一行4人食晚飯, 大約都係 8 點半左右. 我地主要點小菜因同行友人不食得海鮮. 小菜choices 不多, 想點4碟菜. 但係, 其中3樣都無.. 招牌菜3弄牛肉又無, 9肚魚又話無, 椒鹽菜又話無 仲點左一個旦散, 叫亞姐而家上, 亞姐死都唔肯而家上, 話邊有人一開始食甜品架, 我地解釋想當前菜食, 亞姐爭持左好耐, 最後都話ok啦比我地即時上旦散 其實



之後點左一個叫 "子薑乜乜蝦條" 因為真係無得好揀, 只好叫埋 蝦. 點知上菜時, 只係將蝦餅 (好似打邊爐果d烚蝦餅)切開好多條幼條. 我估佢 一個蝦餅份量都唔知有無, 咁樣收人78蚊?!

再黎一個叫 鼓油王太子魷. 點知佢就上錯左比左個 9 菜銀牙太子魷.. 唉, 呢間野真係好唔掂, 我地見黎錯左, 都算照收貨. 不過呢碟野真係用難食用黎形容. 甜到不得了, 甜既魷魚?!?!?! 真係好難食. 仲要份量少, 感覺好cheap, 已經唔係咩貴價野, 都要做到難食又少. 唉.


食到一半了, 個旦散都未黎, 我地問亞姐, 亞姐反問我地, "真係要而家上呀?" 真係火都起埋, 我地講左幾時食就幾時啦, 駛咩佢話事要當甜品食呀.


仲有點左佢招牌芝麻雞, 唉, 又係難食. 無雞味又鞋口. 都唔知有咩咁好食.

白飯要 11蚊一碗, 我地無叫, 叫左干燒e面. 一上台, 個賣相真係0 分. 碟邊又dirty, d 面又 跌晒出碟邊, 大兜亂 咁上. 茶記都唔會咁肉酸啦. 唉, 算. 點知味道仲差, 真係好難食, 又干又淡, 係淡到, 我地要用太子魷d 甜鼓油汁去點個面黎食.... 唉.


最後送糖水, 講左幾次要 4碗紅豆, 點知佢都係上左 3 綠1 紅, 我地話要4個 紅喎, 佢轉頭轉番 4 紅比我地, 但係, 個碗邊呢, 有綠豆糖水漬, 一條條, 又有 紅豆漬, 又係一條條, 仲加送幾條海帶絲掛係碗邊, 咁多條野掛晒係碗邊, 真係見到都嘔心.

成餐飯, 只係個 炒菜, 同埋個旦散, 係 ok的. 咁樣點做一間貴價酒家?!

到埋單, 佢仲要唔老實, 計多一個菜. 唉, 呢d 酒樓, 我打咁多字都係想唔好有人再中招.

This was the third time I visited here and, again, had a splendid dining experience. At the time we were escorted to our table, a server politely asked if we could swap table with another group of customers. We swapped as asked though the servers were still very attentive even our location was changed to the corner area.

Then we ordered the stuff below…

籠仔薑蔥蒸蝦: served in 5 mins after we placed the order, what a speedy service! The shrimps didn’t have the strong ginger and spring onions tastes, though were very fresh. The fleshes were firm and bouncy, almost fully detached from their own shells that I was able to taste the entire shrimp – from head to tail!

蝦乾蝦子海參仔: served together with the steamed shrimps. I was once wondering if this could be salty. Well, the chef had proven all my worries were for nothing. The tastes of all ingredients were nicely blended together; especially the sea cucumber had really impressed me, because in my previous experience they were all over-cooked or had already lost their unique tastes, whereas this dish perfectly kept the sea cucumber’s own goodness.

While we started eating the shrimps, the server who asked us to switch to another table had given us a surprise. He had offered a small roasted meat platter as an apology. It consisted of roasted goose, roasted BBQ pork and roasted pork belly. Both goose and BBQ pork were excellent, and I quite liked the reasonable amount of fat attached to the meat. Unfortunately the pork belly seemed put aside for a long while as the skins were not crispy (honestly, they were soaky!!) and that did affected the texture and of course the taste.

金銀蒜蒸鮑魚仔: we ordered eight small abalones since it was only $10 each. Definitely value for money as it costs almost the same if we prepare at home. The abalones were not too chewy, and tasted so great with garlic and soy sauce. All of us should have ordered more.

