208
15
11
港鐵佐敦站 D 出口, 步行約4分鐘 繼續閱讀
電話號碼
24702668
開飯介紹
火鍋店提供高級食材及配料,以及自製的清涼飲料、手工啤酒、韓國果醋等。 繼續閱讀
營業時間
今日營業
詳細營業時間
星期一
18:00-01:00
星期二至四
18:00-02:00
星期五至六
17:30-02:00
星期日
17:30-01:00
付款方式
Visa Master AE 現金 銀聯
座位數目
40
其他資料
網上訂座
Wi-Fi
深夜營業
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
外賣服務 詳細介紹
加一服務費
室外座位
有關獎賞計劃
招牌菜
瑤柱群翅雞湯 足料龍蝦湯 香濃芝士湯 養生藥膳湯 美顏豆腐牛奶湯 惹味蕃茄湯
食評 (241)
等級4 2017-08-29
359 瀏覽
呢餐飯約左好耐,終於約到喇~原本6個女仔一齊食~最後得5個!我地好犀利,睇返d相,食左好多野!個門好易搵,係地面既姐,一入去先知原來係咁有大排檔feel!但係係室內,都幾特別架!我地仲要坐呢d膠椅子下面個透明膠箱係用黎放袋既!真係勁有大排檔feel!睇下個餐牌!真係好多種類!一黎就黎左個雞煲先,我地叫左小辣!咁我就叫左杯蜂蜜菊花蜜飲 $23~少冰又少甜食完雞煲,就轉左第2個煲打邊爐!d材料都好新鮮呀!估佢唔到!我地仲叫左呢個鬼馬墨魚 $58 佢係油炸鬼加墨丸滑黎架!出面好少地方有得食!!!之後我地好想食海鮮!就叫左個海龍王拼盤4位用 $718超級豐富,海鮮都好新鮮!有珊瑚蚌、蟶子皇、新鮮飽魚、花膠桶、8吋虎蝦、帶子皇、桂花蚌、花甲皇!全部都好好食!不得之了!我地其實已經好飽,但見呢度有稻庭烏冬$48又心思思想食埋!最後都有叫到,但真係食唔晒! 埋單一人$360!想講樣野 就係呢呢個碟仔好淺,唔係好夠放汁料!希望可以改善啦! 繼續閱讀
(以上食評乃用戶個人意見 , 並不代表OpenRice之觀點。)
港式大排檔風味 焦點食評
等級4 2017-07-17
14961 瀏覽
記得早前經過山林道有間店名比較易記既火鍋店叫"尚上下夏", 所以係網上一SEARCH之下見到唔少好評, 所以我地今晚就去一試。今晚係星期日, 晚飯時段店內全場爆滿, 幸好我地等左陣都好快有位。店內裝修富有港式大排檔風味, 不同之處就是可以在冷氣下打邊爐。醬料方面, 每位HK$12, 可自由混醬黎呢度當然要試下佢地既招牌菜----雞煲【雞煲單鍋】HK$158/半隻雞煲可以揀辣同唔辣, 我地揀左唔辣。半隻雞已被切件, 而且已經煮熟了8成半, 上檯後稍為再焗一下就食得。當中除左有雞件外, 仲有少少豬皮同埋大量配菜。醬汁較杰, 鹹中有點少甜。 不過雞件就未見入味~呢度有一與眾不同既係平時出面食完雞煲, 都會直接加清湯/清水就開始打邊爐, 但呢度既係要另揀湯底。我地就揀左【瑤柱群翅雞湯】HK$48湯底係直接加落食完既雞煲中,不過就未見有瑤柱, 只見一件翅骨, 同埋大量配料【手切頂級安格斯】HK$238 (大)色澤紅潤, 脂肪分佈平均, 帶點牛味【鬼馬墨魚】HK$58香脆油炸鬼上加了墨魚滑同埋大量既蟹子, 呢款亦是吸湯底精華既其中一款。