16
3
1
港鐵尖沙咀/尖東站 J 出口, 步行約2分鐘 繼續閱讀
電話號碼
26861866
開飯介紹
榮獲京都米芝蓮一星餐廳,主打懷石料理,最有名的是澎湃海膽手卷,在薄薄的一層紫菜片上鋪滿滿瀉的新鮮海膽。 繼續閱讀
營業時間
今日營業
12:30 - 14:30
18:00 - 23:00
星期一至日
12:30 - 14:30
18:00 - 23:00
*午餐最後入座時間: 13:30 18:00 - 20:30 (第一時段) 20:45 - 23:00 (第二時段)
付款方式
Visa Master 現金 AE
其他資料
網上訂座
電話訂座
有關獎賞計劃
食評 (20)
等級4 2019-11-03
6284 瀏覽
藝術館般的新商場,來了幾次,都是吃的。逛了food court幾次,不知道其他樓層有甚麼商店。我向下探索,老公則向上覓食,找到來自京都的米芝蓮一星懷石料理。為了讓食客吃到最新鮮的食物,餐廳只做晚市。師傅每天零晨打電話去日本採購食材,按照當天的供應而改動menu,食材每天下午大概5:30從日本到香港。要做到日本的原汁原味,連飲用的水都不能忽視。餐廳採用日本阿蘇山的水,用作沖茶,煮湯。店內只有不到十個座位。大家排排坐,看著師傅專心地為我們準備食物。餐廳分兩輸,18:00和20:45, 全部人一起開始。光付酒蒸甘鯛配上翡翠銀杏。銀杏因煮熟後變綠而得名,煙韌,細嚼下滲出銀杏的香。糯米飯做底,煙韌的口感跟銀杏映襯,沒有多餘的調味。墊在水草上面是切成薄片的黑鮑魚,有嚼勁而不韌,十分鮮甜。伴以清甜的北海道海膽和充滿骨膠原的水魚啫喱。用了大量水魚熬製再造成啫喱,放入口待它慢慢溶掉,溶成濃郁的汁,味很重,正。不過紫蘇花花都幾重味,要分開吃。椀浸著天草九繪的湯,沒有任何調味料,鹽或糖也沒有,全靠松茸、鰹魚、柚子皮、梅肉調味,稱得上是最有味的清湯,那種又清又香的味道交配,就像在告訴我們人生就是矛盾。白付鰤魚的幼魚是最淡味的一款,但帶點爽口。稍稍灼過的金目鯛,店員介紹想做出shabu shabu的效果,吃不出是灼過,反而跟刺身差不多,咬下咬下,口裡洋溢著魚香。火炙過的白蝦,先吃到少少火炙香,隨後是蝦的甜。雖然配了麵豉醬和醬汁,但我實在不想破壞刺身的鮮味。山葵也值得一試,滑滑的,少少黏,辣而不嗆。杉八寸這是懷石料理中重要的一環。杉木做的八寸木盒,有山之味和水之味。山之味,是炭燒天然舞茸,加了柑橘汁。很自然的炭香,清幽的舞茸,要吃得仔細,當我覺得吃到它的香時,卻突然殺出柑橘的酸,刺激口水分泌,有趣的體驗。水之味則是白蝦切成茸,加了栗子碎,煎成餅,上面的一點是鮑魚肝醬。夾雜少少栗子的咬口,蝦已變爽,都幾特別。壽司傳統懷石料理沒有壽司,主廚想以輕鬆的形式展現他的懷石料理,於是設計了這道海膽熱狗。師傅把四大板馬糞海膽放在桌上,在燈光照射下,海膽像黃金般閃亮,大家的眼睛卻更亮。師傅拿起一塊紫菜,放上飯,再放上一整行海膽。一臉認真、專心致致地把熱狗,臉上展開笑容,興奮地親手給我們送上海膽熱狗。他一件一件地做,來回走了八九次。入口第一個驚喜不是澎湃的海膽,而是紫菜清脆的聲音。誇張的海膽,鮮甜之餘,更令人心花怒放的是滿口濕潤,把飯浸了。即使光芒被海膽蓋過,壽司飯黙黙地襯托,軟糯的飯讓壽司有口感。蒸物除了食物,每道都用上特別的器皿,令人眼前一亮。在明朝成化年間的碗中,是北海道毛蟹真蒸、北海道三文魚籽和蛋。蟹肉清甜,壓成一堆,很少吃蟹肉會吃到咬口。三文魚籽上枱前20秒才準備,焗在碗裡變得少少熟,帶微溫,粒粒爆汁,很鮮,完全不覺得鹹。蛋很滑,但不太吃到味道,碗裡太豐富了。鍋近江牛是三大和牛之中,歷史最悠久的一款,超過600年。