Amber

營業中

休息中

恭喜Amber剛剛獲得米芝蓮三星殊榮👍🏻「餐廳周」竟然有三星餐廳，冇理由唔去🤭Dining City x Amber Experience $1,068pp，包括1杯Champagne (100 ml per glass) 或 Sparkling Tea餐前小食右上嗰嚿好清新（因為我唔食魚換咗呢嚿）橙色嗰碗係大豆與豆腐Panna cotta當然仲有鵝肝波板糖 😍Heirloom Tomato • Strawberry • AN Soymilk 'Burrata' • Rose • Lemon Verbena • Extra Virgin Olive Oil先嚟個蕃茄，食出好清新嘅感覺，開啟你嘅味蕾😋 另外用了大豆製作成 Burrata 芝士口感 Aka Uni • Cauliflower • Lobster • Royal Cristal Caviar • Acipenser Schrenckii X Huso Dauricus (+$498）必點Amber名菜，雖然以前食過，再食仍然好滋味😋Tako • Lacto Fermented Tomato • Espelette Chili • Extra Virgin Olive Oil • Pickled Tomato • Marigold八爪魚Foie Gras • Organic KIN Egg • Madeira • Asian Mushroom • Fermented Black Onion & Garlic • Chestnut • Feuille de Brick • Preserved Black Truffle鵝肝茶碗蒸，入面有栗子，上面係炸脆嘅菇，幾惹味。Aka Amadai • Bouillabaisse • Kabocha • Mikan • Manni 'Per Me Giglio' Extra Virgin Olive Oil脆皮立鱗甘目鯛Axuria Lamb Rack, Loin & Neck • Globe Artichoke • Ramson • Pinenut • Ras El Hanout羊肉鮮嫩，旁邊嗰個撻嘅物體係菜薊包住羊肉。Amaou Strawberry • Salt Tomato • Rose Water • Meringue • White Vao Chocolate 34% • Double Enriched SoyVao 42% Chocolate • Corsican Clémentine • Gianduja • Black Fermented Clémentine法國菜嘅甜品真係好掂，擺盤靚、又好食，最緊要係符合而家現代人嘅要求，食朱古力，但係又唔會太甜😋Petit FourPetit Four 繼續閱讀

今次呢個係7道菜式Menu，HSBC信用卡有買一送一，仲要有個入去廚房體驗！平均$2788/ppl + 10% service charge！主打美味、健康並存，新鮮靚食材加埋特別煮法同配搭，食得出食材最純淨原本味道，人生好值得試嘅一間餐廳。🔥HSBC BUY 1 GET 1 FREE X 7-COURSE MENU $2788 💫9/10成個用餐體驗超唔錯，當晚7點開始都差唔多食左成3個幾鐘以上，差唔多成11點幾先離開。每一道菜式都好唔錯，特別係佢最招牌Aka Uni, Cauliflower, Lobster jelly, Daurenki Tsar Imperial Caviar，望落勁震撼，上層爆多魚子醬，夾着龍蝦啫喱、海膽，一定要每啖都食勻哂每樣食材，口感超豐富，超鮮味，超正！單食外，仲可以放上個海帶脆片，唔會膩，當晚最愛。其次有一道菜是會邀請你去廚房體驗，廚房會係你面前稍作烹調，今次係帶子再加左D自家醃製汁，用火松槍燒一燒，再原件黑松露逐片逐片削落去，好Juicy滑嫩！滿滿儀式感。前菜： 前菜有3樣比較light野食，另外仲有個類似波板糖，呢個亦都係佢地Signature，紅桑子做外面層coat入面鵝肝咁入口即化。自家製酸種麵包，外皮較硬，但入面好鬆軟一梳梳，搽埋個勁細滑蒜蓉牛油，不知覺2個人差唔多食哂。呢個生蠔好特別，表面有層淺綠薄片，食前又打碎佢撈埋一齊食，有酸甜蘋果香、羅勒香味，好似Jelly咁流質，有蠔係入面唔腥，咁樣食更清新。雞肉鮑魚呢個望落綠色又咁多青豆(唔太愛青豆)一開始都少驚， 但食落又冇豆青味，幾嫩同清甜，雞肉嫩滑香口，鮑魚爽口唔韌，仲有海葡萄，唔錯，幾特別嘅配搭。主菜我地分別叫左鹿肉、和牛(加錢)，真係第一次食鹿肉呢D Game Meat，冇想像中咁難入口，味道帶好輕微騷味，點埋個黑朱古力BASE醬汁都幾特別，佢另外有個應該係肝嘅都唔錯，拌碟仲有個紅菜頭醃菜，酸酸地幾開胃，都算係創新嘗試。另外一款日本宮崎A5和牛就真係入口即溶，油脂感重，但都仲帶有牛香，絕對值得加錢。呢到甜品真係好多，首先係一個米麴嘅甜品，表面再灑上少少脆米通，入口好軟滑，唔會太甜，做到好奶香！之後仲有甜品拼盤＋水果拼盤，每樣都唔差，真係食到無窮無盡！當晚仲有個Infinity Cake，但太飽最後打包拎走，佢勁幾新柚子檸檬，一D都唔膩，口感好似Cream cheese 咁細滑，好食。🌟總括：味道、服務、環境都值得呢個價錢，特別係個魚子醬，真係好好食，而家都仲回味緊。如果有慶祝活動，都強烈推薦呢間餐廳！ 繼續閱讀

