42
8
2
餐廳: 1仔冰室
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵黃埔站 B 出口, 步行約5分鐘 繼續閱讀
電話號碼
31188111
開飯介紹
街坊式的親切經營,傳統炒粉麵飯、港式早餐當然一應俱全,絕無欺場,一直努力研究如何將港式食物與潮流飲食習慣結合,成為新舊「 fusion 」的港式冰室 繼續閱讀
營業時間
今日營業
07:00 - 23:00
星期一至日
07:00 - 23:00
付款方式
AlipayHK 支付寶 現金
其他資料
支持防疫 詳細介紹
Wi-Fi
酒精飲品
自帶酒水
外賣服務
電視播放
當面支付
食評 (66)
今日星期日休息一下去幫襯黃店慳妹成日嫌貴唔捨得食 偶然出街食就算啦😂今次去食1仔冰室叫左個招牌慢煮豚+黯然銷魂飯 $68,凍飲+$3個叉燒都幾瘦下~唔夠香口可能係因為慢煮,認真我係鐘情敏華既,可惜有得再幫襯。個蛋雖然唔係太陽蛋,但係荷包蛋微燶邊,還可以,個甜豉油汁都幾甜,可能少左份油香,面頭有少少蔥油中和返但唔會搶左個味,層次黎講都同敏華一樣,上層流蛋汁+蔥油,中層白飯,底層甜豉油汁。中上貨色,如果比分都係敏華好食過佢。我唔知係咪叫錯左 人地原來仲有一款就咁黯然銷魂飯 $48 ,下次再試。茶餐菠蘿油配雞扒炒蛋$37,菠蘿油當然唔係新出爐就扣分,唉,塊牛油🧈係夠既,雞扒塊皮可以再煎香脆一點就冇咁油膩,炒蛋就真係算吧啦~我唔岩食d全熟既炒蛋,尤其是如果唔用奶去炒既全熟蛋係一d都唔滑。服務方面,有待改善一下,咁既時候應該更注重衛生,我入到店告知要搭枱,我表示唔想,願意等候二人枱,之後冇人理過我,我仲係門口等,點知另外2個男人入去就話唔洗等位,咁係咪即係有枱?唔洗通知我?咁我係門口等乜嘢?坐低後到點餐,都冇店員抹枱直至我叫佢🤷🏻‍♀️Poster,文宣無處不在。黃店要支持,但都希望keep返個水準keep住班食客 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-26
270 瀏覽
紅磡超黃茶餐廳💛茶餐廳黎講佢算高質,裝修幾靚,到處都係文宣(靚個種),座位夠闊落,坐得好舒服😆如果我住附近,一定會成日去食😋.🥧下午茶餐講真茶餐廳我就唔諗住講啲味道喇,都係啲炒粉麵飯同公仔麵😂下午茶幾抵食,$33已經食得飽(包飲品)🤙🏼.🥧滑蛋叉燒飯呢一個唔係下午茶黎,都算係佢地嘅招牌之一🤩好大碟,女仔最好孖份食👯‍♀️味道正正常常,唔覺得有啲咩特別,而且啲蛋有啲老🤣.🍽味道: 3./5🏙環境: 4/5👨🏼‍🍳服務: 3/5💧衛生: 3.5/5💰價錢: 4/5 繼續閱讀
(以上食評乃用戶個人意見 , 並不代表OpenRice之觀點。)
每次當我係紅磡食晏, 又想歎返杯香滑既奶茶既話, 我一定第一時間諗起 1仔冰室 。聽講好似坐鎮係呢度既師傅曾經拎過沖茶大獎, 所以絕對係信心既保證。今日我又同朋友去左 1仔冰室開餐, 貪呢度奶茶好飲之餘, 午餐亦有相當多既選擇, 可以遷就到唔同朋友既口味。而且佢每日既午餐都唔同, 就算一個禮拜黎食兩三日都唔會怕悶怕重複。今日我地就分別叫左 1) 豚肉生薑燒飯 2)土魷蒸肉餅飯。1) 豚肉生薑燒飯雖然呢度係港式茶餐廳, 但呢個日式豚肉飯絕對唔失禮。佢D豚肉係半肥瘦, D油香佈滿左成個飯, 再加埋惹味既生薑燒汁同埋舖在上面木魚片, 感覺尤如日式餐廳既便當, 十分有驚喜!2) 土魷蒸肉餅飯 肉餅既份量都唔細, 可能佢用左半肥瘦既豬肉, 令到成塊肉餅既口感彈滑, 加埋上面既蔥花同豉油既點綴, 令整體既味道昇華到另一個層次, 送飯一流! 難怪平時食量比較細既朋友都可以食晒成個肉餅啦!最後, 當然要歎埋杯香滑既奶茶啦! 呢度既奶茶水準一貫的高, 茶味夠濃得黎又唔會澀, 加入奶後令口感更滑, 但又唔會掩蓋到茶香味, 黎食1仔冰室既朋友一定唔可以錯過呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-15
230 瀏覽
一入到去,要搭枱都算,不過無隔板,我等對面既人食完我先叫野食叫左個豬排芝士撈丁,包奄列同埋多士奄列同多士好快就到左,普通質素,多士都算脆,奄列好油然後等左半個鐘,個撈丁都仲未黎,問個店員係咪漏單,佢第一句同我講what’s up?咩事而家,同你好熟?同佢講漏單,佢竟然同我講豬排即叫即煎,唔幫我追單。過多5分鐘,真係火都黎,叫另一個店員黎,終於肯同我追,話3分鐘即上,哩個高大店員禮貌就好啲,識講唔好意思。豬排係新鮮煎,但味道唔特別,說不上秘制。芝士味好甜,汁唔夠,撈唔到成個麵煎塊豬排要半個鐘有多?咩豬排咁巴閉?仲要當時餐廳得幾台客。餐廳要做好店員培訓,唔係黃店就會有生意。服務差真係死罪,何況食物真係一般?順帶一提,餐廳冷氣唔夠,長期頭頂開住勁多大風扇頂住,啲食物極速凍,個人都未涼最後埋單58蚊,食到一肚氣真係唔抵 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-21
334 瀏覽
周圍都係pepe✨同埋文宣-📌菠蘿咕嚕肉(💰74)好大碟🤤好多菠蘿🍍好多肉🤤都好多紅青椒😋一份兩個人食都夠👍🏻.以上配白飯+中湯 粉葛豬骨雞腳粟米足料夠味唔口乾😋-📌薯條🍟(18)薯條🍟西多士🍞沙嗲包🥖豬排包都全日供應✨超正(⁎⁍̴̛ᴗ⁍̴̛⁎)幾時想食都食得 一上枱大份到呆咗(´・Д・)」佢個茄汁偏酸就可以解膩✨但係真係偏酸😂-📌紅豆冰好多紅豆💕原粒大粒💕好鬼正-伙記們忙得黎都超有禮貌💕抵食又黃🤤- 繼續閱讀
(以上食評乃用戶個人意見 , 並不代表OpenRice之觀點。)