影片
港铁旺角站 E2 出口, 步行约6分钟
继续阅读
开饭介绍
主打养生火锅，汤底有台湾人气红白锅、妈妈滋补老火汤、酸菜白肉锅等，非常足料。另有自创五花茶沙冰、腐竹糖水沙冰等饮品。
继续阅读
营业时间
星期一至日
17:30 - 03:00
以上资料只供参考，请与餐厅确认详情
相关文章
🍲今次系我第3次帮衬火锅撚，因为之前食过两次都觉得好食，值得再encore。我哋6个人叫咗两个锅 — 蜂巢豆腐白汤锅 & 秘制港式香浓沙嗲锅；逢星期一叫白汤仲有免费追加蜂巢豆腐同鸭血🤩🐮🦪🦑🫔我哋叫咗日本A4特级霜降和牛、美国桶蚝、黑松露墨鱼滑、老油条、即炸三秒响铃卷⋯⋯以上呢几样都系好好味😋 特别想推介嘅系食落啖啖墨鱼嘅墨鱼滑，同埋配咗甜酸酱嘅响铃，好似炸云吞嘅味道得嚟又好夹！🍧去过嘅朋友都知道食完会有沙冰送，唔知系卖晒定我哋本身都叫咗 #腐竹糖水沙冰，送嘅变咗系冬瓜沙冰；但我觉得冬瓜沙冰太酸了，都系腐竹糖水好饮啲🫠🌟推介：黑松露墨鱼滑、响铃、腐竹糖水沙冰。
继续阅读
凌晨一点放工谂住去打个边炉，见到佢收三点，咁咪试吓啰，去到上咗2楼角落头，应该得返我哋一枱客，佢哋已经准备收工，三个人食咗$1800、已经有八八折，但系嘢食同服务态度真系一般，肥牛嚡熠熠，响铃唔脆，豚肉好少少，乌冬尚可，麻辣汤底有少少苦涩味，可能因为就收工啦，食到尾啲服务员都唔嚟加汤，食物份量比较少，问个着恤衫嘅男仔有冇啲靓啲嘅牛肉，佢当听唔到走咗去，呢个价钱如果唔系咁夜，周围都食到，唔会有下次！！
继续阅读
今日同啲朋友去咗一间叫做「火锅撚」嘅餐厅喇，喺旺角有架。整间餐厅装修都好瞩目，真系吸引到好多食客嚟食嘢。我地一入去，即刻感受到个热闹嘅气氛，真系好兴奋！餐厅里面摆满咗各种新鲜嘅食材同调味料，真系有好多好选择！今日我地拣咗蜂巢豆腐白汤锅，听话话好正，真系好期待！我地坐定之后，服务员就即刻为我地准备火锅嘅材料同埋酱汁，好贴心呀！火锅上枱之后，我地就开始慢慢煮啦。嚟紧嘅时候，我地又加咗啲新鲜蔬菜同埋豆腐入锅，真系好鲜美！啲肉类就拣咗极品安格斯肥牛，肥肥嘅肉质真系令人垂涎三尺。煮熟嘅时候，我地再沾埋自家制嘅特制酱汁食，真系一绝！好香好浓郁嘅味道，令人回味无穷！除咗火锅之外，我地仲试咗餐厅嘅招牌腐竹糖水沙冰。真系冰凉又甜美，咬埋啲脆脆嘅腐竹，好开胃呀！食完火锅同糖水沙冰，我地都饱到爆！好饱足嘅感觉真系太满足啦！
继续阅读
朋友带我们一行三人去左火㶽燃打边炉，呢度嘅汤底正，麻辣好入味但唔系好辣，食材新鲜👍👍，不过份量偏少，而且价钱偏贵，地方比较细，冷气唔够，有D焗😅，唔算坐得舒服。
继续阅读
天气乍暖还寒，约朋友食饭谂你谂去都唔知食乜好，最尾都系弹去打边炉，一于试吓火锅撚。餐厅出名足料养生汤底，二话不说即刻点咗个妈妈滋补老火汤（160元），汤头用上淮山、杞子、猴头菇、粟米同埋红萝卜等，熬制而成。未开始打边炉先饮几碗汤，汤底清甜浓郁，就好似饮咗碗靓汤。另外仲出名手工点心，不过今日几款都卖晒，失色失色。🥢火锅撚御用手切肥牛非常薄身，轻轻几秒，即刻食得。过于薄身，失去手切肉的质咸。🥢五色丸拼盘为手工手打丸，肉质弹牙，口感扎实。🥢手打虾滑份量偏少，用料新鲜，虾滑爽弹。🥢炸鱼皮脆口野味，将佢放入火锅中，又系另一个食法。🥢炸午餐肉煎炸过嘅午餐肉，比较硬身，放入汤底之后唔会过淋。但同样亦吸收汤底嘅精华，简单嘅食材，但同样突出。🥢 3秒响铃不过不失，但相对薄身，未够3秒已经淋晒。🥢腐竹鸡蛋沙冰全晚最惊喜嘅饮品，清甜又冰凉，非常解渴。价钱略贵，但一分钱一分货，食材新鲜用料亦讲究。打边炉嘅配料已经有十多种，啱晒钟意嘅浓味的朋友。款式还好，可以拣半份，啱晒人少少。不过定价偏贵，未至不值，但同等价钱，有不少好选择。
继续阅读