油炸鬼吸左湯底味道, 略有彈牙既墨魚配上粒粒蟹子, 口感豐富。【鮮蝦雲吞】HK$64雲吞比較細粒, 入面既蝦粒好爽口【手打蟹子蝦滑】HK$88全晚我地最喜歡就係呢款蝦滑, 鮮甜彈牙, 當中更有少少既蟹子, 更滿足到口感【蝦膠釀鮮冬菇】HK$75覺得呢度既蝦滑做得不錯, 所以我地再ORDER埋釀鮮冬菇, 冬菇厚度有點爽, 雙重爽口感, 正!【自家製即炸響鈴】HK$58果然係即叫即炸, 響鈴既皮好薄, 就咁食既口感好鬆脆, 不過豆味唔太突出整體黎講, 呢度既質素同樣很有大排檔風味, 加上以傳統既GAS爐做火鍋, 充滿港式味道既火鍋店。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-21
7799 瀏覽
今晚約咗個食肉獸朋友仔食飯,佢話一於去食雞煲加打邊爐,於是我哋就黎咗呢間開咗無耐嘅尚上下夏打邊爐。呢度嘅裝修扮晒舊式香港大排檔咁嘅樣,你睇吓頭頂嗰啲吊燈幾別緻呢度有個二人餐,基本上打邊爐應該有嘅嘢個餐都包咗,其實都幾抵,不過朋友仔堅持散叫,無所謂啦~我地叫咗個雞煲(半隻)拼瑤柱裙翅雞湯。雞煲揀咗雞脾拼雞胸,啖啖肉雞肉嫰滑,味道濃郁,煮煮下有少少太咸。雞煲入面有啲爽口嘅豬皮,吸收咗雞汁味道好正,正到我哋忍唔住追加左一份豬皮食完雞煲之後,可以揀多一個湯,我哋要咗養生藥膳湯。藥膳湯好足料,聞到陣陣藥材味,撈埋雞煲嘅汁之後都幾重口味,所以打邊爐嘅食物都唔使點醬料。兩個湯都好足料,瑤柱翅裙雞湯都有湯渣𠺢,絕不欺場打邊爐唔少得炸魚皮同響鈴啦。響鈴新鮮即炸,上枱嘅時候係熱辣辣嘅,就咁食又得,淥兩淥先食都得!炸魚皮雖然唔係即叫即炸,但都好脆卜卜,而且一碟份量好多,抵食叫咗份細嘅頂級手切安格斯,兩個人食份量啱啱好。牛肉雪花紋理豐富,食落肥瘦適中,牛味夠哂濃為咗慳住個荷包,我哋今晚就無叫海鮮,淨係要咗碟脆肉鯇魚腩。一碟有7大件,新鮮嘅脆肉鯇肉質爽口結實,淥落濃味嘅藥膳湯底非常滋味!大魚大肉之後叫咗碟萵筍,原來萵筍打一邊爐都幾好味,淥完之後口感依然爽脆,不過就要煮耐小小先食得。其實呢度啲手打丸睇落都好吸引,不過兩個人始終食力有限,惟有下次先再試啦 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-14
6802 瀏覽
天陰陰,落左成日雨,但天氣仍然好熱好焗,搞到公司個個心情都有啲煩躁。返工受氣,放工就唯有化悲憤為食量,於是我哋今晚就嚟咗打邊爐。尚上下夏相比山林道其他打邊爐嘅鋪頭,面積比較細,但裝修好有自己的風格,扮成一間地道嘅大排檔。侍應安排我哋坐喺呢幅字畫旁邊,驟眼睇仲以為係邊個嘅墨寶,細睇之下發現原來寫嘅嘢都幾搞笑,我都想知 '減肥咩嚟架'調味料盤睇落平平無奇,但老公話有炸辣椒片實屬驚喜,唔係度度都有,撈埋新鮮辣椒,調出來嘅辣味好有層次!餐牌係簡單嘅兩頁紙,選擇唔算超級多,但諗得出想食嘅呢度都有!先揀個雞煲同埋湯底,我哋要咗半隻雞脾併雞胸,再加瑤柱裙翅雞湯。