尖沙咀新商場開幕 過江龍餐廳一覽
2019-10-11

尖沙咀又有新商場正式開通啦!建築外型夠晒吸睛,仲有超多國際時尚品牌。當然開飯仔最緊張嘅都係裡面有咩食啦!商場入面有超過50間食肆,有7間更加係首次落戶香港!想試新嘢嘅香港人仲唔嚟覓食?

少女心泛濫 幸福班戟

日本大名鼎鼎嘅Pancake店終於登陸九龍區啦!新店裝修比起銅鑼灣店更加有少女心,而且更推出新店限定嘅「宇治抹茶濃厚慕斯班戟」。

詳細報導﹕幸福Pancake首次進駐九龍!尖沙咀新店限定宇治抹茶濃厚慕斯班戟
 

米芝蓮推介拉麵店 多賀野

呢間日本過江龍拉麵店非常有名氣,已經連續四年獲得東京米芝蓮推介!香港店嘅菜單同日本店有八成似,所有煮法更跟足晒日本,保證食得返日本嘅味道呀!

詳細報導﹕日本食評網高分!連續四年米芝蓮推介多賀野拉麵抵港 粟國塩味拉麵、豚鴨沾麵
 

海南雞飯始祖 Chatterbox Café

呢間餐廳嚟自新加坡文華大酒店,更加被譽為係「海南雞飯始祖」!佢哋主打一系列嘅新加坡地道菜式,嚟到一定要試嘅就梗係招牌「文華海南雞飯」啦。

詳細報導:新加坡海南雞飯始祖 進駐尖咀新商場 香港限定美祿雪花冰甜品
 

台灣手工麵店 KiKi麵店

繼中環店後,KiKi麵店再開設香港第二間分店啦!佢哋主打全天然無添加嘅手工麵,而尖沙咀店更推出兩款新店限定嘅麵食菜式同兩款創新茶飲,包括「紅白丸子千層腐皮蕃茄湯麵」、「燒素雞白木耳拌麵」等。

中環店報導:舒淇KiKi麵實體店登陸中環!香港店限定鮑魚花膠濃湯麵+台灣招牌麻辣鴨血麵
 

韓國人氣魚糕 SAMJIN AMOOK Express


好掛住韓國嘅街頭小食魚糕串?韓國人氣魚糕專門店要登陸香港啦!佢哋主打各式各樣的魚糕串,除咗傳統口味之外,仲有年糕魚糕、熱狗腸魚糕等。以後口痕都唔駛飛韓國啦~

詳細報導﹕韓國人氣三進魚糕抵港 魷魚魚餅棒、甘薯奶酪棒魚餅、蟹肉花魚餅

巴黎最佳牛角包 Gontran Cherrier

呢間法國人氣烘焙店終於喺香港開旗艦店啦!佢哋主打超過80款烘焙麵包、甜品、鹹點,而當中嘅招牌牛角包更曾經被評選為「巴黎最佳牛角包」,麵包控千祈唔好錯過呀。

詳細報導﹕法國烘焙名店登陸尖沙咀 必試香港限定蛋白糖霜牛角包
 

牛油果控必去 Avobar

倫敦牛油果主題名店要係香港開分店啦!餐廳主打一系列牛油果嘅菜式,如牛油果特色漢堡、流心蛋牛油果多士等,食落夠fresh之外,造型亦非常吸睛,絕對係「打卡呃like」嘅首選呀!

詳細報導﹕倫敦牛油果主題人氣餐廳 最新登陸尖東商場 牛油果漢堡+牛油果brownie
 

米芝蓮懷石料理 富小路やま岸

接住嚟都係日本嘅過江龍餐廳~呢間米芝蓮一星嘅日本料理,主打懷石料理,喺京都非常出名,預約都要等一個月以上!佢哋最出名嘅「澎湃海膽手卷」,紫菜上面鋪滿新鮮海膽,夠晒過癮。

詳細報導﹕超澎湃海膽手卷+近江牛!日本米芝蓮一星京都富小路やま岸於登陸香港
 

日本海外唯一分店 Afternoon Tea TEAROOM 

呢間嚟自日本嘅過江龍茶室,喺日本簡直稱得上係「女生最愛」呀!裝修為日系簡潔風,提供可愛精緻嘅時令甜品,亦有從世界各地嚴選嘅優質茶飲。最厲害係尖沙咀店暫時係佢哋唯一一間海外分店,點都要朝聖下啦!

詳細報導﹕日本人氣茶室登陸尖沙咀 招牌Tea Set、甜品推介
 

麵包控必去 Tardemah


除咗日本之外,又點少得韓國嘅過江龍呢?呢間韓國人氣烘焙麵包店首設海外分店,就開喺尖沙咀啦!佢哋嘅麵包口味非常特別,包括艾草年糕、拱佐諾拉蜜糖芝士、南瓜忌廉芝士等。

詳細報導﹕韓國大熱過江龍麵包Tardemah抵港!超鬆軟芝士蕃茄青醬、椰子蕃薯忌廉芝士包

全港第二間 Five Guys

繼灣仔店之後,呢間美國漢堡包店再次喺香港開分店啦!餐廳主打無添加嘅漢堡包同薯條,而且仲有成15款配料免費任加。唔知今次又會唔會再大排長龍呢?

灣仔店報導:美國人氣連鎖漢堡店登陸灣仔 15款漢堡配料免費任加
 

日本湯咖喱名店 GARAKU Soup Curry

又一間日本過江龍餐廳啦!呢間北海道札幌湯咖喱名店終於正式抵港啦!佢哋主打嘅湯咖喱,除咗賣相靚之外,仲可以自選辣度,咁就唔驚辣親條脷啦~

詳細報導﹕北海道人氣湯咖哩進駐尖沙咀 必試香港限定特製芝士豚肉口味


英國貴婦最愛 FORTNUM & MASON

女士們注意啦!想享受正宗英式下午茶,做個英國貴婦,唔駛飛去倫敦嘅!呢間英國皇家御用茶葉品牌,有齊晒一系列嘅茶葉、香檳、Shortbread等,啱晒同閨蜜high個靚tea~

詳細報導﹕英國茶室Fortnum & Mason登陸尖沙咀 無敵海景+三層架下午茶可無限追加 
 

法國藍帶國際學院駕到

除咗有好多嘢食之外,仲可以嚟上堂!K11MUSEA同法國藍帶學院合作,首次引入藍帶國際學院嘅短期課程,以後喺香港學藍帶不再是夢啦!
呢個短期課程分為「西式烹飪」同「糕點甜品」,係為香港度身訂造㗎,大家可以學做各種經典菜式,好似歌劇抹茶蛋糕咁,由藍帶廚藝大師親自授課,上完堂仲可以拎埋證書!課程適合任何年齡同程度嘅朋友,仲有親子班可以一家大細一齊上堂!佢哋設有半日,或者三至五日嘅密集課程,最快11月2號就開始。

報名詳情按此



文﹕Kiko

關鍵字
尖沙咀
K11 MUSEA
牛角包
麵包
牛油果
海南雞飯
咖喱
懷石料理
漢堡包
班戟
拉麵
韓國小食
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】最後倒數!即將結業的老字號及人氣小店
2020-05-19
【隨時更新】零食速報 每周新款零食、酒品點評
6天前
全城抗炎!人氣酒店自助餐重開 每位送鮑魚、帶子
2020-05-11
全城抗炎!喺屋企做大廚 懶人煮食包/套餐集合文
2020-05-13
4月份好評餐廳十強
2020-05-07