火鍋撚 (染布房街) (已結業)

幾個月前經過呢個餐廳﹐已經被佢既名字深深吸引。食字，食得很好，很容易便成為路人的焦點。但很多時候，名字改得好，也未必會多人食，因為對於一間餐廳來說，名字是其次，最難留住客人心既，始終都係食物既質素﹐同埋店員的態度。過佐幾個月，再次路經此地，未料到，人流依然多，看來，餐廳的確有她的獨特之處，又能夠留得到客人，也能夠吸引更多的客人。今日決定一試。到達時間7：30，以人龍來說，今日還好，大約等3－4枱客，便到我，最後埋單，等了30分鐘，以香港排隊的平均時間來說，算是合理。等候時間合理，原來是因為餐廳進食時間有限時，1.5小時的進餐時間，以火鍋來說，應算是剛剛好，而在等候的時候，店員已經為我們遞上點餐紙，爭取時間，在分秒必爭的business centre來說，這是很efficient的。餐廳不算大，但裝潢夠古式古香，很有色彩。店員為每位客人也體貼地送上椅套，一個少少的動作，已經可以令人很窩心。以為餐廳是利用食字去作招徠，原來凡事皆有因。餐廳的命名，古意有熟練，拿手之意，火鍋L，代表火鍋狂熱者。的而且確，香港人對火鍋有一種說不出的情懷，由酒樓火鍋，到牛肉放題鍋，以至一人一火鍋，港人對火鍋的狂熱

多次經過見到呢間火鍋撚，都比佢咁獨特嘅名字所吸引，叫得火鍋撚即係好拿手啦，咁就要睇下佢有幾拿手啦。坐低左見到個Menu ,原來係台式火鍋首先叫咗個湯底-龍鳳鴛鴦鍋，紅白湯紅湯係麻辣鍋(小辣)，店員話唔夠辣可以後加白湯係蜂巢豆腐白湯鍋留意呀，鴛鴦鍋是以較高價錢再加＄30係未淥其他配料之前，建議大家先品嚐白湯的味道清甜得來帶點回甘，人參的味道，兩個湯底都配有古法製的鴨血同自家製的蜂巢豆腐極品黑豚肉咪睇佢好似好肥好多脂肪，食落非常爽口新鮮這個即炸3秒響鈴，上枱仲熱熱地，有兩種食法，第一種正正常常落湯灼3秒，第二種點甜酸醬食，就好似食炸雲吞咁，又幾好食喎！完全沒有油溢未兩個人唔食得多，又想食多款，好在有得雙拼黑松露墨魚滑拼手打靚蝦滑完全唔係交行貨，黑松露好香同墨魚滑又幾夾喎，蝦滑好新鮮起晒膠，仲有蝦肉增加口感餃餃都有拼盤，每人每款一粒啱啱好包括韭菜餃、水餃、魚皮餃同雲吞，粒粒都新鮮自己包，雲吞水餃都有原隻蝦，我自己就鍾意食韭菜餃食完仲有糖水送，用月光杯裝住腐竹糖水沙冰，一人一杯又幾過癮喎，不過糖水就甜左少少

好耐無同朋友聚了，友人介紹去呢間店食火鍋，話台feel都好夠！一於試下湯底揀左小麻辣同蜂巢豆腐白鍋麻辣湯又香又麻，正！而白湯好香鮮，帶葯材味，什為滋補係香港而言，個人覺得呢間的台灣火鍋湯底都出色配料都多，希望遲啲有埋米血糕！哈哈-響鈴入口仲熱辣辣，脆到爆！-五色丸好特別！我最鐘意個咸蛋豬肉丸，好咸鮮香！-水餃同鮮蝦雲吞都好新鮮，大大隻！-桂花蚌同珊瑚蚌同好鮮甜而且爽口-手切肥牛無得頂啊，淥幾秒放入口牛肉汁即刻䆁放出黎，而且都嫩滑無渣-粟米鮮甜，無渣，粒粒飽滿-係啤酒貴左少少，其他都合理，哈哈呢到每晚做的枱不算多，所以book枱要早些而且waiter & waitress 服務真心好，好熱心，以為自己唔係香港添！哈哈希望所有野都係keep 住啦最後送甜品添，係腐竹雞蛋沙味，好搞鬼，雖然係送係無求其，係好rich既腐竹雞蛋味，又不會太甜，食完熱氣野飲返啖，爽曬

