漁獲浜燒 (已結業)

今日同男朋友慶祝紀念日，特意約左一間我們最愛既日本餐廳去慶祝一下。一入門口就見到大大隻日本蟹，重約5公斤，即日新鮮空運到港，想食早啲預訂仲有折扣。我們先叫兩杯酒。檸檬柚子酒依然是我最愛。芝麻醬沙律菜。爽脆沙律開開胃，加上辣粉夠哂過癮。燒牛舌。牛舌煎得香嫩爽口，加上泰式醬汁和蒜片，入口味道咸香濃郁，牛舌調味剛好入口唔會鞋口。燒白鱔。必食推介白鱔非常爽脆魚肉滑溜，口感極為豐富。白鱔魚皮燒得極是香脆入口油香十足。刺身五款和秋刀魚刺身。刺身水準極高，秋刀魚是時令刺身，入口非常鮮甜。大牡丹蝦更是出色，入口鮮甜無比蝦肉爽口清新，厚切三文魚和池魚更是滿口魚香，當然有我最愛的拖羅和海膽。餐廳人氣蟹甲羅燒。蟹膏蟹肉味道咸香得宜，入口極是濃郁滋味，配上麵包食用。燒香的蟹甲羅燒入口蟹味極濃極鮮味。二人前浜燒盛合。日日新鮮海鮮夠哂吸引師傳即燒海鮮，我最愛大大隻帶子。帶子可以選擇牛油和清酒燒香，我當然要牛油蟹腳和鮑魚唔使額外調味，燒香即食非常鮮甜。另外加點一隻龍蝦。師傳即燒大大隻龍蝦，加上龍蝦膏夠哂咸香滋味，龍蝦肉質爽口彈牙，龍蝦膏更是香口。

漁獲浜燒一直大獲我朋友好評今日終於到我黎試啦 先點左個沙律 特製黑松露炙燒平目魚邊沙律黑松露味份量超多加埋沙律菜一齊食 好清新食完沙律，食個味噌蟹甲羅燒先每次黎呢類餐廳都唔小得甲羅燒今次呢到係配多士食架 將一大堆放上多士到 再一齊放入口但多士有d唔夠脆 如果脆d就好啦活貝漁獲兵燒盛合黎漁獲浜燒點可以唔食兵燒😎2人份量 絕對夠食大大隻蠔 由於我唔食蠔既 比朋友獨享哂2隻啦😏蟹腳超多蟹肉又易食好鮮既蟹味😙鮑魚爽口又彈牙 燒過之後帶點烤味 正🤤蝦蝦蝦蝦呀好大隻😱一隻可以切開4舊 每舊size都有返甘上下架！咩都唔洗落都帶出左蝦既鮮味我的最愛係帆立貝可以選清酒煮或者配黑松露都得清酒煮味道較為清淡建議揀黑松露！黑松露好香 同帆立貝好夾好入味好惹味 一試難忘架！之後我地重點左5款刺身盛合當中點小得有我最愛既三文魚同拖羅好肥美 油脂平均 除左浜燒 刺身一樣有水準到甜品時間以濃濃蕃薯味既雪糕作結 為呢餐畫上完美句號☺️

碰上大時大節，如生日、紀念日、升職等，都會想豪花一頓品嚐好東西。適逢好友升職加人工，遇上這種美事當然要有美食相伴。朋友提議漁獲浜燒，恰巧一年前我曾來過，食物品質還真超卓，二話不說就定下了方案。上次來過的感想是：餐廳用料選材非常新鮮，而且亦毫不吝嗇其份量，縱使價目算是中上，但品質與價錢絕對掛勾不欺場。先來一道刺身盛合吧，厚切，肉身飽滿，外型上已經能滿足眼球。除了三文魚、油甘魚、牡丹蝦、吞拿魚外，餐廳亦隨時令提供了秋刀魚。魚生片入口即感其鮮甜，油香帶餘韻。吃過生的然後吃點熟的：牛舌長期高踞我心目中的日本料理三甲位置。燒厚切牛舌的醬汁很提味，肉質爽而細緻，充滿肉汁，很像在宮城吃過的精品牛舌一樣，惹味非常。一般來說，我們在市面找到的偽日本料理，提供的燒鰻魚都是又霉又腥，然後試圖以千篇一律的醬汁調味遮掩，麻醉食客的味蕾。可這裡的燒鰻魚在香港中算是超群，可以烤得外層香脆之餘，肉身不會乾身或老，嫩口質感得以保持，而且絕無那種討人厭的微腥，實屬難能可貴。接著的都是一浪接一接 freestyle 的浜燒環節，材料不是以件頭大見稱，而是以食材新鮮度並不調放過多調味，從而品嚐漁獲最鮮味的一面，此為浜燒的精

