44
4
0
港鐵尖沙咀/尖東站 J 出口, 步行約2分鐘 繼續閱讀
所有分店 (2)
開飯介紹
韓國人氣魚糕店推出各式各樣魚糕,除了有傳統口味外,還有年糕魚糕、熱狗腸魚糕等。 繼續閱讀
營業時間
今日營業
11:00 - 22:00
星期一至日
11:00 - 22:00
付款方式
Visa Master 現金
食評 (53)
到韓國都會吃的魚糕小食,現在未能到當地一遊,唯有先到K11 Musea的「Samjin Amook Express」止止癮。來自韓國的「Samjin Amook Express」,創立自1953年,歷史非常悠久。從店內所取得的傳單中,更透露了魚糕是手製,比起機製更有誠意。店舖採用自助形式,林林種種的魚糕放在眼前,看中的便夾在盤上。付款後會有店員負責翻熱。如果要用東西來比喻魚糕在韓國人心目中地位,筆者就覺得有如香港人眼中的魚蛋燒賣腸粉。走在韓國街頭,幾乎每檔路邊攤也有魚糕的蹤影。取餐後,便到店前的商場公用空間進食。魚餅湯味道濃郁,有點胡椒香味,蠻好喝。長條狀的四邊形魚餅,入口略有煙韌咬感。因為是隨湯吃,味道是3款中較清淡。炸香的魚糕包著韓式年糕,年糕煙韌有米香。蘸點店內的辣椒醬一起進食,那種韓式香辣使人吃得過癮。價錢看上來有點小貴,但吃掉整串的飽腹度可媲美一頓正餐。外層是炸香的薯仔粒,味道就是薯條的粒粒版本。中間是加入了蔬菜絲的魚糕,再包了一條香腸。入口惹味,有濃郁的魚糕香。最後再來一罐韓國地道的飲品,令人有一點點懷念之前的韓國旅行呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-08
1553 瀏覽
一路都中意食魚糕片同魚糕串既小妹,上星期就黎左呢度食魚糕!!!呢度係專食魚糕既,所以款式種類有好多有一串串既,亦有一件件既口味配搭都唔少啵!有d係卷入芝士,有d就包有蟹柳,有d仲有原隻大蝦係入面架當然唔少得有傳統放湯既魚糕串啦除左魚糕之外,呢度仲有可樂餅同熱狗棒可以選擇添夾好心水之後就可以排隊俾錢~~仲可以即場加熱先再食店舖出面就有長檯長櫈可以坐低慢慢食呢度既食物平均都係十幾二十幾蚊,唔算太貴第一次食呢款炸熱狗棒,香口之餘仲好飽肚但凍凍地既天時都係一啖魚糕,一啖熱湯咁就最正啦 繼續閱讀
(以上食評乃用戶個人意見 , 並不代表OpenRice之觀點。)
從來心意比物質更加重要,食野都唔例外。唔洗一定要奢華享受,貴價食材,只要用心製作,創造出獨特風格既都可以一樣受歡迎。好似呢間有韓國釜山名物之稱既魚糕專門店「SAMJIN AMOOK」,就係幾個月前正式進駐香港新商埸K11 Musea。主打一系列特色魚糕、炸串、魚餅湯,鋪頭環境唔算話好大,有少少似麵包鋪咁既自取模式,揀好左野食就可以係旁邊收銀比錢,非常方便。👇▪ 原味魚餅湯(套餐) - $28▪ 麻辣魚餅湯(套餐) - $30▫ 第一個目光就比呢個魚餅湯吸引住,佢分別有清湯同埋麻辣湯比你揀。每一格都係熱辣辣有Staff會幫你裝埋,幾細心,果然韓國餐廳服務品質一向都係好高指標。而兩種口味我都每樣試左一兜,佢既魚餅有分唔同形狀,而我揀套餐就係貪佢Set好哂唔同形狀比我,方便可以試哂咁多種口感。清湯就食到魚餅既原汁原味,而麻辣湯就有少少似重慶麻辣火鍋果種味道,夠哂惹味,呢個咁凍既天氣食就無得頂啦。▪ 魚餅棒(奧蘭達) - $23▫ 佢地既魚糕材料都係由韓國直送,再係鋪頭即時沾上麵包糠新鮮即炸,以最好味既狀態比客人,呢點抵讚。而呢個用奧蘭達做餡料既魚餅棒,睇落金黃香脆,食落有少少似港式既牛脷酥,幾有懷舊特色。而入面既魚餅經炸過後,口感酥脆,完全無油膩感,好好食!▪ 大蟹肉棒 - $20▫ 試埋Staff誠意推介既呢款蟹肉棒,睇落就大大枝,份量比足。入口表面就有煙煙韌韌既質感,而裡面既蟹柳有陣陣既鮮甜味,成棒拍落相當過癮。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-09
