火鍋撚 (染布房街) (已結業)

平時上網睇啲食評 朋友講到好好食咁 就專登黎試下啦...十點幾去到唔使等位就入得 環境係唔錯既 一去到就落左個紅白鴛鴦鍋 再叫其他配料 湯底滾左之後滿心歡喜飲第一啖湯 冇味既 係兩個湯底都冇乜味 只係有小小藥材味 唔咸又唔辣 即刻好失望 啲野食係幾新鮮既 但個量同價錢有啲唔正比 特別係個梅花豬肉 得三朵花 中有本身好期望個湯底入面既鴨血 但都係無味 所以又失望 服務係幾好既 可能冇乜人 但真係個湯底問題所以太失望

雷聲大雨點小，食物一般，湯底普通，醬料以為勁，但其實差，服務一般，座位很窄，根本坐得不舒服，如果打邊爐咁既價錢，但要食到滾水淥腳，去吉野家，大家樂還好，起碼有心理準備！如果同等價錢同等服務有好多選擇，一去無妨，再去投降😑

OT放工後心思思想打邊爐，同事提議去火鍋撚度打，因為大家都係聽得多，但就未黎過，一於試一試先！ 雖然一收工打左黎book，但黎到都要等成半小時，但好在可以先點食物，等的地一坐低都可以快D 上菜。叫左一個鴛鴦鍋：媽媽滋補老火湯鍋+蜂巢豆腐白湯鍋，一滾左就忍唔住飲一飲個湯底，老火湯鍋味道好濃，唔兒有太多味精，蜂巢鍋就清甜D, 各有各好好食！然後就開餐啦，呢碟係極品安格斯肥牛(小), 上菜時，由於碟牛有埋乾冰噴哂煙甘，成個感覺好新鮮😹根據指示淥左8秒，不過唔知係咪多手淥多左幾秒既關係，有小小硬，不過味道好幾香，幾新鮮！之後就係一般會叫既食物，其中比較驚喜既係五色丸丸拼盆，粒蝦丸入邊有蟹子， 咬落口感幾爽。由於小編好鐘意食餃子，所以都叫左個西洋菜餃子，都幾鮮甜。埋單後店員送左3杯腐竹蛋沙冰，好清新既味道！讚！食到飽飽，最後埋單每人都係約$300, 有牛，有魚，值得再encore! 

想搵個地方同朋友吹下水,打邊爐係一個唔錯既選擇而今次我地就選擇左哩間火鍋燃我自己就第二次黎食,兩次都有book位,到左時間就即刻入得,但本身間餐廳都幾full,見到有幾group人walk in但都無位環境幾舒服,只係坐落迫左少少同隔離台都比較近今次無影太多食物相,只係影左食物大合照xd湯底就叫左秘制麻辣鍋(小辣)同媽媽滋補老火湯雙拼麻辣鍋越食到後期越辣,配肉類或者d吸湯汁既食物例如蜂巢豆腐都過癮老火湯就有少少甘甘地,有d藥材既味道如果食得辣建議食麻辣鍋今次試左兩款值得推介既配料俾大家,分別係蒜味炸魚皮同流心咸蛋黃豬肉丸炸魚皮如果太油會濟,哩到D魚皮唔油得黎加左蒜味重更加重口味,重得黎又好好食咸蛋黃又好夾豬肉丸,但就唔係粒粒成功流心個人唔食鴨血但朋友就大讚,而且麻辣湯底本身都好多鴨血由於限時90分鐘,都會俾人慛交台火鍋燃D食物品質都高,而且款式多同特別朋友拎台灣無老鍋黎比較,我就未食過無老鍋下次都會再黎幫襯

好難得今晚有位呀！之前book過幾次都full晒，建議想食嘅朋友要早啲book啊💁🏻湯底揀咗白湯鍋同酸菜鍋～兩個都好足料✌🏻白湯鍋有蜂巢豆腐，鴨血同人參，好香中藥味，當湯飲都好正😁😆酸菜鍋就有豬肉片、蕃茄、酸菜同薯粉絲🤓酸酸地用黎淥薯粉好入味😋佢嘅丸同餃子都好推介，特別係流心咸蛋黃豬肉丸！不過個人覺得佢啲豬肉好味過牛肉😂

