一幸 (已結業)

想起很久沒有吃日本餐，今晚便約了朋友來這間尖沙咀新開的一幸Omakase店吃晚餐。幸好餐廳還不算太满座，即日訂座都有位。餐廳門口有提供酒精消毒液給客人使用。入面以淺黃色的木裝修，富有日式風格。小食 鱈魚片溫暖香脆，魚香味鮮甜，口感像餅乾，點沙律醬味道好夾。前菜 三點海鰻魚苖，晶瑩剔透，滑溜鮮甜，口感似啫喱般爽口。蓴菜，清新爽脆，味道可口，有鮮甜蝦肉。九州鮑魚，炆得入味，軟稔香甜。刺身系列剝皮魚配剝皮魚魚肝醬，味道濃郁，魚香味香甜。鮫鰈 卷住的鮫鰈用火微烤過，口感特別軟稔，外面的魚肉質感爽口彈牙。螢光魷魚鮮甜滑溜，醬汁香甜美味，咬下後醬汁緩緩流出。金目鯛皮脆內滑，口感爽滑香甜，魚香味濃郁。北海道真蠔真蠔大隻厚肉，肉質爽口滑溜，帶有淡淡的海水味，配酸汁啫喱和蠔味的葉的味道好夾。浸白魚以清湯加上生猛的新鮮白魚即食，口感特別，香甜可口。北海道馬糞海膽海膽滑溜香甜，味道香濃，入口即溶，配紋甲魷魚食口感更豐富，還配有丸煮八爪魚和楊桃等。中吞拿魚加大吞拿魚腩夾海苔 中間配有紫蘇葉，吞拿魚腩經過微烤後油脂味更香濃，入口香甜。白松露大溝貝外型像象拔蚌，質感爽口彈牙，咬下有韌性，炒得咸度適中。北海道活帆立

本來買左機票復活節去東京玩幾日，諗住可以去河口湖睇富士山同去輕井澤浸溫泉，因為疫情短期內都冇得去旅行。雖然話要減少外出，盡量揀啲少人嘅餐廳都得掛?!好耐冇食壽司，happy friday就去左尖沙咀新開嘅一幸。一幸係一間專食廚師發辦嘅日本餐館，成間鋪以淺木色為主。廚師發辦晚餐分$1,280/位同$1,480/位，我地揀左$1,280嘅櫻套餐，包左前菜、刺身、季節料理、壽司、湯同甜品，定價都算合理。冇得去旅行，慳左嘅旅費就黎哩度食豪少少啦。坐低冇耐，侍應就送上鱈魚乾，因為疫情影響左來貨，師傅話前兩日都冇貨返，魚生都係當日先返貨，所以佢地都忙於洗魚切魚，因為冇咁快食得所以仲送多碟鱈魚乾俾我地，反正時間仲早，我地都唔急，就一邊睇住師傳表演，一邊傾下計。前菜等左20分鐘倒，師傅道送黎三色前菜。左上角係順菜蟹肉，蟹肉放喺順菜啫哩上面，啫哩酸酸地幾開胃。左下角係赤海膽豆腐，海膽凍冰冰好鮮味。右下角係花螺，煮到好腍唔痴牙。刺身之後係一碟四道刺身。中間係剝皮魚同魚肝醬，撈埋黎食，剝皮魚有少少咬口，好香魚肝味。右下角係鮫蝶，味道鹹鹹地。右上角係螢光魷魚，通常係用黎餸酒，味道比較鹹，不過哩個魷魚就唔好太鹹

