影片
開飯介紹
本地人氣cafe品牌，供應一系列西式料理，如All day breakfast、甜品等；裝修雅致舒適，提供寫意的用餐環境。
繼續閱讀
營業時間
今日營業
08:00 - 22:00
星期一至日
08:00 - 22:00
*最後落單時間: 21:15
以上資料只供參考, 請與餐廳確認詳情
相關文章
BEANS係出名排隊人氣店，趁有生日優惠去食下！🦞 龍蝦湯（$44）龍蝦湯一上嚟嘅時候好有儀式感！由白瓷茶壺裝住，然後店員親手倒入碗！認真氣派🫖🍵海鮮配料有蝦、蜆，幾有鮮味🍠 焦糖蕃薯條（跟餐加配＄30）跟餐加30蚊有唔少薯條可以選擇，記得仲有有黑松露蛋黃醬薯條，芝士薯條，番薯比較特別所以揀佢上枱熱辣辣香噴噴！食嘅時候要小心啲因為真係好熱❤🔥番薯本身自帶甜味，落咗焦糖又幾特別，就咁食又得，蘸埋茄汁食又得，得咗🍠🍕 千島醬海鮮PIZZA（＄118）醬底係千島醬，配料方面有蟹柳、帶子、蘑菇、洋蔥、芝士，以海鮮pizza嚟講配料款式偏少不過pizza烘焙得幾好，邊邊食落香脆，如果下次再嚟叫pizza會想試其他款🍕🍗 炸黃油雞（＄148）呢個係出乎意料地幾好食😳本身對文青cafe嘅炸雞冇咩期待，但食完覺得真係幾有驚喜！六大件，有雞全翼、雞胸，都算係多肉食嘅位置，底下墊咗凱撒生菜黃油雞肉質嫩滑，雞肉經過熱炸之後仍然滑口飊油，同埋學食神講一句雞有雞味！一啲都唔乾柴！同埋我好鍾意佢呢一個特別嘅調味，應該係落咗椰糖（我估），食落有淡淡嘅椰子香味！好特別！🥥呢個價錢食炸雞算唔上好抵，但如果心癮起，想食有質素嘅炸雞我會推薦佢👍🏻🧀 美式焦糖芝士蛋糕（新會員優惠）新會員第一次消費都可以任揀蛋糕一件，只要下載apps做會員就得，睇餐牌蛋糕都要四十幾蚊一件，呢個優惠真係好抵👍🏻講返蛋糕本身，首先畀好多連鎖大件，好高身！焦糖鋪喺面好薄，芝士蛋糕夠酸，係我鍾意嘅口味，曲奇餅皮夠牛油，起到畫龍點睛嘅作用🍫 特濃朱古力軟心蛋糕（生日優惠）雖然用咗會員優惠，但同時亦都可以用生日優惠，呢間餐廳真係佛心，通常冇得同時使用㗎嘛🙈只要喺生日月內，出示身份證明就可以使用到生日優惠，仲要唔使做會員都可以享用！所以今餐食咗兩個蛋糕🤭朱古力蛋糕唔會太甜，外面係一層黑朱古力，包裹海綿蛋糕，係大人小朋友都會鐘意熱愛食朱古力嘅朋友仔一定唔好錯過呀！☕ 美式咖啡X2睇menu冇留意，原來pizza同黃油雞都跟一杯嘢飲，包埋嘢飲又幾抵喎點咗兩杯美式咖啡，一熱一凍，覺得熱嘅比較好飲，味道好日本feel總結，份量足，調味偏向現代新派，烘焙類別有水準，環境闊落舒服唔怕坐得耐，員工個個精神好笑容，服務相當好👍🏻
繼續閱讀
呢間餐廳平時都幾多人排隊，仲要今日係星期日，係門口排左30‐40分鐘先有位🙈叫咗個脆脆麵脆雞腿肉饅頭漢堡是拉差蛋黃醬，要咗薯條，而飲品就叫咗普通裝美式咖啡 (凍)，另加了小食叫咗焦糖單骨雞翼 脆脆麵脆雞腿肉饅頭漢堡是拉差蛋黃醬食落炸雞香脆可口，肉質嫩滑，唔油膩，好食😋，但個饅頭漢堡，沒什麼特別，普通麵包1個，薯條剛炸好，份量都足，食落係熱嘅，可惜唔脆口，麻麻地，伴碟嘅沙律菜，食落清新，幾好食美式咖啡，飲落都唔錯，自己加糖漿，加奶焦糖單骨雞翼，寫話有8件，其實係1隻雞翼分開2件，雖然好食，但唔抵食整體來講，服務還好，不過沒主動給水，環境舒適，食物味道幾好，但薯條就麻麻，唔脆嘅，而且價錢我覺得偏貴，要自己QR code落單，個餐$128，小食$62，未計加一，食過午餐都2百幾蚊，仲要限時食🙈，唔太抵
繼續閱讀
又到幫朋友慶祝生日嘅日子🥳相信大家對beans 都唔陌生😌一入去都係例牌都係會俾唔同味嘅搓手酒精你噴手先啦🤪坐低揀野食～ 叫咗：肉眼扒七成熟🥩 跟薯條🍟+炒蛋🐣肉眼扒真係好準確做到七成熟🤩薯條又脆卜卜，熱辣辣炒蛋又勁嫩滑🤩帆立貝pizza 🍕真係塊塊都有粒帆立貝係度薄餅底好脆 一食落就知係即焗😍抹茶窩夫我本來以為係抹茶醬窩夫原來係窩夫還窩夫抹茶雪糕還雪糕🫣飲品：芝士奶蓋四季春茶彩虹拿嚟慶祝生日仲會送件蛋糕同埋生日卡（只要出示身份證證明係當月生日就得）呢下真係好窩心☺️
繼續閱讀
珍珠元貝蝦醬燴沾麵⭐️⭐️⭐️⭐️⭐️好香大澳蝦醬味🦐，麵條好煙韌彈牙，仲有好多櫻花蝦，口感好特別😋😋，食得又睇得，好好食，唔夠喉，差啲連碟都lam埋😋😋Mixed Berries Waffle⭐️⭐️⭐️⭐️⭐️食埋甜品，叫咗一個窩夫🧇，本身諗住係普通窩夫，點知個形狀咁特別，好似個冬甩咁🍩！窩夫好有蛋香味🥚，好軟熟。配上益力多雪糕🍦，味道好特別，熱辣辣嘅窩夫配上凍冰冰嘅雪糕，冰火交融🧊🔥。亦都配咗乳酪醬同雜莓醬，同個窩夫🧇同雪糕🍦好夾！食完好滿足！👍🏻
繼續閱讀
無論午餐時段或晚餐時段食物質素都非常令人滿意，非常用心製作，價錢亦公道。除此之外，要特別讚賞的是員工的服務態度，雖然店內經常都擠滿客人，但員工仍非常主動及有禮，其他同行需學習一下！
繼續閱讀