配上京都野菜和松茸。半熟的和牛入口超嫩。大概是我第一次用「軟滑」來形容和牛。油脂香重而不膩,牛肉味濃得突出,卻又細膩而柔長。最後把帶少少酸的湯喝光,牛肉的油香一飲而光。酢物新鮮粒貝前幾分種還在動,再上枱時已變成眼前的美食。爽脆、清甜的粒貝以橘醋啫喱,又酸又甜,是個衝擊味蕾的配搭。還有象徵長壽的菊花和京都水菜的點綴。燒物上菜時,店員給大家看這包來自丹波市的黑豆,原來亦稱紫頭巾。樣子似枝豆,原來是黑豆。炭燒太刀魚燒得一流,放入口後充斥著炭香,皮夠乾身又有少少脆,魚肉又滑又濕潤。伴碟是吃起來很像枝豆的紫頭巾、又爽又滑又黏的長芋和帶橘子甘香的兩絲柚子皮一起吃。師傅在廚房裡拿來一鍋不在餐單上的湯,以龍蝦和腐皮熬製而成。師傅送上額外的驚喜,大家吃得更盡興。御飯碗碗碟碟和盤子都有心思,這個煮飯的容器更大有來頭 - 特製的雲井窑。每人一小口飯。可以不斷再添。飯很濕而不小,仍然一粒一粒的,超黏,飯香超濃,味道像把飯味都熬出來的粥。軟糯香軟俱全。可以配山椒醃的白魚仔、福岡明太子和帶點甜的金菇。配菜好吃,但實在不想任何味道蓋過飯香,於是分開吃。甘味這埋來自京都的葉下,是清甜爽脆多汁的豐水梨、甜得自然的黑無花果。又有額外的甜品,是紅豆餅。頧傅很有心機地慢慢燒。很脆的餅包著十勝紅豆,沒有浸過糖水,有紅豆味而不太甜,超好吃。最後每人一碗抹茶。看著店員在旁邊用掃逐碗預備。茶味香濃,甘甘的,暖暖的,很窩心,讓我想起在京都一個和室內,穿著和服的日本婆婆跪在地上,為我們沖茶。從器皿、食材、擺碟、味道、服務,都看出店方的心思。那種對完美的追求,叫人讚嘆。價錢稍貴,較便宜的懷石料理有不少選擇,但要吃到正宗來自京都的滋味便要付出多一點。因為有下一輪,大概論20:30晚餐就來到尾聲。當我們站起來後,師傅第一個走出門口,揮手送別我們。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-11
92 瀏覽
二月嘅時候見有特別crossover, 又夠咁啱book到位,三千蚊都就決定試試有幾頂級。食完餐飯之後覺得。。。其實環境都唔錯,對住師傅全部坐滿都係十個人,少人少D機會傳染武肺 XD 負責招呼同介紹位哥仔都好盡力同每位客傾偈講吓笑搞下氣氛。開頭嘅菜式都正常:開胃菜,清湯,拖羅,一路去到高潮位嘅Signature 海膽熱狗都另人期待。但係由雪蟹開始就有D黑人問號嘅感覺。。明明Show 俾我地睇既係三隻巨蟹好似好震撼,但係上碟嘅時候得返一節蟹腳(見圖),其他部份呢??之後個飯仲同我地講要唔要加牛肉(當然要再加錢),如果唔系就得白飯魚撈飯...!?(有圖)最後上個生果。。竟然係一片蘋果同橙。。。咁樣就跌咗3000。。(其實係x2。。因為要請朋友)只可以講呢個價位可以有好多穩陣嘅選擇 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-02
929 瀏覽
呢間野要3日前預訂(預訂每位$500)聲稱按人頭去訂貨 保證新鮮我見間野咁新鮮?咪試吓囉佢有十一二道菜式?唔太記得數量(有兩款冇影到)一開始就好似幼稚園小朋友派點心咁等食!好期待..每一樣日本師傅都會介紹一下再一個男同事翻譯逐個逐個派 食完一樣又一樣其實食完哂所有野我都唔覺食左咩野係值2500😂不過服務係好好嘅!佢哋會同客人溝通簡單d黎講唔值呢個價兩個人賣單6000(加左杯清酒)6000蚊我覺得可以有好多日本料理選擇試一次夠了 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-26
1519 瀏覽
