180
41
17
港鐵荃灣站 A1 出口, 步行約6分鐘 繼續閱讀
所有分店 (2)
電話號碼
39569163
營業時間
今日營業
12:00 - 15:30
17:30 - 22:00
星期一至五
12:00 - 15:30
17:30 - 22:00
星期六至日
12:00 - 16:30
17:30 - 22:00
公眾假期
12:00 - 16:30
17:30 - 22:00
付款方式
現金 支付寶
其他資料
當面支付
食評 (260)
等級4 2017-11-17
5830 瀏覽
從夏威夷返港後覺得自己滿身是肉,皮膚還曬得黑黑的,活像一頭「乳豬」,實在令人慘不忍睹。趁著周六好天氣,誠邀表弟一同郊遊,替他補祝生日之餘順道運動一下,一舉兩得。 是日明明十時已出門,但舟居勞頓下起行時已經十一時半;由大帽山小食亭上城門水塘做終點,路線有點長全程花三個半小時,不過沒大幅上落不算辛苦。 返抵荃灣第一件事當然是醫醫肚,壽星仔說要吃拉麵,找來一家在網上評價不錯的試試。店家位於大河道巴士站旁,連同高桌位子二十餘個,裝潢甚有日式風味,檯頭有現磨的芝麻和調味粉自行添加,麻雀雖小、五臟俱全。  濃厚原味拉麵 $72吃東西,尤其第一次試的,我都偏向最基本的選擇,認為這樣更能清楚嚐到廚師的手藝。湯底面頭浮著一層油脂,屬於比較濃杰類型,豬骨味道濃郁,掛在硬身曲麵好邪惡,而炙燒過的豬肩肉帶有少許肥膏,肉味重又甘香,上品。 特上黑蒜油拉麵 $93特上系列配料更為豐富,多了紫菜、溏心蛋和豬腩肉,湯頭同樣惹味,不過我倆都不太喜歡幼身的直麵,另表弟說面頭一大匙炸蒜太重口味,刪減亦無妨。 煎餃子 $30飢腸轆轆,遂多點一客小食分享。五件煎餃大抵是翻煎,外皮有點油,幸好內餡的菜肉比例一半一半,帶少許肉汁,不會過膩。 山梨桃梳打 $23桃味尚算香甜自然,淺嚐不錯。 難得長大了仍能和表弟保持友好的關係,大一歲,願你如小時一樣無憂富足。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-30
5729 瀏覽
每次行過豚道樂, 門口都總會有排緊隊嘅情況出現, 但我呢類餓鬼無耐性, 排兩排可能已經頂唔住, 所以刻意選擇大約下午2點, 感覺上過咗lunch hour會順利點!!!Yeah!!! 一行到埋去豚道樂, 就有食客行出門口, 即時有位(暗暗自high)店鋪內有不少熊本熊的小擺設我都忍唔住借來用一下....配合一下蘋果 + 桃梳打特上海老湯拉麵 - $98我就要呢個周末限定的海老湯底, 朋友話我...食拉麵梗係豬骨湯底啦🤣, 其實我都唔知我係被 "海老湯"吸引抑或被"限定"吸引著選擇好湯底, 仲要選麵的種類、軟硬度、有蔥無蔥、配料...我好欣賞呢啲細心位, 尤其我鍾意較硬的麵條海老湯味道超濃郁, 仲有勁多櫻花蝦喺湯底內麵內有兩大塊叉燒, 溏心蛋半隻&紫菜, 但叉燒偏瘦, 唔夠香口特上原味豚骨拉麵 - $85試咗啖朋友的原味豚骨湯, 令的諗起喺九州街頭屋台的拉麵湯底, 將辣醬拌勻後, 味道都幾刺激日式餃子 (5隻) - $30日式餃子即叫即煎, 大約要我15分鐘不過好奇怪, 拉麵配餃子好似定律咁, 唔食又會好似差咗啲嘢而且唔知點解日式餃子皮薄得嚟又有彈性餃子細細隻, 一啖一個好過癮, 不過要小心被餃子內的肉汁灼到 繼續閱讀