Wohoooo 等左一陣,呢個鴛鴦鍋就出現個雞煲煮左一陣,侍應黎搞左幾下就食得。話就話係半隻嘅份量,但食極都仲有,而且全部都啖啖肉,好正我哋揀嘅係唔辣嘅雞煲,但味道依然好濃郁,雞煲入邊有花椒八角,所以係走辣唔走麻,非常惹味。我地點左呢度嘅即炸響鈴,一碟八件,真係新鮮炸起,上枱熱辣辣響鈴最正嘅地方就係可以吸晒湯汁嘅精華,侍應話將響鈴點落雞煲啲汁度好好味,我哋一於試吓啦。響鈴浸幾秒之後依然堅挺,但已吸收雞汁,味道係好好,但就有少少偏咸。鴛鴦窩嘅好處就係可以一路食雞煲、一路打邊爐!瑤柱裙翅雞湯好足料,真係食到瑤柱同裙翅;而且個湯味道鮮甜夠味,打邊爐唔點醬料都可以。打邊爐另一必食推介係鬼馬墨魚,爽口彈牙嘅墨魚滑釀左落油炸鬼度,面頭再加無限蟹子,淥熟咗之後口感依然豐富。打邊爐點少得肥牛!我地點左細份嘅手切頂級安格斯牛肉。牛肉脂肪分佈均勻,雪花紋理好靚。牛肉切得厚薄適中,淥10零秒就食得。肉味唔算好濃,但勝在口感幼軟細緻,每片都無筋無渣!其實食完雞煲,食埋肥牛都已經飽左一大半,但又覺得唔夠喉喎,於是唯有叫啲冇咁飽肚嘅嘢食炸魚皮又簿又脆,淥一下就食得最後叫咗碟萵筍,平時多數都係食炒萵筍,打邊爐真係第一次。萵筍煮熟左之後口感依然爽脆,好食又健康!飲飽食醉,開心返哂 繼續閱讀
(以上食評乃用戶個人意見 , 並不代表OpenRice之觀點。)
湯底出眾的雞煲 焦點食評
等級4 2017-05-18
116 瀏覽
雞煲團朋友吹雞食呢間雞煲!!! 有位團友食話話正, 帶我地黎試試。餐廳位於山林道, 位置都放便, 地鐵行過黎10分鐘就到, 而且好易搵到!!! 餐廳名字好得意, 總覺得有啲台灣感覺!! 團友之前聽完, 以為係上上下下。餐廳裝修風格走老香港, 牆上有呢啲好香港風格嘅相或畫, 而且仲有似九龍皇帝嘅字畫。枱用上舊時木紋摺枱, 真係家居必備, 而且凳用上紅色方凳。有懷舊嘅感覺, 香港都少有呢啲風格嘅餐廳!!用上點菜紙, 方便易明, 仲有相, 一目了然。團友們都係嚐辣之人, 叫左大份雞脾雞胸中辣!!! 雞煲黎到, 都好香麻辣味!!! 餐廳好細心, 雞肉去骨, 方便食用! 雞肉好嫩滑彈牙, 啖啖肉, 啱哂懶人手, 份量都唔少, 5-6人夠食。中辣都算幾辣, 而且花椒味都濃, 最鍾意食到嘴唇麻哂!!! 餐廳有直立放大湯匙嘅架, 好貼心! 唔怕佔位置!食完雞煲當然打邊爐喇, 加左雞湯, 就開始食火鍋喇。鬼馬油條, 第一次打邊爐食, 烚完食都幾有口感, 油炸鬼哂左湯汁, 好入味。墨魚滑加上蟹子真係彈上加彈。食緊雞煲時, 招牌響鈴上枱喇, 店員話係即炸所以即食最正, 佢話淋啲雞煲汁上去, 就食得!!! 全新食感, 雞煲汁濃郁惹味加上香脆響鈴, 好夾架!! 大家下次可以試下!!! 尚上下夏招牌手切極品靚牛皇(大份), 牛肉切得啱啱好, 唔太薄, 油脂分佈均勻, 烚幾下已經熟, 有牛味。份量都唔少!!!招牌苕粉似紅薯粉, 但係扁身嘅, 團友都覺得烚耐啲好味啲, 索哂雞煲湯味, 好惹味!!!! 唔錯唔錯!!雞煲團友都話唔錯同滿意!!! 繼續閱讀
(以上食評乃用戶個人意見 , 並不代表OpenRice之觀點。)