-
奶茶紅豆冰
-
芝士焗西蘭花
-
蜜糖雞翼
-
3.6特濃牛乳芝士玉子常餐
-
餐湯+11
255
24
6
港鐵尖沙咀/尖東站 N2 出口, 步行約4分鐘
繼續閱讀
開飯介紹
選擇多元化的港式冰室，包括份量十足的美式鐵板餐，冰室少見的傳統英式早餐，選用3.6特濃牛乳的牛乳芝士玉子常餐等。
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
食家推介
相關文章
講開尖沙咀食常餐既地方，一定會數到瓏門冰室。位置於金馬倫道，位置幾方便。其實以前各區都曾經開過好多分店，但而家淨返呢間，希望佢仲捱到下。由早上七點到十一點半都有早餐供應，主要分為雙餸麵餐、芝士玉子餐、歐陸滋味（姐係扒餐）同常餐。今次去到叉燒賣曬，最後揀左雪菜肉絲湯米線 配 炒蛋白、芝士腸、奶醬厚多士（$39）。炒蛋白仍然係咁大份，有時食下淨蛋白感覺好似健康啲。奶醬多今次烘得燶啲超香口，不過就唔算太多花生醬同煉奶餡。主菜黎講我最鐘意瘦叉，其次係雪菜肉絲，以前既雪菜係好青綠既新鮮菜整既，今次既雪菜就變左普通，好想食返之前嗰種。麵底可以免費轉通粉/意粉/米粉/公仔麵/米線，無論邊種都係偏淋，如果想食硬身啲記得揚聲！瓏門既早餐選擇係好多選擇同好大自由度，主菜、配菜鐘意點轉都得，間中都好enjoy呢種自由！
繼續閱讀
由於之前試過下午茶好多選擇，又覺得幾好味。所以諗住今日去試，點知坐低後餐牌得三送飯同埋大約六款下午茶餐選擇非常少，再問服務員，佢答餐牌有就有，冇就冇得呢啲，其他三文治，湯麵咁基本嘅下午茶食物完全冇得食。諗住坐低左費事起走好似唔係幾好，最後揀無可揀之下叫咗碟雞翼炒烏冬，黎到冇鑊氣鳥冬白色冇色水，但識落幾好味因為好重味精，真係任何一間茶餐廳都好睇同好食過佢，諗住杯凍檸茶少甜應該冇問題啦，點知一樣難飲到爆，來到係凍檸茶多甜，想叫侍應換過但全場冇人，要行出去水吧換，一次算了唔會再幫襯囉。另外三餸飯份量少，任何一間三送飯店都俾佢好食。話說烏冬嘅味精重到我夜晚都好口渴
繼續閱讀
平時同女朋友出開尖沙咀 諗唔到食咩 就係佢 今日行街行到攰攰地 就入黎食個early dinner48蚊! 抗疫套餐 係哩個時候食 真係夠哂Feel呀! 晚市又冇得食 工都可能就黎冇得返吉烈豬扒餐蛋飯貨真價實 大大塊吉列豬 仲大過我塊面呀差D靚仔太陽蛋一隻厚切午餐肉半塊仲有誠意調配既濃厚甜豉油 真心高質吉列豬夠哂脆口最後仲要連汽水加冰分開上 48蚊 尖沙咀咁既價真係有今生無來世之前另外都以經試個吉列魚柳 質素一樣無得頂趁疫情價真係要食多幾餐 雖然可能有排都完唔到 真係有排食
繼續閱讀
瓏門雖然而家剩返一間尖沙咀店，但都算係一間幾唔錯嘅早午餐食店。之前同附近工作嘅朋友約食午飯，黎左呢間位於金馬倫道嘅瓏門冰室。睇睇餐牌，好多選擇，望落有平有貴咁，但其實佢嘅食物都係比正常茶記貴。因為午市都多人幫襯，人手又比較少，睇得出餐枱唔係話好乾淨，但值得一讚嘅係有齊消毒液同餐紙畀客人自己清潔對手同枱。1. 瓏門極上牛肉飯上枱第一個反應係覺得份量比預期少，明明唔係焗飯，但用個焗飯兜裝，而個焗飯兜又比普通茶記細一個碼。不過，食落口係好味嘅。牛肉嘅比例比白飯多，食落就好似食緊日式牛丼咁，d牛煮得啱啱好，唔爛，有燒汁味。2. 茶走呢杯茶走做得好出色，煉奶同紅茶嘅比例好好，唔會太甜太溜，亦都好滑好香！埋單每人58蚊，個人覺得呢個份量同個價錢唔太成正比，有少少偏貴左，但又唔覺得食材比較好，如果價錢平返少少，將會係一間好好嘅港式餐廳。
繼續閱讀
特登同女朋友去試 龍門冰室獨有「紅豆西多」。據我所知只此一間有此特色食物，所以令我特別興奮。下午茶時段來到，叫了一份「蛋冶、熱奶茶」，另一份 「紅豆西多」加紅豆奶茶，自製紅豆宴。蛋治正常水準，炒蛋嫩、麵包軟稔。熱奶茶冇問佢好唔好飲。「紅豆西多」看上與正常的西多外貌無分別，但一切開，見到大量紅豆蓉成半湧狀態，紅豆粒軟稔，甜度適中，加上暖暖的炸麵包一同放入口就成為超邪惡嘅美食，而且口感軟綿綿令人不禁一口一口地將它放入咀巴，超正！「紅豆奶茶」紅豆夠多又綿、奶茶濃香夠滑，有水準。吃了一頓令我感到超開心嘅肥仔餐。
繼續閱讀