對於工餘時間嘅聚餐，叔一向非常重視，有時更會比工作更為上心，為左同好友們歡度一聚，絞盡腦汁搜尋合適嘅餐廳，一齊共享美食和近況。今次搵左呢間非常著重湯頭嘅台式火鍋店，就睇睇是否秘鍋。揀左白玉鍋同老火湯底，相比之下白玉湯較幼滑，香料味濃，老火湯滋補清甜，火鍋湯底黎講白玉鍋稍勝一籌。小份安格斯牛肉，夠哂雪花，肉質爽嫩夠肉味，148蚊足夠2至3人分享。奶皇水晶包，煙韌外皮包住幼滑奶皇咸蛋黃餡料，不錯。雜菌餃加入黑松露醬，黑松露味濃郁，餡料份量十足。九肚魚新鮮肥美，滑滑溜，不宜煮太久會散開。即炸響鈴熱辣辣夠鬆脆，48蚊有咁多舊，超值。78蚊雜菌拼盤有5種菇類，非常足料，愛菇之人必定滿足。烏梅汁夠哂冰凍酸甜，特別醒胃，配火鍋可以消消油膩感。店員送上甜品腐竹沙冰，清清甜甜嘅腐竹冰糖香味，火鍋後飲的確非常貼心，容器亦相當重要，令甜品份外顯得精緻。每人消費約350蚊。

我又唔小心千字文好驚op唔俾我岀呢篇但我情願實話實說又話係香港無老鍋？無左去邊？門面就抄足，但順便抄埋個餡會唔會好啲首先，佢價錢中高但除返開個份量就絕對高檔$208一個細既手切牛（外面通常158-188就有）貴唔緊要的確係好靚好精緻但我真係第一次打邊爐食手切牛嗰片肉咁細咁薄，熟左之後得女仔手指公咁大塊仲要好薄一碟廿五塊都無，睇相好似好吸引唔係好細，但佢幾乎2塊加埋等如岀面1塊手切牛嗰個梅花豬先經典係擺得好靚，上枱嗰陣個個嘩一聲但嘩係因為個份量。。。影得幾好，好似好大朵花，但實際上朵花直徑我諗都有4-5cm既，你望下嗰棵假草直徑都長過佢豬肉好似抵過牛肉，$88每朵好似有4塊，但係切到仲細條過d 牛老實講個牛同豬都食得岀唔差但細到咁未食到咩味就呑左。。。我唔可以答你好食定唔好食最後。。火鍋個湯底先係靈魂個個都話佢湯底正叫左蜂巢豆腐x麻辣小辣望落的確足料，好期待飲落。。嗯，白色嗰邊無味煲左半個鐘開始有藥材味岀，但都好淡再麻辣嗰邊咦？另一隻味既紅色清湯黎架喎師兄係咪上錯定我眼花，其實味道唔差，佢唔係唔好味但我叫麻辣湯底唔麻唔辣唔香點解叫麻辣湯講到呢度，我都唔識評呢度食物唔難食，其實仲幾新鮮我唔

今日同好朋友火鍋癮起，衝黎呢間台式火鍋試下，地點方便，食完又可以行下街。叫左雙拼鍋，老火湯鍋底有豬，猴頭菇，粟米，龍眼乾，杞子，雞件，等，好香，不過淨飲略偏咸。白玉鍋比較香濃，有人參同幾款藥材，味道不錯。響鈴即炸，好大舊好香脆，滾3秒，加酸甜汁，火鍋必備~! 安格斯牛肉小份，148蚊，不過小份份量亦都唔少，肉質爽嫩，油脂味香，正。雜菌拼盤非常出色，最前個款好新鮮嫩滑，令人愛不釋手，份量充足。奶皇水晶包曾經是譚氏火鍋店嘅代表作，呢度都可以食到，食左咁多咸野，有甜點中和一下是非常重要，奶皇好香，水晶皮QQ 。九肚魚好肥美好嫩滑黑松露野菌餃，黑松露味非常濃郁，唔同品種嘅菌類帶出好多層次嘅口感，夠創意。飲品方面，朋友試左杯烏梅汁，話夠酸甜夠醒胃，非常欣賞的說。食完火鍋，服務員送上甜點腐竹沙冰，好似糖水又好似飲品，媽，我好亂呀冰糖同腐竹永遠都係咁夾~!埋單每人350蚊，價錢尚算合理，勝在手工，創意滿分。

已經第二次來呢間火鍋撚了, 第一次來個時, 聽到個名好親切 . 因為慕名台灣式邊爐, 所以就來朝聖了, 今次幫知己慶祝生日!因為幫襯過, 所以知道沒伏, 因為book左, 所以到左就即刻可以入了, 落足成日雨, 店員即可主動幫我地入遮代, 服務態度依舊好好!題外話講完了, 我地今次都叫紅白湯, 白湯我地真係喪飲, 濃郁而又唔鹹, refill個時都會加返湯而唔係水, 可以見到大大支人參.誠意推介.食物都好新鮮

