121
46
15
| 餐廳: | Avobar |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
港鐵尖沙咀/尖東站 J 出口, 步行約2分鐘
繼續閱讀
電話號碼
26119777
開飯介紹
來自倫敦的牛油果主題餐廳，香港區首間分店的裝修以大自然風格為主題。主打一系列牛油果菜式，例如牛油果素菜漢堡及多士。
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
食家推介
相關文章
食過一次牛油果點豉油之後，就漸漸接受到佢嘅獨有味道再愛上。香港唔算好多用牛油果做主題的餐廳，唉豬見到呢間啲相幾靚，就叫埋三五知己一齊happy 下～叫咗杯《香蕉可可果仁奶昔$85》，第一啖：好杰。 要好大力先啜到上嚟。牛油果味偏淡，香蕉味先出。招牌《科布沙律$158》 額外添加《24小時自家醃製三文魚$58》 咩都有，所有原味嘅材料放埋一碟打卡用。味道係原材料嘅味，加咗少少沙律dressing調味。《龍蝦牛油果漢堡$218》唔講都食唔出有濃郁芒果熱情果醬。《烤焗卡真蕃薯條配山葵蛋黃醬$48》呢個反而有驚喜，係成餐飯中嘅一點清泉。最後嘅《牛油果布朗尼$54》牛油果味完全畀厚實嘅朱古力味蓋咗。舖位喺K11 Musea 最底層food court行到最入，都幾隱蔽同難搵。所有嘢不過不失，打卡幾靚，但應該一次就夠。
繼續閱讀
食完午餐經過，見佢有甜品就諗住去試個pancake，或者佢主打唔係甜品，所以水準非常一般，但呢個真係唔好食，pancake無乜抹茶味仲好乾好乾好乾，牛油果牛油無牛油果味，試完都無意慾再試其他嘢。
繼續閱讀
如果鍾意食牛油果嘅，你不妨一試呢一間餐廳！ 佢哋嘅牛油果好新鮮都用牛油果配搭唔同嘅沙律！啱晒又想健康，又想食得light d 既人。同埋佢嘅餐廳環境都好適合同一班朋友傾吓計！
繼續閱讀
Musea新開既時候都有睇到啲網上評論提及到有間牛油果主題專門店，大部份食物都加入牛油果，感覺上好有新鮮感，都bookmark左好耐。到最近剛好約咗個好鍾意食牛油果嘅朋友，終於有機會一齊去試下。餐廳入面裝修都幾精緻，好多打卡位，不過燈光上有少少昏暗。入到去職員帶咗我哋去到個二人枱，我哋睇到個枱面比較細，應該都放唔落兩三樣嘢，見係平日三四點冇乜人客，所以想睇吓可唔可以轉大小小嘅位置，可惜調唔到。咁我哋就開始點餐，因為都係下午茶時間，我哋就冇叫太多，叫咗一個主食一個小食同兩杯嘢飲。.三文魚牛油果牛角酥🥑 $138牛角酥方面有牛油香但質感偏淋，牛油果方面味道超淡完全唔夠香軟，煙三文魚正常發揮，但已經係全個包入面最有味道嘅食物，反而旁邊嘅沙律菜最有驚喜，新鮮得來全部都可以均勻沾到醬汁。烤焗卡真番薯條，配山葵蛋黄醬 🍠 $48 番薯條比較罕有，所以每次見到都會嗌。見佢係烤焗做法，諗住應該會係外脆內軟，點知一咬落去，成個都係軟腍腍，唯一嘅好處係個番薯係甜既😅煥然一新牛油果奶昔🥑 $80奶昔係由香蕉，綠茶，芒果，菠蘿，菠菜同牛油果打成，唔太飲到牛油果味香蕉同芒果味最突出，口感比較杰好飽肚。💬：總結呢幾樣食物都係不似預期，最失望嘅係牛油果主題餐廳嘅牛油果真係一啲香味都無⋯⋯自己係超級市場買嘅反而可能更好食😭，應該都唔會再去。
繼續閱讀
🌸位於𝐊𝟏𝟏 𝐌𝐔𝐒𝐄𝐀，用牛油果做菜式嘅餐廳，啱啱開業嘅時候大排長龍，等咗咁耐，小編終於喺唔使排隊嘅情況下入咗去試下食佢地既lunch😗 Set lunch有飲品/湯加主菜加甜品，價錢大概$128+10%-𝐅𝐨𝐨𝐝 𝐑𝐞𝐯𝐢𝐞𝐰 食評 🍔𝐀𝐯𝐨 𝐁𝐮𝐧 𝐏𝐫𝐚𝐰𝐧 𝐁𝐮𝐫𝐠𝐞𝐫 （$128）牛油果肉代替碳水漢堡包，諗法創新，而且配搭埋配菜炸蕃薯條，色彩上幾吸精，適合打卡。分量看似很少，一開始擔心會唔夠飽，但係最後仲剩返少少配菜食唔曬。菜式味道正常，食嘅時候其實係分開品嘗各個食材原本嘅味道😂冇特別-🍨𝐀𝐯𝐨𝐜𝐚𝐝𝐨 𝐂𝐫𝐞𝐚𝐦 𝐏𝐮𝐟𝐟 - 𝐝𝐞𝐬𝐬𝐞𝐫𝐭呢個𝐜𝐫𝐞𝐚𝐦 𝐩𝐮𝐟𝐟賣相就吸引唔到小編，反而仲有d失望，味道不過不失啦，可以更好-牛油果作為gimmick係幾有創意，但係味道名過於實，而且呢個價錢配呢個味道同食材，性價比偏低，試過一次就唔會再食😗-📍𝐀𝐯𝐨𝐛𝐚𝐫@𝐚𝐯𝐨𝐛𝐚𝐫尖沙咀梳士巴利道18號Victoria Dockside K11 Musea B2樓B201-4號舖環境：🌸🌸🌸味道：🌸🌸服務：🌸🌸🌸性價比：🌸🌸
繼續閱讀