一踏住去, 就似是回到過去似的, 因為那裡的擺設很古色古香!
桌子和椅子都是用實木造成的, 還有那把在天花上的風扇和柔暗的燈光!

我們點了雲吞麵和蝦籽蘿蔔!

喜歡那雲吞麵! 因為送上來時是用麵蓋著五粒小雲吞, 是傳統的,是小時候看見的模樣!
麵是沒有鹼水味, 又很彈牙, 雲吞細粒左啲, 大番少少會仲好, 蝦都係爽爽的又不會過咸!

蝦籽蘿蔔都是好好的! 蝦籽唔鯹而又香, 咬落脫卜卜! 蘿蔔沒有根又清甜, 沒有苦味!
兩樣都能互相映襯, 一鮮一甜, 雖然是炎炎夏日, 但很是適合!

望一望, 見到人地有coke,又係傳統的玻璃樽, 點可以唔order番1枝呢
嘩~ real coke!

近門口還有一個專櫃是賣麵的, 還是用好傳統的紙盒!

踏出去, 又回到now ! 好熱~~~~

對於元朗 已經日漸熟識 第一次黎老字號既[好到底麵家]
唔知點解 對老字號既店好似情有獨鍾咁 由西環食到上水 我都未覺得有一間係唔好味
只係老字號既裝潢未夠新潮 冷氣又唔夠凍 愈來愈少人幫襯 一間又一間咁消失 啲野食都愈來愈貴
不過呢間既價錢都唔係貴得過份(因為佢細碗)
雲吞 1碗8粒 細細粒 好易入口 見到成隻蝦係度 但佢又無話放得多得濟 一隻 就岩岩好
炸醬麵 我鐘意佢個汁其實少少辣幾好 不過如果你跟佢放入個湯 啲味就走曬 得番個麵 咁不如食麵更好
水餃幼麵 我覺得好好味 無鹼水味彈牙就唔係超彈 但係咬得開

不過佢真係得好少 我食左一碗係唔飽 要搵野再食

在元朗長大,由路也走不隱的年紀到現在,也過了十多年,
它的雲吞麵算是我長大中的一種回憶,呵呵
小學時吃得最頻密,大了就少了到店裡吃大多外賣回家,
最近突然很想坐店子裡吃一次,
麵雖然少了,但麵還是很好吃
雲吞也很好吃,蝦味十足,
難得過左咁耐,他們的雲吞麵還是這麼好吃
所以真的很喜歡他們的雲吞麵,加點辣醬真的很正

自己係土生土長既元朗人，
但18年黎都未食過好到底，
於是心血來潮就入左去食啦XD

叫左雲吞麵同雲吞撈麵~
我食雲吞麵，
個湯底飲得出應該有大地魚煲出黎既味道，
媽咪話有少少豬油味，唔知佢係指湯底定係麵，
個麵好爽！
雲吞好多蝦，好爽口，都新鮮既蝦！

環境似懷舊冰室，有樓上雅座=]

其實耐不耐就會黎食麵

沒有什麼就是簡簡單單傳統的味道
((其實傳統的味道現在很難找！！))
撈麵個湯好飲！

也喜歡這裡保持原本的裝飾

新年時,有大陸親友來了香港,媽咪與我帶了她們去元朗好到底麵家,媽咪好喜歡食好到底,味道都清淡,味道唔會太咸,麵又幾好食.我們去到好到底坐下後.叫了雲吞麵同雲吞伊麵,自己喜歡食伊麵.都不錯,媽咪係可以連湯都飲埋,好到底麵都ok,我與屋企人都間日來食下
來到元朗唔可能唔去好到底,是元朗老字號麵家,價錢貴左些少