Amber📍：香港中環皇后大道中15號置地文華東方酒店7樓🚗：中環地鐵G出口 步行3分鐘📞：+852 2132-0066💲：~HKD1720/head for dinnerFood quality✔️：Amber 7 course Dinner HSBC總結：😋祝賀amber首奪三星 上年去食仲喺二星嗰陣就覺得佢值得三星🫡😋其實都無需多言 成個體驗好好 有匯豐信用卡記得去試 抵食 amber二星實至名歸👍🏼😋由頭到尾冇冷場 食物冇伏有舖排 每碟介紹得好詳細 唔止係食飯咁簡單而係可以去理解餐廳🍴嘅理念歷史 食完aka uni後驚奇地被邀請入廚房 親自睇廚師🧑‍🍳即場烹調金目鯛 體驗好特別😋招牌aka uni 鵝肝珍寶珠同黑蒜肥肝都非常出色 成個配搭一流 令人印象深刻😜😋其他菜式都唔錯 有層次感 唔單一 😋服務都好周到 經典文華東方式完美無可挑剔 但我個人喜歡貼地少少 感覺令人有點拘謹😣😨朋友碟金目鯛食到魚骨 仲要幾大塊 二星唔應該犯嘅大忌 所以要扣啲分🙊 繼續閱讀

