114
1
1
港鐵深水埗站 B2 出口, 步行約3分鐘 繼續閱讀
電話號碼
54039751
營業時間
今日營業
08:00 - 19:00
星期一
08:00 - 12:00
星期二至日
08:00 - 19:00
付款方式
現金
其他資料
Wi-Fi
酒精飲品
自帶酒水
電話訂座 詳細介紹
外賣服務
加一服務費
食評 (122)
最近深水埗的咖啡店遍地開花,各出奇謀以餐廳環境或食物賣相作招徠,但目的大都離不開吸引大家「打卡」。Will’s Coffee位置稍為偏離深水埗中心一帶,門面比較隱蔽即使路過大概亦未必留意得到,沒有華而不實的「打卡」美食,更沒有富麗堂皇的「打卡」裝修,就只默默耕耘專注於沖好每一杯咖啡。店內環境一目了然,只得左右靠牆共四個座位,主要以外賣為主。除了咖啡、梳打、沙冰等飲品之外,亦有牛角包、意粉、貝果漢堡等輕食,麻雀雖小五臟俱全,而套餐連飲品價格更更加相宜。手工芋泥西多士 ($42)西多士即點即炸色澤金黃,麵包外層酥脆之餘仍保持濕潤鬆軟,油膩感輕更帶陣陣蛋香與牛油香。自家製芋泥夾心厚厚一層份量十足,口感幼滑而當中更帶芋頭顆粒,甜度自然恰到好處,另外可再淋上煉奶更加香甜。抹茶牛奶 ($36)雖然沒有品嚐店家的招牌咖啡,但抹茶牛奶水準同樣出色,面層奶泡綿密細緻,雖然凍飲始終不及熱飲濃郁,但抹茶甘香清幽,與奶香平衡順口。 繼續閱讀
(以上食評乃用戶個人意見 , 並不代表OpenRice之觀點。)
呢間位於深水埗大街嘅咖啡店係打工仔嘅恩物來架~ 絕大部份嘅人都係過嚟買外賣咖啡,要特登行過嚟買就知道佢哋嘅咖啡有幾好飲啦( ^ω^ ) 問咗員工先知原來呢度提供嘅所有食物都堅持係健康少甜架~ 而且全部即叫即整,好有心機架~ 名副其實良心小店~ 淨係呢樣嘢已經好足夠吸引人去試啦! ! 仲要小小嘅鋪面,竟然有咁多打卡位! 頭先門口已經有一種工業日式風嘅味道~ 入到去有各種嘅裝飾品同掛飾,而且外面的陽光投入入嚟影相真係靚到冇得頂! ! 不過只有四個位置,想來影吓相就要睇吓好唔好彩啦~打卡friendly(*゚∀゚*) Food /Dessert : 📸📸📸📸 /5 Environment :📸📸📸📸.5 /5 (唔係講笑,坐低影相真係好靚,老闆好識利用空間!)Price 💰Bagel Burger Japanese Eel —— $76 雖然話輕食但係bagel 都幾大個! 而且呢個價錢就食到鰻魚真係幾驚喜! 鰻魚夠香夠濃,入面嘅滑蛋好滑好好食!而且bagel好軟熟,而且好夠熱~ 我哋叫咗辣椒味bagel (時間限定㗎! ) 帶有少少嘅辣味,同日本鰻魚滑蛋好夾! Duck breast Pasta —— $68意粉份量亦都係好驚人!味道唔會太濃,應該只係用咗橄欖油同黑胡椒去炒~ 雖然味道有少少淡但係加埋鴨胸就剛剛好(o^^o) 係好健康嘅輕食~而且價錢合理~ 推薦女生去叫~ 有時候想食個light得來又有份量嘅lunch依個就Perfect啦~ Cookie n Cream —— $40沙冰唔會太甜,飲完成杯都唔會覺得好漏~ 不過就好重Oreo味,都幾好飲㗎~ Salt Caramel Latte —— $38 我幾推薦呢一杯拿鐵! 