火鍋撚 (染布房街) (已結業)

失望而回!網上的食評唔錯, 咁就諗住黎試下, 點知失望而回...叫咗5样野, 水魷, 牛栢葉, 餃子, 雜菌籃, 炸魚皮...重有個老火湯湯底...湯底湯料都算足, 睇落都有D希望, 點知食落好淡, 冇乜味, 本來想回味台灣既火鍋, 一開始已經冇咗!水魷, 牛栢葉中規中矩, 好似平時食其他的火鍋配料一样, 冇乜特色。個餃子就奇怪啦, 中間唔知係乜, 綠色的, 但係冇咗蔬菜的味道。最失望的係雜菌籃, 裝飾得幾靚, 點知雜菌唔新鮮, 食到有酸味。炸魚皮睇落似魚皮, 但食落又唔似魚皮, 係一片片薄片咁, 有D麵粉係面, 真係好似生的麵粉係面...埋單每個人要成差不多4百蚊, 又唔好食, 一定唔會再幫襯!