最初就是被「撚」字吸睛，留意到呢間火鍋店。又咁岩同事想試，於是就去會一會佢。一行8人，未出發已紅相討揀邊隻湯低好，究竟2鍋都鴛鴦好定一辣一唔辣好。最後係～2煲鴛鴦。要了麻辣+豆腐湯。友人盛讚豆腐湯勁好飲，我試左都覺～讚。可以一邊打辣湯低，一邊飲返個豆腐湯解辣手切牛（大）可能係辣湯，蓋過了牛味。安格斯牛（大）呢個口感好淋，之後再叫都係叫返呢款安格斯牛仔粒原本好怕食牛仔粒，怕好硬，點知出黎又好好食～有番叫😁咸蛋豬肉丸手打豬肉包著咸蛋皇，鐘意食咸蛋既朋友岩晒皇帝菜不是每間火鍋店都有皇帝菜，可能佢本身價格比一般菜為貴。脆鯇腩正～蝦滑裡面有好多蝦炸響玲即炸的，可直接食或灼一灼食牛骨髓～超滑炸魚皮即炸，很香脆

炎熱夏日吃火鍋，聽起來本是一樁怪異之事。然則，活在現今香港世代，怪力亂神之事早已屢見不鮮。在旺角染布房街的一隅，有一尊相信是向先朝電視劇集《尋秦記》致敬的兵馬俑。女友卻說兵馬俑乃秦姑皇設於其陵墓的陶塑，《尋秦記》只是後人穿鑿附會之小說及後至之劇集，又何以見得此陶塑必然與劇集相關？晚生不以為然，輕力把女友不解的頭部略推向前，方才明白陶塑的樣貌與項少龍異常相似，而手執那儼如包拯斬首令之紅牌上寫著發人深省的「欲窮千里目，更上一層樓」。分明就是如項少龍那樣像螢火蟲一樣鮮明出眾的男人才能這得出這充滿抑鬱氣息又充滿詩情畫意的句子。誠然，此話其實乃呼應位於樓上的「火鍋撚」餐廳。一步步走上台階，感覺就有如當年李斯在電視裡頭走向假羸政趙盤身前，向他說著「回大王，要辦到此事，其實不難」那既緊張、又自信的時刻。餐廳裡煙霧彌漫，就如同置身於神秘國度之中。幽黑的環境、幽雅的氣氛、幽怨的香氣，都帶給我一種酒池肉林的感覺。幸好置於桌上的餐牌乃打印而成，而且還是電腦字體。若晚生看見的乃由小篆寫成的竹簡，晚生必然自以為回到了過去而不再復返。此店名為火鍋撚。撚者，撚手也。既然餐牌上寫著「鎮店推介」，想必這是店家推薦的撚手

之前係附近食甜品果陣經過呢間火鍋撚，已經比區個店名吸引左，一直想食，今日終於約到朋友過來食。估唔到星期二都甘爆場，好彩book左位先離。呢餐飯係我地研究餐牌研究得最耐噶一次，因為實在太多野想食啦。最終我地決定叫極品安格斯肥牛，頂級梅花豬肉，黑松露墨魚滑加手打靚蝦滑，即炸三秒響鈴卷，手打雙重芝心丸，脆鲩魚片，湯底係鴛鴦-蜂巢豆腐白湯鍋同祖傳秘製麻辣湯底。呢個極品安格斯肥牛，擺得好靚阿，淨係用離睇都值，而且148蚊唔算貴啦。牛味好夠，而且脂肪分佈均勻，所以絕對唔鞋，好正。牛魔王唔可以錯過架。呢個脆鲩魚片加埋個魚造型噶碟真係一絕，不過比較多骨，食果陣要小心。雙重手打芝士丸，好彈牙，食果陣要小心，因為d芝士會“必”出離。但好好味頂級梅花豬肉，砌到玫瑰花甘，造型一流阿，影相好靚。而且豬肉都幾爽口，就算浸耐左都唔會變鞋。黑松露墨魚滑加手打靚蝦滑，朋友勁中意呢個黑松露墨魚滑，話個味好夾又夠滑。而我就中意個蝦滑，蝦味夠濃。最後餐廳送左個甜品比我地，係豆漿沙冰，勁中意個杯，好靚。豆漿沙冰唔會太甜，小小豆味，幾清新。總括而言，呢餐都唔錯，每樣菜造型擺得好好好有心思，影相一流。味道唔錯之餘，服務亦值得一讚。