想先講一下香港的《置地文華》酒店。先天限制，令《置地文華》的餐廳很細小（酒店就在置地廣場，位於市中心，不用多言，佔地面積太小，酒店像 boutique 多過 grand hotel。）跟很多外地 Mandarin Oriental 相差太遠，遠的不說，不妨去 Bangkok 看看 [ 本來是 Oriental Hotel ]，不難看出香港兩家文華的局限。《置地文華》七樓還要四家餐廳 🥺 擠在一層小樓層之中，Amber 連 reception 都要跟 SOMM 共用，對於 Amber 這級數嘅餐廳，簡直不可思議 🙄。是日小妹一貫早一點到達，SOMM 的 receptionist 說需要五分鐘準備，請我們先去洗手間。SOMM 熱鬧得很，半圓圍欄前的兩張長凳已經滿座，我們唯有先去整理一下妝容，然後站在門外，五分鐘後 receptionist 帶我們從自動門進入餐廳。餐廳如舊，清澄簡約，縱然今天密雲，依然很光猛。/ Weekend Lunch Menu*餐牌看似複雜，侍應簡明解釋，有四個餐或者經驗 (Experiences)：Ultra-premium Unlimited 、Discovery Unlimited、Extended 及 Full Experience(s)。價錢分別為$ 2,488、$ 1,638、$ 1,168、$ 2,318，未計加一。最後者 Full Experience 略為 gimmicky，有 signature dish Aka Uni* Cauliflower* Lobster* 不用加錢之外，還可以踏足廚房看看 Chef Richard Ekkebus 烹調主菜。Unlimited Experience 就是 4-course lunch + free flow 酒水。小妹不愛入廚房打卡，選擇沒有 free flow 飲品並且最便宜的 Extended Experience $1,168 😌，因為小妹知道 Amber by the glass 酒單豐富，要 pairing 自己選擇吧。/ Champagne*  ****C 先生知道小妹飲酒甚 picky 🥴，香檳為小妹選了 Dom 2008，小妹鍾情 Dom 也愛 2008 vintage 香檳，一杯一杯 order，不能不付出溢價了。****Amber 是全用 Zalto 酒杯的。不惜工本呢 🤩 。/ Sourdough* 工整完美，味道適合地濃郁，口感鬆軟，尚佳的麵包。****/ Plant-based ‘Butter’ * 估計是椰子油做基礎的 spread 吧，口感是很滑的，味道也好，配 sourdough 不會覺得不及牛油。小妹愛吃肉，但精進料理、各國素食，都用心細嚐。英國留學，有一班印度來讀研究院的同學請小妹吃印度素菜，印度的素食味道濃郁豐富，很 meaty，味道質感不全像素菜，令人驚訝，亦十分美味。****好了，回到 Amber 食物 …… / Amuse-bouche* Asparagus Velouté* Prawn Oil*****Prawn and Asparagus Tartlets*****基本上是同樣兩款食材「二吃」，velouté on the palate 有質感但並非濃稠，加上蝦油很香，好但未有和諧高味。同樣那「車海老刺身」也是美味，離驚艷還差一線。Foie Gras Lollipops*****這個似是 signature pre-appetiser 喔，之前來都有吃過，那一片 beetroot 脆片，令本來已經美味的 foie gras 錦上添花。/ Alaskan King Crab* Salt Tomato* Espelette Chili* Extra Virgin Olive Oil* Uchibori Vinegar* Ginger*****那薄薄紅色一片的是番茄薄片，很甜，而非甜美，所以，把它敲碎後混道蟹肉一起吃，蟹肉的鮮美就給埋沒了啦。可惜 🥺。/ Wines by the Glass*  這裡竟然有 Bouchard 嘅 Montrachet 2013 和 Cecile Tremblay 嘅 La Fontaine，小妹十分雀躍。****Tremblay 的酒很難找，Grand Cru 可以很貴，村酒 (Village) 亦極之好，一年小妹到台灣 《三二行館》 法國菜晚餐主菜就是配 Tremblay 的 Vosne-Romanee 村酒，小妹對這個莊印象甚佳，今天嘗試再低一級，雖然是 Bourgogne (地區酒），實在不容錯過 。/ Tako* Lacto Fermented Tomato* Espelette Chili*  Extra Virgin Olive Oil* Pickled Tomato* Marigold* ****Amber 終於開始進入「三星」菜式的味道。Tako 是日本語「蛸」呢，一絲西班牙風味，百味紛陳，沒有越界，也不糾結，味道的精準，相比 Alaskan king crab 頭盤，判若兩人 🤔，是同一位廚師的手筆？小妹不禁有點茫然。Montrachet 十分害羞呢，也許說內斂，一點花香，一點海風的輕盈，似乎還需要點 cellaring 的世界，或者 breathing 久一點。不過底蘊是十分配襯這道 Tako 呢。****/ Axuria Lamb Loin & Neck* Globe Artichoke* Ras El Hanout* Ramson* Pinenut* Komatsuna* ****精彩的 main course。