930 瀏覽
崇韓朋友得知呢間悠久老字號既韓國魚糕品牌進駐尖沙咀K11 MUSEA,就問我陪唔陪佢過黎一齊試,我呢個胃食達人又點會Say No 呢!-呢度自助形式,好似麵包鋪咁夾完D食物就排隊俾錢。魚糕款式比我想像中多,聽店員講,魚糕從韓國直送,用料新鮮,,魚肉含量仲好高架。-1⃣小妖精棒 Goblins Mace 💰45呢個係我一眼望去最想食既一款,皆因外層大大碌炸薯仔粒好吸引。起初以為入面淨係得香腸,點知咬開發現係魚糕捲住香腸,再裹上薯仔粒現炸。哇!全部都係我中意食既材料。薯仔粒香軟綿綿,魚糕味清甜,香腸肉味重。-2⃣年糕魚丸卷 Rice Cake Roll💰22呢款係魚糕包年糕。魚糕滲左紅椒和蔥香作調色,年糕就好大條,口感煙韌。但略厭年糕味道清淡,感覺上單調左少少。-3⃣芝士可樂餅 Cheese Croquette 💰20呢個係比佢個名吸引左,大大個球體狀,炸漿薄脆,內裏的餡料豐富,除左芝士半溶,仲有馬鈴薯蓉,培根碎,洋葱碎,夠香惹。-4⃣魷魚魚餅棒 Squid Ball 💰20選用韓國產魷魚,外層口感特別酥脆,入面魷魚味天然,咬落彈牙。-5⃣魚餅湯 Original Amook Soup(套餐)💰28套餐可以食哂4種魚糕,幾有魚香味,但感覺上款款味道差不多。湯就咸香咸香,幾暖胃。- 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-06
713 瀏覽
SAMJIN AMOOK Express最近K11 MUSEA成為左小編大愛既蒲點~成個商場既建築無論外面定裡面都好靚,設計到好有藝術氣質😍講返正經野先,一個商場好與壞緊係要睇下有冇好野食啦!同朋友行行下有少少口痕,想食下d小食,見到呢間魚糕專門店,就令我想重溫一下兩個月前去釜山既味道🤤。呢到魚糕既款式有好多,有選擇困難症既我地幾經掙扎先簡好幾款~店舖入面既韓國員工服務好好,主動幫我地翻熱炸物;又驚我地魚糕串既湯裝得唔夠,問我地洗唔洗再裝多d,真係好貼心🥰原味魚餅湯(套餐) $28有幾款唔同形狀既魚糕,魚糕口感彈牙,而且個湯都好好飲,忍唔住飲哂😋魚糕配埋熱辣辣既湯,冬天黎食真係一流👍🏻。魚餅吐司 $22如果覺得淨係食魚餅有d單調,可以試下呢款加左火腿同芝士既魚餅吐司。一咬落去外層脆卜卜,裡面有熱溶左既芝士流出黎,估唔到呢3樣野加埋係咁match!最高為(5/5)味道⭐⭐⭐⭐⭐️價錢⭐⭐⭐⭐⭐️環境⭐⭐⭐⭐⭐️服務⭐⭐⭐⭐⭐推薦星數⭐⭐⭐⭐⭐️。地址:SAMJIN AMOOK Express (尖沙咀)尖沙咀梳士巴利道18號Victoria Dockside K11 Musea B2樓B201-13號舖#hkfood#hkfoodie#hkfoodbloggger#hkfoodblog#hkrestaurant#foodphotography#openricehk#foodpic#foodporn#picoftheday#instafood#topcitybiteshk#hkig#foodie#foodgasm食評#相機食先#食好西#吃貨#k11musea#samjinamookexpress 繼續閱讀
(以上食評乃用戶個人意見 , 並不代表OpenRice之觀點。)