港鐵荃灣站 A1 出口, 步行約6分鐘
繼續閱讀
開飯介紹
位於荃灣的文青風咖啡館，提供義大利麵及各色甜點，以及3D拉花咖啡。
繼續閱讀
獎項殊榮
最優秀荃灣/葵青區開飯熱店 (2016)
特色
飲o野傾計
營業時間
*最後落單時間: 21:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
食家推介
相關文章
幸運地可以係荃灣店關店前食多一次快啲番黎呀( •̥́ ˍ •̀ू ) ▫️蕃茄肉醬溫泉蛋長通粉意粉份量啱啱好溫泉蛋好濃郁，撈埋蕃茄肉醬好好味▫️焦糖香蕉熱烘窩夫全日早餐窩夫蛋香味唔夠濃但唔乾身，夠濕潤鬆軟，口感似雞蛋仔配有炒蛋、煙肉同焦糖香蕉
繼續閱讀
想試咗哩間好耐，肥b終於都帶我去食喇🎉 荃灣店面積唔大，所以枱嘅數量唔多。我地11點半左右去到，仲有幾張枱可以揀，坐低一陣之後就見到店外開始排隊。Lunch Menu 同All Day Menu 都一樣係一款食物包一杯飲品，有別於其他餐廳可能只係Lunch Set 先有餐飲，其實一杯飲品嘅價錢並唔係重點，重點係有飲品嘅感覺先係完整一個set。✨蕃茄肉醬溫泉蛋長通粉 $70溫泉蛋果然冇令我失望😍 滑溜溜嘅感覺，濃郁嘅蛋香，真係好味道😋 蕃茄肉醬份量啱啱好，唔會乾噌噌又唔會食完都仲有好多醬，而且蕃茄味亦剛剛好，唔會過酸。再配咗少許菇菌就唔會太dry啦😆✨手撕豬仔骨漢堡 $88手撕豬夠哂入味，香濃多汁，肉質亦好香腍。漢堡包整得外脆內軟，配埋爆汁雞蛋同埋蕃茄，一啖食到多種唔同風味，口感豐富🤤 酸瓜好爽脆，絕對唔似某某漢堡包連鎖店質素🤣 粗薯真係薯仔切條即炸，真薯味又脆卜卜👍🏻✨Iced Cafe Latte (餐飲轉-$8) $32Latte屬於正常水準，基本上同咖啡店買到嘅一樣。✨Green Tea Latte (餐飲轉-$8) $30面層灑上Beans名稱好可愛💜 今次飲嘅係綠茶而並非抹茶，茶嘅苦澀味會較為濃郁。但哩杯竟然有驚喜，綠茶冇乜苦澀味，配埋香滑濃郁嘅奶，甜度剛剛好之餘，成杯口感都幼滑易入口😋🔍整體感覺：餐廳喺路德圍，地點算幾方便。食物有水準，無論擺盤定係味道都做得好好，名符其實係色香味俱全👍🏻 高質素餐廳就應該要多多支持啦‼️我已經諗定下次要食咩喇😏
繼續閱讀
係 無錯又黎夜麻麻講食野 我知我就黎比人打🤣今日午餐大蝦🍤龍蝦汁意粉 🍝你哋可能已經發現我前世同蝦有仇 任何嘅蝦種我都唔放過我知 我知 入正題丫嗎 上面個蝦係新鮮嘅 煎香又帶有少少🤏胡椒味 個龍蝦🦞汁係到位 又唔太「利」 而因為個人比較鐘意爽口嘅意粉 呢個意粉對我黎講就淋左少少 不過如果以整體黎講都好唔錯另外仲叫左個駝鳥肉香草意粉 呢個我真心被驚艷到 主因係我第一啖放入口嘅係龍蝦🦞汁意粉 以理論上食完甘濃味嘅野 再食香草味會覺得無甘好食 但係結果係香草好香駝鳥肉好入味 你會可能會問咖啡呢 無飲咩？ 有呀 我叫左杯hazelnut latte 上面係鮮忌廉唔太甜 都可以喇 擺盤都幾靚 打卡都唔錯 我覺得可以再去
繼續閱讀
由Beans開第一間舖就已經食緊😝 其實平時多數嚟都係食正餐，食過佢哋嘅意大利飯、意粉同蛋糕都幾高質☺️最緊要係賣相夠靚，加埋日光同成個餐廳嘅裝修次次食完都心情靚咗🤪 今日同朋友第一次嗌佢哋嘅mixed berry waffle ($68)🧇 記得以前有人投訴過佢哋嘅窩夫點解唔係格仔餅咁嘅樣而係donut咁嘅圈狀🍩 但食落又真係窩夫嚟㗎喎🤣 蜂蜜窩夫嘅蜂蜜同蛋香味都唔算重，偏濕潤一啲，而且夠鬆軟👍🏻因為係即叫即製所以上菜個時好夠熱🔥但略嫌可以脆身一啲🤏🏻 側邊除咗勁多莓果🫐🍓仲有莓果醬同純乳酪可以加落去，酸酸甜甜咁幾refreshing 💦可以平衡返窩夫膩滯嘅感覺🥰益力多雪糕係偏雪葩嘅口感，但益力多味算係幾重🍦加埋Oreo餅碎又出奇地幾夾🤭
繼續閱讀
小編同友人係星期六午後4點鐘左右去荃灣BEANS開餐, 平時經過都見佢大排長龍, 呢個鐘數去反而唔洗排隊即刻有位😋😋😋 建議大家唔想排隊的話可以呢啲鐘數去。🍝🥚蕃茄肉醬溫泉蛋意大利長通粉 ($96) + 🍟黑松露醬薯條 ($25)長通粉有個優點, 就係可以將蕃茄肉醬裝晒係個通粉管入面, 每一啖通粉都帶有滿滿的肉醬, 吉穿隻溫泉蛋撈通粉既時候好治癒。薯條岩岩炸起, 好脆身, 最欣賞既地方係就算我地無要求, 個黑松露醬都會set aside, 值得一讚。🍕巴馬火腿火箭菜簿餅 ($98)BEANS 既pizza個批底都係有啲麵包既口感, 好fluffy同好飽肚, 如果你係鐘意薄批既朋友, 呢類pizza可能未必適合你。但因為小編同友人都係麵包控, 呢個pizza就好對味喇。巴馬火腿既鹹香味同火箭菜既清新好balance, 整體感覺係好食既。🧇Mixed Berry Waffles ($58)呢個waffles不得了, 好鬼豐富, 內容物包括蜂蜜窩夫, 新鮮什莓, 吉士奶油, 益力多雪糕, 香草忌廉, 純乳酪。老實講小編最有印象既係益力多雪糕🤣 畢竟好罕見, 同埋真係好重益力多味 (which is應該好多糖)🍫☕特濃朱古力 ($33)呢杯朱古力一上檯必須必須必須立即打卡!!! 如果唔係啲朱古力會溶晒就唔靚架喇。呢杯野打卡一流, 甜度都爆標, 為小編黎講太甜太重口味, 但友人又覺得好好飲喎。🍸維也納咖啡 ($39)維也納咖啡就係一杯有鮮奶油係上面既黑咖啡, 本身鮮奶油有保溫既特效, 同埋可以令咖啡唔容易倒瀉, 方便以前奧地利馬夫一邊工作一邊飲用。🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾Ranking (5分為滿)卡路里爆標程度: 😈😈😈😈Cheat Meal 推薦程度: 😍😍😍😍😍等候時間: 0
繼續閱讀