年初二, 一家人去元朗行街
母親大人話介紹我食呢間舖既雲吞
五十幾六十年既老舖, 當然不能不試啦

環境係上一代既茶餐廳, 即係好似澳牛咁, 但係唔會九秒九趕你走
麵既份量亦都好似其他出名麵舖一樣, 係細碗既
即係好似出面用湯碗, 呢度用飯碗咁

我地叫左一人一碗淨雲吞
一細碗入面有八粒
每粒就好似一個五蚊咁大
令我記起某集蔡瀾節目入面, 蔡san 話過雲吞係細細粒先arm

先講湯, 一飲就知唔係味精湯, 而係用D乜骨物骨「餚」出黎既
夠火候, 飲完唔覺口渴, 感受到湯底有幾重要

去到雲吞, 夠爽口, D蝦唔係lar 到無晒味既死蝦, 同埋有大地魚令到佢咁有鮮味
個雲吞皮亦都無鹼水味, 都埋唔會一夾就爛

父親大人叫左一碗牛腩粗, 我試左個麵, 亦都係好彈牙

老字號, 良心食品有水準~

下次要試下D蝦籽類食物....~

老字號出名一定有原因...
雲呑不是最好食....
最好食.係個麵.無簡水味....爽口.....
湯底仲好甘香.....

也有兩年多沒有來到"好到底",想起他們的蝦子,於是便來吃個蝦子蘿蔔.

吃過水餃,蝦子撈麵,但未試過雲吞麵,份量不大,正正式式細蓉份量,有些人可能覺得不夠飽,我反而慶賀這間幾十年老店,並沒有受到元朗的"拳頭壽司"文化沖擊,連雲吞也要來個加大碼.

雲吞餡肉多過蝦,在今天很多人眼中,已不合時宜,雲吞一味要多蝦,如果吃雲吞一味要蝦餃,不如去吃蝦餃吧.麵條是乾貨,所以不及那些新鮮麵條彈牙.湯底味道略淡.沒有生氣.

一直覺得吃過最好的蝦子蘿蔔,在車品品,好到底的蝦子鹹香有層次.但蘿蔔帶點苦,入口還有渣.有點失色.

下次再來,水餃伊麵,淨雲吞,再加個蝦子撈伊.差不多了.

放假天，女朋友晚上準備大顯身手，煮些好東西給我吃云云！因此早上也不能要女朋友太辛苦了，於是就和女朋友外出吃早午餐（放假天，早午餐通想也是一次過吃的了）接著就到市場買菜回家「煮飯仔」。近日光顧過「劉森記」，的確令人回味（詳情請參閱食評-《初嚐竹昇麵》）深水埗有「劉森記」，元朗也有「好到底」，一間晚上七點左右就已經關門大吉的性格老店，想光顧也不容易，因此早上去吃倒是一個合適的時間，於是就決定和女朋友去「好到底」吧！

行了十多分鐘，到達「好到底」，內裡人客頗多，不過剛巧有個面壁的卡坐，我和女朋友就坐到裡面了。女朋友看著墊在枱面玻璃下的餐牌（舊式的粉麵店一向如此）既然前不久才光顧「劉森記」，我就依樣畫葫蘆，叫雲吞蝦子撈麵。女朋友最後決定叫牛腩麵。

牛腩麵

女朋友的牛腩麵先來，看起來非常「的骰」。牛腩約有三块加一块牛筋，女朋友給了我一块牛腩，吃起來夠腍，有肉味，類似清湯腩的煮法，沒什麼調味，頗為清淡。不過份量的確偏少，女朋友不消一會就吃飽了。女朋友覺得味道算做不錯，不過份量太少，感覺跟沒吃過沒兩樣（女朋友的食量已經很少，但仍然覺得不夠，看來這碗牛腩麵的份量的確少得有點可憐）

蝦子撈麵

蝦子撈麵與雲吞麵分上，蝦子撈麵份量與「劉森記」相若，不過蝦子的份量看似沒有「劉森記」的多。先吃撈麵，麵質爽口彈牙，蛋味濃郁，細嚼下亦不覺有鹼水味，實在值得一讚。配合濃郁的蝦子鹹香味，整體食味更見豐富（相較「劉森記」的蝦子撈麵，「好到底」的蝦子要鹹香很多，相信與用料及後期製作的功夫不無關係）

雲吞

雲吞方面，共五粒，Size細小，真的是一口一粒，不過散尾不甚明顯。雲吞餡料基本上全用豬用，甚是標準，唯吃起來卻很「死實」，相信與豬肉的肥瘦比例不均不無關係，而且吃起來沒什麼鮮味，湯底味道亦很淡，沒什麼鮮味（雲吞及湯底方面，「劉森記」實在贏回一仗，兩方面都比「好到底」要出色許多）