Desserts were on the house too. Desserts of the day were西米露and紅豆沙. I tried the西米露. The tapioca were semi-melted when served but still acceptable, it contained few chunks of taro and pumpkin. According to my friend, the 紅豆沙 was lack of starchy texture, but since there were quite a lot of skins, we guessed that might be because the server had forgotten to stir well before and this could be improved.

Overall the food quality was excellent. We all were very satisfied and filled up, hopefully will visit again very soon.

收工之後, 成班同事去太湖"飲夜茶"去

原先的夜茶, 變為late dinner, 因為一碟點心都無叫, 小菜做特價中 引死人咩

中蝦選擇蒜蓉開邊蒸, 蝦肉鮮甜彈牙, 即使特價但味道質地絕對見得人 蒜蓉豉油好味得要叫碗白飯來送, yummy

一人再來一個蟹粉小籠包, 廿蚊一個, 蟹粉極多, 像灌湯餃的做法, 咬開之後, 蟹膏流入湯中, 用匙更連湯一齊食, 唔使side哂d蟹粉

柱侯牛腩煎米粉係另一美食, 牛腩係入口即化, 又極之有牛的味道, 就好似媽咪用壓力煲燉牛腩一樣咁好味

鯪魚球豆腐煲就比較普通的一味, 鯪魚球落太多了, 多反而唔好食, 而且沒有胡椒的味道, 係唯一一樣食唔哂的食物

價錢唔貴, 又幾好食, 所以成日都來

宵夜的好地方係太湖海鮮城, 價錢平, 選擇多

十點半後有十幾款一加一套餐, 七十幾至八十幾蚊一款, 同女人去食, 叫了咖哩牛腩煎米線同鯪魚球豆腐湯個餐, 好食到不得了

咖哩牛腩煎米線的牛腩係淋到你唔信, 有差唔多八九件好淋同好有牛味的牛腩食, 好快就食哂, 煎米線阿女人讚不絕口, 將米粉煎成餅狀, 都幾惹味, 只係個邊有d燶, 似飯焦的味道, 所以我食哂中間d米線, 女人就食邊, 因為佢鍾意食飯焦

一粒十五蚊的蟹粉小籠包, 叫了兩粒食, 蟹粉好多, 小籠包其實好似灌湯餃咁, 有湯浸住, 味道都唔錯

兩個人食百零蚊, 但係食物都幾好味, 值得去食

我 Nakita 是開明的人 有亶當然會有讚的

上次給了劣評 今次再給這店機會

這次 我和朋友A 點了
chopstick 牛肉球
chopstick 春卷
chopstick 炸鏝頭
chopstick 蟹子燒賣
chopstick 腰果咸菜牛柳粒


但是這次再光顧...
牛肉球.....肉質鬆軟 可口

春卷仍然Keep 到水準... 即叫即炸...用料足

蟹子燒賣.....size 勁大 , 勁可口

炸鏝頭..... 熱燙燙的 ~~ 好味道

腰果咸菜牛柳粒..... 腰果好多 , 和牛柳粒配合得很好 .. 真是啖啖肉啖啖腰果


很高興他們能曾水準回彈 ... 可能之前唔好吃比富豪"媽"

此店仍會是我 Nakita 及朋友的飯堂

自小便十分喜歡吃點心
可惜香港區的飲夜茶選擇并不多

所以一直都是在 銅鑼灣太湖飲
因為可以食到凌晨 2 點半

這次 2 位點了
牛肉球
春卷
桂花榚
叉燒飽
五香鮮牛粉絲


再上星期來過, 水準仍是好好的
但是這次再光顧...
牛肉球由正常的2 大個 好好吃的球, 變成3個只有粉而沒有肉味的牛丸

春卷仍然Keep 到水準... 即叫即炸...幾OK

桂花榚口感一樣, 只是每塊桂花榚體積少了 50%.

叉燒飽... 體積少了 20%

五香鮮牛粉絲.... 粉絲由之前佔鍋30% , 現在佔鍋60% (即是牛肉由70% 變成40%)... 而且重好咸,
咸到要用2碗水來浸, 才能吃得下一碗粉絲

總之 整晚都有被搵笨的 Feeling

好地地的一間富豪的飯堂會變成咁, 實在令人痛心 ....