今次黎到呢間京都米芝蓮一星嘅餐廳,一入去就已經好有日本嘅氣氛☺️ 只有少量座位然後師傅就喺前邊製作食物~ 一人前 ($2500)首先第一樣係甘酒蒸鯛魚,加咗翡翠銀杏,小小日本嘅糯米飯。糯米飯食落去煙煙韌韌,而鯛魚都好鮮好滑。之後有呢個鮑魚,超級新鮮鮮甜,配上呢個北海道直送海膽,但鮮味係纏繞住整個口腔,好似去咗日本咁。仲有呢個煮咗好多個鐘既骨膠原,食落好似啫喱咁樣。口感好特別,整體都好清新。之後呢一個魚都好出色。用咗松露屋獨有既昆布,長時間煮既dashi湯,個湯冇加任何調味都已經超級濃,加埋個魚係好食到升天,完全吸收晒湯嘅精華。刺身有鯣魚,係油甘魚既幼年版本,食落更加嫩滑,魚味好鮮。另外有灼過一下既金目鯛,食落去冇原本金目鯛咁韌,味道一樣,但口感提昇咗好多。最後仲有微燒一下既龍蝦,好甜好鮮,超級正!懷石料理最重要嘅元素,燒天然舞茸菇,係一樣十分珍貴嘅食材。另一樣係白蝦同栗子做咗既餅,面頭仲有少少鮑魚醬,口感好特別,食到蝦既彈牙同時都食到少少粟子粒。到我最期待既一道菜,海膽壽司,係師傅創作既海膽熱狗,紫菜包住少少飯,面頭鋪滿晒大量嘅北海道海膽,咁鮮甜嘅海膽係香港真係好少機會可以食到,超級滿足🥰滿滿三文魚子茶碗蒸,有好多北海道既魚子,好鮮甜,逐粒係口入面爆開,蒸蛋都做得好滑。之後有呢一客好高級數既和牛,用咗上等松板牛切片再煮,煮完之後仍然係入口即溶,牛味好濃郁好重,成個口都充滿着牛既油份,但係又唔會覺得油膩。之後有粒貝,即係超級大既螺肉,夠晒爽口彈牙。橘子啫喱,加咗少少醋去煮,超級鍾意呢一個啫喱,味道好有驚喜。太刀魚,慢煎到好香,個皮加入咗少少調味,增加個鮮味,而且魚肉食落係好嫩滑,滑到唔似食緊魚☺️加入青檸食,更加鮮味。御飯,係煮七成熟既日本米,食落係特別有米香同煙韌。加上可以自己落明太子等等嘅配料,就咁食飯都超級滿足。之後有時令水果盤,有日本梨同埋無花果。最後仲有京都最有代表性既monaka配抹茶 🍵為呢一餐豐富嘅晚餐畫上一個完美嘅句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-10
1251 瀏覽
呢間米芝蓮一星既餐廳登陸香港,早在京都聞名既懷石料理餐廳,今日終於可以一嘗餐廳只做晚市,分兩個時段,$2,500 11道菜既 Omakase,餐廳不論環境,食物都好有京都特色,由於只有15個座位,所以必須訂座連接餐廳既走廊地下係濕既,起初以為係當天落雨引致,後來店員解釋呢個係京都既傳統,有歡迎客人既意思先黎食先付,即係前菜有甘鯛鹽燒、翡翠銀杏、小角蕪飯蒸食每一道菜前師傅都會用日文講解一次,當然會有翻譯啦今次食既係茶懷石料理,所以一開波就會有飯既環節,真係與別不同呢呢個係將食物放在理芋葉上,然後魚油會浸入飯粒飯粒好煙韌,同銀杏好夾鮑、青森縣鮑魚,青森縣水雲醋物、水魚啫喱及海膽椀,有九繪酒蒸,松茸,梅肉湯係唔會加入何調味,全靠食材本身既味道煮出黎向付:金木鯛炙來到刺身,金木鯛炙魚油好香連隻碟都靚過人下一味就到天然舞茸杉八寸,天然舞茸天婦羅,鰻白燒、一片醬油用特製八寸長既木造盛器就是杉八寸,上菜前會灑上水珠,以代表食物除你以外,冇其他人觸碰過配上天然舞茸天婦羅同鰻白燒,代表山之味及水之味,真有意境海膽熱狗將整行海膽放在紫菜上,狀似熱狗,馬糞海膽豐腴甘香,入口鮮甜鍋:和牛、松茸和牛係用左近江牛,非常軟棉,滑,入口即溶,牛味超濃甘味:水物、梨、黑無花果、梅酒啫喱黎到最後既甜品,配上紅葉,襯哂秋天,紅葉下就係水果梨同無花果好甜,多汁,梅酒啫喱既梅酒味好濃好清甜,幾有驚喜另一甜品還有紅豆最中餅最後以茶作結可以話係大滿足 繼續閱讀
(以上食評乃用戶個人意見 , 並不代表OpenRice之觀點。)