228
12
7
港鐵中環站 D2 出口, 步行約5分鐘 繼續閱讀
所有分店 (4)
電話號碼
93638980
66835853 (Whatsapp)
開飯介紹
環境舒適的火鍋店。湯底推介麻辣和蜂巢豆腐白湯鍋,而手切肥牛、午餐肉菜甫餃及龍蝦湯爆漿牛丸等配料也值得一試。 繼續閱讀
營業時間
今日營業
17:30 - 22:00
星期一至日
17:30 - 22:00
公眾假期
17:30 - 22:00
公眾假期前夕
17:30 - 22:00
付款方式
Visa Master AlipayHK 支付寶 現金 銀聯
其他資料
支持防疫 詳細介紹
網上訂座
深夜營業
酒精飲品
自帶酒水
電話訂座
加一服務費
當面支付
有關獎賞計劃
食評 (272)
等級4 2020-12-10
258 瀏覽
火鍋在冬季@火鍋撚 (雲咸街)網址: https://地址: 中環雲咸街46-48號雲明行3樓電話: 93638980====================冬天特別鍾意於打邊爐, 熱湯滾起霧出白色水蒸氣,圍在一起感受到特別溫暖,仲可以享受把食物煮熟的樂趣中國風,有墨山水畫同兵馬俑像,快同朕上菜!$119 酸菜白肉鍋湯底 ,可加錢轉鴛鴦湯$160 麻麻有蜂巢豆腐豬紅等。酸菜好開胃仲有彈牙歡粉個湯酸酸鹹鹹好好飲。白菜煮腍左好甜,半肥瘦豬肉片點d辣醬油爽口倍覺滋味。$99 黑豚肉 一份,因我是豬肉派,配合鍋的味道,$77牛肉粒半份出場,為要咬口架人而設$50牛黃喉,像脂肪白色的,滾熟後係好爽口架。半份墨魚滑$53,好重架黑松露香呀!本人誠意推薦。白鱔$59切成薄片,半份剛剛好$24水精奶王個皮好有張力,咬開食埋中間架奶皇餡。切記飲食要有蔬菜,$85 五彩蔬菜拼,均衡健康,只食肉會難消化,新鮮蔬菜多多吃。醬料費每位$10。有腐竹雞蛋糖水沙冰送,飲一口feel 到涼快感由喉嚨滑到入胃。個容器先係重點,是古代飲酒的銅杯造型!又出6點禁堂食,冬天看來很難找到一班友人打邊爐了,幾時才可以過正常生活? 繼續閱讀
(以上食評乃用戶個人意見 , 並不代表OpenRice之觀點。)
等級6 2020-11-19
602 瀏覽
見天氣開始轉涼,自己又未肯參加舞會,所以就襯晚市仍可堂食時,盡快去同舞伴打次邊爐,二人唔洗多諗即異口同聲地提議中環間「火鍋撚」,餐廳個朵包保聽過都唔會唔記得。於官方網頁上得知火鍋專門店現推廣緊早鳥全單八五折之優惠,適用於星期一至星期日,特別日子除外,晚市散座貴客只需七點半前埋單及離座即可享用。準時五點收工,即可趕及傍晚五點半開波,嘻嘻,歡樂時光最佳嘅火鍋配搭當然係藍妹啦;$19一樽仲有得折喎,抵過區內嘅酒吧多多聲!邊飲邊影,飲到咁上吓啲相好自然離哂焦,好在一早校定鬧鐘埋單,唔係真係好易會貓貓離場。火鍋乃中國傳統文化美食之一,佔用面積全層嘅「火鍋撚」選以兵馬俑哥哥黎迎賓,十分恰當。室內牆上掛出古代中國風嘅裝飾及畫品,細看下卻會現暗藏現代嘅元素,甚有意思。兩口子被安排入座店內最闊落舒適,又夠私人空間嘅二至四人屏風卡位。席上擺有自用餐具、公用廚具及乾濕紙巾。此外,每人更派發可循環再用嘅口罩套,衛生又環保。點菜紙共有兩頁之多。為求盡享早鳥歡樂,飯前早已上網揀定食物,多得服務生落單及上菜速度快,一切都進行得相當順理。打邊爐第一個步驟就係混醬($10/位)。大大鍋湯底迅即呈現眼前。蜂巢豆腐白湯鍋($130):鎮店推介之養生湯底呈奶白色,因用上豬骨湯、忌廉牛乳、雞湯等熬製而成,入口尤其柔滑滋潤,毫不油膩。白湯另含鬆爽嘅蜂巢豆腐、厚滑嘅鴨血,感覺好台式。香蒜粒炸魚皮($47):等待火鍋湯底滾時,最好就係食啲香口嘅小食送藍妹,個人誠意推介超級香脆嘅香蒜粒炸魚皮!脆卜卜嘅炸魚皮淨食已夠香口惹味,一人一客絕對冇難度。剩餘嘅蒜粒仲可以撈埋入其他火鍋料做調味,出名慳嘅XO仔當然係要物盡其用啦!即炸三秒響鈴卷(配甜酸醬;$32/半份):鮮黃色嘅響鈴卷巧薄鬆化,可以襯熱點上甜酸醬就咁食,亦可於滾湯內灼一灼後點混醬食,灼過嘅版本半腍半爽又別具另一番風味。五色丸丸拼盤($99/份):五色丸丸拼盤包有海味花枝丸、蟹籽手打蝦丸、流心咸蛋黃豬肉丸、手打雙重芝心丸、海瑞香菇貢丸,一份每款有兩粒,半份則每款一粒。丸丸粒粒圓碌碌,當中以海瑞香菇貢丸最芳香彈牙,蟹籽手打蝦丸亦爽脆有彈性,海味花枝丸都好鬆潤。