各位食家 , 麻煩介紹一下 香港飲夜茶的地方 啦 ~~ 謝謝

同事獲獎舉行慶功宴，筵開兩席，選址要在銅鑼灣，要有廳房及麻雀耍樂，又要符合「筆直」，結果選了太湖海鮮城。

訂座時已選定了本月推介之海鮮宴，菜單如下：籠仔薑蔥灼海生蝦，金湯蟹黃翅，因同事喜愛素鵝，遂將石頭窩燒三蔥元貝蚌仁改為素鵝，大海斑兩味：翡翠炒海斑球，炸菜肉絲蒸頭腩，蒜香煎龍蝦球伴天使麵，鮑汁海參縐紗卷，芝麻鹽焗雞，鮮蝦荷葉飯，精彩靚甜品。

我們三人先到，到了二樓的接待處，經理說席設在三樓，入了廳房約二十分鐘後，才有服務員發覺這廳房有客到，可能是晚有其他廳房忙於招呼吧。我們等齊「腳」，便開始竹戰了。約個多小時後，及至所有同事到齊，通知經理十五分鐘後開席，經理甫先拿了一膠袋載著的蝦進來，以示生猛。

首先上桌的是籠仔薑蔥灼海生蝦，看不似海蝦，但也爽口彈牙，唯無乜蝦味，金湯蟹黃翅，不知金湯是不是南瓜湯，祇是顏色橙澄澄的，但沒南瓜味，也分不出湯料有沒有翅，祇是一堆海鮮料，素鵝是其出名名菜，是炸腐皮包著冬菇絲，雜菜絲之類，香脆可口，大海斑兩味：翡翠炒海斑球，以菜心放底，石斑起肉炒球，肉質鮮美，炸菜肉絲蒸頭腩，也見佳妙，頗多肉之故，鮑汁海參縐紗卷，以炸腐皮捲成蛋卷狀伴碟，中間放炆好的海參，上淋蠔油鮑汁茨，若知這個菜是腐皮卷便不會改菜，變了兩個菜都是腐皮，芝麻鹽焗雞，炸得皮脆肉香，上加芝麻更添香味，蒜香煎龍蝦球伴天使麵，是天使麵放底，上放十二件蒜蓉龍蝦肉，龍蝦肉無鮮味，天使麵太腍，寧可用伊麵代替，鮮蝦荷葉飯有荷葉香，精彩靚甜品祇是西瓜。

是晚可自來酒水，免收開瓶費，把酒言歡至夜深，竹戰亦有些少斬獲，人生一樂也。

今個星期六 H 為了慶祝 K 的生日，故計劃了赤柱半天遊，放工後先到銅鑼灣嘆茶，然後再乘小巴入赤柱，在銅鑼灣地鐵站一出，好多酒樓選擇，結果選擇了最近這間。

入座已是兩時多，原來有下午茶時段，真好!

大概點吃了以下:

菠蘿蜜桃小雲吞=>炸小雲吞好脆，餡料並沒有菠蘿蜜桃，只有蝦及肉，但配吃的甜酸汁中有幾粒菠蘿蜜桃，都幾好味道

蓮蓉煎埋=>味道一般，蓮蓉並不香

湯浸鮮蝦腐竹卷=>好味道

牛肉燒賣=>K話味道較差

珍珠雞=>味道一般，米太淋，沒有荷葉的香味

可能因為下午茶時段，埋單才是七十餘元，以各方面包括食物、服務及環境來評，絕對物有所值! 讚呀!