少少諗返起以前喺Starbucks成日飲嗰隻,不過呢杯就冇咁甜~ 焦糖味好重亦都唔會蓋過咖啡嘅香味~~ 意外地令我幾有驚喜嘅飲品~~ 推薦值: ⚜️⚜️⚜⚜⚜️/5 食完唔會覺得有負擔但係同時間又會覺得自己食咗好多美食~ 我覺得真係好適合女生來訪~仲有影相靚到不得了,完全冇挑剔嘅地方! ! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-05
1412 瀏覽
今日Happy Friday!又到試新野既時候!好少黎深水埗,今日約左友人黎呢間coffee house食個快lunch。係呀,呢間係coffee house,唔係普通cafe,友人話呢度主要提供健康少甜既食物同飲品。第一次黎,發現原來呢度係一間小店,一共有四個位,好彩上一手啱啱食完我地先霸到最舒服既面壁位,裝飾擺設都幾靚,影相幾好睇。枱上仲有一支消毒搓手液。呢度餐牌有全日早餐,意粉,牛角包,貝果(Bagel),貝果漢堡同一款甜品。咖啡種類好多,亦有非咖啡飲品同沙冰。我地一人叫左一個餐。餐包細杯咖啡或飲品,大杯加$2,沙冰加$4。日式鰻魚滑蛋貝果漢堡 $98我其實好怕嗰啲乾爭爭同硬掘掘既貝果,所以一直好少食。呢個日式鰻魚滑蛋貝果漢堡完全令我對貝果改觀。首先,居然貝果都有唔同味道揀,有原味,竹炭黑芝麻,罌粟籽芝麻,我揀左紅菜頭貝果。而且個包本身都軟熟,加上紅菜頭味道令佢呈甜甜地,另外鰻魚汁超多,所以成個貝果一啲都唔乾。餡料方面,有半塊鰻魚,係暖架,啖啖肉又彈牙,好味道,下面有多汁既炒滑蛋同好多塊新鮮青瓜片。以成個既size,我地只能逐層食。精選全日早餐 $98精選全日早餐擺盤骨子,材料豐富,有流汁牛乳滑蛋,兩條脆皮唔肥膩既黑豚肉腸,一塊唔係脆個啲但唔會死咸同乾既煙肉,好多雜菌,四塊青瓜同三粒車厘茄切半,上面加左適量日式芝麻醬,用紙兜仔裝住既美式焗豆,兩片香脆帶微辣既蒜蓉牛油多士。整體質素唔錯。飲品我地都加錢升級做沙冰。益力多柚子沙冰 +$4益力多柚子沙冰主要係柚子味,甜度適中,好健怡淸新,仲有一啲柚子皮咬。曲奇忌廉沙冰  +$4曲奇忌廉沙冰睇落heavy,點知連埋頂個pat cream一齊飲,都係好健怡,甜度夠之餘又唔過火。呢杯碎冰較多可以咬下,仲有啲Oreo 曲奇餅碎食,飲完好似食咗甜品咁。總括而言,呢度啲食物飲品都唔錯,貝果特別出色,小店值得鼓勵。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-02
812 瀏覽