每次食都好開心好期待，因為真係食返喺日本水產嘅味道！嚟食過幾次，店員好熱情，呢期最新推介是關西蒲燒鰻魚。上枱嗰陣，鰻魚厚身，油香味重，食落嫩滑帶油香，魚皮也較脆口，魚肉索滿了醬汁的香味，非常讚！之後到主角，特上漁獲浜燒盛合。第一次喺漁獲食龍蝦，最震撼係會活生生攞畀你睇有幾生猛！今次店家非常有創意，用日式料理常用的味噌醬燒龍蝦，而且窩心的店員仲特登擺成心型的呢！可以把完整的蝦膏封在龍蝦內。再用火槍狂烤，爽口彈牙、味道清甜，讓我意猶未盡！！然後到燒扇貝，可選牛油/清酒作調味。本身扇貝肥美肉厚，個人較喜歡牛油燒扇貝，其肉質鮮嫩而且非常惹味。而清酒燒扇貝可謂酒鬼最愛，甘醇柔滑，和鮮嫩燒扇貝一齊入口，更突出鮮味。跟住到我最愛嘅蟹甲羅燒，真係每次必點！味道香噴噴，蟹肉混合蟹膏、鵪鶉蛋，味道甜美，加上麵包糠及葱花來吃，口感豐富，簡直係極品！此外，牛舌也是必食！聽講之前有客人吃完一碟後再追加兩碟，實在令人驚喜的菜式。牛舌本身好惹味，外脆內軟，咬下去有肉汁且帶有油脂，水準保持得好好。最後，還有這個賣相可愛的雪芭解膩呢！

同朋友去銅鑼灣食日式燒烤，一想想到這間店，有得飲，有得食，又唔需要自己動手。這餐廳幾年前食過一次，今次再食，食物款式多了，質素保持住，所以是價格比較貴也值得。小食~有新鮮椰菜片，脆口薯片配野味芝麻醬，等主餐食物時可以清一下腸胃，開始食主食。金目鯛刺身~由於魚新鮮，所以入口魚味鮮甜，肉質鮮嫩。無需配任何醬料，都可以食都刺身鮮味。一條金目鯛刺身肉不多，所以我同朋友都搶住食，手快有手慢無。哈哈！香炸金目鯛魚頭~一條金目鯛兩食，先食刺身，再食炸魚頭魚同魚骨，鍾意吮骨頭的我特別鍾意食魚頭， 所以朋友都話我係食人唔lur骨，食魚冇得正。燒榮螺~ 燒榮螺，令我諗起之前幾年去日本，食燒榮螺一樣咁好味，加少少麵豉湯同海帶一齊燒,帶少少甘味，連麵豉湯都飲埋。燒魷魚~ 原隻魷魚，慢慢燒烤燒，剪開砌成花形，又睇得又食得。食時有八爪魚鮮甜味，肉又厚身又唔靭。燒帶子~ 原隻大帶子， 配上自製 香草牛油，帶子牛油一齊燒陣陣香草味聞到都流口水， 食肆帶子吸收了牛油及香草味道，非常鮮甜。食日式燒烤點可以少了酒，我地叫了赤野純米釀，入口有果香，無辛辣味，順喉，唔知唔覺就會飲多左。蕃薯雪糕~ 非常特別，用原個蕃薯煮熟， 挖

