全城抗炎!卫生保障 推行防疫措施餐厅一览
2020-02-07

武汉肺炎持续肆虐,条街都静咗、少咗好多人,但日日三餐屈喺屋企食面包食杯面公仔面都唔系长远之计。想出街食饭嘅话,拣啲做足安全措施嘅餐厅就安心啲啦。事实上香港有唔少餐厅为咗保障员工同客人嘅健康同安全,都推出咗唔少特别嘅抗炎措施。

捐口罩 请食饭 My Boat


图﹕SAlytHei_W

眼见香港人个个都为咗抢口罩而疯狂,最惨系见到老友记同基层巿民抢唔到!呢间餐厅实在唔忍心,於是发起「你捐口罩,我请食饭!」嘅行动,由即日起,捐5个口罩以上或消毒用品嘅话,可获免费小食一客 (晚巿时段);而捐一盒口罩嘅更可获一份免费套餐! 至於收集到嘅所有物资,餐厅都会交去城寨,由佢哋再转发畀有需要嘅人。另外餐厅亦做足一系列卫生措施,包括高温消毒餐具、厨具、每日至少消毒两次餐台同餐櫈、提供酒精搓手液等等。

餐厅位於观塘,以海洋为主题,锺意鳗鱼饭嘅朋友不妨试下呢度嘅手势,原条鳗鱼上,比较特别嘅系炒饭底呢,好香口!

免费派口罩 渔一海鲜火锅料理 


图﹕SAXXYRUBY、渔一海鲜火锅料理Facebook专页

唔少香港人为咗买口罩,而要冒着寒风通宵排队,令人非常心酸。呢间餐厅就不计成本,准备咗500个口罩,希望可以分畀有需要嘅人!口罩派晒,但餐厅仲有提供消毒手液畀食客使用,餐前餐後都搓乾净手先。

介绍返,呢间火锅店位於尖沙咀,净系汤底都有成18款选择,好似醉鸡锅呀椰子蟹煲呀咁,各款海鲜同配料都好新鲜。

超高温蒸气消毒 Café Paradise 


图﹕tasteofsincere、Café Paradise Facebook专页

为咗提供一个更安心嘅饮食环境畀客人,呢间餐厅嘅餐具都经过超高温嘅蒸气消毒,务求令餐具更卫生咁话!如果客人自己准备餐具,从个人做好防疫措施嘅话,餐厅仲会送$5折扣添~ 同时体温过高、身体不适嘅朋友都未必可以入场用餐。

香脆猪手系佢哋嘅招牌,皮脆肉嫩,去到记得要试呢。

定时量体温 安安烧 


图﹕Yummy Fooder、安安烧Facebook专页

呢间餐厅为确保每位员工都健健康康,会定时为员工量体温,而且亦会要求客人量体温。洗手间每个钟都会用消毒液清洁一次,同时设有消毒喷雾,务求唔会残留任何病毒。餐厅仲非常贴心,提供消毒液机、消毒湿纸巾畀客人搓手消毒,每枱仲会有公筷等公用餐具添,而喺抗疫期间,餐具亦暂时换晒用即弃餐具!

餐厅主力提供串烧,当中以蒜蓉烧扇贝、烧茄子、烧韮菜等最受欢迎,芝士控必食三重芝士捞丁呢,够晒浓呀!

免费派漂白水 荳子


图﹕tomandcharlieNikita_cheung

现时任何清洁用品嘅供应都相当紧张,无论系消毒洗手液,定系漂白水都系。而呢间餐厅就非常有爱,佢哋五间分店喺呢几日都免费派漂白水,街坊只要自备器皿,就可以限取500ml漂白水,令唔够物资嘅街坊都可以暂时放心下啦。

平时人气都好高嘅呢间cafe,畀人一种悠闲嘅感觉,去到叫杯3D拉花咖啡再加多份甜品,都可以令人暂且放松。

帮手买消毒液 Amitie Kitchen 


图﹕蝴蝶结姐姐John Lemonnn

呢间意大利餐厅眼见香港嘅物资愈嚟愈紧绌,唔少人都非常担心,所以主动为大家网购消毒搓手液,虽然数量唔多,但帮得几多得几多嘛,老板亦继续努力再搜寻中。

呢间西餐厅嘅蒲烧特长鳗鱼流心意大利饭,长过只手掌嘅鳗鱼底下,仲有只流心蛋呢,双眼要发光了!

另外,仲有多间同香港人齐上齐落,同心抗炎嘅餐厅,例如:

香港岛﹕
都爹利会馆CommissaryAvengers Kitchen & Bar火锅捻.典华火锅捻.典艺貘记活一鲜皇后饭店Ham & SherryLouiseMak MakMONO奥卑利Kaum @ Potato Head Hong KongHappy Paradise粥粉面饭掌门精酿啤酒

新界﹕
都爹利会馆吉壹野慧食猫潮食阁牛県豚道乐 ButadourakuRelax Coffee 荳子(将军澳)、荳子(沙田)、荳子 (大埔)、荳子 (马鞍山)、光荣冰室

九龙﹕
真.秘锅豚道乐 Butadouraku甜记饺子青花亭Plato Cafe Bistro走肉蔬食研究所膳心小馆六両三安安烧尚上下夏 - 养生鸡煲火锅WOFT火锅捻独 ‧ 火锅捻楚捻记大排档URBAN CAFÉ荳子 (九龙湾)、掌门精酿啤酒光荣冰室(旺角)、光荣冰室(九龙湾)、光荣冰室(尖沙咀)、大渣哥茶记 、龙门冰室


文:Kiko
编:Kar


关键字
防疫
派口罩
派漂白水
蒸气消毒
外卖
香港人加油
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
情人节去K11 MUSEA 一文睇晒浪漫餐厅
2020-02-06
【随时更新】零食速报 每周新款零食、酒品点评
4天前
全城抗炎 与医护同行!提供医护餐饮免费优惠餐厅一览
2020-01-31
美国人气肉桂卷抵港!烟韧原味/朱古力/焦糖胡桃卷(有片)
2020-02-06
全城抗炎!60间餐厅推$0-$25酒精搓手液换购计划
2020-02-12