48
1
0
港鐵深水埗站 B2 出口, 步行約3分鐘 繼續閱讀
電話號碼
54039751
營業時間
今日營業
08:00 - 19:00
星期一
08:00 - 15:00
星期二至日
08:00 - 19:00
付款方式
現金
座位數目
4
食評 (53)
-深水埗大南街 越開越多cafe 基本上行兩步又有一間啱晒我呢啲鍾意左穿右插搵小店嘅人嗰種尋尋覓覓 搵到自己鍾意食嘅嘢嘅小確幸🥰不過間間賣嘅嘢都差唔多 所以我最鍾意就係呢間@willscoffee.hk 係coffee house黎 唔係一般嘅cafe雖然門面細細 食物同咖啡都好出色 不枉此行😌-🥯#韓式辣醬泡菜五花腩貝果 $58泡菜加豬腩肉 無敵嘅組合 半肥瘦豬腩肉🥓有肉鮮又帶油脂甘香 泡菜辛辣 爽口開胃加埋罌粟籽貝果 (佢哋用嘅係blendit ) 口感偏向紮實得黎有咬勁 並唔係一般鬆軟嘅麵包-🍝#蕃茄虎蝦海鮮意粉 $68虎蝦🦐好大隻 扁意粉亦多 唔會太硬太淋每條意粉都有新鮮開胃嘅蕃茄醬汁包圍着仲有爽口彈牙墨魚仔🐙 足料製作-🥪#手工芋泥西多士 $42必食推介‼️ 即製西多士入口溫暖 芋泥起沙少甜少鹹好滑溜 口感綿密細緻‼️記得要留肚食埋呢個甜品‼️見好多人去都係叫bagel 其實呢個超級值得食!-☕️#Cappuccino 加$20🥤#Dirty 加$20小店有自己嘅house blend用嚟調製咖啡泡沫咖啡香滑好飲 奶泡唔會好快消 配甜品好搭嗰個dirty層次分明 冷熱交融 一上枱嗰下真係好靚㗎 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-24
295 瀏覽
尋日經過深水埗,見到呢間Cafe小店,咁啱肚餓就入嚟買個lunch~呢一間Cafe係黃店😍入面有好多唔同嘅文宣👍🏻Cafe主打Bagel☺️有唔同款式嘅Bagel,感覺幾正🤩仲有唔同款式嘅西餐,好似意粉,all day breakfast都唔錯🥰日式鰻魚滑蛋貝果漢堡$96我揀咗竹炭Bagel~黑色嘅竹炭幾特別😆食落有淡淡的芝麻味~鰻魚好大條🤩而且有好香嘅鰻魚汁☺️鰻魚肉幾軟淋好味😋仲有炒蛋,幾香滑👍🏻手工芋泥西多士$60因為好鍾意食芋頭🥰叫咗芋泥西多士🤩有一塊塊正方形方塊嘅西多士,咬落有好香濃嘅芋頭味😋老細話比較少糖,唔夠糖可以加糖漿~不過我覺得甜度啱啱好👍🏻西多士外脆內軟,好好味💕Cappuccino跟餐嘢飲免費,加大嘅size就加兩蚊~個拉花好靚😍係心形🧡係打卡之選👍🏻飲落有好濃郁嘅咖啡味☺️啲泡沫好軟😆令到層次更加豐富好飲🤗Matcha latte表面有浸好濃郁嘅綠茶粉☺️仲有心型嘅拉花💕幾靚😍鮮奶味好濃郁😋溝埋綠茶,好有日式嘅感覺🤩 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-21
179 瀏覽
本來是想去美荷樓參觀,後來發現因疫情而不開放,所以在附近吃一點東西。深水埗是一個平民的美食區和購物區,你想吃的、買的都應有盡有,是一個多元化的社區。加上最迎這一區多了很多「打卡」CAFE,熱鬧程度不遜色於旺角。今日來到這小小的咖啡店,看到門外有人正等待外賣,才發現這間店的空間很小,只有一個二人座位和一個小吧台,所以不少人都是外賣帶走。環境:佈置簡單而有心思,牆上掛上簡單插畫、小盆裁,桌上有乾花和聖誕擺設,而在收銀位置,有一個小型麵包櫃,顏色很吸引力。另一邊牆身掛有一排小包的咖啡豆,一問才知道原來有咖啡豆可以賣,是老闆的朋友自己炒製。老闆還說喜歡配搭不同地方的咖啡豆,希望製造出適合大眾口味的咖啡,又不會讓人有過於甘苦的味道。我都有同感,雖然我不是品味咖啡的人,但因不喜歡甘苦味,所以很少喝。