牛骨髓($40/半份):修長雪白嘅牛骨髓軟滑中帶點韌性,有嚼口得黎完全冇渣,都幾得意。水土魷魚($34/半份):滑嘟嘟嘅水土魷魚半份全部都係最正嘅鬚鬚,煮熟後條條柔滑煙韌,鮮美可口。香滷牛筋($39/半份):火鍋式嘅香滷牛筋同平時喺魚蛋麵檔食到嘅好唔同,可能自己冇乜耐性,啲牛筋未煲到腍就已經食咗落肚,雖然質感冇咁滑溜,但反而覺得牛筋厚身得黎多咗份嚼勁,而且冇咁黏住個口,食法極之不同。營養綜合菇($52/半份):菇菇拼盤同丸丸拼盤一樣共有五款菇菇,包括金針菇、美白菇、鴻喜菇、雞脾菇、鮮冬菇。什錦靚菇外表新鮮又有睇頭,每件均芬芳健美,菇菇迷一定啱食!腐竹雞蛋沙冰(敬送):免費送贈嘅甜品用分子料理嘅概念將中式傳統甜品嘅腐竹雞蛋糖水化成冰涼清新嘅沙冰,微甜嘅腐竹雞蛋沙冰輕盈易入口,更可一解熱氣,火鍋店當真有諗頭。面對著隨時變化嘅抗疫限制,歡樂時光已經唔興蒲吧,餐店「火鍋撚」以早鳥優惠吸引食客,就連$19樽藍妹啤酒都有得折,變相令早鳥時份更加歡樂,堅有商業頭腦。「火鍋撚」環境企理,冷氣足,服務生效率高,火鍋湯底及配料新鮮高質,就連送酒小食都一樣咁掂,餐飲業大受打擊時都可提供優惠回饋貴客,有心食肆絕對值得支持。 繼續閱讀
(以上食評乃用戶個人意見 , 並不代表OpenRice之觀點。)
Upon arrival, we were welcomed with oriental decoration, which was not quite what we were expecting from its’ somewhat expletive name in Cantonese.  Although prices are not cheap, homemade broths and premium ingredients that are both healthy and delicious make it worthwhile.There are a total of 6 soup bases to choose from, in which we got the recommended milky white soup made with traditional Chinese medicine ingredients believed to be good for health, such as ginseng, duck blood and honeycomb tofu While we won’t bore you with details about everything we ate, definitely recommend ordering the premium sliced angus beef, which is truly photogenic and the excellent marbling just melted in our mouths.One special thing here is that you can satisfy your dim sum crave too! I found it fascinating that we could order siu mai (crab roe and pork dumplings) and fried bread sticks to dip into the rich soup base for extra flavor. After you finish eating, free dessert for the table will be served automatically. We were pleasantly surprised by their new take on the classic bean curd with egg sweet soup, as the cool refreshing slushy version of the warm dessert seemed more fitting after a heated hot pot sesh 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-22