今日來到銅鑼灣這棟美食大廈，再嚐這店美味浜燒，佢哋嘅海鮮真係好新鮮，用來即場浜燒真係不得了先叫咗枝大吟釀配海鮮，福愛生淡淡果香，我同朋友都覺得好香醇又易入口秋刀魚刺身係秋冬時令刺身，都唔錯啊，加少少薑蔥點醬油食可以提升鮮味，同埋唔腥黑松露平目魚邊沙律 上檯時已聞到好濃香黑松露氣味，平目魚姐係左口魚再經火灸過，入口嫩滑得嚟好鍾意微灸過得薰香味噌蟹甲羅燒蟹蓋上放咗蟹膏同蟹肉，仲加埋鵪鶉蛋去燒，甘香柔滑仲配埋脆多士波士頓活貝盛合 成個盛合都好豐富，活龍蝦好生鮮生猛，侍應仲攞比我哋睇同影相，另外仲有蠔、鮑魚，大扇貝、長腳蟹主角龍蝦經師傅火灸過後，鮮甜彈牙之餘仲食到淡淡火灸香氣，海水味都好夠，唔洗任何調味料都好正生蠔鮮甜肥美，而鮑魚就好爽彈，配個汁仲有陣陣柚子味，而個蟹腳肉嫩鮮甜大扇貝用浜燒之餘，師傅好有心機再用火槍四圍燒，加上牛油清酒好香濃美味最尾來個甜品柚子雪葩，少少微酸冰凍，清到口腔仲將整餐邪惡感係心靈上減掉好多脂肪咁XD

前2天，我跟朋友到久違了好一陣子的漁獲浜燒細嚐海鮮燒先來枝「來福愛山」清酒果味重，每口都很香純，易入口再來我最喜歡的香煎蒜片厚切牛舌蒜片味又香又誘人，牛舌夠厚又嫩又彈牙，口感豐富味濃燒白鱔 - 厚身，魚味香口感軟潤醬汁味道很鮮，惹味100分特製黑松露炙燒平目魚邊沙律 - 第一次吃這款沙律，黑松露很特出有我超大愛的牛油果，口感很滑又清新整個沙律都非常fresh海之幸玉子燒玉子燒非常厚身，咬下去微甜，口感軟滑飽滿！ 中間的明太子微微咸鮮，不錯海鮮浜燒2人前我最喜歡鮑魚及燒蝦鮑魚本身沒有什麼味道，很難煮得入味又好吃用燒這個方式也有點難度餐廳服務員的手勢不錯，以不溫不猛的火喉，把鮑魚燒得很香又腍口感很好，洒點鹽調味，更鮮更吸引燒扇貝，有手掌般大隻肉厚，味鮮切開一粒粒也可以吃好多口新鮮的味道A5和牛扒鮮嫩多汁，牛脂非常香口，是我喜歡這道A5的最大原因跟一本出面吃到的牛扒有很大的分別每次吃完都感到特別滿足！ 

今日同男朋友仔相識週年紀念，於是佢搵咗一間最正嘅浜燒海鮮日式餐廳帶咗我去食上到嚟已經感受到餐廳嘅親切氣氛， 啲員工個個都面帶笑容令人感覺好舒服， 今日安排咗我哋坐喺吧頭對住師傅 共晉晚餐， 其實我去好多餐廳都幾鍾意坐喺吧頭度食， 覺得氣氛會仲好點咗支來福愛山純米大吟釀 一齊 飲番兩杯慶祝下先， 比較易入口 很適合女仔飲三文魚海葡萄八爪魚沙律好豐富呀個沙律望到就覺得， 清清哋嘅日式海鮮沙律， 好開胃呀超肥美嘅魚生刺身， 再加埋大大隻嘅牡丹蝦 ，帶子 同埋粒粒晶瑩剔透嘅蟹子。yummy yummy食落口嗰陣油脂香 喺口中徘徊，新鮮又美味， 不槐係有番咁上下級數嘅魚生原條鯖魚刺身雖然望落去好似紅卜卜血淋淋咁 ，但其實一啲魚腥味都冇， 食嘅時候只會食到魚嘅新鮮味， 係一條沒太多脂肪嘅魚。食完冷盤係時候食返啲燒物先厚燒牛脷，口感很好，牛香味濃， 去埋旁邊自製嘅 醬汁味道帶點酸酸甜甜，惹味可口燒鰻魚厚厚的好肥美呀， 最愛厚燒鰻魚， 要食落口啖啖肉先夠曬滿足蟹甲羅燒大量嘅蟹膏加埋蟹肉 再撈埋鵪鶉蛋落去燒， 鹹香味極重再放喺多士上面一齊食滋味滿分呀，推介！等咗成晚 主菜終於嚟喇就係我最愛嘅海鮮拼盤呀，