春天尾巴漸離開，當然要打個邊爐先啦。朋友話近近地都有好地方介紹，咁就最好啦，最緊要位置方便。湯底已經非常吸引，識食當然食鴛鴦湯底啦。媽媽老火湯鍋，真係有點媽媽煮既feel，材料非常多，海底椰煲雞，淮山杞子，猴頭菇等，相當滋補。味道明顯老火味道，飲落有雞香，湯底非常甜，真係有媽媽煲的水準。另一邊湯底就係蜂巢豆腐白湯鍋，白湯味道好鮮甜，係由豬骨湯同雞湯煮成，加上原條人蔘味。配料既蜂巢豆腐夠晒滑，仲有鴨血口感比豬紅仲要滑。打邊爐就梗係要食肥牛，呢份係安格斯肥牛，由於唔係紙咁薄，所以口感有肉地，脂肪分佈平均，灼起上黎滑滑的脂肪感係舌尖上徘徊。美國桶蠔，係個白湯鍋度煮大概5分鐘就可以入口啦。蠔肉勁大塊又滑，蠔汁係裡面淺晒出黎，食得出相當新鮮，加埋湯底既雞湯同豬骨湯味，令隻蠔味道更豐富。仲有手打蝦滑同鯪魚滑，滾一滾就食得，質料高夠新鮮，一食就知材料足唔係麵粉，口感爽滑，仲有索晒湯底既甜味，所以夠入味。

火鍋撚，現在餐廳名愈來愈有趣，令人有深刻印象！「撚」不是粗口，古意為熟練、拿手，如「撚手小菜」。不論餐廳外在及內在裝潢都有古代味道。入座便有好幾種醬料提供，但原來不太需要，想知點解就要睇睇！Menu 有2大頁，而選擇都頗多。蜂巢豆腐白湯鍋 $128、麻辣鍋 $118鴛鴦鍋以較高價錢再另加$30，即是$158湯滾了首先品嚐白湯鍋，有蜂巢豆腐、雞湯、豬骨湯等，更有原條人蔘，所以有少少藥材香味，入口清甜潤喉，好正！即炸三秒響鈴卷配甜酸醬 $48自家製，即點即炸，趁熱吃了幾件，質感好鬆化，一點也不厚不油，而甜酸汁就似炸雲吞個醬，放涼了點麻辣湯底好正。極品黑豚肉 $98色澤粉紅，肥瘦均勻，都幾新鮮。切得幾薄，所以很快熟透，入口很快融化，因為湯底夠入味，基本上不需要點豉油。四寶餃餃併盤 $78兩個人每人一粒剛剛好有好多粒蝦的大粒雲吞，好少肥豬肉，質感超爽口。好香的新鮮韮菜餃、魚皮餃也是推介，至於水餃用料不太新鮮，普通。每次加的是原湯底，味道不會變淡的。五彩鮮蔬籃 $78娃娃菜、菜心苗、粟米、黑木耳、蕃茄，菜心苗相當新鮮幼嫩，質感爽口。而黑木耳好大塊及爽口，而粟米粒粒飽滿，多汁超甜！最後免費送上腐竹

失望而回!網上的食評唔錯, 咁就諗住黎試下, 點知失望而回...叫咗5样野, 水魷, 牛栢葉, 餃子, 雜菌籃, 炸魚皮...重有個老火湯湯底...湯底湯料都算足, 睇落都有D希望, 點知食落好淡, 冇乜味, 本來想回味台灣既火鍋, 一開始已經冇咗!水魷, 牛栢葉中規中矩, 好似平時食其他的火鍋配料一样, 冇乜特色。個餃子就奇怪啦, 中間唔知係乜, 綠色的, 但係冇咗蔬菜的味道。最失望的係雜菌籃, 裝飾得幾靚, 點知雜菌唔新鮮, 食到有酸味。炸魚皮睇落似魚皮, 但食落又唔似魚皮, 係一片片薄片咁, 有D麵粉係面, 真係好似生的麵粉係面...埋單每個人要成差不多4百蚊, 又唔好食, 一定唔會再幫襯!

