影片
更多
2020-03-29
3619 瀏覽
本來買左機票復活節去東京玩幾日，諗住可以去河口湖睇富士山同去輕井澤浸溫泉，因為疫情短期內都冇得去旅行。雖然話要減少外出，盡量揀啲少人嘅餐廳都得掛?!好耐冇食壽司，happy friday就去左尖沙咀新開嘅一幸。一幸係一間專食廚師發辦嘅日本餐館，成間鋪以淺木色為主。廚師發辦晚餐分$1,280/位同$1,480/位，我地揀左$1,280嘅櫻套餐，包左前菜、刺身、季節料理、壽司、湯同甜品，定價都算合理。冇得去旅行，慳左嘅旅費就黎哩度食豪少少啦。坐低冇耐，侍應就送上鱈魚乾，因為疫情影響左來貨，師傅話前兩日都冇貨返，魚生都係當日先返貨，所以佢地都忙於洗魚切魚，因為冇咁快食得所以仲送多碟鱈魚乾俾我地，反正時間仲早，我地都唔急，就一邊睇住師傳表演，一邊傾下計。前菜等左20分鐘倒，師傅道送黎三色前菜。左上角係順菜蟹肉，蟹肉放喺順菜啫哩上面，啫哩酸酸地幾開胃。左下角係赤海膽豆腐，海膽凍冰冰好鮮味。右下角係花螺，煮到好腍唔痴牙。刺身之後係一碟四道刺身。中間係剝皮魚同魚肝醬，撈埋黎食，剝皮魚有少少咬口，好香魚肝味。右下角係鮫蝶，味道鹹鹹地。右上角係螢光魷魚，通常係用黎餸酒，味道比較鹹，不過哩個魷魚就唔好太鹹
一幸係一間專食廚師發辦嘅日本餐館，成間鋪以淺木色為主。廚師發辦晚餐分$1,280/位同$1,480/位，我地揀左$1,280嘅櫻套餐，包左前菜、刺身、季節料理、壽司、湯同甜品，定價都算合理。冇得去旅行，慳左嘅旅費就黎哩度食豪少少啦。
坐低冇耐，侍應就送上鱈魚乾，因為疫情影響左來貨，師傅話前兩日都冇貨返，魚生都係當日先返貨，所以佢地都忙於洗魚切魚，因為冇咁快食得所以仲送多碟鱈魚乾俾我地，反正時間仲早，我地都唔急，就一邊睇住師傳表演，一邊傾下計。
前菜等左20分鐘倒，師傅道送黎三色前菜。左上角係順菜蟹肉，蟹肉放喺順菜啫哩上面，啫哩酸酸地幾開胃。左下角係赤海膽豆腐，海膽凍冰冰好鮮味。右下角係花螺，煮到好腍唔痴牙。
前菜
30 瀏覽
0 讚好
0 留言
之後係一碟四道刺身。中間係剝皮魚同魚肝醬，撈埋黎食，剝皮魚有少少咬口，好香魚肝味。右下角係鮫蝶，味道鹹鹹地。右上角係螢光魷魚，通常係用黎餸酒，味道比較鹹，不過哩個魷魚就唔好太鹹，空口食都可以接受。左上角係金目鯛，個人就覺得魚油唔夠香，美中不足。左下角係梅酒浸番茄仔，食得出梅酒甜味，幾特別。
刺身
24 瀏覽
0 讚好
0 留言
平時食生蠔，我都鍾意海水味重嘅，加小剃檸檬汁其他咩都唔落已經好好食。日本餐廳整嘅生蠔通常都會加其他調味料，雖然會令海水味冇咁突出，但就有另一番風味。哩道北海道真蠔師傅就加左酸汁啫哩上去，真蠔好肥美，配埋酸香味十足嘅啫哩一齊食，好開胃。旁邊塊葉都唔係伴碟咁簡單，因為佢生長喺生蠔附近，所以食落係有生蠔味，好特別。
北海道真蠔
55 瀏覽
0 讚好
0 留言
右上角係軟煮八爪魚，八爪魚煮到好腍好似食緊豬肉咁。左下魚係文甲魷魚配赤海膽，魷魚有咬口赤海膽夠鮮甜，冇得挑剔。右色嗰粒係山桃，酸酸地用黎清下個口就最啱。
季節料理
28 瀏覽
0 讚好
0 留言
紫菜夠乾脆夠乾爽，中間包住大拖羅同中拖羅，拖羅中間以紫蘇葉隔住，拖羅入口即融，超正呀！
紫菜包拖羅
18 瀏覽
0 讚好
0 留言
金目鯛軟腍油潤，上面加左啲辣椒絲增加食味。
汁煮金目鯛
27 瀏覽
0 讚好
0 留言
北海道活帆立貝壽司帆立貝好肥美厚肉，完全覆蓋下面嘅壽司飯，帆立貝味道鮮美，師傅已經掃左豉油同下面加左少少芥辣，所以基本上唔洗再蘸豉油調味，壽司飯亦推得夠實，唔會一夾就散。
北海道活帆立貝壽司
65 瀏覽
0 讚好
0 留言
深海池魚味道比較清淡，所以師傅喺上面加左綠色嘅海苔醬吊出魚鮮味。
深海池魚壽司
43 瀏覽
0 讚好
0 留言
海膽軍艦
軍艦上面有超多海膽，海膽係北海道馬糞海膽，鮮味無庸置疑，加上雪得夠冰凍，好似食緊雪糕咁。
海膽軍艦
12 瀏覽
0 讚好
0 留言
火灸銀鱈魚壽司
師傅用左銀鱈魚bb，火灸過魚油都迫晒出黎，肉質亦好嫩滑。
火灸銀鱈魚壽司
17 瀏覽
0 讚好
0 留言
火灸右口魚邊壽司
右口魚邊係成條右口魚最肥美嘅部份，同樣經過火灸，所以食完滿咀油香。
火灸右口魚邊壽司
57 瀏覽
0 讚好
0 留言
蜆湯
湯入面有大大隻蜆，厚肉得黎唔痴牙，湯有好鮮甜嘅蜆味。
蜆湯
13 瀏覽
0 讚好
0 留言
甜品
甜品拼盤有朱古力蛋糕、士多啤梨同蜜瓜，朱古力蛋糕好濃朱古力味，口感唔會太乾。士多啤梨唔算太甜，蜜瓜係靜岡貨，香甜好味。
甜品
19 瀏覽
0 讚好
0 留言
總結，連加一埋單$1400/人雖然唔平，但食物水準高份量亦足，唔會食完都唔夠飽，性價比算高，冇得去日本黎止下癮都唔錯。
張貼