疫情當前，少不免減少外出用餐，偶爾一次，目標自然是高檔次的日本餐廳，這夜就來到位於尖沙咀金馬倫道主打日式廚師發辦的「一幸」。店家位於一樓，門面落地玻璃加上以原木為主的色調，感覺溫暖大氣。一進鋪，店員立即安排量度體溫，亦有搓手液提供，衛生措施一絲不苟。廚師發共有兩種選擇，分別是HKD 1280/位的「櫻」及HKD 1480/位的「楓」，分別是「楓」set多兩組季節料理，我們這次就點了兩個「櫻」set。先付前菜由三款小碟組成，海鰻魚麵：微酸帶甜，質感滑溜的開胃菜；九州鮑魚：柔軟清甜，有嚼頭而不會過韌；海膽豆腐：味道濃郁香甜，帶天然海水香刺身五款刺身以拼盤的形式奉上，擺盤豪華。剥皮魚(中)：以拌剥皮魚自身的肝醬拌碟作調味，口感柔軟滑溜，魚香味愈嚼愈出。疊魚(右下，即右口魚)：肉質厚實爽彈，富油脂感。螢光魷魚(右上)：當季限定的螢火魷魚入口爽彈而且醃得入味，嚼起來很有層次。炙燒金目鯛經火炙處理過的高級魚不但魚皮簿脆，稍為溶化的魚油脂更使整體質感更油潤嫩滑。梅酒蕃茄 鮮蕃茄加上幽幽的梅酒香，清新一下味蕾。文甲魷魚配馬糞海膽(下)煮八爪魚(上)楊梅(左）煙燻鯖魚 色彩絢麗的煙燻靖魚，鋪面的是薑、紫

朋友說這陣子在家吃得實在清淡，吃厭了便決定今晚外出大吃一餐，今晚就來了交通方便的尖沙咀一幸這裡品嚐一餐廚師發辦。在大門口已經可以看到有消毒酒精啫喱供人隨意使用，畢竟保持手部衛生是非常重要。鱈魚片這個味道有點像兒時吃的鱈魚絲，但這個鱈魚片烤焗得香脆，彷彿在吃沒有油的薯片一樣。蓴菜，海鰻魚苖，九州鮑魚蓴菜鮮美滑嫩，為珍貴蔬菜之一，加入了些許龍蝦肉，更顯得鮮甜。透明的是海鰻魚苖，口感非常滑嫩，本身是沒有味道的，故此吃到的是醬汁的調味。最後吃比較濃味的九州鮑魚，鮑肉爽彈，鮮甜無比。剝皮魚 鮫鰈 螢光魷魚 金目鯛 剝皮魚的肝臟最為珍貴，師傅巧妙地用新鮮魚肝及蔥花塗滿了剝皮魚薄切，令鮮味更突出，層次感更豐富。北海道鮫鰈肉質緊實爽脆，細嫩鮮美。螢光魷魚有點黏口感覺，咀嚼時螢光魷魚新鮮美味，肉身多汁煙韌，而觸鬚部份口感爽。金目鯛油脂含量適中，肉質細膩。最後吃蕃茄仔，是用了梅酒浸的，酒醇梅味濃。北海道真蠔 肥美的北海道真蠔海水味較濃，肉質亦較為豐厚棉滑，有別於一般用檸檬，師傅特地用了酸汁啫喱去除腥膩感，感覺新穎又可口，最令人驚歎的是蠔味葉，整片葉也充滿濃厚的鮮蠔味，非常神奇。浸白魚 雖然是日本當地廚師發

#小秘書 呢個月幾乎推哂所有群體活動，日對夜對住部手機，真係人都癲👉🏻👈🏻 朋友仔可能見我咁宅，呢晚特別安排咗個驚喜比我🤩 帶我到「一幸」一間喺尖沙咀新開嘅 #日本餐廳 食飯。餐廳裝修得好精緻，大門旁邊有一個細細的水池，加上射燈嘅倒影，顯得非常優雅。推開大門，服務員首先為我哋安排座位，再遞上 #搓手液，認真細心。嚟到先知道原來「一幸」係由 #師傅發辦（お任せ）嘅，朋友選定餐牌價錢，#鋼師傅 就為我地開始準備食物。望住 #師傅 一手一腳幫我哋將 #食物 放上碟，就好似睇住個 #藝術家 #畫畫 一樣... 食物未送到落口已經係一種享受❤️ #師傅 先為我哋送上嘅係 #小食 同 #前菜，#赤海膽 放喺 #豆腐 上面，入口即溶好鮮味、#蟹肉 同 #螺肉 亦非常出色🤤 再嚟嘅係 #刺身/海鮮，大大隻 #赤貝，口感十足，再配埋 #鯛魚燒，好香嘅燒魚味，食埋粒 #蕃茄仔，可以中和 #魚油 嘅 #油膩感🤤 之後再嚟嘅有 #生蠔、#雪場蟹... my favourite 口味鮮甜到不得了❤️ 師傅有冇得encore呀？#師傅 可能見我開始飽飽地，拎咗盒「跳跳魚（白魚）」出嚟，問我敢唔敢試吓😅 人一世物一世咩