「好到底」內部裝潢很有老店的味道，感覺相當懷舊；環境保持整齊清潔，值得嘉許。麵的質素不用懷疑，單就蝦子撈麵來說，綜合麵的蛋香，爽口度，鹼水味及蝦子的鹹香上，水準相當高，甚至比標榜竹昇麵的「劉森記」有過之而無不及；不過雲吞及湯底上，「劉森記」則要出色不少，可謂各擅勝場。唯價錢方面，就以雲吞蝦子撈麵來說，「好到底」要比「劉森記」貴上不少。不過作為感受一下元朗麵家之翹楚的風味，還有可以買點蝦子麵作為手信，付出一點溢價也是值得的。

Berlin

元朗區出名的老店，當日要了一碗雲吞麵及炸醬撈麵。本來擔心一般這些出名的麵店份量也會很少，擔心食不胞。幸好這家的份量還算適中。

雲吞食下去頗彈牙，麵亦爽口。至於撈麵，就不過不失，沒什麼特別。

店子的裝潢十分懷舊，坐在裏面吃東西別有一番風味，這點可值得加分。

星期一，重陽節，天高氣爽，是登高嘅好日子，又是一年一度入元朗圍村食盤菜嘅集體節目。盤菜宴四點幾先開始，與太座等一行五人先到元朗市中心醫一醫肚，便想起這裡來。

說是最好嘅蝦子撈麵($35)，是沒有誇大成份的。首先，蝦子落得夠多，密密麻麻的鋪在麵條上；二來蝦子是炒得頗香的，比起深水圽的「劉森記」是出色得多了。麵條咬落有韌勁，但不是一味死實如橡筋般，還有啖啖蝦子嘅鹹香，十分可口。至於湯方面，一則不是常見嘅大地魚清湯，呈奶白色，飲落亦冇蝦之鮮甜味，普通貨色而已。

除了蝦子撈麵以外，還點了水餃湯麵($22)。麵條同樣是水準以上，沒有鹼水味，不過水餃真是差得可以，餡料裡嘅筍子一粒沒一粒，分佈不平均，蝦是乾癟的，跟肉嘅比例大約是一與三之比，豬肉亦嫌過瘦，沒脂肪嘅甘香。比起細蓉，呢碗水餃麵是差得很遠矣。

要數好吃嘅湯麵，呢到似乎差了一班，不過論蝦子撈麵，在五隻手指都數得出嘅情況下，點都要算到這裡份上(只計香港區可稱冠，算上濠江，筆者還是覺得「皇冠小廚」最好)。下次再來，應當要試一試蝦子蘿蔔。

食完牛丸腩,再掃一砂鍋粥,行行下又走去好到底.

好到底有幾耐歷史唔駛理,總之好食就得,不過有時都要撞手神,食左超過廿次,試過d麵太淋,亦試過湯底唔夠味.

話晒食左兩餐(一小時內),求其一碗雲吞麵好了.

雲吞麵 : 細蓉真係細,諗起以前細果屋企門口係雲吞麵檔,叫親細蓉都係大碗上幾個人嘻嘻哈哈分,果一刻情境,諗返起都好warm,有時諗下,有d人日日死博,為名,為利,但最可貴既始終都係親情.
其實今次麵底淥得相當好,時間拿捏準繩,爽口又無鹼水味,雲吞亦係啱啱淥好,皮滑又唔散,咬落有朕蝦子味輕輕沁出,真係好耐無食過咁高水準雲吞麵,作為掃街尾站,好滿意的一天.

一場入到元朗, 未肚餓都要試吓依間老字號.
店入面充滿懷舊Feel, 包括枱椅同食具!
叫咗一碗雲吞麵.
麵條亂蓬蓬, 好求其, 加上旦麵唔啱我口味!
雲吞死實, 感覺唔新鮮!

結論: 懷舊Feel一定有, 雲吞麵好唔好食,見仁見智la

很多人到外國后常常懷念既係香港云吞面,
但其實香港既云吞已經走晒樣,大大粒雪蝦云吞,真叫人失望.
今日再去食好到底,確係唔同,云吞SIZE啱啱好,蝦肉有鮮味,
有咬口,有質感,炸醬撈面亦頂呱呱!