2
0
3
食評 (6)
等級6 2020-01-05
213 瀏覽
元旦日,出門旅行。預計未來一個星期不會食任何中國菜,在機場就要刻意找中式餐飲。禁區內的餐飲專區早前裝修完成,換了另外一批全新餐廳;之前的平民餐廳「大家樂」、「麥當勞」一去不返,較為貴價的餐廳就多了不少,甚至有一間高級鮨店,佔據了這個餐飲專區的正中位置 ⋯⋯ 這個本來已經唔算便宜的機場禁區美食廣場,裝修後甚至乎已經不能夠再稱之為美食廣場了;雖然機場從來沒有宣稱這個餐飲轉區為美食廣場。出乎意料之外,一眾新餐廳之中其中一間竟然是「都爹利會館」;之前一直想試試其中環總店,但又一直下不了決心,始終對這些老外裝修風格、但又標榜正宗粵菜的餐廳有所懷疑。既然機場禁區有此店,出發前又好想食中餐,一於試試「都爹利會館」。「都爹利會館」始終是《米芝蓮》星級餐廳,姑勿論評審標準是否以外國人口味為主、兼且評分側重服務水平及裝修環境,定位一定是高級餐廳;但在機場禁區內營運,就無可避免變成似是美食廣場的自助式餐廳 ⋯⋯ 兩者根本就是風馬牛不相及。由排隊買票、落單以至望着屏幕號碼顯示、等候取餐整個過程,都覺得與餐廳名氣並不匹配,有點怪怪的。小菜款式選擇非常少,完全沒有「都爹利會館」的經典名菜,只有幾款簡單家常小菜;反而炒粉麵飯及廣東燒味款式選擇就很多,甚至有一個燒味部,掛了一隻隻燒鵝、油雞、白切雞及一條條叉燒。更加估唔到的事情,原來還有自家制XO醬、余均益辣椒醬及多款冰鎮樽裝飲品售賣,包括咖啡、港式奶茶、鴛鴦及中式茗茶,明顯為了滿足飛機乘客的要求。按號碼取餐。兩個點心及叉燒飯放在托盤上,乾炒牛河即叫即炒,需要較長時間,要稍候自行再取。同快餐店模式一模一樣,很難相信「都爹利會館」以這種形式在機場經營分店。馬拉糕($42)唔熱辣辣、唔香甜、唔鬆軟;完全沒有蔗糖香味,質素很一般。金柱燒賣($68)同餐單上的照片及餐廳前電視屏幕上的推介相片完全不相符。除了每粒燒賣表面多了幾條瑤柱絲之外,免治豬肉餡料沒有冬菇、沒有蝦肉。燒賣質感太濕潤,唔夠乾身,亦欠缺彈牙煙韌口感;同現成即食點心比較,好不了多少。蜜餞叉燒是「都爹利會館」的皇牌菜式之一,但眼前這一碟蜜餞豚肉叉燒配飯($98)實在令人失望。白飯唔夠香噴噴熱辣辣,飯粒唔夠綿、亦沒有淋上足夠的叉燒醬汁或燒味豉油。所謂蜜餞豚肉叉燒,竟然完全沒有蜜餞醬汁,叉燒表面偏乾。接近全瘦的叉燒一丁點脂肪也沒有,雖然靚脢頭叉燒可以全瘦而肉質仍然鬆軟,不過,這幾件叉燒只憑外觀的肉質紋理,未食已經知道肉質唔會鬆軟。食落口果然不出所料,雖然未至於乾硬,但肯定不是鬆軟腍甜、亦缺乏肉汁及香甜蜜味。一言概括,絕對不是好食的叉燒。乾炒牛河($118)味道稍為好一點,但與市區其他酒樓的美味乾炒牛河比較,仍然有一段距離。炒河粉雖然沒有油淋淋,但卻稍為乾涸、欠缺油潤,入口唔夠滑。牛肉唔韌、但也未夠鬆軟;炒牛肉火喉一般,唔香口,肉質亦欠缺牛味,只是勝在牛肉份量算幾多,唔吝嗇。「都爹利會館」中環總店 2013 年開業,同年底已獲《米芝蓮》頒予一星餐廳,第二年就晉升為兩星,之後一直獲《米芝蓮》垂青;雖然近三年只有一星,但仍然是老外心儀的粵菜餐廳之一。今日一試,出品實在不行,坊間很多中高檔的粵菜酒家都較為更好味道。究竟是不是因為餐廳位於機場,受制於廚房設備及環境,很難監管廚房出品的質素?抑或是機場分店的出品,並非中環總店的馳名菜式,所以質素大為遜色?無論什麼原因,高級餐廳根本就不應該在機場內開設分店。機場內的餐廳無論在出品、服務水平、室內環境都沒有可能做到外面市區餐廳的同級質素,甚至變成一間快餐店,結果就是有負「都爹利會館」的名聲。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-04
58 瀏覽
讚1.食物其實味道唔錯,湯麵幾好水準2.幾跌眼鏡係同中環間價錢好似平左,咁當然呢度係foot court,不過機場野例牌貴架嘛彈1.係咪太遷就外國人口味?啲野好似整體偏暖噃,一送出黎就即刻拿走同食,但都係暖暖地咁,怪 繼續閱讀
(以上食評乃用戶個人意見 , 並不代表OpenRice之觀點。)
✏️傳統鳳梨咕嚕肉 ($128)-呢碟菠蘿咕嚕肉定價定唔低 不過係人都知機場嘅嘢食好似一向比較貴😂所以如果質素好嘅話 都算值得推薦嘅🙃〰️首先咕嚕肉嘅份量比我想像中多好多 一路以黎機場嘅飲食俾我嘅印象都係貴又唔飽😂不過佢呢碟咕嚕肉 足足有成廿幾粒😂咕嚕肉炸粉唔厚 而且食落唔會有好油膩嘅感覺另外我鍾意佢每一件比較細粒 可以一口一粒 好方便 唔會食到好狼狽🤓另外配埋佢大量嘅菠蘿同埋三色椒洋蔥粒🧅🍍整體味道唔錯 同埋值得一講嘅係佢嘅菠蘿並唔係罐頭菠蘿而係新鮮菠蘿🍍食落去更加清新啊 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-07
314 瀏覽
Duddell's is a famous restaurant that opened a few years ago but I still hadn't tried it.There is a new branch at the airport which happened to be on my path.As they were serving omnipork dumplings I decided to try them.The crispy mochi pastry on the outside was actually quite nice and reminded me of dimsum in London but they were slightly oily.The big disappointment was the filling, I had all three and there were no signs of omnipork in them at all. 繼續閱讀
(以上食評乃用戶個人意見 , 並不代表OpenRice之觀點。)
等級1 2019-10-06
191 瀏覽
食物收費與品質不成正比!本來見到有點心食好開心,點知等左好耐,買嘢又要排隊,跟住等食物亦都等左好耐。本來以為等咁耐啲食物熱㗎啦,點知所有食物都凍嘅。咁樣嘅收費,但係得到咁樣嘅服務同食物質素,簡直太過分啦!再者我叫嘅食物並唔複雜,叫咗蒜蓉蝦春卷,原隻鮑魚雞粒酥,黑松露素豚肉鹹水角及都爹利中式茗茶。只有茶係熱,其他都凍㗎。再加上佢哋所謂嘅早餐套餐,大部份都係豬肉產品,根本就排斥緊一啲唔食豬肉嘅顧客。設計餐單嘅時候根本上冇從顧客的角度出發! 繼續閱讀
(以上食評乃用戶個人意見 , 並不代表OpenRice之觀點。)