45
2
1
港鐵油麻地站 A2 出口, 步行約6分鐘 繼續閱讀
電話號碼
25111993
67676816 (WhatsApp)
開飯介紹
佔地逾8000呎的火鍋店,裝修融合新舊古典設計。必試招牌掛汁膠原濃湯,另設有隱藏菜單,可向店員查詢。 繼續閱讀
營業時間
今日營業
12:00 - 05:00
星期一至四
12:00 - 03:00
星期五至六
12:00 - 05:00
星期日
12:00 - 03:00
公眾假期
12:00 - 03:00
公眾假期前夕
12:00 - 05:00
付款方式
Visa Master 支付寶 現金 AE 銀聯
座位數目
200
其他資料
網上訂座
Wi-Fi
24小時營業
深夜營業
自帶酒水
電話訂座
賞訂座積分
加一服務費
電視播放
球賽直播
支持防疫 詳細介紹
有關獎賞計劃
食評 (56)
等級4 2019-09-08
4833 瀏覽
今日有朋友請食飯,食off menu隱藏菜單!好神秘咁唔知有咩食!不過有成日周圍食既佢帶我食野,我相信會係好野!一去到,原來佢book左間VIP包房,只要比一個budget,就可以由總廚設計一個menu!(好岩我呢啲成日有選擇困難症嘅人!)包左房,當然一班朋友玩就夠晒私隱啦!仲可以唔怕嘈到餐廳其他客人,大玩特玩!VIP房入面裝修好靚,好適合聚會!VIP大房有得打住邊爐唱K,音響同啲歌好過k房!真係好正!又食又唱K!野食方面:我地有兩個湯底,1. 菜單上沒有的真秘鍋雞煲翅湯底2. 都係菜單上沒有的真秘鍋佛跳牆湯底呢個湯底可以先飲靚湯後打邊爐,矝貴滋補!同埋真係好足料!刺身都有唔少㗎!1. 澳龍刺身其實呢次係我第一次係香港食龍蝦刺身,估唔到個肉質咁彈牙,同埋真係好新鮮!2. 象拔蚌刺身都係好新鮮,同好多!又有口感夠爽!3. 特大牡丹蝦刺身真係勁大隻又新鮮!正!其他:1. 冰鎮大連鮑整得夠「林」又夠爽!食完一隻再想食添呀!2. 阿拉斯加皇帝蟹(大家要留意,呢個要預訂㗎)佢可以保留到皇帝蟹本身嘅鮮味,清清地好正!同埋真係好大隻呀!到打邊爐啦:1. 超大蟶子皇聽個名就知道真係好大隻啦!佢除咗刺身係新鮮佢嘅海鮮都好新鮮!2. 極牛盛宴,頂級牛小排燈籠佢嘅牛嘅脂肪同肉嘅比例好啱,啱啱好一半半,所以食落去嘅口感好好!唔會話好肥膩!再加埋佢嘅湯底用嚟打邊爐,真係好配合!今日有朋友請食飯,食off menu隱藏菜單!好神秘咁唔知有咩食!不過有成日周圍食既佢帶我食野,我相信會係好野!一去到,原來佢book左間VIP包房,只要比一個budget,就可以由總廚設計一個menu!(好岩我呢啲成日有選擇困難症嘅人!)包左房,當然一班朋友玩就夠晒私隱啦!仲可以唔怕嘈到餐廳其他客人,大玩特玩!VIP房入面裝修好靚,好適合聚會!VIP大房有得打住邊爐唱K,音響同啲歌好過k房!真係好正!又食又唱K!手工丸、餃拼盤都係招牌,另外仲有好多火鍋配料未能盡錄,成晚大滿足啊! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-19
0 瀏覽
上星期慶祝朋友生日, 專登帶佢黎食下好野先!!!!環境都幾整齊, 感覺乾淨, 員工都好有禮貌魚生撈起,有成廿款配料自由撈阿,仲可以根據大家揀嘅刺身魚+$38我果日同朋友就揀咗原條刺身魚,呢條罕見笠子魚都係$338咋勁抵,肉質甜嫩,油分幾高!!!正丫象拔蚌刺身泰國鬼蝦,有蝦味彈牙過一半基圍蝦好多九五之尊$388,新鮮原隻波士頓龍蝦,湯底熬到橙黃色勁濃龍蝦味!!!!貝貝拼盤$288,價錢唔平但其實質素都ok,有成五種貝類,其中比較特別嘅係馬刀貝同北極貝手切牛肉五花子$328,中間有軟骨有啲脆又爽口,肉味幾濃 繼續閱讀
