱔球件數不多,但件件都份量不少,還很肥美,入口又爽又滑,感覺完全不像是吃魚似的.所以即使是要用貴一點的價錢也是值得的.

魚湯也是這裡的推介.鸒鴦湯($58),潔白的湯底味道和一般魚湯無異,只是更加鮮甜.鸒鴦用上了鮑魚絲和雞肉絲,另外還加入了粟米粒,芽菜和蔥花,配搭有點新穎但效果還不錯.加$5可以加米線或啜啜麵,要了前者.麵條是另上的,但份量較少,而且加起來也要$63,又好像有點不值.

標榜著享譽國際和名人推介的鹹肉稯,只賣$15真的是不得不試.但吃過兩次,感覺卻怪怪的,因為內裡的綠豆一夾就散.可能我不太懂吃稯,不知道傳統的是怎樣,但以往慣常吃的都會比較黏口.但縱然綠豆較鬆散,也很爽口,大家也不妨一試吧.

在這裡想找點佐粥小吃有點困難.沒有較想常吃的腸粉,只有炒麵和油條.但一心想來吃粥又或是喜歡吃魚,一定不會失望.服務也算不錯,侍應會向你推介新鮮的貨色,昨天就是魚腩.沒有心水,不妨找店員介紹一下.

這晚上有滿月酒,先買份小禮物給女主角,緊接到附近聞名已久的靠得住吃碗粥下火.

這裏的粥都較其他店貴,但其招牌拆肉泥鯭粥卻又只賣$25,有點驚訝.拆肉泥鯭粥不及蔡生雜誌裏介紹的賣相好.泥鯭肉不太多(還要小心會有碎骨),另加有少許生菜絲和薑蔥等.吃過第一口,已經愛上了,一如所說,十分鮮甜,最初還以為是因為用上他們獨有的鮮魚湯粥,但友人的皮蛋瘦肉粥,鮮甜度差很遠.我不是一個愛吃粥的人,但這一碗粥,在我還差2小時便要吃晚飯的情況下,一個人吃清光,直至現在亦十分懷念.

至於友人的皮蛋瘦肉粥,賣相和味道都遠不及泥鯭粥突出,而且賣$28,有點離奇.

鑑於是最近吃得太多糭的關係,留待下次才試他們的招牌咸肉糭,看看會否如泥鯭粥般強.

去灣修溫書.所以男朋友上黎openrice搵下灣仔有咩好野食.
哈xd 原來諗住食lunch的. 不過因為訓晏覺訓耐左-3-. 5點幾先去溫書..
其實都猶疑左好1陣子. 總係覺得食粥食糭好似食早餐午餐咁
不過由於諗唔到食咩好既關係. 結果都係黎返食dinner.~
(其實都10點幾了*)

1入去.個阿姐都幾gag.
正當我地諗緊坐邊好既時候.
我地都抬頭望1望電腦
個阿姐就話坐呢邊就有電視睇.個邊就冇啦.
係咪「4奶奶幫」丫?? 係就坐呢邊啦有電視. XD
>>當然*我地係坐左電視位既 X)

不過1睇餐牌.. 哇原來都算是貴價粥.XD
開頭仲以為係d好普通既粥麵店忝.

因為TEA個陣食左D小食. 同男朋友2個都唔係真係好餓.
所以.只叫左3樣野=) >>**皮蛋瘦肉粥. 咸肉糭. 馳名水晶梘水糭.

皮蛋瘦肉粥
（＄２８）
瘦肉絲不錯.味道岩岩好.唔會太咸.
不過粥不算怎麼特別綿. 所以都沒什麼特別感覺"
只是.總括來說. 味道不錯.OK吧.

咸肉糭
（＄１５）
咸肉不錯嘛 最好的是沒有肥肉.
最唔鍾意個D全部都是肥膏的咸肉糭*
D糯米飯也做得不錯. 不太實也不太散
咸蛋好味 不過我地個隻好似1/4個蛋黃都冇咁既???
不過就是好似有點細隻.
味道.總括來說.都算幾好幾好=)

水晶梘水糭 ("鹼"?水糭)
都已經是晚上10時多.仲寫住每日限售10隻.
不過竟然仲有得賣?? 好似話因為準備緊端午節來臨.所以現正`大量製作中…??
所以我地就叫左隻試下呢個"原本"每日限量製作既糭啦.
哈我呢. 其實從未食過....梘水糭...........
男朋友話好少地方有得食. 通常都係茶樓飲茶會叫喎~
上網找找看. 見人家的通常都係.蓮蓉餡或者豆沙餡..
但係我好記得好記得. 呢個對於我黎講咁新奇既食物.
我食個個梘水糭既餡料係.好似~花生醬咁個啵??
沒有蓮蓉味, 也沒有豆沙味呢??
開頭覺得怪怪地. 不過食落又幾好味就冇理咁多繼續食了
我幾鍾意個個糖漿. 香得黎唔太甜! GOOD ;)

本人不愛食粥，即使知道這裡開了很久，也從沒有意慾來試，直至今次。

望一望個餐牌，款式真不少，有好幾款都想試，最終選了粉腸粥，同埋有人分別吃艇仔粥和拆肉泥鯭粥。差不多是食糭時間了，又來一只咸肉糭。

靠得住現今時太興的附屬公司，剛剛早幾日才去過佢既中央廚房睇佢包糭，衛生情況肯定冇問題，但味道就不得而知，今次可以一試。香料和綠豆份量很多，不過太多的香料卻不是我所好，而且咸蛋黃唔靚，豬肉亦不夠肥美，幸好是外層的糯米尚算軟糯，總的叫做可以接受，但未係出色。

粥是非常的熱，粥底很綿，帶微甜，我總覺得是下了一點味精。不過人家寫明是不含味精的，是我吃錯了嗎? 至於粉腸，有些韌，同埋間中會有一兩條是發苦，質素不是太高。看看人家的艇仔粥，幾足料，據報也不錯，睇落比我的那碗要好。

埋單有人俾錢，先謝過。

原打算來探舊朋友的，坐落才知原來已是太興附屬集團，雖改朝換代，但高興見到幾位老伙計仍笑面迎人的招呼著客人，似乎一切依舊，就叫了魚粥看看水準如何。

靚姐還是那麼的健談，記得自己喜歡吃魚膘，笑言仲有魚膘，於是就叫碗魚膘豬潤粥，又是吃粽子時候，又要了水晶粽作甜品。

粥依舊夠熱，粥底綿有魚湯熬出的甜味，魚膘是新派做法，無爆炒過，看得出店方對自己出品信心，外衣爽嫩內裡黏腍，好吃，豬潤是黃沙潤，質素好，但過熟，仍是吃得過的味道。

水晶粽水準依然，軟糯的鹼水糯配起調過的蜜糖汁，甜美好吃，但餡卻換作芝麻醬，味道似乎有點突戛。

埋單五十五元，轉了手但風味如一，仍是靠得住，與經理閒聊一會，似乎是太興獨立運作的部門，或者遲下可能在九龍區吃到靠得住？