經過深水埗一帶見到呢間小coffee house,環境簡約得黎又多款式咖啡選擇,連handdrip都有.韓式辣醬泡菜五花腩貝果漢堡Bagel一共有4款選擇(原味/罌粟籽芝麻/紅菜頭/竹炭黑芝麻).今次揀左罌粟籽芝麻,begal外在滿佈罌粟籽芝麻及芝麻,增加脆口感,內裏麵包充滿嚼勁,入口煙煙韌韌.韓式辣醬泡菜五花腩炒得夠香又唔會好辣,微辣中帶點甜.五花腩夠晒足料,食落又唔會好肥膩.五花腩內帶一片片蒜片,香脆香口,配配上爽脆既生菜令整體口感更豐富及清新.精選全日早餐全日早餐內每樣單品都用心製作,唔會求其堆埋一疊就算.炒蛋用上日本蛋炒至呈半流心狀,蛋味香濃.黑豚肉腸外皮脆,內裏充滿肉汁.炒雜菌充滿菌香及蒜香味,配上蒜香牛油多士入口鬆脆又香口.焦糖咖啡沙冰焦糖帶甘甜既焦香,配上咖啡製成沙冰香而不過甜膩.特調冰搖咖啡帶住濃烈烘培香的咖啡配上自家製作的糖漬檸檬入口帶出一陣清新感.輕盈得黎又可以感受到咖啡既榛果香. 繼續閱讀
(以上食評乃用戶個人意見 , 並不代表OpenRice之觀點。)
這間幾乎沒有立錐之地的隱世小店.外內雖然細小.但內裡其實是充滿溫暖的感覺..而且五臟俱全的裝修顯然相當文清..讓人享受用餐時的休閒感覺▪️日式鰻魚滑蛋貝果漢堡🥯配皮可洛Latte $96-日式鰻魚滑蛋貝果漢堡🥯在老闆的悉心推介中.我們選擇了呈馬蹬形狀的紅菜頭貝果🥯作漢堡的外層..既圓轆轆又脹卜卜的.相當可愛🤩..而且老闆在推介時說:「這貝果包在製作麵團中加入了新鮮紅菜頭汁令貝包🥯變得粉紅色的..健康又好看。」😍吃下去.. 口感緊實的.並帶有一絲絲的蔬菜微甜..而漢堡的中央加入了鮮嫩的滑蛋. 一大塊肥美又飽滿的大鰻魚和青瓜片..令整個漢堡更惹味和濕潤.飽腹感非常強的🤰🏼一次過感受了多種多樣的吃法.感受了多種異國的風味..👍🏻▪️蕃茄虎蝦海鮮意粉🍝 配抹茶牛奶 $86-蕃茄虎蝦海鮮意粉🍝蕃茄大蝦意粉🍝以貓形的碟作為裝飾.可愛十足😍酸酸甜甜的蕃茄醬🍅連同墨魚🦑帶子和虎蝦🦐一起製作十分足料. 每根意粉掛滿香濃蕃茄汁. 醬汁吸收了大蝦的精華.非常開胃又清甜..😎 虎蝦肉厚清甜.爽嫩色澤.. 肉厚的大蝦🍤索汁一流.變得更惹味🤤▪️飲品&甜品-手工芋泥西多士$42近年來熱潮如火的芋泥西多士.看似炸得金黃酥脆的金磚..一切開.全是滿滿真材實料的芋泥. 口感綿密又鬆軟.. 芋泥中調和了一些椰奶.令芋泥變得細緻誘人😍. 香氣更濃.是罪惡指數破表的甜品🍮 滋味.. 滋味..🤤-皮可洛Latte☕️不容忽視的皮可洛Latte.細細杯還能做出心心拉花. 渴起來在咖啡中可以找尋到牛奶的絲滑. 在牛奶中感受到咖啡的味道..令人相當陶醉😌加上細細的一杯皮可洛Latte讓愛喝咖啡的人能夠過過癮.又不至於喝到太飽..🤫-抹茶牛奶🍵濃郁的抹茶香🍵看出店員用心的製作..一絲一毫的抹茶粉和牛奶比例都是細心的量度..渴出每杯都是心機滿分的製作.. 抹茶茶感十足.入口溫醇回甘滋味.一絲絲茶香在舌尖上停留.混合牛奶後.口感更清香滑順..心型拉花完美地表達整杯飲品的愛❣️餐廳:Will's Coffee (深水埗)地址:深水埗大埔道75號威信大廈地下2號舖 繼續閱讀
(以上食評乃用戶個人意見 , 並不代表OpenRice之觀點。)