188
31
14
港鐵香港站 E2 出口, 步行約6分鐘 繼續閱讀
電話號碼
31968880
開飯介紹
龍景軒位於酒店4樓,坐擁九龍半島壯麗景色。餐廳的廚師廚藝創新出眾,提供新派高級粵菜,並選用本地新鮮的高級食材入饌。餐廳裝潢獨特,以玻璃屏風、別致的銀箔天花板,襯托璀燦奪目的維多利亞港景色。 繼續閱讀
獎項殊榮
米芝蓮三星餐廳 (2009-2022), 亞洲50最佳餐廳 (2017-2021)
營業時間
今日營業
11:30 - 14:30
18:00 - 22:00
星期一至五
12:00 - 14:30
18:00 - 22:00
星期六至日
11:30 - 14:30
18:00 - 22:00
公眾假期
11:30 - 14:30
18:00 - 22:00
付款方式
Visa Master 現金 AE 銀聯 Diners,JCB
座位數目
128
其他資料
Wi-Fi 詳細介紹
酒精飲品
自帶酒水 詳細介紹
泊車 詳細介紹
電話訂座
加一服務費
海景景觀
食評 (249)
等級4 2022-05-15
290 瀏覽
期望很高也沒有令我失望更滿滿驚喜的三星米芝蓮中菜廳。每樣食材都相當高級及講究,每個細節都一絲不苟,精益求精。真係名不虛傳的高級食府,菜式服務環境都是滿分,值回價錢,另一個層次的中菜體驗。甜豉油燒鱔 ($600) 真係一試難忘,未食過咁厚肉的鱔,鱔皮燒香脆,肉質無比的爽彈,非常厚身所以食落口感特別好。甜豉油味道恰到好處,不會過甜但仍惹味。椒鹽田雞腿 ($340) 份量之大令人驚歎😆要幾大隻的田雞才長到像雞鎚般大的田雞腿?! 咁大隻都唔鞋唔老,勁juicy嫩滑,薄薄一層脆漿新鮮熱辣炸出好正,椒鹽調味乜都唔使點已經超美味。連墊底的魚仔脆片都勁好食,很濃的魚仔鹹味,壓薄再炸好香口。紅燒澳洲和牛面肉 $460聽來普通的一碟紅燒牛面肉卻是令人為之驚嘆的一度菜,牛面肉相當高質,炆得超軟腍,超重骨膠原,直程有食緊花膠的口感,用上澳洲和牛所以牛味相當濃郁,紅燒汁都充滿牛味好好食。唔係講笑真係超級好食令人回味無窮。脆皮雞 (半隻) $420 相對其他菜式就普通啲,正常發揮的燒雞,皮好脆。羊肚菌上素芋絲燒豆腐 $280連豆腐也要讚,係因為真係連豆腐都特別滑特別好食,新鮮炸過裡面勁滑,羊肚菌味濃杞子也是份外香甜,用料高質真係食得出。杏仁茶湯圓 $82香芋椰汁西米露 $82甜品相對普通,反而最後送上的奶皇酥和桂花杞子糕就幾好食。雖然是高級食府但菜式的份量慷慨,樣樣大大碟足料。如此高質加上專業服務,這個價錢絕對合理。 繼續閱讀
(以上食評乃用戶個人意見 , 並不代表OpenRice之觀點。)
呢間餐廳係全球唯一連續13年頒獲米芝蓮三星殊榮,更係福布斯旅遊指南五星級餐廳🏵由行政總廚陳恩德師傅主理,以靈感創意同心思裝飾製作精緻粵菜👨🏻‍🍳✨先送上「金銀茄子配甜酸汁」作餐前小食💗腿茸蒸燒賣 ($66/ 2件)餡料用上豬肉、鮮蝦同冬菇粒,口感爽滑鮮嫩,以鹹香嘅金華火腿碎點綴🥟💗X.O. 醬粟子烤鵝盞 ($72/ 2件)牛油撻皮香脆酥化,盛載烤鵝肉同栗子粒,有多層豐富口感。XO醬偏濃香惹味,最後放上木魚絲增添煙薰味🌰💗崧子叉燒菠蘿包 ($66/ 2件)菠蘿包外層金黃鬆脆,內裡輕盈軟熟。叉燒餡香甜濃味,特別加入洋蔥同大量脆口嘅崧子,添加果仁香🥯💗原隻鮑魚雞粒酥 ($82/ 件)牛油撻皮香脆酥化,盛載雞粒同磨菇增加層次。選用15頭南非罐頭鮑,細心一分為二,炆得軟腍爽彈。鮑魚汁用上蠔油醬汁同高湯等熬煮,味道咸鮮濃厚🥧💗龍帶玉梨香 ($240/ 4件)最上層係彈牙嘅龍蝦肉,包住內層鮮甜嘅帶子,再用爽甜多汁嘅啤梨承托。