11
8
2
港鐵元朗站 H 出口, 步行約9分鐘 繼續閱讀
電話號碼
35908891
營業時間
今日營業
10:00 - 19:00
星期一至日
10:00 - 19:00
付款方式
Visa Master 現金 AE
食評 (23)
等級4 2020-09-10
1617 瀏覽
禮拜路過俾呢間新餐廳既外觀吸引左 但睇落都幾多人 今日難得老公放假 趁閒日黎試下先😍去到時梳化位🛋️full左 安排左高凳 出奇舒服啊😌8cm Happy breakfast漏左影餐牌 所以價錢失憶 菜式名都係憑記憶🙇‍♀️- 牛角包🥐酥軟 牛油味也夠- 沙律菜🥗汁料同沙律菜比例合適- 薯仔🥔香口惹味 - 太陽蛋 煎得好香 半生熟也合我同老公心意- 綜合菇 唔算好香 正正常常- 煙肉 極薄脆 像在吃薯片 滿意- 番茄🍅 烤得剛好 香而不失juicy - 茄汁焗豆 湯圓妹慣性最愛- 香腸 少少辣 粗度剛好 脆皮也易咬Plain Scones all day或者細cake易揾 但就唔係間間餐廳有scone 呢間新鮮熱辣 好味😋煙三文魚菠菜忌廉意粉🍝諗左好耐要呢個定辣蝦意粉 最後考慮到湯圓妹而揀菠菜😂三文魚花花賣相都算靚 意粉更有驚喜 個汁滑溜但又唔膩 加埋菠菜嫩葉打碎 口感又提昇不少babyccino湯圓妹既 都大杯 奶味再重啲應該更好latte正正常常 唔算太深刻mocha偏少苦既mocha 店員有細心提醒飲到一半再攪勻以免朱古力沉甸 老公話好飲 會翻頭既 下次影返餐牌同環境相😍 繼續閱讀
(以上食評乃用戶個人意見 , 並不代表OpenRice之觀點。)
▲8cm Coffee係元朗新開嘅高質Cafe,相信一定大受女生歡迎!每次約朋友去Cafe,大家都例牌揀長沙灣、深水埗或上環~​「元朗?唔係Cafe沙漠咩?不了!」​作為元朗國居民,過去的確只能默默認同,但而家?唔嚟元朗你就後悔鳥!​元朗近來真係Cafe開不完,今個8月又有新貴,那就是8cm Cafe!店子雖小,但集齊女士們所有愛打卡嘅元素!希臘式拱門、熱帶植物牆、橫褶式大窗....一入門口,筆者就相機影不停!直至朋友遞上Menu,叫我揀嘢食,我先收手!(希望Staff不要當我怪人)😂​▲好靚嘅熱帶植物花牆、白色拱門、橫褶式大窗,影相一流!▲每個細節都幾精緻,擺明為女生而設。▲入門口個位,打卡都唔錯~!▲影咗一陣相,立即叫份招牌All Day Breakfast醫肚!8cm同一般Cafe一樣,主要提供輕食,好似Brunch Breakfast,Dersset 及Pastry等,飲品就係啡茶或奶類,選擇還算多。今次我就揀咗8cm Happy Breakfast,Latte及Green Latte。本身我係想揀店家主打嘅Home made Cold Brew,可惜我去時賣晒,只好留待下次試味啦!🙊💦​▲招牌All Day Breakfast勁豐富!2個人食都無問題!✦8cm Happy Breakfast呢個all day breakfast份量都幾大,而且配料多多,有牛角包、茄汁焗豆、腸仔、煙肉、蕃茄、太陽蛋、蘑菇、薯仔及沙律等,基本上兩個人share都無問題!​至於味道,牛角包酥脆得嚟牛油味好重,我覺得最正。蘑菇加咗胡椒及牛油炒,幾香,其餘就正常發揮。​▲店家用嘅墨爾本咖啡豆,Nutty得嚟帶微酸,隻味幾得意。