To celebrate our anniversary, I decided to treat my wife to a nice dinner tonight. As she proposed omakase, we went to a Japanese restaurant that was opened recently. Ikkou Omakase was located at Cameron Road, few minutes walk from Tsim Sha Tsui MTR.For their dinner, they offered 2 price range for their omakase set, and we chose the $1280 set. It consisted of appetizer, sashimi, seasonal dish, sushi, soup and dessert. For their appetizers, it came with crab meat jelly, sea urchin tofu and snail.

朋友生日將到日本慶生，出發前來個前奏，選擇了尖沙咀旺區一家日本料理店，來一個性價比十足的廚師發辦。店舖以標準日式裝潢，玻璃配搭木柵欄，燈光光猛店內透明度高。全店均是吧臺座位，以回字型擺設佈局。晚市分別櫻Sakura港幣1280、楓Kcede港幣1480，楓比櫻多了一款季節料理，個人覺得櫻omakase已非常豐富，可以隨心選擇。先付海鰻魚苗：亦稱為穴子苗，苗身清徹明亮，質感爽滑煙韌，味道甘口鮮美富膠質。九州鮑魚：質感爽而彈牙，以原汁原味呈現，味道清新。海膽豆腐：師傅以海膽汁及黃豆製成，豆腐香滑柔軟細膩無渣，海膽味香濃。梅酒蕃茄 拌刺身剥皮魚魚起皮剝肉拌剥皮魚肝醬而成，入口魚肉彈牙柔軟，越咬越香，慢慢滲出魚油，富有層次口感。右口魚右口魚比左口魚更為爽滑，肉質厚實爽彈，魚油油脂感厚重，香味濃郁。螢光魷魚(季節限定)營光魷魚口感滑嫩，水潤感十足。質感柔軟富彈性。炙燒金目鯛師傅微灸魚表面，肉質柔軟嫩滑，灸過後魚油滲出，香味更重，香蔥更添鮮美。楊梅 拼文甲魷魚、馬糞海膽、丸煮八爪魚煙燻鯖魚鯖魚油香充足，以紫蘇葉及八味芝麻帶動鮮味，口感柔韌，入口帶煙薰香。拖羅卷師傅以紫菜卷拖羅及灸拖羅，前者軟滑肥美

為咗答謝我一位好朋友，一直都想同佢食餐好嘅。聽講尖沙咀金馬倫道開咗間日本料理「一幸」都幾高質素，一於去試吓🤤 為咗俾佢一個驚喜，呢餐就由師傅發辦🍣 L型嘅bar枱剛好圍住幾位料理師傅，佢哋準備食物嘅時候，就好似做緊美術一樣，單係望吓啲食物，已經係一個享受。服務員非常細心，坐低嘅時候已經為我地準備濕毛巾同搓手液，然後師傅就為我地逐一準備食物。食物包括有前菜、 刺身、熱食、壽司、漬物、湯、水果、甜品幾個部份。因為實在整得太靚，所以都忍唔住花咗啲時間嚟影相，不過師傅仔好nice呀，一直都跟住我哋嘅節拍。成餐飯最令我印象深刻嘅係白子刺身， 師傅等我食咗落肚先到先同我講原來係魚嘅精囊😅 聽起來真係有啲嘔心， 不過唔試你就笨喇... 滑嘟嘟入口即溶，正呀喂🤤 赤海膽大大舊，差啲連飯粒都睇唔到👀 加埋元貝、右口魚圍邊做壽司，鮮味絕對係一絕。仲有雪場蟹，完全唔使加任何調味醬汁，入口已經十分鮮味🤤 汁燒鯛魚魚肉好滑又入味🤤再配埋餐廳自家製苦瓜、蘿蔔漬物，放啲入口清一清味蕾又可以再嚟過... 雖然真係食到好飽，但係見到面前嘅士多啤梨同靜崗蜜瓜+朱古力蛋糕又點可以停手吖❤️成餐飯師傅仔同我哋都有講有笑， 難得

⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀餐廳前手係靖 omakase，係大名鼎鼎養心殿旗下既藍店🤪不過而家已經轉手比其他人，係門口同社交媒體都寫明同養心殿集團無關。餐廳設有「櫻」、「楓」等廚師發辦的套餐，包括前菜、刺身、季節料理、壽司等，亦提供價錢相宜既午市套餐。係1月頭適逢老闆請食飯，就有幸一試呢間新既尖沙咀omakase😚最近武漢肺炎咁嚴重就唔敢食生野住🥺唯有係屋企回味下d舊相，同趁得閒打下d n年前既食評😂⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣ 壽司十二貫💲390💭講每樣食材之前💭唯一好想挑剔既係壽司飯實在太淡😢💭完全無醋香味，感覺似無調味😂💭食材都係d大路野💭柚子配上魷魚，非常清新☺️💭仲有新鮮彈牙既牡丹蝦🦐💭中規中矩既海膽，帆立貝同赤貝💭燒右口魚就出現左2次💭不過味道都無咩特別驚喜，正常水平💭手卷就係無咩調味既toro蓉💭較為特別既係赤身上面有一塊好靚既大toro💭賣相好靚😍💭整體其實都新鮮💭只係缺乏記憶點💭雖然都唔錯，但有得選擇下未必會回頭 ⠀⠀⠀⠀⠀⠀⠀⠀⠀⠀⠀⠀⠀⠀⠀🔘師傅同客人既交流比較少，太過怕醜🔘同其他餐

同男朋友拍拖紀念日 佢話帶我嚟尖沙咀呢間新開嘅日本餐廳 食我最鍾意嘅omakase話我一定滿意 一向粗心大意嘅佢估唔到今次嘅安排有幾有驚喜！餐廳裝修好靚好有空間感 有種猶如置身於日本嘅感覺一樣！餐廳重做足防疫措施入門嘅時候會先幫我哋量體溫， 讓食客食得安心！海鰻魚苗口感有少少是海蜇 師傅更特地用咗薑味嘅醬汁 辟走咗腥味之餘更帶出咗海鰻嘅鮮味！剝皮魚配剝皮魚肝醬之前未食過呢款魚 點知都幾有驚喜味道唔錯 魚肉口感滑嫩 而且剝皮魚肝味道香濃 感覺好特別右口魚左口魚就食得多 右口魚真係第一次食 估唔到 味道同肉質都畀左口魚更略勝一籌 而且更滿足曬鍾意食肥美口感嘅我😍炙燒金目鯛 炙燒後過嘅魚皮 入口有種焦香嘅味道 魚肉仲好爽滑👍海膽魷魚海膽入口即溶 而且同魷魚嘅味道非常match 醬味八爪魚自家醃製嘅八爪魚 味道甜甜地好似日本醬汁嘅感覺 相當大隻得黎仲好爽口螢光魷魚配柚子皮魷魚非常新鮮，入口咀嚼時，甘香鮮美嘅汁液一涌而出 而柚子皮令到味道更清新！活粒貝刺身肉彈鮮甜，爽口柔靱！北海道生蠔生蠔足足有成隻掌心咁大而且肉質肥美爽滑 海水味濃 相當滿足！拖羅師傅採用咗中拖羅， 冇大拖羅更肥美 但係冇筋口感

喺尖沙咀返工嘅朋友話金馬倫道開咗間新嘅日本嘢，今晚特地帶我嚟試下！ 餐廳整體裝修係用木為主要元素， 簡潔得嚟又不失高雅。小食鱈魚乾餐前小食令我哋食到停唔到口， 又唔會多味精食到口渴👍🏻前菜有三小碟海鰻魚苗口感滑捋捋 薑味嘅醬汁 完全帶出咗海魚苗嘅鮮味！九洲鮑魚鮑魚好入味而且口感非常林！鮫蝶為右口魚的一種 口感比左口魚更為肥美 肉質更嫩炙燒金目鯛魚皮燒得香口 肉質爽口剝皮魚配剝皮魚肝醬剝皮魚本身已經口感滑嫩 加埋剝皮魚肝口感層次更勝一層 而且更為鮮味梅酒蕃茄 食完有淡淡梅酒味嘅清甜小蕃茄清清味蕾又可以食下一道菜海膽魷魚口感爽滑嘅魷魚配以入口即溶嘅海膽 味道讓人回味無窮螢光魷魚配柚子皮細細條鮮味可口 肉身多汁煙韌 配柚子皮味道更顯清新醬味八爪魚師父喺醬酲裏面拎出嚟 原條大大隻之餘 仲非常入味！活粒貝刺身肉質纖細幼嫩帶咬口，味道爽口清甜， 配埋檸檬豉油更突顯鮮味~拖羅師傅手起刀落地切下幾塊非常厚身肥美嘅拖羅再用 大大塊嘅紫菜包住 拖羅油分適中而無筋入口即溶仲魚味濃郁😛最後一道菜係炙燒銀鱈魚壽司用火槍輕輕一燒 魚油香完全滲透曬出嚟 口感入口即化 令人回味甜品有日本蜜瓜 brownie 同士多啤

