影片
更多
2017-03-26
3551 浏览
廣東話呢樣野真係博大精深，係一種好難學的語言，身為香港人我真係好鐘意廣東話，你話我個人無文化都係咁話，特別係粗口我就最為欣賞，變化萬千，用黎舒發情緒同加強語氣就最適合不過，係火鍋撚裝修的時候經過我已經俾佢個名吸引住，呢個名擺明有雙重意思，實在改得妙呀充滿特色的門面，要走一層樓梯到一樓用饍打邊爐都可以叫外賣送到上門又真係幾周到，岩晒一班想係屋企打邊爐又懶整材料的人士每個星期一都係感謝日，可以免費加酸菜、鴨血、蜂巢豆腐清楚解釋左店名的意思，唔知淨係粗口咁簡單架餐廳唔算好大，如果想黎食記得訂定位啦湯底有五款，火鍋材料應有盡有打邊爐指定動作就係混醬，多款醬汁俾你任用，最特別的係呢度用蒜汁而唔係蒜粒，味道更濃蜂巢豆腐白湯鍋 ($128)湯底用上雞湯、豬骨湯、蔬果湯、牛奶、忌廉，再加上好多滋補香料同原條人蔘，一上檯已經聞到好濃人蔘味，湯入面仲有不少的蜂巢豆腐同鴨血，好有台式打邊爐的感覺我地都先飲一碗湯，整個湯都好養生，材料十足，飲完湯唔洗擔心會變淡，因為餐廳係會加番同一個湯底落去俾你打邊爐架凍杞子龍眼菊花蜜 ($68)打邊爐咁熱氣，要配合個滋潤下火飲品，杞子龍眼菊花蜜飲得出無添加糖，無添加飲得好舒
充滿特色的門面，要走一層樓梯到一樓用饍
打邊爐都可以叫外賣送到上門又真係幾周到，岩晒一班想係屋企打邊爐又懶整材料的人士
每個星期一都係感謝日，可以免費加酸菜、鴨血、蜂巢豆腐
清楚解釋左店名的意思，唔知淨係粗口咁簡單架
餐廳唔算好大，如果想黎食記得訂定位啦
湯底有五款，火鍋材料應有盡有
打邊爐指定動作就係混醬，多款醬汁俾你任用，最特別的係呢度用蒜汁而唔係蒜粒，味道更濃
蜂巢豆腐白湯鍋 ($128)湯底用上雞湯、豬骨湯、蔬果湯、牛奶、忌廉，再加上好多滋補香料同原條人蔘，一上檯已經聞到好濃人蔘味，湯入面仲有不少的蜂巢豆腐同鴨血，好有台式打邊爐的感覺
我地都先飲一碗湯，整個湯都好養生，材料十足，飲完湯唔洗擔心會變淡，因為餐廳係會加番同一個湯底落去俾你打邊爐架
凍杞子龍眼菊花蜜 ($68)打邊爐咁熱氣，要配合個滋潤下火飲品，杞子龍眼菊花蜜飲得出無添加糖，無添加飲得好舒服
五彩鮮蔬籃 ($78)近年成日有D新研究出現，話大家一路以黎某種事情的做事方法係唔岩，早排就話打邊爐其實應該一黎就食菜先再食肉，咁我地就決定今晚試試呢個新做法，先食晒成個蔬菜籃，有粟米、蕃茄、娃娃菜、菜心
極品安格斯肥牛 - 小 ($148)肥牛有幾種LEVEL，我地叫左中價的安格斯肥牛，一望落去油脂分佈平均，輕輕灼一陣就已經食得
至尊水餃王 ($58)大大隻水餃，水餃皮夠薄，入面包左滿滿的材料，每人食3隻都已經飽左好多
響鈴卷 ($48)打邊爐點少得響鈴，響鈴即叫即炸，擺埋個牌仔係度提係灼三秒就得，響鈴吸晒個充滿人蔘味既湯之後好好味
脆鯇骨腩 ($58)呢個好抵食，脆鯇骨腩又大件又厚，灼熟之後口感真係脆口的，非一般的鯇魚
甜品臨尾會每人送一個甜品，用呢個咁古色古香的器皿裝住，入面係腐竹湯水沙冰，呢個食法真係第一次，好特別，腐竹味好濃，用沙冰方式上，可以一解打完邊爐的膩，很聰明的做法
相信香港係有好多火鍋之友，而我亦係其中之一，有咁多年打邊爐經驗，我認為呢間餐廳係水準之上的
张贴