一直好想回味台灣既麻辣火鍋同鴨血, 知道呢間開左就一星期前打黎訂枱由4人, 加到6人, 又再打電話加到7人仲換左張大枱俾我, 接電話位小姐勁nice 又有禮貌無嫌我煩! 真心讚👍5點半準時黎到, 坐房仔叫左個蜂巢豆腐白湯鍋+麻辣湯鍋 $158一上枱, 已經聞到好香, 明明問過店員湯鍋入面有無鴨血同豆腐, 店員又話無, 咁咪一次過追加3份鴨血 (一份加$20) 點知鍋入面已經有😂 最後幾件鴨血有D架硬食埋去! 味道不錯, 鴨血本身無乜味, 主要係食湯底! 飲品叫左烏梅汁, 好濃, 酸左少少, 不過都幾好飲追加鴨血3份, 相中為一份, 有4塊鴨血火鍋撚御用手切肥牛(大 $298) 好味肉嫩, 前後叫左2大碟黑牛柏葉無食過, 掛住食其他野, 想食時已經無晒😂😂牛骨髓好好味, 滑嘟嘟脆肉鯇魚腩, 新鮮爽口, 前後叫左2碟😂即炸響鈴, 好鬆化, 正呀, 食一碟係唔夠喉, 前後又2碟黑豚肉唔錯炸油條一般, 個人覺得響鈴好食D九肚魚打邊爐都係第一次, 朋友中意食, 我就覺得好多骨蜂巢豆腐好食, 吸晒湯底既味道😍薯粉放左係麻辣鍋, 煮到淋晒吸晒味👍正牛脷托, 唔知點解唔係爽口, 但都好食既水餃皇, 大

火鍋撚交通：距地鐵5分鐘之前聽朋友介紹旺角開一間新火鍋店，所以約左幾個朋友放工來試。由於鋪頭唔係好大，大家記得要預先訂位，walk-in 九點前大機會冇位。我叫左店員推介的白湯鍋，加了、豬骨、粟米、紅蘿蔔、海底野、百合、人篸及中藥香料，非常足料。我地點左大概10樣食物，揀幾樣我比較喜歡的介紹一下。1. 安格斯肥牛牛肉切得超薄的，牛肉口感非常好，有水準。2. 頂級梅花豬肉豬肉的肉質帶點油，口感非常好的。3. 甜品：腐竹糖水沙冰第一次試食用腐竹糖水整沙冰，雖然甜左少少但係感覺幾創新。埋單每人大概$400，總括來講係一間環境舒適有質素火鍋店。

火鍋撚新開張既時候我同同事去幫襯過，當時覺得食物質素還不錯的，但比想像中遜色。媽咪同細妹成日話想試下台灣既味道(因為好多人都話係港版無老鍋), 趁今日放假就訂枱同佢地試下！沿住樓梯上去 到達火鍋撚。今日book早d,6點就入座。店內人流仲好少，比起上次8點黎，鬆動舒適好多。感覺霸氣既餐牌可以鴛鴦配搭 岩哂心大心細既我 哈哈(我點左麻辣同媽媽滋潤鍋 )陳伴XO醬，香而不太辣除左食羊腩煲點腐乳正，我發現火鍋料拌腐乳食都非常一流！多數火鍋店都要蒜蓉 (生蒜/炸蒜) 蒜泥汁咁考功夫都真係第一次見超爽口紫准山~~~~唔係度度有 好珍貴 好難搵，所以特別中意食！珊瑚蚌拼貴妃蚌。新鮮彈牙 份量十足奶皇水晶包。千祈唔好覺得又咸又甜會好奇怪，呢個水晶包真係好味到不得了！！輕輕烚至個皮變透明就食得。雜錦蔬菜籃除左有菜，仲有我最中意既木耳，仲有粟米蕃茄等，清新之選甜品會定期轉換口味，之前黎係飲涼茶。今次係豆腐沙冰，口感好香滑，好似豆奶既感覺，又有豆腐既香味我覺得今次再幫襯，呢度無論湯底，食物定服務都進步左好多！超讚加分會再約朋友再食過。

廣東話呢樣野真係博大精深，係一種好難學的語言，身為香港人我真係好鐘意廣東話，你話我個人無文化都係咁話，特別係粗口我就最為欣賞，變化萬千，用黎舒發情緒同加強語氣就最適合不過，係火鍋撚裝修的時候經過我已經俾佢個名吸引住，呢個名擺明有雙重意思，實在改得妙呀充滿特色的門面，要走一層樓梯到一樓用饍打邊爐都可以叫外賣送到上門又真係幾周到，岩晒一班想係屋企打邊爐又懶整材料的人士每個星期一都係感謝日，可以免費加酸菜、鴨血、蜂巢豆腐清楚解釋左店名的意思，唔知淨係粗口咁簡單架餐廳唔算好大，如果想黎食記得訂定位啦湯底有五款，火鍋材料應有盡有打邊爐指定動作就係混醬，多款醬汁俾你任用，最特別的係呢度用蒜汁而唔係蒜粒，味道更濃蜂巢豆腐白湯鍋 ($128)湯底用上雞湯、豬骨湯、蔬果湯、牛奶、忌廉，再加上好多滋補香料同原條人蔘，一上檯已經聞到好濃人蔘味，湯入面仲有不少的蜂巢豆腐同鴨血，好有台式打邊爐的感覺我地都先飲一碗湯，整個湯都好養生，材料十足，飲完湯唔洗擔心會變淡，因為餐廳係會加番同一個湯底落去俾你打邊爐架凍杞子龍眼菊花蜜 ($68)打邊爐咁熱氣，要配合個滋潤下火飲品，杞子龍眼菊花蜜飲得出無添加糖，無添加飲得好舒

