9
1
0
港鐵銅鑼灣站 A 出口, 步行約6分鐘 繼續閱讀
電話號碼
67522238
附加資料
街頭藝術咖啡店 歡迎合作
營業時間
今日營業
11:00 - 00:00
星期一至日
11:00 - 00:00
付款方式
Visa Master AlipayHK 支付寶 現金 AE 銀聯 Apple Pay Google Pay
其他資料
網上訂座
賞訂座積分
當面支付
食評 (13)
要做就要做到,要玩就要玩盡,人生要有態度,自然有品味;自己要有個人價值,自然有個人魅力。今日我同大家一樣,好想係疫境當中充實下人生。呢間「要 有 · Y I U Y A O」完美將街頭藝術、設計畫作、生活文化、輕食Café、Shisha LOUNGE、Hip pop live集百家之大成,成為係灣仔彷如隔世般既外國小區,而正正呢種就係香港買少見少既文化特色,我認為絕對值得大眾認識更多!👇📌串 燒 類 -▪ 醬 燒 慢 煮 牛 舌 - $40▪ 芥 末 脆 皮 豬 腩 仔 - $40▪ 燒 煙 肉 蜜 餞 小 蕃 茄 - $48▫ 想食得有風味,凍冰冰既天氣梗係整返幾串串燒啦,呢到menu選擇夠多。首先「慢煮牛吞」食落質感唔乾身,食落唔會太"鞋口",加埋醬汁相當軟腍入味;而「豬腩仔」有驚喜,一入口散發住豐富油香,外層既脆皮每啖都"索索聲",相當滿足;「蜜餞小蕃茄」減低煙肉既油膩感,食落份外清新,口感唔錯。📌漢 堡 類 -▪ 花 生 醬 煙 肉 芝 士 漢 堡 - $80▫ 呢個「芝士漢堡」絕非等閒之輩,一入口食到煙肉非常脆口,加埋極厚身既漢堡扒,口感十足;而之所以夠哂邪惡,唔單單係果塊芝士,而係再加埋花生醬既奧妙,果種滋味難以用筆墨形容呀!📌咖 啡 類 -▪ 焦 糖 瑪 奇 朵 - $45▫ 佢地既熱飲杯同凍飲杯都加左「要有」呢個logo,感覺象徵性好突出,岩哂我呢d打卡一族;而拉花亦唔錯,賣相吸引,入口帶住濃濃既焦糖香味,為呢個下午製造不一樣的冬季氣息。📌其 他 類 -▪ 朱 古 力 奶 - $48▫ 如果唔鍾意咖啡既朋友唔需要擔心,除左咖啡佢仲有一系列特飲,而呢杯朱古力奶入口夠哂順滑,夠哂香濃。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-09
435 瀏覽
🛹 #灣仔 #要有同家姐喺銅鑼灣行行吓,去到鵝頸街附近揾到有呢間新開嘅餐廳就去咗試吓,佢開喺一條小巷入面,少人自在,裝修格調好型格,牆身有塗鴉,仲擺放咗滑板、籃球架等,好有街頭文化🤩 臨近聖誕節,呢度仲擺咗棵靚靚聖誕樹,我哋打咗好耐卡🎄😆🥑 蟹膏蟹肉芒果飯 ($110,温泉蛋+$10)呢個夏威夷飯超級豐富,同時又好健康🥰 我揀咗配柚子汁,連啲白飯都好食~ 裏面仲有好多配料,有牛油果、枝豆、粟米、沙律菜、生洋蔥、中華沙律等等,加埋温泉蛋嘅蛋汁真係食曬全個都唔會悶咖😋 加上有成座山咁高嘅蟹肉蟹膏,鹹鹹哋又夠肥美,好match🤤🍔 花生醬煙肉芝士漢堡 ($80,升級和牛+$20)呢個漢堡仲正🤤 花生醬控一定要試! 漢堡個包面包底係好酥脆嘅,我自己好鍾意! 入面煙肉味唔會太鹹,和牛都好juicy🥳 唯一係芝士味唔夠出,可能花生醬太正蓋過咗🤭 花生醬fans表示真係好邪惡好正,同埋花生醬配脆嘅包真係好夾😚🍹粒粒荔枝冰茶 ($38)🥭 情人芒果冰茶 ($42) 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-03
67 瀏覽
非常有格調嘅內街Cafe shop。坐落係銅鑼灣內街位置,吾用心去揾都揾吾到。但門口招牌型格十足,非常吸引,有outdoor area,坐係度飲咖啡,食小食,感覺relaxing, 一流 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-02
52 瀏覽
本人極度沈迷飲咖啡,黎開銅鑼灣,原定去個間太多人等位,唯有轉場,行行下就發現依間小店有咖啡飲,敢我梗係狗衝入去試吓啦😌叫左杯Latte($40), 味道幾mild,有種甘香既味道,值得試吓👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-27
70 瀏覽
[灣仔銅鑼灣]要有YIUYAO.炎燒吞拿魚夏威夷飯食剩指數:0/100吞拿魚用黑椒調味 肉質本身已經唔錯炎燒之後更香夏威夷飯配料有小蕃茄、粟米、牛油果、生菜、紫洋蔥食落好fresh好健康醬汁揀左柚子加埋飯素食一淡就停唔到撈埋一齊個味match到不得了.青醬帶子扁意粉食剩指數:0/100兩隻帶子好大隻味道好鮮甜表面輕輕煎左好正青醬扁意粉都好濃郁香料味好重食落又唔會好咸.摩卡咖啡食剩指數:0/100咖啡好香唔會俾朱古力搶左唔會太甜整體唔錯.情人芒果冰茶食剩指數:10/100芒果香味好勁係新鮮水果既味唔係化學野甜度適中茶味如果再出少少會更正..呢度係難搵少少其實都係銅鑼灣附近成個環境好chill好relax仲有shisha同飲野第日開返夜晚堂食嚟吹水飲野都幾正 繼續閱讀
(以上食評乃用戶個人意見 , 並不代表OpenRice之觀點。)