火鍋撚 (染布房街) (已結業)

上星期五和朋友嚟食，我地叫咗十幾樣嘢，我們覺得d嘢都幾好食，但同無老鍋都係差少少，但我們都覺得無所謂，我地食咗一個鍾度就有位侍應走過嚟問我們有冇嘢要加，如果無我幫你埋咗張單先，當時我地覺得好其怪我們嘢都未食完就叫我們埋單，我朋友好嬲甘問個侍應，我地嘢都未食完就叫我們埋單，個侍應見到甘樣佢就走開咗，我們覺得呢間似快餐店多過似火鍋店，打邊爐食一個鍾點食，到最後我地好嬲甘走，已後都不會再幫襯呢間所謂㗎火鍋店

一早聽聞好難book既一間餐廳，今日終於book到，食完真係幾番尋味，成日都仲掛住陣味黎到一坐低就有人比一set調味料你，d調味料好多樣，而且好多都係店家自己調製，新鮮，按個人喜好加。呢樣我都覺得幾好，呢個價位，要有呢d質素啦好，入主題喇，首先講下個湯低，今次簡左個蜂巢豆腐白湯鍋，主要係因為我對奶白色湯無乜抵抗力，所以本來男朋友話想要麻辣湯低試下佢個鴨血，我都吾比，一定要白湯，不過呢個都係最最最岩既決定，真係好正個湯當然大家都可以叫鴛鴦鍋，只係加多30，不過今日我地得2個人，就暫且吾試住一睇到個湯就已經嘩嘩聲，佢吾係好似普通打邊爐湯低咁hea，個湯低隻色係勁奶白，勁吸引，而且自帶既配料都好足。忍吾住試左啖，湯低香中帶甜，真係推薦大家係落野前飲一碗個湯先，試下原汁原味先我個人覺得佢個湯都係真係自己煲上菜喇一黎就黎個安格斯牛先，佢其實總共有3款牛簡，但係安格斯個名最吸引我，而且最抵食但係質素冇因爲佢個價錢而影響，脂肪比例適中，口感吾會好un，而且好香牛味，本來想即刻叫多份，但係店員反而提我地不如食哂先，因為好多2個人既食個細既都夠，等我地吾洗眼闊肚窄，好彩，因為最後都真係叫得有d多不過呢個

今天一行六人約十一時，旺角尋宵夜，路經染布房街，見舖名有趣，隨即進入。古色古香格局，中意！先叫雙拼湯底，紅白雙拼；紅湯辣得黎不搶食品味道；白湯濃而不腻，參味夠；本地牛肉新鮮，牛味重，有咬口；加拿大象拨鮮甜，海水味重；鴨血吃落軟滑，和平時食開的一見高低；沙巴龍躉仔$198起片成條上，約一斤半重，肉質爽口彈牙；響玲看得出系既炸，熱脆；水晶奶皇包，試下新野，特別；蔬菜籃；烏冬。飽！價錢中等，應該會再幫襯！👍🏼

前幾日約左同家姐去試呢間新野, 好多人share所以想試好耐. 呢間野食整體真係好唔錯, 所以特意第1次上黎打返篇食評~~入到去首先叫左個媽媽滋補湯底, 其實其他味都好想試埋, 但最後都係叫左呢個, 之後先發現原來仲可以叫鴛鴦鍋, SOSAD, 下次1定要試返!個湯底1上黎已經覺得佢好多料, 食落去雖然唔係我媽媽既味道, 不過講真都好好味, 而且真係食得出係夠火侯又足料既老火湯仲試左肥牛同牛脷, 顏色十分新鮮, 好吸引, 肥牛真係1定要食, 絕對推介! 另外仲有叫個人最鐘意既芝士腸同響鈴, 響鈴係即叫即炸, 好香脆菜就因為家姐好鐘意食竹笙, 叫左個竹笙, 同埋叫左個鮮蔬籃, 入面有娃娃菜, 菜心苗, 蕃茄, 粟米同木耳, 雖然唔係樣樣都咁鐘意食, 不過比單叫既抵食, 而且都1樣好新鮮, 抵食!之後仲有叫左個珊瑚蚌拼桂花蚌既SET, 1次過食到兩樣野, 爽口彈牙, 十分鮮味野飲我叫左杯Hoegaarden, 打邊爐緊係要飲酒先夠爽, 滿足家姐唔飲酒, 叫左杯水蜜桃沙冰, 我只係試左啖, 甜甜地, 水蜜桃香味好香整體都覺得好好, 湯底會愈滾愈濃, D野食滾熟之後有哂湯底既味道, 好好味野食

透過OpenRice訂位，到確認時，要求個半鐘還台。否則要推遲2個鐘才能入座。請問這是什麼服務態度？吃火鍋怎麼可能1個半小時就食完？如果給不到正確的用餐時間及訂座就不要設立訂位服務。打電話確認的工作人員態度十分惡劣。之前去食晚餐，永遠都找不到服務人員加湯，有位女性工作人員見到我們揮手都會扮看不到。就算食物多好都沒有用。員工不友善，點可以留住客人？但都要講句公道的說話，此店的酸菜白肉湯底及麻辣湯底都是很棒的。最差就是訂位不能接受這樣的態度。