臨別秋波 友人要移民去澳洲 farewell飯選了她至愛火鍋 去她的火鍋飯堂～火鍋撚。她話只有媽媽牌老火靚湯底未試過 但又喜歡蜂巢豆腐白湯 所以選擇了雙拼。湯底好足料 蜂巢豆腐吃了數次 水準依舊 自製豆腐滑 湯底香濃。媽媽靚湯很足料 淮山 杞子 圓肉 猴頭菇 海底椰響螺煲雞 還有數不出的湯料。滾起了 飲了數碗 懷念媽媽的靚湯。P.S. 值得欣賞的是加湯 不是加味精雞湯 而是原本湯底選擇的湯 這一點真是無得彈～安格斯肥牛賣相很精緻。牛肉很滑 肥瘦適中 夠濃味～ 火鍋必選。原條沙巴龍躉正！新鮮 魚肉彈牙 去了部分的骨。煮的時間不可以太長。滑溜 鮮甜。桂花蚌鮮嫩爽脆。輕輕灼熟 食落鮮甜！手打蝦滑拼瑤柱干貝滑手打口感果然不同。兩種都彈牙 而且真材實料 有粒粒蝦肉 絲絲瑤柱。四色餃餃拼盤水餃 雲吞 魚皮餃 韮菜餃。全部即日新鮮製作 最喜歡魚皮餃 餃子皮煙韌 咬開好多肉汁。韮菜餃很香 而且菜和肉的比例好好。薯粉 打邊爐的好拍檔～ 特別推介放白湯 很配搭。

未見過餐廳用咁特別的字來作為餐廳的名字，入咗嚟呢間打邊爐，主要原因係見佢個名好特別。不知道會不會吃出火花來？？個人口味方面，我特別喜歡藥膳湯底，成本高又好食，而朋友唔抗拒，最後就決定來一個媽媽滋補老火湯和＄118 一鍋(成份：淮山、杞子、圓肉、猴頭菇、紅蘿蔔、粟米、紅棗、蜜棗、陳皮、海底椰煲螺頭雞。)  用料十足，感覺像媽媽平時都開的老火湯，火候十足。我好奇地喝了一啖頭湯試試，果然非常清甜，而且不帶一點苦味。特別係粟米非常清甜，冬天進補簡直係一流。五色丸拼盤＄98 特別喜愛蟹籽手打蝦丸，口感十分之爽口彈牙，而且仲有鮮蝦肉夾雜在丸子裏面，非常之高質！ 拼盤還有牛丸和貢丸。牛丸的牛肉味不算很重，但勝在沒有痴牙的牛肉組織，而且口感不會太死實，帶點彈性。貢丸方面，裏面有一些冬菇，一粒粒的，口感十足！！太好吃的關係，隨後追加了一個蟹籽手打蝦丸$68.牛柏葉$58餐牌有白牛柏葉和黑牛栢葉，我們選了前者，一開始都好大塊，但係錄完之後會縮水，起碼細咗一倍有多，相信一開始係發得太大，有點兒失望。真正食嘅嘢唔多，同時冇乜咬口，評價只是一般般而已。脆鯇魚片 $58一碌就即熟，魚片程捲曲就食得啦，鮮魚味十足而

