影片
開飯介紹
來自新加坡文華大酒店，被譽為海南雞飯始祖，主打一系列新加坡地道菜式，並設有香港限定甜品。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
相關文章
響K11 Musea睇完戲揾餐廳食晚飯，行到落地庫一樓見呢到環境幾舒服又唔洗等位，今晚就食新加坡菜啦😆我哋叫咗個二人套餐都幾抵～🔸文華海南雞飯🐓每次嚟必食招牌海南雞飯，可加$10轉雞髀不過先前已試過，今次揀無特別偏好都唔差喎～ 雞皮爽滑，雞肉夠嫩雞胸肉都唔嚡，仲要無骨！令海南雞味道更豐富嘅甜醬油、薑蓉、辣醬中最喜歡點甜醬油😋食海南雞飯點少得油飯😋 微微散發出香葉香氣嘅飯，軟硬適中。配埋一啖雞肉perfect~🔸星洲海鮮炒貴刁🦐用咗最喜歡嘅甜醬油炒貴刁，調味咸咸甜甜恰到好處仲夠晒鑊氣😋 有大蝦、帶子，但貓奴鍾意食佢嘅蛋絲多啲🤭🔸黑醬油炒蘿蔔糕🤎色澤誘人嘅黑醬油炒蘿蔔糕，香氣十足！軟糯嘅蘿蔔糕被甜甜嘅黑醬油包裹住，好好味😋🔸醬油生菜跟餐有菜食，蠔油小棠菜或醬油生菜中，我哋揀咗後者嘅爽脆生菜。二人套餐嘅選項都算多選擇，份量夠晒飽仲有跟餐熱飲，我哋叫咗錫蘭奶茶，下次嚟可再叫呢個套餐😋平日晚上嚟唔算多人，座位闊落都幾舒服。地點響K11 MUSEA 又夠晒方便，食完仲可以行陣商場或海旁😆🐾貓奴足跡🐾🌐Chatterbox Café (尖沙咀)📍尖沙咀梳士巴利道18號維港文化匯K11 Musea B1樓B110號舖
繼續閱讀
🌟 體驗正宗新加坡風味的美食之 Chatterbox Café 🌟位於K11 Musea的Chatterbox Café，延續了新加坡文華大酒店的傳奇，將正宗的新加坡風味引入香港，讓每位食客都能品味到經典的味道。必試招牌菜文華海南雞飯這道海南雞飯配上秘製醬汁和香米飯，絕對是香港數一數二的美味！雞肉鮮嫩多汁，搭配薑蓉和甜豉油，味道更上一層樓。果然係由文華大酒店嘅招牌味道。我今日食 二人滋味套餐（平日特選）手製芝麻鮮蝦多士 脆口的蝦多士，外酥內嫩，蝦多士脆卜卜，又夠熱，而且同平時嘅做法唔同，獨特的蝦膠製作方法讓人驚喜。招牌大蝦喇沙喇沙的味道濃郁，搭配新鮮大蝦及多樣配菜，層次感十足，椰奶的香氣更是讓人陶醉。蠔油小棠菜新鮮的小棠菜切半保留精華，嫩綠色的外觀與爽口的口感令人垂涎，煮得恰到好處。熱檸檬薏米水清新的檸檬香氣中帶著薏米的豐富口感，薏米份量十足，絕對是消暑的最佳選擇。斑蘭蛋糕伴椰子雪糕斑蘭蛋糕搭配蜜糖的獨特風味，椰子雪糕裡還有少量椰子粒，香味濃郁，滑順又充滿口感，讓人回味無窮。無論是與朋友聚餐或是家庭聚會，Chatterbox Café都將為你帶來一次獨特的美食體驗，讓你在每一口中感受到新加坡的熱情與風味！
繼續閱讀
依家想食Chatterbox只能過九龍除咗必食海南雞飯之外呢晚終於食到我心心念念嘅醬油炒蘿蔔糕～餐廳更推出期間限定食品及特選食品半價！˗ˏˋ♡ˎˊ˗期間限定食品 《 特色咸蛋魚皮 💲98 》薄脆嘅魚皮沾上香濃嘅咸蛋黃炸香，入口香脆又不太油膩～令人一塊接一塊～《 蝦醬油炒鮮蝦蘿蔔糕 💲98 》加入黑醬油炒嘅蘿蔔糕軟滑惹味，帶有少許彈牙感，仲配咗爽滑嘅鮮蝦～香濃惹味～˗ˏˋ♡ˎˊ˗半價優惠《 沙爹串燒拼盤💲64 》 牛、豬、鷄各二串。 豬同雞肉質還好，但牛肉偏韌，我覺得精粹係個帶甜嘅沙爹醬～食完一輪重口味嘅野，嗌返個甜品減減膩先：🍧《 椰子雪糕新地 💲68 》帶3大球 椰子雪糕配上菠蘿肉及椰子肉，清甜消暑～呢晚仲做埋會員，因為依家有得免費 join 「 Cuisine Rewards 全新會員計劃 」，有$400迎新優惠，包括$25優惠券及免費特色咸蛋雞翼優惠券，下次嚟食用先！
繼續閱讀
行商場行到攰，即刻要喺musea揾嘢食！唔想食太貴嘅餐廳，比我搵到呢間二人餐三百幾蚊都幾抵食😙 黑醬油炒蘿蔔糕（半份）呢個同我哋平時想像到嘅蘿蔔糕好唔同，係碎濕濕但係就係因為咁佢非常入美每一啖都食到黑醬油~再炒到好焦香😙 文華海南雞飯（配香米飯）可能因為冇轉雞髀嘅關係相對就冇咁嫩滑啦，但配搭起三種醬料仍然都係出色🥳 仲有配個豆腐生菜湯星州海鮮炒貴刁材料算足，有大蝦、魷魚同帶子，炒得夠乾身唔油膩。唔算好夠鑊氣，但係勝在有臘味嗰啲調香~醬油生菜🥬簡單清爽嘅配菜，生菜新鮮脆口，平衡返其他濃味菜式。 熱錫蘭奶茶茶味香濃，飲落順滑有啲港式嘅澀味，幾好😚熱有機紅榭茶養生之選，上網睇呢個係冇咖啡因同埋可以安神嘅一種茶，有種好特別嘅香氣🤪
繼續閱讀
嚟到呢間餐廳，真係完全唔需要考慮，必食海南雞飯，海南雞肉質嫩滑，雞油飯超級香，仲會配上一碗冬瓜湯，完美嘅配搭。另外就係要食醬油炒麵，新加坡嘅醬油同香港嘅唔同，所以佢哋嘅醬油炒麵好好食，又係一定要食嘅～
繼續閱讀