這裏講求食材的新鮮與及重塑日本近岸即捕即燒的製作方法。 即是選料嚴謹，每日新鮮日本空運到港，除了生吃以外 ，可以嘗到燒烤的碳燒美味 ，令不喜歡吃生冷海鮮的顧客吃到既新鮮又肉汁彈牙的海鮮，最重要當然係廚師嘅手藝， 顧客可在自己的枱上看著廚師 在小小的烤爐上以純熟的技法加入不同的配料 ，例如香草，牛油 ，上等清酒以及多種不同的海鹽加到食材上 ，以精確的火路控制，炮製出各種高級海鮮嘅美味 ，簡直嘆為觀止。難怪雖然是樓上鋪， 但都座無虛設， 幾位廚師不停穿梭於各個顧客臺上為佢哋烹調 ，真係辛苦曬了。小食有甜甜的細芝麻鹽醬椰菜，小小咸味的燒銀杏，最愛是燒河豚魚干，不會太乾身，肉汁感豐富，是時候叫D好嘢飲了。赤潦清酒由專業註場嘅品酒師為我哋介紹嘅大吟釀 ，淡淡果味，芳香馥郁，果然是配襯佳餚的美酒。特上漁獲滨燒盛合成隻碟咁大隻嘅珍寶大蝦兩隻， 蝦肉結實，蝦頭仲有啲膏添，活鮑魚兩隻， 口感煙韌彈牙，文蛤蜆兩隻白蜆兩隻， 滑嫩甜美 ，榮螺兩隻 ，活帆立貝兩隻 ，仲有燒到香味撲鼻嘅 魷魚同響螺。特制黑松露炙燒平目魚邊沙律炙燒過嘅平目魚依然又滑又香 ，牛油果，車厘茄同沙律菜配黑松露，視覺味覺營養健康都滿分。

母親大人跟我都是海鮮控，所以一直都對以海鮮為主的餐廳特別有所鍾情，而我又跟她說過要帶她到「漁獲浜燒」用膳，今次終於履行我的承諾帶她到這裏吃一頓豐富的海鮮晚餐，順道盡一點孝心。剛剛到餐廳的時候才晚上六時多，所以客人也不算多，感覺份外恬靜! 當時被安排坐bar枱的位置，雖然我和母親大人一向都不太喜歡坐bar枱，但不得不說這裏的bar枱的確比我想像中舒適得多，加上坐bar枱可以看到師傅弄刺身之餘，又可以看到他們弄浜燒，絕對是視覺的享受!巨峰梳打(左); 乳酸梳打(右)用膳前，我們先點了兩杯飲品，分別是巨峰梳打和乳酸梳打。巨峰梳打味道清新怡人又甜甜酸酸，甜酸味之中帶有巨峰的清香，而不帶半點怪怪的藥水味，相當不錯! 乳酸梳打同樣不錯，味道亦是甜甜酸酸，甜酸味中又有乳酸的味道，我們都十分喜歡。細芝麻鹽醬椰菜椰菜本身口感爽脆又清新，配上帶有芝麻香和少許辣勁的芝麻鹽醬後，不但提升了它的清甜味，還給它多添了一份惹味!刺身盛合五款雖然母親大人一向都不是特別喜歡吃刺身，但今次她表示想跟我嚐嚐他們的刺身，所以我們還是點了一個刺身盛合五款。一看到這刺身盛合美觀的賣相，頓時令我們食慾大增。這個刺身盛合包括牡丹蝦、