飲完茶已差不多四點，H & K 就按計劃向下一個食點進發了 : >

2008年12月19日晚飯

找藉口與當時還未是女友的友人逛街，之後便介紹她到這家我最愛餐廳之一的酒家食飯，雖然應該到一些較浪漫的餐廳，但我知道它一定不會令我失望

當晚點了五個菜：
- 芝麻雞（半隻）
- 蒜蓉開邊蒸中蝦
- 蒜蓉粉絲蒸扇貝（2隻）
- 酥炸軟殼蟹（2件）
- 臘腸芋頭蒸多寶魚
（送）木瓜雪耳糖水

芝麻雞 - 其中一味得獎招牌菜，果然名不虛傳。鹹鹹香香的芝麻與皮脆肉嫩的焗雞竟可如此匹配，配上爽口入味的雞腎，人間美食莫過於此！

蒜蓉開邊蒸中蝦 - 看似平凡的菜，實為另一顛峰之作。本人是蝦愛好者，這裡的蒸中蝦比甚麼地方都好。新鮮的中蝦，上佳的蒸煮時間，還有鮮甜的蒜蓉、豉
油，簡直是一絕。

蒜蓉粉絲蒸扇貝 – 友人說蒸煮的時間剛剛好，味道口感一流。

酥炸軟殼蟹 – 友人說或許是被其他菜的風頭蓋過，這個顯得相對普通，但我覺得油控方面處理得不錯。

臘腸芋頭蒸多寶魚 – 臘腸跟芋頭的香完全滲透至魚肉中，即使是較為多骨，我們也覺得十分滋味。臘腸芋頭也相當好，冬天吃份外覺得滿足。

喜歡這家酒家的原因，除了好味不在講外，服務更是一流的，我常常說待應會排隊替你換“骨碟”，這大概大部份也是老伙計吧。

會不會再來，這裡從來都是我的飯堂… 這時我在想，會不會有機會變成我們的飯堂呢

The restaurant was constantly running TV ad so I decided to give it a try. The restaurant occupied three separate levels. The ground and second floor targeted local dinners while the third floor targeted tourists. They were separate and not equal. The food was good but the portion was tiny, especially when you ordered seafood. It was also pricy for the quality and the quantity. There are many other restaurants in the neighborhood that offer much better food and service for less money. I said you can SKIP IT.

三年沒到此店,今日重臨,在此飲宴.
乳豬 - 肉少皮多,又薄又夠脆,
花枝帶子 - 西蘭花炒得爽,原隻帶子新鮮,
瑤柱雙菇 - 瑤柱夠淋,雞脾菇好食,
雞煲翅 - 配料多,份量大,啖啖都是翅,全晚最正!
鮑片 - 罐頭鮑味道尚可,髮菜好食!
東星班 - 魚皮好食過魚肉,魚腩好食過魚背.
龍蝦球 - 啖啖肉,過癮!
芝麻雞 - 招牌菜,新鮮雞,皮脆肉嫩,
炒飯 - 料多芡汁好,但不知名稱是富貴炒飯,還是什錦炒飯?
清湯麵 - 麵爽湯甜,一新口味!
迷你壽包 - 3CM大小,蓮蓉蛋黃餡,細啖分兩口食,可品嘗到真味!
紅豆沙 - 無食唔知,
西瓜 - 夠甜!
食物維持一貫水準沒變:服務態度亦保持上佳水平,好!

19/7今日舅父生日,所以就黎呢到食飯,環境殘舊,唔喜歡.服務好一般.價錢唔便宜,因為我地食左蟹煮伊麵(伊麵淋又無乜上湯味道),蒜茸蝦(乜蒜茸好貴咩,落得咁鬼少,仲要隻蝦細到暉)魚,芝麻鹽燒雞(鹹).,西蘭花魷魚(普通過媽媽煮),菜煮牛肉.西施骨(無味,又無乜肉).
回味三弄牛肉,話得奬菜,我又唔覺得有乜特別,又唔夠味.仲要98元碟,真係唔值囉

都樣野要讚咪西瓜同橙都好甜,不錯啦

14個人都食左3200幾蚊,又唔係特別好食,仲話有乜野得奬菜,我唔覺有乜特別,有人請咪食,無人請自己去食就不必啦!

細佬忽然提議到佢好日都唔去的銅鑼灣食晚飯, 阿媽又話以前食過呢間覺得唔錯, 今晚就一行 4 人0黎試試. 見佢成份 menu 都係「得獎菜」, 又掛到成條走廊都係 certificates, 結果揀的 5 個(食送)當中, 有 3 個都係得獎0野, 睇0下佢有幾巴閉.

- 芝麻鹽焗雞一隻: 雞皮鋪滿芝麻粒, 焗晒 d 油出0黎, 又薄又脆, 加埋芝麻, 鹹鹹香香, 勁正! 雞肉亦好嫩滑 (連雞胸都好滑) 入味, 食到停唔到口; 仲有雞腎, 爽口鮮味, 好食. 絕對推介!
- 薑米活魚炒飯: 飯炒得乾身, 粒粒分明, 帶薑(絲)的香辣, 仲有一粒粒蔥及一條條紅蘿蔔絲, 食落 sok sok 聲, 幾好食; 魚肉切到一條條, 滑滑的, 幾鮮味, 不過 d 汁都幾杰身, 十足茶記碟頭「滑蛋蝦仁」, 不過對味道無乜大影響, 無所謂啦.
- 鮑汁炆雜菜: 呢個唔係招牌0野, 但賣相真係 hea 得很... 「鮑汁」當然唔係鮑汁味, 味道則有 d 似「鱔糊」的汁, 好鹹0下; 雜菜就真係乜都有 d (e.g. 翠玉瓜, 白菜, 西蘭花...), 食落爽身, 不過味道一般.
- 豉汁蒸蟶子皇 4 隻: 豉汁幾鹹0下, 不過唔會太搶, 可以接受的; 蟶子皇就極爽脆鮮甜, 食得非常過癮. 推介!
- 西施伴霸王: 個名好浮誇, 睇英文先知係乜 -- "Scrambled Egg Ehite with Crab Meat Served with Prawns in Salted Egg Yolk ". 炒蛋白除0左蟹肉之外, 仲有落了蟹籽0係面, 旁邊的 4 粒圓形0野則係鹹蛋黃蝦. 蛋白炒得好滑, 亦食到蟹肉鮮味, 加埋蟹籽脆卜卜, 幾得意幾好食, 送飯一流; 蝦肉爽脆, 鹹蛋黃好「沙」, 加埋鹹鹹香香, 好食. 值得試試!
- 仲有送的紫米露糖水 (亦可選紅豆沙): 芋頭粉粉的, 紫米軟糯, 好香, 仲要唔係好甜, 0岩晒口味. 意料之外地好食, 唔錯唔錯.

