119
70
25
港鐵銅鑼灣站 B 出口, 步行約4分鐘 繼續閱讀
所有分店 (2)
電話號碼
31882639
開飯介紹
來自東京的米芝蓮一星拉麵店,招牌醬油拉麵及鹽味拉麵每日限量供應,店內堅持即叫即做每碗拉麵,以保持食物質素。 繼續閱讀
營業時間
今日營業
11:30 - 23:00
星期一至日
11:30 - 23:00
*最後落單時間:22:45
付款方式
Visa Master AlipayHK 支付寶 現金 八達通 AE 銀聯 Apple Pay Google Pay
座位數目
21
其他資料
Wi-Fi
電話訂座
加一服務費
當面支付
食評 (244)
等級8 2018-10-31
2305 瀏覽
睇過網上少少介紹「蔦」拉麵店嘅資料,既有米芝蓮一星嘅光環,又有東京最佳拉麵嘅稱號,繼新加坡、台灣後,香港店成為第三間亞洲分店。能夠衝出海外,自然有一定嘅實力,是夜同朋友嚟到,一探其虛實。走進店內,一室簡約嘅和風裝潢,配以柔和嘅暖光,有別唔少附近嘅拉麵店,全場只設有吧枱位,通道非常闊落,所以,整體感覺予人舒服。而吧位對住就喺開放式廚房,唔單止一眼睇晒師傅做麵嘅情況,更喺一做出成品,就由師傅雙手捧上,而且,要晌衞生方面有充足嘅自信先至敢咁做。不過,如果枱下有啲小勾,或者啲高腳櫈下加設啲細籃可以放吓袋就好,因為佢啲櫈背喺通窿,放袋唔方便。平常都會影影餐牌俾大家參考吓,但個餐牌以軟膠Z形製作,唔方便壓平影,所以,今次就偷懶少少唔影足個餐牌嘞。但簡單講,主打就梗喺拉麵啦,醬油味、鹽味、味噌配叉燒拉麵,仲有照燒雞拉麵、小食、丼物同飲品……等等,而份量就有分標準同大碗,但就無咩軟硬度嘅麵條選擇咁多花臣嘢搞。日式煎餃子 $45先嚟一客日式煎餃子過過口癮,一客5隻,隻隻飽滿都煎得都好靚仔,入口果然皮薄而香脆,豬肉餡鬆化富肉汁,沾少少秘製辣醬(其實唔喺好辣嘅啫),咁就更惹味喇。味噌叉燒拉麵 $134「蔦」嘅拉麵晌配菜上都別樹一格,唔喺咩筍乾、木耳絲、紫菜,睇餐牌就見到包括紫洋蔥、粟米、芽菜、西洋菜,並拌有牛肝菌蘑菇油及辣醬。友人所揀嘅叉燒拉麵,小弟先黐一啖呷口湯,個味噌湯底,除有麵豉香,由於,加咗牛肝菌蘑菇油,似乎又有陣陣菌香味;此外,亦試咗塊叉燒,喺少肥嘅版本,適合依家講健康嘅大環境,然而,一啲都唔嚡,質感幾鬆化。照燒雞味玉拉麵 $107同樣都喺拉麵一碗,但配菜跟上述嘅叉燒拉麵就大不同,喺沙律菜、粟米、蘑菇、洋蔥,而小弟都幾鍾意食溏心蛋,就梗喺揀要有味玉啦。照燒雞拉麵會配番清雞湯做湯,望落去都似豬骨湯,但就無咁漿口,卻喺仍然咁濃郁;兩片照燒雞其實真喺唔喺好多,但燒到帶點焦香,只喺無預期咁嫩滑啫;而溏心蛋堅好食,做到流心不在話吓,隻蛋本身都浸到入味;麵條方面,既掛湯,又有嚼勁,而且,份量絕對唔少。比起坊間其他嘅拉麵店,「蔦」嘅定價就稍高一線,而短短一條登龍街,已經有多家出名嘅搵麵店插旗,相信有實力嘅,終會站得住腳。唔使飛到日本,試到米芝蓮一星拉麵店,始終有一定嘅賣點。 繼續閱讀
(以上食評乃用戶個人意見 , 並不代表OpenRice之觀點。)