(以上食評乃用戶個人意見 , 並不代表OpenRice之觀點。)
「拉麵台風」屹立於荃灣的大河街多年, 久久未見有其他拉麵店敢與「台風」正面交鋒, 但近年係同一條街竟然開設了另一家拉麵店-「豚道樂」,成為「台風」的競爭對手~😳😎 其實小編並沒有吃過「拉麵台風」, 因為眼見食物圖片已經覺得是比較港式的日本拉麵,🙈🙊 但「豚道樂」店內外都散發着濃厚的日本氣氛, 餐牌上的拉麵全都是九州風, 店外和「台風」一樣長期有食客排隊入座, 見咁受歡迎,便和拉麵達人一試其真偽~😏 「豚道樂」裝潢以工業為主題, 牆壁裝潢成紅色貨櫃般,甚有風味,🤘🏾 但也不失日本風格,🇯🇵 餐廳門口掛着不少用木製成的日系小飾物, 鎢絲燈下倒吊着日本叫作「劍玉」的小玩意, 連調味架也擺放了幾隻熊本熊🐻作伴,好可愛呢! 座位方面,除了有拉麵店常見的吧檯外, 中間位置還有幾張4人長枱, 即使三五成群來也可以坐得舒適。☺️ 和一貫拉麵店一樣,枱頭有冷水供應, 枱底有掛鈎方便食客擺放隨身物品, 值得一讚的是店家還貼心地提供android和iphone充電線, 當我們吃東西時,電話也可以一齊補給。😂 「豚道樂」主打九州豚骨拉麵, 湯底以大量豬脊骨、筒骨和蔬菜熬成, 配低鹼水直身幼麵,香濃黏嘴易入口。 設白、黑、綠、橙四色湯底, 分別為原味、黑蒜油、日本芥末和辛辣味噌, 逢周末更推出限量供應的海老湯拉麵。 全部拉麵都可選經濟或特上之選, 特上之選會包括配料:🐷豬肩肉、豬腩肉兩種,溏心蛋半隻和紫菜。 而經濟之選只可從豬肩肉、豬腩肉任選其一。 拉麵可選直 / 曲麵,其軟硬度,蔥,辣度都可自選,富彈性!😏 春夏季的期間限定是雞豚白湯拉麵, 想一次試晒兩款叉燒的我便選了特上。😎 特上🐔雞豚🐷白湯拉麵($95) 湯底感覺像是雞湯和豚骨湯的混合物, 湯身帶稠,而且同時散發着雞和豚骨的香味,味道竟非常匹配~ 配上掛湯的直麵,每啖都沾滿湯底的味道,正!👍🏻 叉燒也是相當不錯, 豬腩肉香軟肥美,口感嫩滑, 豬肩肉偏瘦,彈性中帶爽口,豬羶味比腩肉更重,小編甚為偏愛。☺️ 雖然溏心蛋流心程度不高, 但勝在溏心蛋白醬油味濃,蛋黃咬下去微微黏口,蛋黃油香,好味道!😋 加上香噴噴京蔥、爽甜蘆筍和微脆紫菜,層次感十足~ 拉麵達人則選了平日限定-特上🐟魚介豚骨🐷湯拉麵($95) 湯底濃稠中帶魚介的清新, 拉麵方面,達人選了比直麵較粗較為彈牙的曲麵,掛湯力也相當高!👏🏻👏🏻👏🏻 同樣的配料豬腩肉和豬肩肉、溏心蛋等如之前評介般水準依然,👍🏻 唯一不同的是配料多了竹筍、芽菜和翡翠苗🌱, 吸收左湯底精華,口感更豐富,味道較清新爽口~😌 小食方面,由於我們三人share食, 所以三款小食我們都點了~😂🙈 韓式蒜蜜味叉燒(三片)($25) 叉燒和選拉麵叉燒一樣,都可選腩肉或肩肉, 由於我們有食肉獸係到,所以兩款都點了。😂 豬腩肉半肥瘦, 相對地, 肩肉的脂肪比腩肉少得多, 入口較爽口,帶少許嚼勁, 兩者的蜜味香甜,再搭配蒜油的惹味, 令叉燒的肉鮮大大提升,不錯吃!😏 日式煎餃子(5個)($30) 餃子共5隻,全部即叫即整, 所以等候時間比較長。 餃子煎得都算香口, 內裡的肉餡料鮮味多汁, 蘸點餃子汁一起吃,份外惹味~😎 炙燒芝士豚肉(一人前)($18) 雖然呢個芝士豚肉話明係一人前,但份量絕不吝嗇!