135
10
5
港鐵筲箕灣站 A3 出口, 步行約5分鐘 繼續閱讀
所有分店 (2)
電話號碼
23071900
92807603 (Whatsapp)
營業時間
今日營業
18:00 - 02:00
星期一至日
18:00 - 02:00
付款方式
Visa Master 現金
座位數目
40
其他資料
網上訂座
深夜營業
酒精飲品
自帶酒水 詳細介紹
切餅費 詳細介紹
泊車
電話訂座 詳細介紹
賞訂座積分
外賣服務
加一服務費
室外座位
電視播放
有關獎賞計劃
食評 (157)
串燒多選擇 焦點食評
等級4 2017-09-21
1585 瀏覽
今日同男朋友難得黎到筲箕灣,就順便係度試下平日無食過既新餐廳啦!揀左呢間近地鐵站既安安燒呢間串燒店有分户外同室內,户外可以自己燒(除左海鮮),而室內就係師傅燒左再上,因為今日同男朋友都比較攰,就決定交比師傅燒算啦,有機會再享受一下自己燒既樂趣同男朋友食左好多,講下其中幾樣野食啦~串燒咁熱氣,個人習慣會飲下涼茶下火或者飲蜜糖水滋潤下。呢度杯菊花蜜唔會過甜,菊花同蜜糖既比例剛剛好,飲左兩大杯呢燒韮菜 $19呢個燒韮菜正呀燒得幾好,唔會韌到嚼唔開個種,灑上大量孜然粉加小小辣椒粉,好惹味呀~雞腎 $23/2 尖椒 $~20或者係我偏好重口味啦,雞腎感覺灑上更多調味粉會更好尖椒不過不失,還是較喜歡煎釀三寶那種!燒菠蘿十級推薦!!十分清甜多汁沙茶醬金菇既份量很多呢,金菇吸取醬汁後十分惹味辣汁煮蜆呢個反而有啲失望,其實蜆嘅份量都幾多,雖然細細隻但都有大約30隻,但辣度明顯不足,如果有得揀辣度會好啲 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-25
2492 瀏覽
去開港島區做嘢,對一次黎已經係搭車入石澳,筲箕灣一早講咗有好多好嘢食,之前睇fb post有介紹嚟間,就約朋友飲番杯。對我呢個方向感平平嘅人,都搵到,地點唔難搵。我早咗到,係咁熱嘅天氣,一入到室內係超舒服。可能個人近排躁啲,入到嚟有一刻平靜咗。而且我真心要多謝職員超好,晏就開完會電話得番6%,職員借出自己叉電器,救左一命,可以聯絡到朋友。我幾欣賞佢呢間落單方法,又環保又清楚,只要用紙巾抹,又可以好快用,慳唔少紙。呢支係荔枝加蘋果,無我想像中果味重,啤酒味就夠,價錢都係37支。三重芝士丁呀,我最愛嘅芝士,佢上面燒過一層,好邪惡。撈起上嚟好味,佢底有用佢嘅湯包,成件事好完美,45元還可以。牛舌($33)嚟講,呢個燒得幾好,唔會太硬,趁熱時要快食。呢個我有啲驚喜嘅,我以為會係成條粟米一半份量,點知係成條,燒得好靚仔,粟米本身都夠甜,正!是日海鮮有大扇貝,當然要會一會佢。用左蒜蓉整,鮮味都夠,如果可以再燒多陣可能更好。豚肉,好味,好豐富嘅口感,另外有我喜歡嘅羊肉串,唔羶,正!仲有其他餸,差唔多食咗一個人200元度,呢個價都ok,夠飽。 繼續閱讀
(以上食評乃用戶個人意見 , 並不代表OpenRice之觀點。)
高水準燒烤店 焦點食評
等級4 2017-08-19
279 瀏覽
嚟到呢間幾出名嘅燒烤店,除咗口痕想食小食之外,梗係想同朋友隊返杯,實行不醉無歸!因為夏天所以都係揀咗坐入面室內嘅位,如果想食煙嘅坐出面又得就算係隔住玻璃門,但入面都完全聽唔到出面講乜,隔音做得好傾偈嘅時候就唔怕被騷擾大概嚟到嘅都唔止會飲杯嘢就走,最少都會嗌兩三支先傾夠食夠飲夠,所以佢啲嘢飲選擇真係多!有酒有普通嘅見好多檯都半打藍妹咁嗌,我同朋友人少少就單嗌算因為俾佢個名elder flower吸引咗,就叫咗呢個接骨木花味嘅apple cider好甜好易入口,啱哂女仔嗌飲咗幾啖酒未有嘢食嘅時候發現檯面有調味粉,排列得井井有條同大部分燒烤店一樣都係呢幾隻重口味又鐘意食辣嘅我以爲一陣會係咁落啦,點知佢呢度啲嘢食調味全部都好夠,所以都冇乜機會落首先嚟嘅係燒韭菜個人真係好鐘意燒嘅韭菜,去親食串燒必叫!