首先是 loin，肉質嫩，味道清澄 ，然後 … …先講一下 Cecile Tremblay 的 La Fontaine 。雖然是地區酒，但那是 ‘Big’ wine。毫不猶豫的撲鼻芳香，些微玫瑰花，甜美怡人，口感細膩柔滑，丹寧細緻，整體均衡，美輪美奐，有種 Chambolle-Musigny 的溫婉；finish 不弱呢 🤩。果真盛名之下無虛士。****再吃頸肉。其實是把羊頸肉免治搓成肉丸釀在 globe artichoke 上。我們春天常常吃到的 artichoke （鮮洋薊）如鬱金香形狀的小花蔬菜，長大到成個波一樣的大型洋薊就是 globe artichoke 喔。羊肉丸混入 ras el hanout (head of the shop) 煎香，放在清甜的洋薊上，歐洲與北非風華融合，加上 ramson (wild garlic) 和松子，洋溢春色爛漫喔。那陣陣芳香令小妹想起 Racine 主廚  Romain Dupeyre 還在 Petrus 時候一道名菜 French Lamb Shoulder。Amber 同樣是 ras el hanout 調味道羊肉菜式，卻又 so close but far away。Amber 細膩迷人，慢慢欣賞，千滋百味，王道之味，而 Petrus 雷厲風行，第一淡是有點霸道，但是味道的變化續漸浮現味蕾之上。你問小妹那一道菜好？小妹講求和諧王道，覺得 Amber 更勝一籌。....... 最後一葉小松菜 (komatsuna) ，甘苦與共 😌 。進入甜品啦。/ Mango* Golden Pineapple* Curry* Black Fermented Kumquat* Coconut Cream*高水準味道的配搭。芒果、鳳梨、柑橘果香和甜度平衡。旁邊的椰子雪糕加入 charcoal 變成黑色，唯濃郁精練的椰子之味沒有改變。除了 contrast 美感，小妹不知道加入炭是否又味覺上的功能呢 🤔，例如把味道變得更潔淨。****/ Coffee* ******盛咖啡的是 Chemex Pour-over Coffeemaker。這裡的 Chemex-brewed coffee 稍微濃烈，底蘊有些苦澀，需要加點奶和糖 🫣。在不同食評裡說過，小妹接受咖啡的「光譜」廣闊，espresso-based 到 hand-drip 到 Siphoning，小妹都無任歡迎，這裡的咖啡不差但非上品呢。/ Fruit Bowl*  最特別就是有點 jackfruit 或者榴槤味道的牛奶果 star apple 呢。****/ Mignardises*****Madeleines 很特別，非傳統，竟然是令人驚艷的 finale。芝麻之香，質感鬆脆（完全不是傳統 madeleines 的口感，但是質感很配芝麻香脆），而且味道非常的好 ☝🏽😎。果然這一餐是從平地攀登高峰的午餐。Madeleines 太出色，另外一款，小妹已經沒有印象了 😬。還有 ... .... 最後餐廳為我們奉上一杯 digestif，飲過 Dom、Bouchard Montrachet 和 Cecile Tremblay，這杯餐後酒已經是多餘的啦。/ 總結和感受* Amber 之外和 Amber 之內* 小妹對於「等一下」，五分鐘其實沒有問題，明白有高級餐廳需要客人等一下，肯定餐桌已經準備妥當，但是（一）要站在一個其他餐廳（SOMM）的 recetption，（二）地方淺窄，還要沒有地方坐，（三）而等待的竟然是三星餐廳，那就不能接受了 🫤。這是 Amber 之外。進入 dining room 後，Amber 之內，另一個世界。在上一個食評中《沒有最好味的 Gaddi’s Soufflé 》講過東京三星餐廳的服務質素每一個細節都完美無暇，包括侍酒的時機。今天 C 先生叫了香檳之後，說紅酒晚一點才點，sommelier 並沒有在我們吃頭盤時候詢問我們是否需要配酒，反而我們要主動要求才拿酒單過來，雖然只能算一點瑕癖，但是顯出最高服務要完美，就是吹毛求疵，實在艱難。 誠然整體用餐經驗，服務依舊流水行雲，看似隨心，從容不迫，彷如沒有服務，但所有事情都周到妥當，環境寧靜，十分舒適 （就用上一次 Amber 食評的說話）。食物*。小妹對三星餐廳，要求極高，要 L’Ambroisie、L’Osier 這樣的整體經驗才能 😋。這裡最初是有點 underwhelming 的，但是後來的（主菜和甜品）no doubt 三星級數的。這一餐的經驗， 令小妹想起了文藝復興 Medici 家族時代的翡冷翠，那時還不是統一的義大利，翡冷翠一個城邦富有家族躲在門禁森嚴的大宅，生怕大宅內的金錢萬貫、藝術珍藏給人搶奪，大宅內外，兩個世界。只有進入了 dining room，才是三星的 Amber，外面嘛，這樣的地方和服務，還要是文華，實在相當惋惜。整體所以只能是 🆗 而已。今天午餐價錢 (連加一近 $3,550 一位）和 Gadd's 晚餐相約，但是今天貴在酒，Gaddi's 的 by the glass 選擇不可同日而語嘅 ☝🏽😎。/ 還有*至於中菜的三星包括之前的《龍景軒》和現在（2025年）兩家，恕小妹抖膽說一句，距離三星是天壤之距喔。 繼續閱讀

話說restaurant week嘅Amber極難book,於是我每日都𥄫住，終於者俾我成功book到！體驗完全💯！由麵包到水果每一道菜都係極至嘅味覺享受。餐前小食有三文魚盒子，好有鮮味。每一道菜的醬汁與肉的配搭都好fresh。最後的瑪德蓮蛋糕更加出色，非常鬆脆，從來都未食過咁好食嘅。 繼續閱讀