又到令人期待的開心星期五，今日放工同咗好友去呢到刷番餐豐富嘅海鮮浜燒，當然唔小得叫枝清酒飲下呢枝來福愛生大吟釀好易入口，果味好重又夠醇特製黑松露灸燒平目魚邊沙律$138沙律叫咗呢款有火灸過嘅左口魚，食落滑身帶鮮甜，仲有火灸煙燻香氣，配新鮮沙律菜，仲有牛油果同黑松露去增加成個味道層次波士頓活貝盛合 $1008到海鮮盛嚟到了，入面有龍蝦，大扇貝，鮑魚，長腳蟹腳同生蠔龍蝦好生猛仲識郁㗎，師傅用爐浜燒再用火槍係邊位炙熟，龍蝦鮮甜彈牙仲有豐富海水味，唔洗點任何醬汁調味已經好鮮味鮑魚口感爽彈，剩食或加少少柚子點胡椒都唔錯生蠔好新鮮，食到鮮甜味同蠔本身味道，師父浜燒到剛剛熟唔會過老大扇貝一隻用上清酒調味，清清哋幾鮮甜又帶酒香，另一隻用咗牛油就好惹味香濃最後個蟹腳好鮮甜美味，蟹肉好嫩甜品係蕃薯雪葩，勁濃郁蕃薯香甜，呢個無得輸

浜燒已經成為近日晚飯首選，普通日本餐廳已經滿足唔到我呢個食貨🤣今日又黎試下朋友強烈推介＂漁獲浜燒＂地點超方便sogo隔離～不過收工時段要排一陣隊先上到去😁餐前小食＂芝麻鹽醬椰菜＂椰菜新鮮凊甜，芒麻醬有少少辣，開胃非常！＂鹽燒銀杏＂銀杏味道本來偏苦，但經過鹽燒之後好甘香，又易入口配一啖凊酒絕對perfect match。＂剌身盛合八款＂(赤貝、帆立貝、牡丹蝦、吞拿魚腩、三文魚、油甘魚、生吞拿魚)每片都充滿新鮮光澤，魚類入口肥美，特別係吞拿魚腩，入口即溶。＂味噌蟹甲羅燒配多士＂師傅即場係爐網上燒蟹蓋，充滿日本漁埸風味，蟹膏甘香配多士外脆內軟，一d都唔滯。重頭戲＂特上漁獲浜燒盛合＂我地人多叫左4人前份量。師傅絕對慢工出細貨，每樣海鮮火喉都掌握好到位，最重要係有人服侍唔使自己落手🤤我自己最中意蒜蓉牛油北海道帆立貝，咬落去啖啖牛油既香味，又唔影響帆立貝鮮甜味，絕對需要食材新鮮先可以做到👍🏻＂大眼金目鯛刺身＂友人好任性一定要食好野，肉質肥美嫩滑，點上專屬醬汁，貴野絕對冇得輸🤣＂燒白鱔＂係超驚喜之作👍🏻外皮勁脆香口～最好食係咬落去仍然好有肉汁😍好正，呢個味道係日本都有試過，香港食到係最難得。

幾個同事 趕project捱咗成個禮拜， 終於完成曬手頭上嘅任務， 決定放工搵間餐廳好啲嘅慶祝一下。其實呢間漁獲浜燒我之前都食過覺得非常唔錯，所以決定提議介紹下畀啲同事一齊再嚟食位於銅鑼灣地區地點非常方便， 返到嚟一入門口就見到個 水缸 你面放咗各款 日本每日新鮮運到 既不同種類海產旁邊嘅酒櫃仲有唔同嘅青酒任君選擇坐低咗之後首先點咗個 特製黑松露炙燒平目魚邊沙律淨係聽個名都覺得好豐富呀， 而且仲有大量嘅牛油果非常健康海之幸玉子燒外面甜甜嘅甜蛋，包著帶著海水味道既明太子，口感鮮明，互相協調，的確幾滋味燒白鱔咬落啖啖肉，口感豐富，加上秘制嘅醬料 ，鮮味提升不少味噌蟹甲羅燒配多士係用大量嘅蟹膏同埋蟹肉蟹子 再加上鵪鶉蛋一齊同時燒， 只需要稍微燒到乾身一點，便可以加上多士上要吃， 整體散發著濃濃既蟹膏香，確實另一番風味燒a5和牛扒時間剛剛好， 肉質還帶點嫩紅，咬落口咁鮮嫩， 一點都不會韌， 牛香味龍郁，超正呀鯖魚刺身只有手釣嘅鯖魚先可以拎嚟做刺身， 因為用魚網 捕捉鯖魚由於太大量 堆埋一齊互相碰撞會出現磨擦同埋流血嘅情況，所以會有血腥嘅味道，不能用來作刺身，只能用來作熟食另外剩下嘅魚頭魚尾魚骨