班同事大讚喺金馬倫道嘅日本料理店＜一幸＞啲刺身壽司好正！好抵食！咁話。 今日放早下午唔使開工，一於拉埋隻為食脚去試下！ 位置The Camero1樓，地坊好闊落！ 好在預訂左位，人氣好旺！已經冇吧枱位喇，而家依個時勢咁爆真係好勁！我被安排坐左另一角位置，都好適服！而且夠清靜！職員同我哋量左體溫，消毒左雙手之後，開始點餐～為壽司而來，緊係要食刺身壽司套餐喇！揀左個精選十二貫嘅套餐39O元餐前小食沙律啲疏菜都好爽脆，醬汁開謂！四件刺身壽司色澤鮮明，好精緻！啲飯嘅份量恰到好處！尤魚好鮮嫩，軟軟滑滑！帶子柔嫩鮮甜，有啲柚子香味！深海池魚口感好清爽兼有油香。右口魚爽爽口，上面火灸過嘅裙邊好焦香好滑，一件壽司兩種口感，好有創意！赤貝好有海洋味又爽又甜！牡丹蝦好甜美！經醬油調味嘅吞拿魚更加鮮味！馬糞海膽入口即溶化，好鮮甜，紫菜好脆！加埋口感滋味！拖羅顏色好吸引！透紅色肉質嫩嫩～右口魚味道濃郁，入口即溶，甜味留喺口度久久都唔散！BB雪魚，好甘香肥美！拖羅丼啲吞拿蓉好鮮甜軟滑加埋上面炸粉，好脆！口感好特別！鮮味嘅茶碗蒸滑脫脫！麵豉湯熱辣辣海苔好鮮好爽！已經好飽！食埋個甜品～味道濃都嘅芝士雪糕，

前排，和朋友去了位於尖沙咀的一幸食 omakase來慶祝生日。前菜：口感非常脆口，再點上沙律醬，味道很夾。沙律：沙律中帶有不同刺身魚粒，令整個沙律無甘單調。可惜沙律汁多左少少，味道酸。北海道帶子柚子皮，不用點醬油即可食用，味道鮮味，當中因有柚子皮所以帶少許柚子苦味，但無影響原有味道。魷魚壽司上面帶有紫蘇和梅，令整舊壽司味道帶少酸很開胃。魷魚深海池魚上面有紫菜醬，依款魚味突出，能帶出濃厚鮮味，魚質很滑。牡丹蝦有少少海膽，海膽入口即溶，而牡丹蝦極鮮甜，口中會有被漿住既感覺啊！兩者味道好夾，本人最愛！赤貝口感爽口，絕無腥味，略帶鮮味。金目鯛魚質較軟滑，食落口感較重，魚鮮味突出。醬油漬吞拿魚上面是七色芝麻及紫菜醬，魚質同樣滑，芝麻帶少少咸味能為壽司調味，雖然是醬油但味道不咸。拖羅魚油慢慢滲出，口感較林，而味道帶點兒酸。馬份海膽入口即溶，紫菜脆口BB銀鱈魚口感是軟身，因火炙的關係令壽司半生熟，入口慢慢溶油口魚bb上面有紫蘇葉 魚油味很重，口感很滑鯖魚上面是昆布，魚質厚的，魚味鮮味。吞拿魚腩蓉手卷：紫菜很脆口，而吞拿魚腩蓉帶少少甘香味啊！蒸蛋：口感很滑口，蛋香味濃，本人愛吃！味噌湯：咸味不會過重，