😯 香濃厚芝士包着豚肉, 一口咬落去,豚肉肉質嫩滑,「芝」味十足🧀,仲拉到絲,食落相當「芝」味。😋 餐廳的飲品相當有心思, 除一般的汽水外,還有日本直送汽水。 信州白提子梳打($21) 信州蘋果梳打($21) 梳打爽口解渴,好岩熱辣辣天氣gur gur佢,😌 雖說只有10%的果汁,但飲落都算足味。 整體來說, 「豚道樂」不論拉麵、小食、飲品都相當有水準,👍🏻 而且拉麵湯底款式又多, 平日限定的魚介豚骨湯拉麵尤其出色, 若你是追求嚐新,「豚道樂」也是不錯的選擇! 繼續閱讀
(以上食評乃用戶個人意見 , 並不代表OpenRice之觀點。)
荃灣拉麵樂 焦點食評
等級4 2017-08-19
3683 瀏覽
香港人好鍾意食日本菜,所以係香港隨處都可以見到好多日本餐廳⋯壽司店、拉麵店、燒肉店、懷石料理等等⋯仲有大阪燒呀,章魚小丸子呢d小食tim而我當然都唔例外,仲係個拉麵控tim。今晚咁arm約左個朋友係荃灣食飯,就去幫襯係呢區幾有人氣既拉麵店。佢係係大河道,對住海霸街官立小學,由荃灣地鐵站沿行人天橋行過去,大概十分鐘路程,地點都算易搵。雖然鋪頭比較的式,但係環境舒服,呢度既裝修都有型格,除左中間既長枱,側面仲有d高身吧枱,感覺唔侷促。另外,佢仲提供埋免費叉電服務Menu呢度係用點餐紙落單,配合埋個menu,圖文並茂咁睇番個介紹。仲可以自己選擇咩麵類,硬度,叉燒等等。平日仲有個鰹魚介豚骨湯限定,至於星期六日就有個海老蝦湯限定tim山梨桃梳打$21呢支野飲好解渴,好arm宜家既天氣飲,除左好香既桃味,飲落又唔會太甜,arm arm好炙燒芝士豚肉$18呢個燒芝士豚肉真係好「芝」味,香濃厚芝士包住塊豚肉,一咬落去,仲可以拉絲tim,豚肉肉質都嫩滑,加埋d7味粉,好惹味日式餃子$30呢個餃子就普通d。不過都煎到外面脆卜卜,餡料又足,味道都唔錯特上原味豬骨拉麵$85呢個拉麵揀左九洲風既直麵,食落爽口又夠湯味,size適中,叉燒惹味,配埋紫菜,木耳,糖心蛋特上黑蒜油拉麵$93至於呢碗特上黑蒜油拉麵就揀左扎幌風既曲麵,食落比較彈牙,而呢個黑蒜油湯底好香濃,食落好惹味,但係又唔覺得好油膩,仲有d炸蒜,木耳增加味道tim 繼續閱讀
(以上食評乃用戶個人意見 , 並不代表OpenRice之觀點。)
豚味無窮 焦點食評
等級4 2017-08-19
2539 瀏覽
最近有晚行過荃灣大河道 目光被一間典型日式裝潢既拉麵店所吸引拉麵店名叫豚道樂 打正旗號係主打豚骨湯同燒豚(即日式叉燒)拉麵店內 除左格局同擺設都非常"日本"外 就連氣氛都一氣呵成所播放住既日文歌份外動聽 例如光亮「童話」既日文翻唱版 真係令人聽出耳油同日本既拉麵店一樣 麵既硬度..要唔要蔥等...都由食客自行決定而拉麵更分左曲麵同直麵兩種供選擇當晚係weekday黎 吃貨小妹見到呢個平日限定既魚介豚骨湯拉麵好似好特別咁 就揀左黎試下拉麵未到 先黎兩支賞心悅目既日本梳打清一清味蕾先特上魚介豚骨湯拉麵 湯底濃郁除左美味既溏心蛋同燒豚 吸收左湯底精華既芽菜亦令口感更加豐富辛辣味噌拉麵 連一向嗜辣既小胖男友都話夠辣 有料到小食方面 一人追加左一款燒豚 其中炙燒芝士豚肉 真係要推介 第一次感受到芝士同叉燒可以咁夾小胖男友亦大讚餃子有水準總結而言 呢間豚道樂坐得舒服 味道不錯 值得一試 繼續閱讀
(以上食評乃用戶個人意見 , 並不代表OpenRice之觀點。)