影片
更多
2017-03-23
358 浏览
今日同外國嚟嘅朋友一齊去完波鞋街買鞋行到攰就梗係喺旺角睇下有咩好食啦由於朋友喺外國嚟想搵一啲具有香港特色同埋中國特色嘅嘢食畀佢試終於喺朋友介紹之下去咗呢間連個名都非常「陀地」 嘅火鍋店呢間店名為《火鍋撚》個名玩粵語諧音室內嘅佈置亦非常有中國特色最啱就係介紹本土文化俾遊客首先要在一個鴛鴦湯底蜂巢豆腐白湯鍋 拼 媽媽滋潤老火湯鍋$158湯底呈現太極形狀白色嗰邊嘅蜂巢豆腐白湯鍋有藥材嘅味道裏面仲有一條蔘 夠曬滋補而且呢個湯入面仲有蜂巢豆腐同埋鴨血先飲啖湯頭再打邊爐 滋補又養生至於媽媽滋潤老火湯亦非常足料有粟米 猴頭菇 雞 花膠飲得出媽媽嘅住家味道 讚極品安格斯肥牛（小）$148呢個安格斯肥牛片賣相相當得意就好似晾衫竹一樣一塊塊掛起牛味香濃而且雪花平均肥美原條沙巴龍躉王$198呢條龍躉王雖然唔係好大條但非常新鮮肉質彈牙爽口 一啲都唔削而且刀功工切得非常之薄 滾兩滾就可以食得手工點心配料蟹子燒賣皇$55話曬帶外國朋友黎 有點少得叫返籠點心呢碟蟹子燒賣皇原本係生嘅當打邊爐用料咁食 夠曬新穎有趣即炸三秒響鈴卷配甜酸醬$48呢個響鈴我最鍾意 皆因有兩種食法可以當小食點甜酸醬 口感脆卜卜另外就係滾三秒食
行到攰就梗係喺旺角睇下有咩好食啦
由於朋友喺外國嚟
想搵一啲具有香港特色同埋中國特色嘅嘢食畀佢試
終於喺朋友介紹之下
去咗呢間連個名都非常「陀地」 嘅火鍋店
呢間店名為《火鍋撚》
個名玩粵語諧音
室內嘅佈置亦非常有中國特色最啱就係介紹本土文化俾遊客
首先要在一個鴛鴦湯底蜂巢豆腐白湯鍋 拼 媽媽滋潤老火湯鍋$158
湯底呈現太極形狀
白色嗰邊嘅蜂巢豆腐白湯鍋有藥材嘅味道
裏面仲有一條蔘 夠曬滋補
而且呢個湯入面仲有蜂巢豆腐同埋鴨血
先飲啖湯頭再打邊爐 滋補又養生
至於媽媽滋潤老火湯亦非常足料
有粟米 猴頭菇 雞 花膠
飲得出媽媽嘅住家味道 讚
極品安格斯肥牛（小）$148呢個安格斯肥牛片賣相相當得意
就好似晾衫竹一樣一塊塊掛起
牛味香濃而且雪花平均肥美
原條沙巴龍躉王$198呢條龍躉王雖然唔係好大條
但非常新鮮肉質彈牙爽口 一啲都唔削
而且刀功工切得非常之薄 滾兩滾就可以食得
手工點心配料蟹子燒賣皇$55話曬帶外國朋友黎 有點少得叫返籠點心
呢碟蟹子燒賣皇原本係生嘅
當打邊爐用料咁食 夠曬新穎有趣
即炸三秒響鈴卷配甜酸醬$48呢個響鈴我最鍾意 皆因有兩種食法
可以當小食點甜酸醬 口感脆卜卜
另外就係滾三秒食 響鈴索曬啲湯汁
外面軟裏面脆 雙重口感
黑木耳$42木耳係超級健康食品
纖維又高又補血
而且呢度用嘅係新鮮黑木耳
口感特別爽脆 一啲都唔鞋口
創意午餐肉菜宝餃$52用午餐肉做餃子餡料第一次見
外國朋友試過之後都噴噴稱奇
裡面混入菜宝加入脆卜卜口感
限量新鮮紫淮山$58第一次見呢種顏色咁靚嘅紫淮山
食落感覺有啲似薯仔片
又過淮山嘅營養就豐富得多
稻庭烏冬$48最後叫咗個稻庭烏冬
呢間火鍋撚非常細心咁畀咗個鐵筲箕我哋淥烏冬
咁樣就唔怕啲烏冬散曬 好容易就夾到
冬瓜檸檬沙冰$78/渣邊度嘅冬瓜檸檬沙冰係獨創飲品
冬瓜消暑解熱
檸檬清新解膩
至於沙冰就夠曬涼浸浸
個個都勁like爭住飲
外國朋友表示相當滿意我哋呢啲本地薑亦大讚
鍾意打邊爐嘅朋友一定唔好錯過呢間咁「撚」得嘅火鍋店啊
张贴