(以上食評乃用戶個人意見 , 並不代表OpenRice之觀點。)
天氣一凍,就係打邊爐嘅最好時間。身邊朋友一聽到打邊爐立即向我推薦「真秘鍋」,今晚好早嚟到已經超多人等緊位迫爆哂,好彩一早book左位炸。幾中意餐廳個環境,係聊天GATHERING是不錯的地方,感覺上都幾通風所以唔會成陣油煙。餐前小食:辣子雞乾辣椒賣相唔錯,呢個辣子雞唔算話好辣,唔錯阿。就嚟雞多過辣椒,好少見架,好抵食個份量好大。麻辣牛蛙鍋,試過食新鮮牛蛙真係番唔到轉頭。田雞腿經辣湯浸泡後非常入味,肉質鮮嫩細滑,好特別,田雞腿與辣汁交織出複雜多變的味道。麻辣湯辣到適中,都比較啱香港人口味,非常值得一試!另外,入面仲有其他木耳蜂巢豆腐等配料,份量好多。我最中意叫丸拼盤,因為一碟有哂幾款丸唔會悶,係手打架,食落十分之新鮮爽口,正正是手打造成的和機器的分別十分之大。這個丸拼盤的丸子比起坊間嘅大粒。手切五花子,係限量既五花子阿,真係買少見少。肥肉瘦肉比例一半半,食落無急凍味,肉質嫩滑有啲彈牙,味道都唔錯,仲有啲鮮甜味,仲好爽口!打邊爐點少得蔬菜?蔬菜拼盤大大個,抵食!呢個其貌不揚嘅係紅菜台,原來係紅菜苔家鄉的特產,睇落紫红色,好特別。食落係同佢個樣好大分別,好嫩好清甜,清脆爽口,感覺係菜心同蘆筍嘅混合版。食物選擇多多,而且地方寬敞。食物高質又有特色,和朋友食一餐飯聚聚亦很不錯,十分推薦。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-02-03
77 瀏覽
本來上個月訂左枱諗住黎試、撞啱社會活動取消左、今日終於有機會同寶貝黎食~佢好鐘意食魚、而且佢底寒~所以叫左個魚頭藥材湯底、個靚女部長溫馨提示我地食之前一定要飲啖湯先、本來都無抱過任何期望、一飲真係不得了、個湯又濃又甜、真係好足料~飲左成個人都暖哂~係咁凍既天氣飲真係堅正👍🏻👍🏻👍🏻大家都知打邊爐個靈魂就係湯底。配料當中個手打墨魚丸真係唔錯爽滑彈牙、值得一試~而且聽靚女部長講下午黎既話仲有半價😳😳下次一定會再黎 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-28
109 瀏覽
工作關係經常會經開旺角,之前已經喺呢間餐廳食過佢嘅半價宵夜時段,今次中午咁岩又經過諗起呢間餐廳唔錯,就走來試吓。呢間係火鍋餐廳,見佢中午出咗鍋麵套餐,係用佢嘅招牌湯底做主打,所以試一試。之前食過佢嘅麻辣湯底,今次同行朋友話之前試過佢嘅魚湯話非常暖身藥材好正,所以要食佢哋嘅原條沙巴魚湯鍋麵。湯底方面呢間餐廳不嬲都唔錯,食得出沙巴龍躉仔係新鮮即炸魚肉唔霉,做到外酥內嫩。套餐248二至四人份量,好就好在午市套餐呢個已經包埋加一同茶芥,同行一共四個唔算大食每人分到碗半,我哋四個人飲茶冇叫野飲除翻開”60幾蚊一位”,有呢個舒服嘅環境好過食魚蛋粉。香港地有質素價錢合理嘅餐廳唔多,中午平時淨係可以揀茶餐廳粉麵店好又一餐唔好又一餐,希望呢間餐廳保持質素,等我哋午餐又多一個選擇。 繼續閱讀
(以上食評乃用戶個人意見 , 並不代表OpenRice之觀點。)