2020亚洲50最佳餐厅 香港上榜餐厅一览
2020-03-24

2020年「亚洲50最佳餐厅」完整名单揭盅!呢届颁奖典礼因为新型肺炎疫情持续蔓延,因而取消原定喺日本佐贺举办嘅实体颁奖典礼,改为以现场「虚拟」形式进行。今年香港共有八间餐厅上榜,唔少餐厅名次跃进,甚至夺得中国最佳餐厅!
 

第2位 大班楼(↑)


上年得到最佳进步奖嘅大班楼再耀升9个名次,兼再下一城夺得「中国最佳餐厅」殊荣!依然系亚洲榜单中排名最高嘅中菜馆,纵然近年都未有米芝莲星级肯定,但佢哋兼具传统同创新嘅工夫粤菜系唔少老饕嘅最爱。
 

第4位 Belon (↑)


去年最佳进步奖得主,今年嘅名次亦继续飙升,首次进入10强。呢间新派法式餐馆嘅行政总厨Daniel Calvert系香港现今最年轻嘅米芝莲星级主厨,佢同团队一直致力把食材、服务同技巧达至高水平,并不断追求改进嘅精神相信亦系成功因素之一。
 

第12位 VEA Restaurant and Lounge (↑)


19年上榜後今年名次上次至12位,主打独特嘅中法菜系,由行政总厨及合夥人之一 Vicky Cheng 掌舵,以现代法国菜烹调演绎中式食材,菜式令人惊艳。同时亦系一间结合美食同饮品嘅餐厅及酒廊概念店,酒廊供应16款分为甜、咸、酸及烈四种味道嘅鸡尾酒。
 

第19位 Neighborhood (↑)


位於中环Soho巷仔里面嘅法式小餐馆Neighborhood作风低调,由店主兼主厨David Lai主理,以当季食材,供应多元化嘅法国料理同各种欧洲传统料理,海鲜菜式尤其出色。环境舒适气氛热闹。
 

第25位 家全七福(↑)


由旧年初上榜嘅第44位大福耀升至25位!由拥有超过50年经营经验嘅前福临门主理人徐维均先生创办,主打传统正宗嘅高级粤菜。当年福临门系城中名门举办豪华宴会嘅首选酒家,徐维均自行创办嘅家全七福自然亦有水准。
 

第31位 Amber (↓)


中环Amber旧年翻新重开,环境焕然一新之余,厨艺总监Richard Ekkebus亦致力研发新菜式,专注於带出时令食材嘅纯粹滋味。餐厅同时获颁发「亚洲可持续性餐厅奖」,表扬Richard Ekkebus严格控制餐厅营运碳足迹嘅用心。
 

第32位 8½ Otto e Mezzo BOMBANA (↓)


意大利名厨Umberto Bombana嘅餐厅系亚洲50最佳餐厅嘅常客,但今年就跌出20强。餐厅以意大利着名导演费里尼嘅作品《八部半》为名,主打现代意大利菜,当然亦唔少得Umberto Bombana最为擅长嘅白松露菜式。
 

第33位 龙景轩(↑)


由旧年38位晋升至33位,系全球首间获得米芝莲三星荣誉嘅粤菜餐厅,由入厨超过四十年嘅香港行政总厨陈恩德主理。餐厅嘅海鲜菜式同精致点心最受欢迎,保留传统特色同时加以改良,水准稳定。
 


(左)Odette,(右)川江月

比较返上年嘅名单,Ta Vie跌出榜单。「亚洲最佳餐厅」连续两年由位於新加坡,Julien Royer主理嘅Odette夺得,MUME亦连续两年蝉联「台湾最佳餐厅」。「最佳新上榜餐厅」就系由台湾名厨江振诚掌舵,澳门米芝莲新二星餐厅嘅川江月夺得。
 


(左)主厨之选奖得主高田裕介,(右)La Cime

本届「主厨之选奖」由位於大阪,主打日式现代法国料理La Cime嘅主厨高田裕介夺得,餐厅18年初次上榜就占据第17位,成绩亮眼,成功糅合时令日本食材同经典法式烹饪手法嘅主厨当然功不可没。
 


(左)亚洲最佳糕点师奬得主庄司夏子,(右)Été


(左)亚洲最佳女厨师奖得主赵希淑,(右)Hansikgonggan

「亚洲最佳糕点师奬」就属於东京厨师发办法国菜餐厅Été嘅日籍糕点师庄司夏子,佢经常以经典时装同手袋为蛋糕设计灵感,放入黑盒里面就好似一件精致嘅艺术品!而首尔餐厅韩食空间Hansikgonggan嘅主厨兼创立人赵希淑就获颁发「亚洲最佳女厨师奖」,以表扬佢一直通过培训、教育同指导以推动韩国料理发展嘅努力。
 

 

按此浏览2020「亚洲50最佳餐厅」完整名单

 

延伸阅读 

《2019亚洲50最佳餐厅 》香港上榜名单
《2018亚洲50最佳餐厅 》香港上榜名单

《2018亚洲50最佳餐厅 》地区精选推介

《2017亚洲50最佳餐厅 》香港上榜名单
《2017亚洲50最佳餐厅 》地区精选推介
《2016亚洲50最佳餐厅 》香港上榜名单
《2015亚洲50最佳餐厅 》香港上榜名单



图:Asia's 50 Best Restaurantsbageladdiction
文:Cathy

关键字
香港
亚洲50最佳餐厅
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
3天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
4天前
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12