韭菜本身嘅香味加埋孜然粉真係好香,搞到我哋留哂口水韭菜新鮮唔多渣,不過凍咗唔好食,呢樣真係記得要襯熱叫咗4隻蒜茸烤蠔好似有貴啲價位嘅蠔同平啲嘅揀,我哋揀咗貴啲嘅,可能因為咁所以蠔嘅size好滿意,算係肥美多肉,唔會成粒豆豉咁熱辣辣燒上嚟好多汁蠔上面鋪滿咗好多蒜茸同蒜粒,仲有少少蔥,辣椒同炸蒜炸蒜食落脆嘅,同個蠔嘅口感完全唔一樣成隻蠔連埋配料同汁一齊吞落口個下真係好滿足 不過怕辣嘅要小心,因為食中辣椒仔可能會有dd搶喉,要飲返啖酒中和下一口蠔,再飲一啖酒真係好夾不過得四隻唔夠喉,想encore最後嘅嘢食係燒雞腎雞腎似係煮之前醃過,或者係用第二啲方法煮完先再燒,因為好入味又唔會話overcook之後太韌,好味惹味小食加上少少酒意,簡直係perfect吹水嘅場合,值得推介 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-16
272 瀏覽
自從去年到北京交流後,一直對當地的烤串念念不忘,想念那濃香的孜然香與辛辣勁。然而在香港,一般能吃到的均是較乎合港人口味的泰式或日式串燒,雖然沙爹、蜜糖、燒汁等調味也相當不錯,但卻滿足不了我對北方烤串的思念。向友人訴說我的願望後,他便帶我來到這間安安燒,說是非常有北方感覺的一間鋪,值得一試。我們大概7點左右到達,   當時店內人並不多,大概店鋪主要是做宵夜生意。店內裝修簡潔明亮,座位亦尚算舒適。和朋友聊天吃串燒,當然少不了一點酒精。店內酒類選擇挺多,啤酒、香檳、果酒等等都有,我則選了一款之前未有嘗試過的果味手工啤。手工啤入口酒味較淡,帶點點果香餘韻,相當不錯。燒茄子是我相當喜歡的一道菜,但在香港卻很少能吃到,見安安燒可以吃到,當然要點!茄子燒到剛熟,上面鋪滿了蒜蓉和辣椒,帶點點的孜然香,值得推薦。芝士餈飯似乎係店鋪自創的一款小食,因為我在其他地方也未曾吃過。餈飯被燒至脆卟卟,口感有點像在吃煲仔飯的飯焦,十分香口。餈飯上有一層熔了的芝士,配合入面包著的肉鬆、油炸鬼等配料,既飽肚又好味。餃子雞翼亦都值得推薦。雞翼外層塗了一層蜜糖,燒得剛剛好,既香口又不會太焦;雞翼入面釀了菜肉餃的咸,使口感不會太單調。燒午餐肉是店內的推薦小食,在其他地方亦比較少見。午餐肉非常厚身,外層燒到脆脆的,內裡保留午餐肉柔軟的口感與味道,不錯!與北方的烤串比起來,安安燒的串燒味道較淡,但亦比較乎合香港人的口味。雖然與我記憶中的味道並不一樣,但係無論在食物質素、店鋪環境等方面來看,安安燒已經非常不錯了,值得推薦。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-22
1356 瀏覽
呢間串燒店係mk都幾出名,原來筲箕灣開左,就的起心肝同朋友黎試。因為怕串燒會凍食唔切就分左2次叫😂😂呢度d侍應好親切,見我一袋二袋就主動俾圓凳我,又提我地支筆會容易漏墨等👍🏻⭕️蒜蓉燒扇貝 $46扇貝大隻新鮮,唔會咬極唔爛,蒜蓉俾勁多,推薦! ⭕️金銀蒜蓉燒生蠔 $77生蠔大隻,蒜蓉又係勁多,略嫌生蠔冇咩鮮味 ❓芝士蒜蓉撈丁 $47蒜蓉太多,令芝士味唔突出叫招牌芝士撈丁應該會好味d ⭕️燒娃娃菜 $13好特別!菜新鮮,調味唔會太咸,唯一唔好既就係燒得有d乾,但都推薦! ❓沙茶燒金菇 $30後悔了,應該要叫蒜蓉牛油味,呢款食落偏咸偏重口味,朋友同我都不太好 ⭕️燒雞脾茹 $14好多汁😍😍😍呢個用沙茶醬燒又唔太咸bor,推薦! ⭕️燒豚肉串 $20好多肉汁!都幾多件下,不過就有d難咬😂⭕️安格斯肉眼牛柳串 $41朋友食的,朋友話好多肉汁,份量算多,食得出係令既牛柳,推薦!⭕️餃子釀雞翼 $30勁特別!出名食到既通常係糯米釀,勁考功夫!雞肉滑,餃子餡唔錯同雞肉幾夾,推薦! ❓燒魚皮餃 $28好大粒😂餡料唔錯,但皮偏厚,扣左好多分🙈⭕️燒燒賣 $16蜜糖燒燒賣雖然普通,但甜甜地甘好吸引,同呢度燒賣唔會太粉,推薦! ⭕️ 熱菊花蜜 $14食串燒甘熱氣就簡杯清熱既飲品,本身對佢冇咩期望,但原來係勁好飲!唔會太甜,又好香菊花味,成晚飲左2杯😂🙈🙈 繼續閱讀
(以上食評乃用戶個人意見 , 並不代表OpenRice之觀點。)