表面沾上薄薄一層炸粉輕炸,最後以雲腿同芫荽點綴🍐💗廚師精選拼盤 ($260/ 3款)🥙香麻海蜇頭:海蜇頭口感爽脆冰涼,麻油香突出🐖片皮乳豬件 (2份):先去走乳豬皮下脂肪,再放入一片刈包、淋上乳豬醬,食落皮脆肉嫩🦆潮蓮燒鵝:燒鵝外皮酥脆,肉質結實纖細,配上酸梅醬中和油膩感🍯蜜汁燒叉燒:叉燒肉質軟嫩鬆化,充滿肉汁同脂香,帶香甜嘅蜜汁味🐓玫瑰豉油雞:雞皮爽滑脂肪少,肉厚嫰滑,豉油汁香甜入味,配上少量薑蓉💗法國鵪鶉崧生菜包 ($520)鵪鶉崧肉味濃郁,配上爽口嘅竹荀粒、冬菇粒同蔥花爆炒,食落醬香味濃,粒粒分明,最後加入海鮮醬再用生菜包住一齊食🌮💗 咖啡千層糕 ($38/ 2件)千層糕質感Q彈,咖啡香餘韻悠長,甜而不膩☕️💗美點雙輝杞子桂花糕味道淡雅清甜,有養顏明目功效🌼;笑口棗香酥可口,芝麻香十足🥠🎂生日送上「迷你壽桃」 繼續閱讀
(以上食評乃用戶個人意見 , 並不代表OpenRice之觀點。)
等級1 2022-05-23
0 瀏覽
是日光顧晚市,點了七道菜,二人合共$28xx 先講好食既,乳豬皮薄而香脆,混合已批去肥膏的乳豬肉食,好香口,亦冇油膩感。 皇湯雞絲羹一食落口,啖啖雞既精華,配以冬菇,味道濃郁鮮味,唔會死鹹,各種材料層次分明,好有水準。 黑松露龍蝦春卷味道亦好平衡,黑松露味突出,但唔會蓋過龍蝦味。炸釀鮮蟹蓋味道不錯,以花蟹肉、洋蔥及鮮奶製成,味道順口滑溜,洋蔥味不會搶過蟹香,蟹肉亦充足。 而甜品香芒楊枝甘露以芒果布甸作底層,上層才是楊枝甘露,布甸味道出色。 以下菜式普通,唔似三星餐廳作品。叉燒軟硬肥瘦適中,但欠缺燒烤香氣,亦無豬肉香,就是普通的街坊叉燒,如以二星的天龍軒相比,天龍軒實力高很多,天龍軒叉燒有炭香味,豬亦有橡果味。 而佢地既招牌菜龍帶玉梨香,唔知係咪期望過高,食落真係極之失望,廚師以薄粉包裹帶子、鮮蝦和梨,再在上面配以芫荽同金華火腿,其實炸的火侯拿捏得好好,皮薄香脆,但除左梨的味道,係食唔到其他材料味道,帶子同蝦完全冇味,火腿都冇味,甚至平時會搶味既芫荽,我都食唔到有味。 酥炸日本蠔配柚子汁有同一個問題,炸功一流,但冇蠔味。 梅子煎釀花枝蟹鉗就好似食墨魚滑咁,食唔到蟹肉,毫無特別,極之失望。 總括黎講,龍景軒達唔到三星水準,部份菜式價錢與質素不乎,特別係海鮮菜式,似乎欠缺新鮮度。我想食精緻中菜,會揀天龍軒。 繼續閱讀
(以上食評乃用戶個人意見 , 並不代表OpenRice之觀點。)
等級1 2022-05-10
205 瀏覽
實至名歸(welI deserved) 昨晚去四季酒店龍景軒晚飯,因假期,座無虚席。點了個七味炸鳝球,外表酥脆內裡軟滑,鳝味足,配珍珠葉翠绿色(炸)鳝球橙黃賣相一流。再来一個驚喜:龍带玉梨香。原来係带子與蝦胶之間夹一塊啤梨,梨的清新香甜在海鲜中给人一種沁入心脾的感覺。炸子雞皮脆肉嫩有雞味,配碟的炸藕片酥脆,雞炸得比其他酒店的好。紅炆星斑腩鱼肉嫩滑味鲜濃郁適中。最後點個蝦球带子两面黃,一點都不油膩每一條麵煎得脆透淋上汁加浙醋,又一絕。之後送上甜品:晶瑩剔透的.杞子桂花糕及奶黄酥,冲杯元肉白茶给客送餅,茶有少許甘味,但配甜點正好解膩。三人食了不够三仟元,在一個米芝蓮三星的食肆,感覺值,加上服務细心周到適當的虚寒問暖講解每道菜的配搭,茶水的濃淡喜好,令人覺得周圍係一班朋友。臨走,適逢母親節翌晚,還送上两袋小禮物,在此多謝! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-02
1124 瀏覽
.一直都想試呢間年年都拎米芝蓮三星嘅中餐唔知係咪期望過高,所以失望越大😑“叉燒”不過不失, ”鮮淮山北菇海參雞球煲”味道好淡, 最差係“黃金炒鱔”帶腥🙈 不過店員知道都即時換新嘅成餐最好同特別係個招牌”非同「飯」響”,望落以為係炒飯,但其實係炒米形意粉,口感幾好,有煙韌嘅口感但係真係唔係好明個光環係點嚟😂🤔.🔻🍽 龍景軒📌 地址: 中環金融街8號香港四季酒店4樓 繼續閱讀
(以上食評乃用戶個人意見 , 並不代表OpenRice之觀點。)