今日同外國嚟嘅朋友一齊去完波鞋街買鞋行到攰就梗係喺旺角睇下有咩好食啦由於朋友喺外國嚟想搵一啲具有香港特色同埋中國特色嘅嘢食畀佢試終於喺朋友介紹之下去咗呢間連個名都非常「陀地」 嘅火鍋店呢間店名為《火鍋撚》個名玩粵語諧音室內嘅佈置亦非常有中國特色最啱就係介紹本土文化俾遊客首先要在一個鴛鴦湯底蜂巢豆腐白湯鍋 拼 媽媽滋潤老火湯鍋$158湯底呈現太極形狀白色嗰邊嘅蜂巢豆腐白湯鍋有藥材嘅味道裏面仲有一條蔘 夠曬滋補而且呢個湯入面仲有蜂巢豆腐同埋鴨血先飲啖湯頭再打邊爐 滋補又養生至於媽媽滋潤老火湯亦非常足料有粟米 猴頭菇 雞 花膠飲得出媽媽嘅住家味道 讚極品安格斯肥牛（小）$148呢個安格斯肥牛片賣相相當得意就好似晾衫竹一樣一塊塊掛起牛味香濃而且雪花平均肥美原條沙巴龍躉王$198呢條龍躉王雖然唔係好大條但非常新鮮肉質彈牙爽口 一啲都唔削而且刀功工切得非常之薄 滾兩滾就可以食得手工點心配料蟹子燒賣皇$55話曬帶外國朋友黎 有點少得叫返籠點心呢碟蟹子燒賣皇原本係生嘅當打邊爐用料咁食 夠曬新穎有趣即炸三秒響鈴卷配甜酸醬$48呢個響鈴我最鍾意 皆因有兩種食法可以當小食點甜酸醬 口感脆卜卜另外就係滾三秒食

近來火鍋新寵兒。很多友人都在FB, IG 打卡 老公話佢係潮人 要去試下 笑死我。預先訂左枱 小店地方唔算好大 裝潢走古色古香系～ 醬料十分齊全！文火熱製湯底係佢地既招牌 蜂巢豆腐白湯 個個朋友都力推。湯底雖然要百幾蚊 但真是十分足料 白湯用忌廉牛乳 加上老火豬骨 雞湯來煲 好香濃。蜂巢豆腐自家製 又滑又有咬口 有好多說不出的香料 人蔘 仲有鴨紅 口感QQ 講真 只是飲湯食湯料都抵返曬個百幾蚊湯底錢。手切肥牛 牛魔王老公必點。Tips: 請灼8秒。雪花的分佈好均勻 肉質鮮嫩 肉味夠濃 帶有淡淡奶味。一句講曬：高質牛！自家響鈴配甜酸醬。香脆 一層層 豆味幾香。兩種食法 各有千秋。淥3秒就外軟內脆 沾甜酸醬就惹味。韮菜餃我係粉絲 自家包 多菜少肉 韮菜香 豬肉唔會太肥～美國桶蠔 肉質肥美。煮久了亦不會變韌 有鮮美 比起本地蠔好食好多 兩個人share一碟真是好飽 哈哈。紫淮山 苦瓜 蔬菜籃～紫淮山 顏色好特別 口感係粉粉的 清甜 和一般淮山差不多。苦瓜清熱氣 好甘甜。蔬菜籃有好幾種菜 粟米 蕃茄 木耳 全部都好新鮮～自家煲竹蔗茅根 推介！微甜 足料 清熱之選。食飽飽 潮人老公好滿足 火鍋撚

旺角染布房街白布街一帶有好多食肆，唔想成日幫襯大型分連鎖食肆，就會去呢頭搵食！行經有一間火鍋店湯底用老火湯，而且火鍋配料選擇多，大家一致贊成去呢一間特色火鍋店！一上舖頭就知道冇揀錯，差唔多坐滿人，最後一張枱都被我地佔據，香氣撲鼻，全店枱面既火鍋配料望落都非常新鮮。調味醬款式非常多，有沙茶醬、麻醬、甜豉油、香蔥、蒜蓉、辣椒等等，自行調校，依照自己喜好鍾意幾多就落幾多，正鴛鴦湯底 老火湯底白色湯底非常足料，有鴨血、大量香料、杞子等等，香味非常之濃郁，非常之特別；令一邊老火湯亦都非常足料，有豬骨、粟米、杞子等等。先飲湯底，再叫夥計加湯，先開始打邊爐；湯底非常夠火喉，好香粟米豬骨味。手切肥牛肥美嘅肥牛掛晒出嚟，非常吸引，手切肥牛比較厚身，灼一陣就食得，牛味濃郁，口感一流，非常滑身，正貴妃蚌貴妃旁係打邊爐嘅必食之選，又滑又爽口，亦都幾鮮甜，非常之有口感自家製新鮮即炸響鈴即炸響鈴更一碟甜酸醬，就咁將響鈴點甜酸醬食又得，就咁食非常香脆，非常有口感，點甜酸醬味道好夾，不俗。針落湯底食有得，完全唔熟晒湯底，非常好食木耳呢間鋪頭嘅木耳非常之好食，每1塊都好大塊，而且好爽口，好有咬口，正非常鍾意食呢一間火鍋