昨晚7:30與朋友一同3行，被安排坐4人卡位，我們3人點了豬牛羊菜及小食共10款食物，由入座起開始點菜至食到8:30只有一小時的時間，店員已經走過來問我們會否再加單，暗示我們就快要交枱。但當時成枱食物都只食左一半。如是者，8:50左右，店員再次回來提醒我們9:00要還枱。結果正餐火鍋最後匆匆忙忙被迫結束。說實話，此店食物質素確實高，新鮮食材及裝潢仿照台灣無老鍋的設計，確是有吸引力。不過以平均消費4百幾蚊食90分鐘限時火鍋，我並不推介！！坊間一定有更好選擇！若果以無老鍋慕名以來，只會失望而回。

星期日晚上跟朋友到此餐廳光顧，由於事前已訂座，因此無須等候即可入座。然後，這間餐廳給予了我很多的「第一次」：１　坐下後，已感到相當焗熱，原來沒有開冷氣，經要求下店員才醒水開冷氣，相當「有趣」！２　檯上放了一大盤調味料及醬油，我們本打算先看完餐牌後才開始撈調味料，但店員一而再，再三催問我們用完那一盤調味料及醬油沒，如果用完她就會拿走。若非雙目失明，相信定必會看到我們的醬油碟是空空如也的，代表我們還未開始撈調味料，那何必要不斷催促？難道全店只有一盤調味料？連我的朋友也忍不住問：「你地係咪好趕？」店員表示因為擔心檯上沒有空間放置食物，所以想盡快幫我們清走那盤調味料。（重點是：當時我們還在看餐牌未點菜，何以會沒有位置放食物？）３　餐檯由於太細小，基本上沒太多位置放食物，問店員有沒有小茶几可以放食物，結果是沒有（其實明知檯面太細，何以不花點錢買個小茶几？）４　問店員有沒有清水或茶，第一次問時她沒有回應，再追問：「是不是除了要收費的飲料外，就沒有茶水供應？」她才醒水沖了一壺茶來！放下一壺茶後也一如所料的沒有提供杯子，也是要提醒一下才懂得拿杯子給我們。５　吃火鍋通常每位客人也會獲提供一套漏杓、湯杓、

食住台灣無老鍋港版個勢，如果你有食過無老鍋，再去火鍋撚食，我想講除左個養生湯都係同樣白色之外，個味道5成都唔似！不過個安格斯肥牛同梅花豬肉係幾好味，其他。。。。普通野囉！我最想講既係服務依獲野，一開始點野食，我問個侍應叔叔乜野係順德魚腐(英文係XxxxXxx fish ball) 本人真心唔知係乜，咪問佢係咪即係魚蛋囉，叔叔答我，即係順德魚腐囉！我"哦"左一聲，點左其他就算啦，食食下，後面張台有三個女仔埋單，侍應叔叔找完錢返埋櫃台同個著西裝既應該係經理講:"我咁靚仔佢地都唔比Tips 我"其實真係隔左我一張台架咋！到我埋單啦，2個人食左614蚊，我地放低左620蚊，侍應叔叔直接問左句:"洗唔洗找呀？"我個下其實真係有少少嬲！好想叫佢找返個6蚊，不過見佢都唔要面開口囉，就算啦！不過，真係唔會再去，我寧願食吉野家！

次次去台灣都要狂打邊爐,但最近冇時間去,好彩香港都開左間同台灣無老鍋好似既火鍋店,仲係旺角咁方便,一於試試佢!湯底可以揀鴛鴦,揀左一個唔辣既滋潤湯同一個麻辣湯。麻辣湯真係好正啊!小辣既辣度都好夠,佢真係幾麻,但又唔會太油,入面好多花椒,完全唔會偷工減料!仲可以叫個紅薯粉,同麻辣係絕配啦!但點心就有D怪,估唔到D點心會係凍上,要自己再放落鍋度煮,煮完其實會變晒味,就好似呢個水晶奶皇包咁,本身係甜既,放入鹹既湯度煮,完全唔夾!牛肉一塊塊咁掛係度好吸引,呢隻安格斯牛雖然話係肥牛,但又唔係太肥喎!而且牛味夠濃!LIKE!鹹蛋蒸肉餅就食得多,但鹹蛋豬肉丸就第1次食,豬肉丸入面有鹹蛋黃,食起上黎真係幾似鹹蛋蒸肉餅,搞笑得黎又幾好食!食到最後,每個客人都會有杯「毒酒」,次次都唔同,有時係糖水,我地果晚就係五花茶,岩晒打完邊爐清清熱。