今期咖啡豆是來自坦桑尼亞及巴西,泡製出來的咖啡是沒有澀味,酸苦口感適中,具有平順口感,嚐起來香醇,均衡度佳。我也是第一次嚐泡沫咖啡、Latte以外的特色咖啡,感覺挺好。All Day Breakfast + Flat White $96 (set)包括有牛乳滑蛋、黑豚肉腸、煙肉、雜菌、芝蔴醬青瓜、小蕃茄、美式焗豆和牛油多士。香腸煎得皮脆,煙肉有少過韌,牛乳滑蛋和雜菌是最棒,夾麵包也很美味!我最不喜歡的食物就是美式焗豆,幸好只是小杯,留到最後吃都放涼了,幸好沒有豆腥味,酸酸甜甜,還可以接受。今次跟老闆交談咖啡,真是令我對咖啡的世界有多一層認識,原來炒豆和磨豆的時間對咖啡的香味是非常重要,所以老闆賣豆時不幫客人磨豆,是怕客人未喝完一包咖啡粉,豆香已經散失了,是有心的咖啡小店。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-07
272 瀏覽
例行公事 .... 去 💛 「黃店」飲咖啡 ~深水埗-大埔道 終於有一間 💛 精品咖啡店 , 我們當然走去飲番杯 ~Menu ~Iced Americano , Bagel with Cream Cheese , Dirty Coffee , Taro Paste French Toast ~Iced Americano : 咖啡味道芬芳濃郁 , 酸度適中 , 飲落順口 , 合我口味 ~Bagel with Cream Cheese : 是坊間少有 , 頗特別的紅菜頭味 Bagel, 廚師略把 bagel 烘過 , 其質感實在而乾硬 , 配上 cream cheese, 不論是口感和味道都不錯 ~Taro Paste French Toast 手工芋泥西多士 : 與其他西多士的分別是它不會過份的油膩,西多士的外層脆口,但內在卻鬆軟,夾着味道少甜而且芋頭味香濃的芋泥,吃完全份亦感覺輕盈 , 好味又有特色 , 讚 ~咖啡靚 , 食物正 , 店主夠黃 👍👍本篇完 ~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-30
259 瀏覽
今日行去大埔道諗住去一間西餐廳,點知門口貼住東主有喜,搞到我哋摸門釘,於是乎就喺附近搵嘢食。咁啱行到呢間「Will’s Coffee」,舖仔細細但入面有兩個位,橫掂都已經行到冇力,就決定入去醫肚啦🤣。小店嘅佈置簡約得嚟都幾有文青嘅感覺,牆上貼上簡單嘅圖畫令人睇起嚟好舒服😌。呢度仲有出售Croissant🥐同Bagel🥯,加多杯咖啡做早餐就啱晒喇!呢間Cafe仲有意粉同All Day Breakfast賣,其間仲聽到店員同熟客嘅對話,喺度討論咖啡唔同產地、唔同級數喺味道上嘅差別,我就知呢度cafe嘅咖啡係好專業👍。我見到呢度有All Day Breakfast (Set $96)就心心眼😍,所以就叫咗一份全日早餐配Mocha。呢份All Day Breakfast大概整咗10分鐘,都好明白點解製作需時,因為佢每一樣食材都真係精心製作過,多士帶點蒜蓉牛油香🍞,蛋炒得好滑🍳,炒雜菇帶有好香嘅蒜蓉牛油味🍄,尤其要讚香腸嘅選材,好食又唔鹹!Mocha比出面咖啡店所出品嘅較少甜,我就十分滿意💯。因為咁先更飲到咖啡嘅香味,唔會俾甜味蓋過咗。另外就叫咗卡邦尼意粉(Set$76)配熱朱古力🍫。呢碟份量都幾大碟,佢係用咗扁意粉,口感就更加彈牙,配合煙肉嘅鹹香🥓,真係要俾隻手指公啊!呢杯熱朱古力仲有啤啤熊嘅拉花🐻,如果俾小朋友飲佢哋一定好開心,大人都唔捨得破壞佢嘅構圖啊。總括嚟講,小店出品唔馬虎,而且仲好有驚喜😋。即使係普通嘅食材同菜式,但都體驗到小店嘅用心。我會推介同事嚟試吓,支持小店💪! 繼續閱讀
(以上食評乃用戶個人意見 , 並不代表OpenRice之觀點。)