3099 瀏覽
全年因為疫情的關係,食肆的生意一落千丈。對於熱愛打邊爐的我,認真說真的很久沒有與友相聚。之前限聚令慢慢放寬既關係,連帶食肆都立即興旺起來了。其中一間火鍋店經常光顧,古色古香的兵馬桶富有特色。相約朋友到中環分店,會有外國人到訪一起,完全深得大眾的歡迎。一品酸菜白肉鍋 $119之前到訪火鍋撚多數都會點沙嗲、麻辣或是豆腐白湯,今次一改平常的喜好。改以一品酸菜白肉鍋湯底,想不到有所驚喜。內裡的湯底非常足料,有超多的酸菜、亦有白肉、蕃茄、寬粉等而且酸度剛好,未吃其他火鍋配料已經覺得有點飽了。火鍋撚御用手切肥牛(小) $144之前都試過火鍋撚的安格斯肥牛都是一個唔錯的選擇,今次揀了另一款火鍋撚御用手切肥牛,不確為手切肥牛脂肪量稀少,牛肉呈厚身而且份量其多富有嚼勁。頂級梅花豬肉 (半份) $56梅花豬肉看似普通但其實紋理相當平均,以豬肉來說可算是上乘貨。原塊的頂級梅花豬肉有7-8塊,相對上比手切肥牛滾得耐一點比較好,肉質嫩滑而且有口感,連同湯底同吃,相當滋味。即炸三秒響鈴卷(配甜酸醬) (半份) $32每次到訪都必食的即炸三秒響鈴卷,即叫即炸相當香脆。一客二食的方法,一食是香脆的三秒響鈴卷配上甜酸醬,豆味濃郁而且卜卜脆。二食為放入湯底下沾滿湯汁上的精華。五色丸丸拼盤 $99五色丸拼盤一人一粒就最好不過,有蟹籽手打蝦丸、手打雙重芝心丸、流心咸蛋豬肉丸、法式龍蝦湯爆醬牛丸、海瑞香菇貢丸,五款都各具特色並全手工,彈牙並滿有流心餡,美味極了。脆鯇魚腩 $39另一樣是打邊爐必吃之物,脆鯇魚腩相當新鮮。鮮美十足而且脆鯇魚腩肥美,並帶有肉嫩,份量恰到好處不俗。巧手韭菜餃 (半份) $36餃類本人鍾情韭菜餃 ,人手製作的韭菜餃會吃得出韭菜的爽脆。不過得3粒的份量較少,但皮薄餡靚相當唔錯。最後又點少得火鍋撚獨有的「免費」腐竹雞蛋糖水作結。抗疫的關係火鍋撚都相當有心對每一位客人,送上消毒用品貼心又窩心。難怪堂食及外賣都客似雲來。現在六點後禁止堂食,看來又要打電話叫外賣的時候。 繼續閱讀
(以上食評乃用戶個人意見 , 並不代表OpenRice之觀點。)
【人氣火鍋撚👑】天氣凍冰冰,兩個人梗係要打返個邊爐!我哋係土瓜灣楚撚記嘅fans今日梗係要試下佢嘅姊妹店 #火鍋撚 中環店舖面好闊落,用上木桌椅,高掛紅燈籠舖有懷舊復古磚,好有中國風!一坐低,待應就送上menu同埋一大盤嘅調味料!叫一渣杞子龍眼菊花蜜,飲住睇menu🍲龍鳳鴛鴦鍋🍲HK130🌟蜂巢豆腐白湯鍋🌟+台灣古早沙嗲麻辣鍋(小辣)超級推薦蜂巢豆腐白湯鍋!!味道真心好甜!用料好實在,大大條人蔘、鴨血、蜂巢豆腐一黎我哋就一人飲咗一碗, 之後都仲不停加湯飲~而🌟蜂巢腐🌟真係超正!一咬爆汁!早沙嗲麻辣鍋小辣都頗麻辣,啱曬嗜辣嘅朋友而且又麻,吸味嘢食超適合!🥓火鍋撚御用手切肥牛(小)🥩HK$144手切肥牛油花都唔錯,大約淥10+秒淺粉紅色就食得,牛味好濃!唔會好韌~🌟鮮牛黃喉🌟HK$50呢個認真少見,好多人以為係牛嘅喉嚨或者氣管其實係牛嘅主動脈心血管,牛黃喉質地較厚咬落爽脆,唔係度度都有得食!推介呀!🌟至尊水餃皇🌟HK$39Size好大, 皮又薄又滑,餡又靚有蝦、豬肉、爽耳,好足料!啖啖都好滿足!推介!🌟巧手韮菜餃🌟HK$59都係一樣好大隻!餃子皮好煙韌,餡料好飽滿!韮菜同豬肉好平均,調味剛剛好!推介!🍲黑白栢葉拼☺️HK$57黑白栢葉都好爽口彈牙,個人喜歡黑栢葉多d温提淥8秒就okay,吸曬湯汁超正流心鹹蛋黃豬肉丸HK$42🥬皇帝菜🥬HK$28打邊爐一定要叫菜嘅!皇帝菜即係茼蒿!味甘清香,口味清爽,一定要配麻辣湯!🍄營養綜合菇🍄HK$52一碟有齊金針菇、美白菇 、鴻喜菇、雞髀菇同埋鮮冬菇!啱曬咁喜歡菇嘅我,份量剛好!今次鴻喜菇同美白菇菇味特別岀!唔最後每人送一杯用古代杯裝住嘅腐竹糖水沙冰!成個presentation都好新鮮,入口味甜感覺好清新!打完邊爐食幾啱~總括黎講,呢度價錢唔貴,每碟嘢食有大細選擇適合唔同人數打邊爐!種類都有好多, 龍躉、蟶子、鮑魚、桶蠔、花膠、生腸、鵝腸應有盡有!仲有好多特別食物!中意嚐鮮嘅朋友可以試下:牛脷托、黑包公魚、石蚌、魚咀、 田雞、酒糟五花肉、點心!仲貼心送上口罩套!如果唔想岀街食,仲可以叫佢哋嘅火鍋外賣! 繼續閱讀
(以上食評乃用戶個人意見 , 並不代表OpenRice之觀點。)