食完飽到上心口, 好在有功夫茶飲0下消0下滯, 唔錯0既安排.

環境一般, 衛生都一般, 不過0黎到都唔係食裝修0架啦, 是但啦; 招呼就差0左 d, waiter 阿叔阿姐們都幾唔醒目, 仲倒瀉了阿爸杯茶 @_@"

埋單約 $170 一個頭, 考慮到食物咁好 (佢 d 得獎菜同出面好多地方的所謂「得獎菜」唔同, 並唔係浪得虛名的), 算好抵了. 阿媽真係好介紹, 會再幫襯的.

是文描述為去年十月時所發生之事件
有所延遲
萬莫見怪
十月正是吃蟹時
今年第一餐大閘蟹是很即興的
在對面海要有蟹食
除了上年被斬到一頸血的幟哥(2006-12-27食評)外
最方便就是太湖了

48的叫中蟹
128的叫特大蟹
老實講就算新鮮未煮的拿出來應該也分得不太清楚
就兩中一大吧
仔細看128(圖左的那隻)的好像真的大少許
味道嘛
48的羔已相當多和鮮味
蟹不是最肥美的
因為白色的肥膏不多
不過也相對無咁滯
但已很香
肉也蒸得算爽也易剝

總的來說
48已很抵食
128的味道和件頭都差不多
128/3=42.6
那特大的不值3倍吧
食多兩隻好過

另加了蟹粉小籠
一叫就上檯
明顯是蒸了十世
味道好唔掂肉多得有點可怕
卻吃不出蟹粉的味道來
千萬別試

鮮菇蝦茸生菜
清清的還可以
當蟹與蟹之間的間場也算不錯

最後再送糖水和功夫茶

兩個人三隻蟹
坐得舒服又有電視睇
平民得來很豐富又抵的一餐
如果想豪一點便另作別論吧

呢間野的食物今非昔比一早就有聽聞，但都姑且一試啦，點知一試幾把火。
上星期二去銅鑼灣太湖食，老實講，以佢的名氣及價錢，食物係有些令人失望，而且d食具有些不潔，但最不知所謂的係佢的服務。我地三個人6點半去到，佢話樓上book晒，只有樓下，仲係門口吹風位，算啦，有朋友從外國來指定要食呢間，點知我地上到樓上去廁所時，上面個經理以為我地未有位，問我地幾位，原來上面一個人都冇，佢地根本係想d客座晒樓下先，咁即係擺明呃人啦。
最離譜仲係後頭，星期五老豆生日，我星期一已經book左尖沙咀太湖7點正8位，我6點9去到，佢竟然俾左一張門口6人枱我，而家咁的天氣，個個著到雍腫，8個人點迫張6人枱﹖如果冇枱就唔好應承人啦，老實話full左咪算lor。而且我發現我未係最慘，有幾枱客訂左位，準時到，竟然冇枱，個經理叫人在門外吹風等半個鐘，如果訂左位都要等，就事先同人講啦，冇理由人地黎到先講，最差仲係佢地講完叫你等，就唔再理你，任你點投訴、講道理，佢都當你隱形，一句都唔應。睇到咁的情況，為免老豆生日都食到一肚火，我即時轉場到壯士敦廣場的酒樓。
呢間酒樓食物貴而唔係好好食，服務差到離奇，我睇佢而家係食緊以前d老本，好快d人發覺佢d衰野，我睇佢實執笠。