37
27
8
港鐵中環站 D1 出口, 步行約4分鐘 繼續閱讀
所有分店 (2)
電話號碼
25259191
開飯介紹
都爹利會館的下層是時尚雅致的餐廳,上層是休閒舒適的會客廳和綠化露天花園。餐廳由曾任職唐閣的星級大廚蕭顯志師傅主理,蕭師傅忠於粵菜傳統,菜式保留粵菜正宗口感和味道,再以現代手法呈獻。酒吧請來屢獲殊榮的調酒師Alexandre Chatté特別構思酒單,讓客人對復古雞尾酒有全新的感受。 繼續閱讀
獎項殊榮
米芝蓮一星餐廳 (2018-21), 米芝蓮二星餐廳 (2015-2017)
營業時間
今日營業
12:00 - 15:00
18:00 - 23:00
星期一至六
12:00 - 15:00
18:00 - 23:00
星期日
12:00 - 15:00
18:00 - 22:00
付款方式
Visa Master 現金 AE 銀聯
座位數目
170
其他資料
支持防疫 詳細介紹
酒精飲品
支持減塑 詳細介紹
泊車
電話訂座
外賣服務
加一服務費
室外座位
招牌菜
芥茉香蔥煎牛柳粒 珊瑚水晶蝦球皇 富貴鹽香雞 黑松露鮮菌石榴果 鮑魚雞粒酥
食評 (85)
等級4 2020-09-08
6457 瀏覽
都爹利會館呢個月重推懷舊點心放題夜,七月訂唔到嘅話現在再有機會,雖然加咗$30每位$298,能在米芝連一星飯店內,無限品嚐32款懷舊點心,未嘗不可!                                        懷舊點心放題夜,逢星期一至四,下午5:30至8:30,每位$298+10%,已包普洱茶及醬芥費用。我3號晚去咗啦,放題的食物自然心中有數,不過碗仔翅、鴨腳扎等兒時的美食已經少有機會懷緬;而且滿足一下虛榮感亦好。五項三十二款點心,街頭風味最有特色、煎炸點勝在即煎即炸,蒸籠美點大路貨,甜點可以放棄。                     水準不穩定,有得有唔得!我估計有些懷舊點心是外購的,如果是自己師傅做嘅就冇問題,也因如此,全部醬汁辣醬皆唔錯! 街頭風味:三款街頭風味碗仔翅自然必吃,我認為似蛇羹多啲,因為有不少肉絲,相反找不到任何疑似翅口感的物體!幸好我聰明,慷慨地加醋及白胡椒粉之後,重拾街頭碗仔翅風味!咖喱三寶咖喱味道好,韭菜豬紅可以呀!即煎即炸:建議大家行出花園,點選即煎即炸,新鮮熱辣送上差唔到去邊!香煎蝦米腸冇乜蝦米,但成功香煎,煎得有些脆,腸粉厚薄適中,青蔥增分,混合甜醬麻醬之後,風韻猶存!經典煎釀三寶富懷舊風味,口感、味道皆唔錯。唔知大家知唔知,現在一般酒樓吃到的點心,皆是中央廚房的批發貨,我覺得蒸點似係呢啲。蒸籠美點:我只喜歡蝦餃,牛肉、粉果、鯪魚球、雞包仔、鮮竹卷等正常;                                                  都爹利燒賣唔覺特別,本以為是招牌;                                                    鴨腳扎芋頭唔夠腍;                                                    XO醬排骨冇XO醬馬拉糕點咗冇出現!焗炸食品:叉燒包幾好味;蛋撻唔得,失敗在撻皮; 五柳炸雲吞,外表味道皆正常,但食落太油。甜點:四款甜品水準我末能接受。 繼續閱讀
(以上食評乃用戶個人意見 , 並不代表OpenRice之觀點。)
由於而家冇咗晚市又唔想屋企老人家煮飯煮得太辛苦於是一早喺二月頭就已經上網訂咗都爹利會館嘅北京填鴨外送餐單同埋一個羊腩煲錢都即刻比晒點知俾晒錢之後嘅一個星期先通知我哋預訂嘅羊腩煲賣晒☹️呢啲咁低級嘅錯誤我諗應該唔suppose發生喺一間米芝蓮一星餐廳啩?好啦咁就唯有再揀過其他食物啦其中一個菜式就係炒飯嚟嘅但由於屋企人都麻麻地炒飯於是就想轉另外一啲炒鴨鬆嘅餸WhatsApp同電話都同都爹利會館嘅職員再三確認咗轉菜式嘅事宜佢哋都回覆我哋係冇問題嘅不過我咁樣講你都估到最後嚟嘅都仍然係嗰款炒飯啦🥲以上兩點都唔係最令人失望嚟緊要講嘅嘢先係最離譜-話說我哋知道臨近歲晚交通一定會係一個好大嘅問題於是我哋喺送貨當日 即係年廿九嘅下晝特登再打多次去都爹利會館提醒佢哋準時出車同可能會塞車嘅問題同埋希望司機出車嘅時候打個電話俾我哋通知聲(其實落單嗰陣已經同職員講咗呢個要求,佢哋話會打落remark)當然最後呢個電話都係冇收到啦🤷🏾‍♀️我哋寫嘅送貨時間係晚上7:00至7:30等到7:15我哋就打去都爹利會館問吓啦點知對方話佢哋都搵唔到個司機喎😧叫我哋再等吓佢哋會努力聯絡OK!咁又繼續等啦聽電話個女仔話7:30會再打俾我哋等到過咗7:30都係冇收到任何人打返俾我哋嘅🙃所以唯有再打過去今次聽電話嘅係另外一個女仔都係嗰啲對白話佢哋搵緊個司機不過都係搵唔到喎🙄大佬!