【2020回顾】咖啡地图!新开Cafe一览 精品咖啡/宠物友善/异国风
2020-12-22

如果话2018系黑糖珍珠大热、2019系石烧牛排潮流,2020嘅关键字就绝对系咖啡!每个礼拜都总听到有新店开张。无论系新兴Battlefield深水埗,一早有唔少小店进驻嘅中上环,甚至系以往较少精品咖啡店嘅新界区都多咗选择,各自都有唔同风格。以下系开饭仔私心推介,睇睇你今年试咗几多间?
 


精选2020新开Cafe地图

九龙

深水埗区  十常八九


深水埗最近被英国杂志《Time Out》选为全球最型社区第三位,无独有偶今年喺大南街同基隆街一带就开咗唔同风格嘅咖啡店,有主打手冲咖啡,亦有最近流行嘅「朝啡晚酒」形式。私心推介呢间走日系风格嘅Cafe,几位年轻老板都去过唔少日本Cafe取经,焦糖布丁同天使之铃都系推介。House Blend咖啡有Nutty同Fruity选择,想拣边款配甜品你话事。

同区仲有:(长沙湾)Contrast、(深水埗)Kokoni Coffee、(深水埗)一草一木、(深水埗)PRESS THE BUTTON coffee stand、(深水埗)Coffee of the Day、(深水埗)Nomad、(深水埗)flow、(深水埗)FREEZING IN.、(深水埗)Slash、(深水埗)Will's Coffee

 
油尖旺区  Black Coffee


一向都系约饭局热门地区嘅油尖旺都多咗精品咖啡店,唔少都开喺巷仔、转角或者楼上舖,有种旺中带静嘅Feel呀。今年唔少新开嘅都系姐妹店,好似Black Coffee就由土瓜湾HeySoNuts班底主理,走完全唔同嘅全黑型格风,甜品梳乎厘等够吸引之余,咖啡亦相当出色,Peach Sparkling Coffee酸甜消暑,手冲咖啡更会不时更换单品豆。

同区仲有:(何文田)Five To One、(大角咀)浮生、(大角咀)My Ahjussi、(旺角)虫二、(旺角)走过十万八千里找到你、(旺角)Cafe Hachiko、(油麻地)不籽是咖啡、(尖沙咀)Vego Coffee、(尖沙咀)Naturally Choice Cafe、(佐敦)Good Day Coffee Co.

 
九龙城区  鸟山。商号


今年大家都系有假但飞唔到,好彩留喺香港都搵到有唔同地方特色嘅小店。红磡呢间鸟山。商号由旅游Blogger们开设,咖啡师曾经旅居台湾,而家去唔到台湾,就开店将当地嘅咖啡同咖啡文化都带过嚟香港。唔少咖啡豆都喺台湾烘焙,特别啲仲有加入古法冬瓜茶嘅冬瓜茶拿铁。甜点就系本地每日新鲜制作,台式芋泥卷嘅芋泥香自然浓郁,甜度啱啱好。

同区仲有:(太子)Le Rêveur at Flower Market、(太子)安乐珈琲

 
港岛

中西区  TIL Today Is Long


中上环不嬲都系Cafe Hopping热点,今年就更加可以嚟个新店一日游。有主攻外卖嘅Coffee Stand,亦有可以畀大家坐低享受Coffee Break嘅Cafe。TIL Today Is Long呢间就两种风格都有齐,既有外卖窗口,亦有楼底挑高富空间感嘅座位。走澳式风格,选用墨尔本烘焙商Small Batch嘅咖啡豆。特别推介佢哋嘅Croffle,亦系今年兴起嘅小食之一,香脆酥软。

同区仲有:(中环)Doubleshot by Cupping Room、(中环)角落、(中环)Say Hi Bar & Dining、(中环)Blue Bottle Coffee、(中环)MONO Lab、(中环)Starting Over Espresso、(中环)Between、(中环)Hypebeans、(西环)Poise Coffee、(西环)佬啡、(上环)404 Plant、(上环)NACASA Café & Bar、(上环)Swallow Dive、(半山)骨子里、(坚尼地城)For Single

 
湾仔区&东区  野草


近年新店唔单止喺咖啡同食物上面花心思,环境、配套,甚至系概念都非常独特。好似呢间藏身於Food Court当中嘅Cafe就主打咖啡同自家Gelato,希望可以推广本地农业同支持香港职人,咖啡选用本地Roaster出品,Gelato嘅木瓜就系梅窝种植。不时仲会有免费嘅咖啡渣畀大家拎返屋企,饮咖啡同时亦可以为环保出一份力!

同区仲有:(铜锣湾)The Coffeeology、(铜锣湾)Project C、(铜锣湾)The ALP @ Lounge Hakuba、(大坑)Sonne CAD、(湾仔)crew、(湾仔)要有、(天后)Superhooman、(北角)Coffee Obsession

 
南区  叄疯


通常去咖啡店食嘅轻食都以西式为主,但呢间精品咖啡店就糅合台式早餐店风格,饮咖啡配嘅系卤肉饭或者台式蛋饼!特别系南区真系好难搵到好食嘅蛋饼。而咖啡用嘅咖啡豆亦系店主们自己炒嘅,espresso based嘅会有fruity blend同nutty blend两款选择。冷泡咖啡就会定期更换SOE,通常都会拣特色或者风味鲜明嘅豆,每次去都会有惊喜呀。

 
新界

新界东  Buzz Grill Bar & Cafe  


今年嘅新Cafe唔少都系宠物友善,例如可以畀毛孩坐喺室外、特设狗狗P位,甚至有供应Pet Menu!大埔呢间就系好例子,有哥基店长来福坐阵,宠物餐牌仲标榜用新鲜、有机、无激素食材制作。就算无养宠物,呢度嘅轻工业风装修同可爱嘅宠物装饰都够吸引。午市主打西餐,宾尼迪蛋流心效果诱人;晚市就供应串烧,平均水准都唔错。

同区仲有:(大埔)V.W Vegan Cafe

 
新界西  The Third


新界西对唔少九龙同港岛住人嚟讲都真系几远,但依然有新店选择嚟呢区开新店。好似元朗嘅The Third就系西环Tuckshop by Social Club嘅分店,主打创意咖啡特调同班戟。好似Ying Yang灵感嚟自港式茶餐厅嘅鸳鸯,但茶底改为Earl Grey带出咖啡果香。班戟有六款口味,推介Bacon & Egg,咸香当中又有少少枫糖浆嘅甜,味道丰富。

同区仲有:(元朗)8cm Coffee、(葵涌)好日咖啡店、(荃湾)Sammi #000000






文:Cathy
相、片:Calvin Kwok、Tom Li、Cathy

关键字
2020年
咖啡
精品咖啡
Cafe
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
1天前
悠长假期 复活节下午茶推介
2021-03-26
【2021生日优惠】超爽着数!免费任饮任食日式烧肉/火锅(持续更新)
1天前
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01
【最平$298最贵$938】佐敦新开日式和牛烧肉放题 独家引入鹿儿岛小田和牛
4天前