當天我一邊獨個坐在吧枱吃著這拉麵,一邊偶爾看著師傅製作麵食,一邊吃花生🥜看著全城最熱的八卦新聞☺️☺️☺️照燒雞(兩片)味玉拉麵 $107 + 10%👉🏻此拉麵店定價很高,以$9X起跳。👉🏻麵質幼身,照燒雞有雞味。粟米粒有香濃的牛油味。配沙律菜可算新穎但味道不比拼紫菜般合襯。流心蛋蛋白薄,內有超多流心蛋黃漿,蛋味濃郁。👉🏻原本的賣相指是除了沙律菜外近乎所有碗內的東西都沉底,此圖乃本人不忍賣相太醜而執好位置的成果。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-04-08
0 瀏覽
同 friend 大約8點到,滿座但係唔多人等,大約10分鐘有位。空間比較細,但係裝修正,環境清潔,音樂唔會太大聲,偶然會聽到所有職員同食完嘅顧客講日文嘅「多謝幫親~」(唔識 lol)職員會從 open kitchen 將食物放喺你面前,然後用日文講一次嘢食名(辛苦了😂)我叫咗「照燒雞味玉拉麵」,friend 就試「醬油味玉叉燒拉麵」。雞塊多、稍大,要用多少少功夫去食😂 不過個人認為加沙拉菜有啲怪?另上嘅話好似好啲。friend 認為叉燒 okay。我地都覺得溏心蛋正,拉麵 okay,湯底夠濃但普通,整體鹹度、份量都啱啱好。大約食完嗰陣,職員會彈出來俾杯室溫水你。我同 friend 食完後,坐多咗起碼半個鐘先出去埋單,冇俾人趕 最後當然有全體職員同我地講「多謝幫親~ (日文)」大致體驗唔錯,會再去(等出糧先😂) 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-06
59 瀏覽
去咗試自稱係世界第一間被米芝蓮揀出黎嘅拉面🍜舖頭唔算大,店面有濃濃嘅大陸feel,waitress服務幾差。坐係吧台見到廚師煮面嘅過程,都得意。▪️照燒雞味玉拉麵(四片)(標準)▪️ $125湯底幾普通,但係唔算好油,照燒雞係用雞腿,唔鞋,拉面唔會浸到好淋,硬度適中。▫️醬油叉燒拉麵(四片)(標準)▫️ $134醬油湯底都係普普通通,叉燒大大塊,有手掌咁大,但係唔係咁易咬得開。唯一特別嘅係加咗小小松露醬,將佢攪開,成碗都有松露味係幾香。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-26
40 瀏覽
自己一個人食飯的時候拉麵確實是很好的選擇。原因是快靚正。今次就試下擁有米芝蓮一星既蔦拉麵(Tsuta)。門面裝修還算不錯呢。很好彩地可以即時入席呢。坐下才發覺位與位之間都比較貼近,很容易碰到隔離食客呢。入舖時買了票後,在等食期間竟比我發現他烏龍茶也相當好飲呢,不禁飲了好幾杯。終於拉麵到了,我叫的是醬油味玉叉燒拉麵。賣相都不錯呢,湯底亦比較清徹。但我個人是一個比較喜歡卜食濃味的,所以平常都會食魚介或豬骨湯底的拉麵。今次這個醬油拉麵湯底可能用雞熬成,所以味道比較清淡,確實不太對我的口味,但味玉就煮得剛剛好和入味,這個是值得一讚的。至於叉燒份量比較薄了點。整體上來說服務都還不錯,但坐位空間比較迫。今次也是一個不錯的體驗,更確定自己喜歡食邊類型拉麵呢 繼續閱讀
(以上食評乃用戶個人意見 , 並不代表OpenRice之觀點。)