咁我冇理由全家無了期咁等你㗎?我就算再叫其他外賣麥麥送都要時間啦下話?於是我就同佢講不如等到八點啦你哋個terms and conditions話要有30分鐘buffer呀嘛咁就等到八點啦唯有個女仔話好 仲應承我八點會俾個回覆我 打返俾我估都估到緊係冇人喺8點打返俾我啦更加令人氣憤嘅位就嚟啦我打返去都爹利會館都爹利會館喺呢個時候竟然選擇!!!唔。聽。電。話!!!!!!!!???我嬲到連續打咗30幾次佢哋又好嘢喎!真係忍到唔聽㗎喎!後尾等到夜晚差唔多九點千呼萬喚始出來嘅外賣終於送到我即刻捉住個司機問吓佢因乜事遲咁多先送到嚟啦佢話佢一晚要走成六個地方🥺呢六個地方基本上係遍佈港九新界包括筲箕灣將軍澳長沙灣荔枝角何文田同埋新界東我話咁你知唔知我哋呢張單要求嘅送達時間係7:00至7:30?佢話佢知啊 仲要6:00已經準時出車我見佢大汗搭細汗咁樣我都完全明白錯不在司機😢只可以同佢講聲辛苦晒同新年快樂就目送佢離開其實邊有可能喺一個鐘頭之內用架貨Van走勻港九新界六個地方?foodpanda嘅電單車都唔得啦🤡同埋如果係要一個司機連續送六張單嘅話都爹利會館係點樣確保呢啲食物送到客人手上仲係熱辣辣?即係完全冇考慮過食物質素呢一個點啦😡仲夠膽死收額外運費差唔多成$500呢個價錢直接call架的士由中環不停站地去到我位於新界嘅屋企都仲有得找啦所以今年嘅團年飯真係非常之難忘🥲成家人戇居居咁樣餓着肚皮乾等等所謂一星餐廳都爹利會館送個凍冰冰嘅外賣最慘仲要一肚氣🤬真係未聽過一間高級餐廳可以咁樣拒絕接聽電話應承咗會打返俾我哋但冇咗件事都算啦仲要咁樣逃避自己餐廳製造出嚟嘅問題?我打咗成千幾字去分享呢一個經歷就知道究竟有幾嬲😂一星?配咩?🤧🤧🤧 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-01
335 瀏覽
新一年話咁快又過咗一個月,今日黎個Sunday Brunch獎勵下自己呢個月辛勞嘅工作😎Sunday Brunch Menu (12pm開始,3pm交枱)食物All You Can Eat,雖然選擇唔多,其實每樣試吓已經好飽。加埋Champagne free flow好有放假感覺😄食物方面我哋試咗好多款,掛住食無影太多相,或者碟野食左一半先影😂味道整體ok,有幾樣我幾鍾意✅天府辣子雞 - 脆脆的,好香好惹味✅香麻牛𦟌 - 牛𦟌好軟配上微微麻辣超正✅紅油抄手 - 皮薄汁好味,雲吞細細粒連汁超入味✅北京烤鴨 - 已經幫你包好,啱曬懶人✅西湖牛肉羮 - 好飲夠味又唔會咸大部分食物每客細細碟等你試多啲唔同野,如果食量細嘅就唔好叫包同腸粉,portion唔夠細又容易飽😂以Michelin一星黎講,食物唔錯但未算驚豔,但配埋個環境感覺係好relaxing。服務亦都好,會不斷幫你refill champaign。整體experience係好嘅,下次再嚟request坐outdoor先~ 繼續閱讀
(以上食評乃用戶個人意見 , 並不代表OpenRice之觀點。)
650 瀏覽
回到家開飯已是約 45 分鐘後,但各項目都保溫得很好,且透氣做得好不致有倒汗水。我們對每樣食品都有讚冇彈,春卷、海蜇頭、鹽香雞同炒飯都好高水準,非常好味。鹽香雞絕對係真功夫,推薦!雞肉嫩滑、入味但不會太鹹。春卷炸得洽到好處,涵料好豐富,充滿驚喜,傳統之中又充滿特色。海蜇頭的海蜇非常大片,調味做得十分好,酸度調節得洽到恰到好處。漏咗講干煸豆,係我近幾年食過最好味嘅,微微嘅辣度,加上切得大小剛好嘅肉丁同足夠嘅蒜粒,味道豐富有層次,非常出色! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-17
650 瀏覽
今日去試咗呢間餐廳既Set Lunch,我哋每人分別試咗行政套餐同埋商務套餐。帶子燒賣同埋素菜餃味道清清地,都算ok ; 咁多樣嘢加埋,叉燒同春卷算係最好食。個湯係雪耳煲竹絲雞,唔會太鹹,有雞味,算係感。味道比較濃味,淡返少少會好飲d味道偏濃,不過雞肉幾林,老人家都食到。龍蝦幾彈牙,不過有少少鹹菜苗幾好食,配埋金銀蛋,清清地啱啱好。入邊有啲冬菇同埋金華火腿,我自己就驚太鹹,淨係食咗啲津白同埋冬菇,不過如果鍾意濃味少少嘅夾埋一齊食應該好食啲。味道ok,可以試試不過不失,冇咩特別,份量比較少。兩個套餐嘅甜品都一樣,冇咩特別。總結黎講,價錢偏貴,服務又唔算太好(明明上次嚟食過感覺服務好好多,咁樣既餐廳我覺得服務黎講唔太合格)。另外上菜速度太快,好彩之後我哋有叫佢慢慢上菜,如果唔係啲嘢一定吹凍曬。啲嘢食唔算話唔好食,不過唔係好值呢個價錢。 繼續閱讀
(以上食評乃用戶個人意見 , 並不代表OpenRice之觀點。)