近期fb大熱，決定約埋知己4人去試菜店舖裝修古色古香，地方雖少但完全無壓迫感...全晚最有壓力應該係點菜時侍應chur住叫你快d落單揀左鴛鴦鍋~麻辣火鍋~叫左少辣但唔夠辣要再加辣，鹹甜中帶辛蜂巢豆腐白湯鍋~清涼回甘，平時好少打完邊爐會飲d湯，但今日最後係飲哂...超水準極品安格斯肥牛~脂肪分佈平均上手切肥牛就一般即炸響鈴薄薄脆脆就咁食已經好味老油條就咁食有d硬，放湯吸哂麻辣湯味都唔太差不過下次唔會再叫牛舌薄薄灼1分鐘就食得爽紫淮山不太特別滷水併盤~一早放牛根落去，但早後都係未淋嘅鍋入面已經有鴨血，但太好味再叫左2碟，吸左湯精華五色丸丸併盤~彈牙,手打芝士丸芝士太少了“瑤柱乾貝滑”併“香菇貝鮑滑”彈QQ的有海鮮味最後侍應見我地食到差唔多就開始提示枱已經夠鐘了~賞賜菊花汁

秋風起，打邊爐季節又到🍲🍲琴晚去左旺角間「火鍋撚」它的裝潢有古色古香的氣氛。可惜的是店舖有點少~ 我們一行八人，張八人枱超細，超逼😳 食物方面： 叫左個鴛鴦湯底, 有辣(紅)有唔辣(白)~ 湯底好好味，湯入面d料都多~ 舊豆腐超好味, 吸哂湯的精華，好味~ 我朋友就好鍾意食佢個鴨血...但本人就不吃鴨血~ 所以給不了食評~ 我地叫左魚腐, 蝦滑, 墨魚滑, 梅花豬, 特級牛, 老油條, 皇帝菜(好少火鍋有), 水晶包, 等等....... 整體來說, 食物都不錯~ 要說最出色的是魚腐（因為吸哂湯的精華，好味） 黑松露墨魚滑（好香黑松露味） 薯粉一定要配個辣湯, 好好味~走的時候有杯腐皮沙冰送比你～ 杯的造型已經贏哂～而味道就有點似維他奶，幾好飲

天氣凍冰冰，最好就係去食火鍋，聽講呢間火鍋”火鍋撚" 都幾正，去到仲見到佢排曬長龍 ，路過旺角就去試下。最近個人因為唔夠虛虛地，就叫左佢地既特別推介 ：蜂巢豆腐白湯鍋。來到咁呢度梗係即刻試下個湯底先啦，望落都勁足料，飲落暖笠笠好正。之後叫左南非鮮鮑魚+加拿大野生象拔蚌，嚟到呢望落去都好新鮮，即刻相機食先，食落都好鮮甜好味。又叫左刺生大拼盤，有我最鍾意食大大粒海膽，有帶海水嘅鮮味，其他刺身例如三文魚，蝦都啖啖肉。食完再來個開心肥牛，見賣相已經流晒口水。其他打邊爐材料都好靚又新鮮，下次會再來❤❤

8點火鍋撚見😂聽到個名都笑左 去到大門口 𠲖⋯個兵馬俑幾型喎 即刻合照先 咔擦～一路向上去格局真無冇得頂 見咩影咩 影咗成15分鐘先叫嘢食 估唔到裝修精緻連嘢食都咁精緻 連碟牛肉都識出煙🐂 叫左蜂巢豆腐白湯鍋 因為睇圖見到有條人心覺得幾得意 鍋到即刻飲咗兩碗湯 估唔到呢間火鍋店除咗可以影相呃like👍🏼 啲嘢仲咁好食😋

就係因為個名，所以就選擇左呢間打邊爐，我哋揀咗呢個湯底，一睇就知道好滋補養顏，入邊仲有成條人蔘，打之前飲下碗湯先，正頭盤當然尼個象拔蚌先啦，都好新鮮，爽口彈牙，無乜腥味叫咗個魚生拼盤，啲海膽好好食，一啲都唔臭，帶子亦都好大粒啖啖肉佢啲丸食落去好爽口，呢個拼盤可以試晒咁多種丸，我就最鍾意食個蝦丸，好彈牙，個牛肉冬菇丸就麻麻哋啦叫咗個牛肉，都唔差，但好似唔夠淋，都可以試下

秋天到，最岩打邊爐，朋友介紹呢間火鍋撚，話質素好好，好有台灣風味，所以特登去試試。坐底就叫湯底先，揀左麻辣同白湯！麻辣唔太辣，浸蜂巢豆腐好正，吸哂湯底精華，必試！珊瑚蚌、象物蚌，夠彈牙新鮮！牛肉都有幾款選擇，我地揀左安格斯肥牛，肥瘦適中，好香牛肉！韮菜餃、魚皮餃，好足料！薯粉都有，第一次打邊爐食呢個！吸哂湯底好好味！烏冬，醫飽個肚！打邊爐點少得菜！連菜都好甜好高質！食完打邊爐，每人送一杯五花茶清熱，好細心！個杯都好靚！呢間火鍋店不論湯底、醬料、食物都好高質素，而且係旺角鬧市，夠哂方便！一定會再幫襯！