​✦Latte(Hot)​店家用嘅係澳洲墨爾本Melba咖啡豆。我覺得呢隻豆嘅味幾特別,口感偏Nutty,但又帶微酸,飲上去唔會膩!另外,我好鍾意佢個After taste,有啲甘甘哋嘅可可味,口感醇厚,唔錯。​▲不算太特別,但勝在幾重奶香。✦Green Latte(Cold)​呢款味道就正常發揮,抹茶味唔算好濃重,相比下,奶香較盛。​▲8cm Coffee門口,又是一個打卡靚位。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-07
728 瀏覽
雞地新開左間打卡cafe用上白底裝修,圓形拱門,真係幾吸精新開無幾耐,lunch 已經要等下位近門口可以揀開窗位,幾有feel, 可惜個景就。。我地weekend 黎食lunch, 所有野都要單點,一位熱cap 要$48, 仲貴過連鎖。。店內裝修係有格調,坐近牆個邊影埋d 圖案都唔錯基本上見到一個人煮野食,一個沖野飲,兩個樓面其他台客都係甘催d 野食等左好耐,我地都等左十分鐘有野飲,20 分鐘 有野食可能遲下做耐左會更好依度食既都係酸種多士,烤餅類各叫左一款蘑菇菠菜份量都算足夠,蛋仍有d 滑蛋feel沙律菜正常酸種多士都係一般口感實淨帶少少酸味鹹烤餅反而係元朗少見d雞肉唔係好嫩但都ok, 烤餅邊位都有d 脆但份量比奄列會少d,無多士甘飽肚最後就係杯cap 啦,$48 都可算貴絕元朗之一但係元朗絕對可以搵到比佢好飲既啡。。咖啡味算香濃,都唔會偏苦偏酸,拉花都整得靚但真係貴左d, 同埋未去到有種餘韻暫時都唔打算encore, 可能等佢地開耐左會番黎再試下 繼續閱讀
(以上食評乃用戶個人意見 , 並不代表OpenRice之觀點。)
星期日同朋友出開元朗,因為覺得個打卡位好正,所以就決定黎依間café,不過我地好失察,冇諗過星期日下午其實係會超多人,所以好正常,我地冇得坐打卡位高椅子。不過唔緊要,因為環境都幾靚,所以我都覺得冇黎錯地方。因為當日天氣都幾熱,西鐵站行過來都幾焗,所以一坐低我就叫左一杯Iced Babyccino(泡沫牛奶)加一份58蚊既牛油果墨西哥卷(唔記得個名)。飲品就係正常牛奶味,,但個樣好靚。而墨西哥卷平平地但比我想像中好食。事關我當時唔太肚餓,所以就叫左一份light少少既brunch,而依份墨西哥卷我就好滿意,推薦大家可以一試 (雖然唔記得個名,但有圖!同埋成份menu好似得一份牛油果XXXX墨西哥卷,所以唔難搵到,唔好意思,下次食野會影埋MENU!!!) 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-29
58 瀏覽
今日放假約左朋友行山,行山前去左元朗市區搵食,見到開左好多吸引既cafe,最終我地揀左依間餐廳,因為比餐廳既裝修吸引住,除左用湖水綠色作為主要顏色,仲有白色既圓形拱門,忍唔住拉開度門入內試試。我地叫左兩款午餐,餐飲都揀左蘋果汁。而是日既餐湯係南瓜忌廉汁,賣相吸引之餘,仲有濃濃既南瓜香味。1. 黑松露炒蛋配牛角包牛角包又熱又鬆軟,都有小小脆口既。至於蛋又大份又滑,仲有黑松露既香味配合。2. 雜菌扁意粉配芝士忌廉汁意粉既軟硬適中,加埋拉到絲既芝士忌廉汁,賣相吸引。 繼續閱讀
(以上食評乃用戶個人意見 , 並不代表OpenRice之觀點。)