朋友介紹旺角有間樓上打邊爐好正，好近地鐵站！今日同幾個兄弟一齊嚟食。餐廳真係好有feel ,雖然地方唔大，但位置都算闊，同埋好啱一班人傾計。食咗成晚餐廳都滿晒人，真係要提早book位！！蜂巢豆腐白湯$128奶白色嘅湯底好吸引，散發住少少胡椒味。仲有成大棵人蔘、黨參、紅棗等好足料。飲落暖胃又唔會太確喉。蜂巢豆腐吸收咗湯底就更滋味～鴨血爽口👍🏻牛肉全部都會陪埋乾冰上，真係仙氣十足！😌呢個安格斯牛肉，比手切易咬，富有牛肉味，脂肪比唔算太多。炸響鈴真係不得了！😎可以話未食過咁好食嘅響鈴！即叫即炸果然唔同啲！3秒！真係3秒就得！咬落半脆口充滿豆香，極力推介👍🏻另一樣比較特別就係鮮牛黃喉。之前食過豬黃喉，覺得牛好味d。有淡淡牛肉香，更加爽口易嚼。食完餐廳會附送腐竹白果沙冰，係益力多嘅size！飲落微甜好舒服。認真唔夠喉😂如果可以單叫就正！

母親節當晚可能多數食中菜，我同朋友二人walk in 有位，限時1小時45分鐘。上到樓上發覺好細，眼見大枱最多坐到 6 - 8人。先講鍋底，有幾個選擇，我哋點了招牌白湯，內有人蔘，冰豆腐，鴨血。湯奶白，有點過咸。鴨血幾特別，比豬紅煙un，有非常少豬紅腥味。鍋內有好幾塊，感覺好似好補血咁。手切肥牛(小) ~$210油脂同肉質都好好，唯牛味唔太濃。羊肉 ~$88好好食，有羊味，厚薄適中。下次想試豬梅頭。手打芝心丸 ~$68墨魚滑加芝士，芝士唔夠，墨魚滑過硬。可以唔使試。。。下次要試蟹籽蝦丸蒜香魚皮 ~$42有誠意之作，魚皮上到枱是暖身的，好夠香脆，又無油味。不過呢，我本身就諗住叫原味，但朋友見到蒜香係招牌所以轉呔。上枱只見魚皮上灑了大量炸蒜粒，一咬啲蒜粒就跌曬，食到鬼咁倫盡。下次還是點原味好了。皇帝菜 ~$42份量okay，新鮮飲品點手工啤酒 (下秋) ~$65，好貴呢。味道則重啤酒花。埋單前，每枱都會送腐皮沙冰，容器好特別架!備註: 1, 個湯底真係好咸，愈食就愈咸，大家要是去試的話，不妨叫佢加清水，唔好加白湯。2, 茶水要叫侍應先會送黎，不用錢的。

早前係旺角搵空氣梳乎厘發現有間打邊爐個名好似粗口.....................見個餐牌既價錢唔係話太貴加上又肚餓於是2個少女上左去了......而家既餐廳唔只講食物質素同服務頌好講裝修、擺碟、特別的容器呢間餐廳令我最難忘係佢樣樣都有餐廳的裝修有種舒服寧靜的感覺望住人地一家大細一理朋友都會感受到氣氛餐牌上的湯底有5款但種種都有特色咩沙嗲鍋、"嚴"茜鍋完全冇因為第一次幫襯所以先點個聽上去比較易接受的湯鍋底一上枱當然要試下啦味道一入口有少少苦，但之後個味好舒服飲完喉嚨冇甘痛，好有媽媽的感覺(重點是店員加湯係加番呢隻湯，唔係水)蜂巢豆腐同我地食既凍豆腐一樣但更好食，個口感更實正而且豆腐味濃之後更吸了湯的味道頌打消了我點滑豆腐的念頭而且入面有鴨血呢鴨血同豬紅既樣差唔多食落冇豬紅甘淋，味道會淡少少而且更加健康(電視好似有甘講)第一樣食物上了--「必點的響鈴」你會發現唔少食物都配左個牌仔呢個係「請灼3秒」響鈴係即炸的，非常香口點上甜酸醬包保讚口不絕浸埋湯更好味腐竹好濃而且加埋湯係入面無得彈第二道--「珊瑚蚌」呢個既牌仔係「請灼10秒」時間真的係重要，甘先會灼得爽口之外頌保留鮮味第3道--