220
27
10
餐廳: 大班樓
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵上環站 A2 出口, 步行約5分鐘 繼續閱讀
電話號碼
25552202
開飯介紹
星級粵菜餐廳,餐廳以頂級有機食材炮製一系列傳統及新意兼備的中菜,招牌作包括雞油花雕蒜花蟹和羊肚菌炆腐皮等手功菜。 繼續閱讀
獎項殊榮
亞洲50最佳餐廳 (2017-2021), 米芝蓮一星餐廳 (2021)
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
付款方式
Visa 現金
座位數目
60
其他資料
自帶酒水 詳細介紹
電話訂座
加一服務費
食評 (280)
大班樓係香港飲食界名氣,已經好多年。早係幾年前,因為剛好係附近番工,試過即興訂位無數次,基本上都知道想訂即月檯係無可能既事。佢上年拎到亞洲50最佳餐廳既第一名,加上米芝蓮一星,令到宜家訂位難上加難,最近打去已經話到年底前既午、晚市已經全部訂滿。自己算好彩係年頭訂假日午市,唔駛兩個月已經排得到。.大班樓既晚市同平日午市都有套餐,但假日午市,四口子去只可以散叫。其實都無大問題,因為計過價錢套餐比散叫唔係平太多,散叫可以叫自己鍾意既野。餐廳有兩層但地方唔算大,裝修只能話係一般中上茶樓既級數,偏向私房菜格局,二樓其實係閣樓所以樓底唔高都幾壓迫,所以有得選擇坐地下個層比較好。佢有今時今日既名氣係因為食物質素而唔係傳統米芝蓮比較睇重既餐廳環景、格調同服務向,難怪佢曾經跌出米芝蓮要到最近先拎番一星。 .🌼頭盤:1️⃣九層塔辣椒膏炒蜆 💲188⭐️4/5呢個價位蜆鮮甜大隻係基本要求,汁有好香九層塔+蕃茄味+少少辣,越食越惹味。作為開胃頭盤合格有餘。2️⃣龍井菊花燻乳鴿 (兩隻) 💲336⭐️3.5/5煙燻味突出,但唔覺有龍井菊花味。乳鴿皮薄肉嫩,可惜除左香濃既煙燻味,就無其他突出之處。呢道菜相對其他菜式比較平凡,屬於可一菜式。🌼主菜:3️⃣秘製叉燒 (四人份,需預訂) 💲392⭐️3/5餐牌無,要訂菜時自己問。叫叉燒係因為睇過大廚自己介紹佢地花左幾多功夫去整呢一份叉燒,係心機菜所要預訂先有。試完覺得質素屬合理水平,但計埋價錢就覺得性價比唔算高,都係只屬可一菜式。4️⃣雞油花雕蒸花蟹配陳村粉(四人份) 💲850⭐️4.8/5大班樓名物,每檯必點,大家都係衝住呢個招牌菜去。我唔食得蟹只係食左少少評價唔中肯。但大班樓有自家重金禮聘既專業買手負責採購海鮮,所以海鮮質素絕對有保證。4人用蟹份量都好足夠,同行者對隻蟹都係有讚無彈。花雕雞油汁有油香亦濃酒香,配搭陳村粉食確係令人一開眼界。美中不足係陳村粉量太少,同埋花雕味有點搶過蟹鮮味。5️⃣慢煮乾蔥煀滑雞 💲188⭐️4.5/5無大期望下驚艷菜色,慢煮雞好滑好有雞味,上面既有大量濃甜乾葱提味,我自己清左一大半。但如果雞可以更加厚肉就更完美。6️⃣梅菜蒸芥蘭 💲158⭐️3/5不過不失,相比各道菜,略為平凡。飯類:7️⃣蟹肉糯米飯(需預訂) 💲960⭐️4/5花蟹係大班樓既招牌,所以提前預訂左佢另一招牌菜生拆花蟹糯米飯。一開蓋見到爆量既蟹肉,絕不欺場。侍應話我地識揀,糯米飯要花師傅好多時間去炒先有咁乾身軟糯既效果。🌻甜品:8️⃣生磨杏仁茶 💲60/each ⭐️3.5/59️⃣桂花杞子雪糕 💲48/each ⭐️3.5/5杏仁茶出色,自家制桂花杞子雪糕奶味重食唔出桂花杞子味道,屬一試系列。.🔸埋單連茶加一大約四千,個人覺得係值回票價。由於仲有好多招牌菜未試到,加上已經又開始掛住個花雕陳村粉,已經排左入日程需要二訪。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-05
13322 瀏覽
中環九如坊的大班樓,很久很久以前幫襯過一次,最近餐廳名氣大增,因為得了亞洲50大餐廳第一位,於是再訂位幫襯,都要等大約兩個月😅但其實講真兩個人食中菜,真係比較難叫餸,所以食佢哋嘅二人套餐就十分方便。前菜分別有蜂巢芋泥煙鴨盒,金錢蟹肉香菇盒及九層塔辣椒膏炒蜆。煙鴨盒一咬下去充滿煙熏味,裏面的材料切得細碎,每樣材料size都一樣,睇得出師傅花了心機在切材料之上。蟹肉香菇盒裏面充滿韭菜香,而兩個盒上枱時都是溫度剛好,咬下去有熱度但又不會辣口。炒蜆就充滿九層塔香,九層塔其實是金不換,聽名字都知是十分受歡迎的香草,而辣椒膏的辣度在於後勁,越食越惹味,辣度也慢慢滲出,最後都留了幾滴汗,不要小看😅主菜可以選擇魚米湯煮大花蝦球,而每人另加$140就可以食到招牌菜:雞油花雕陳村粉蒸花蟹,咁當然諗都唔使諗就加錢轉食蟹啦。花蟹上枱時傳來陣陣雞油花雕香,而雞油的份量我諗你要將減肥大計押後。蟹每日從香港仔魚市場新鮮挑選,新鮮程度不用懷疑,而蟹的size以兩個人來說算是相當大隻相當慷慨。食這道菜不能欺文,一定要兩手齊下,將蟹肉拆出撈埋陳村粉花雕雞油,真係回味無窮😋另外肉類二選一,我們就挑選了話梅肉桂糖醋排骨。排骨選用了一字骨,啖啖肉,外層剛好掛滿用話梅肉桂糖醋調好的汁,汁醬的份量不多也不少,完全將一字骨包裹,酸甜味亦算平衡。但排骨裏面的肉有點過熟,肉汁少了一點,其他地方都算不錯。蔬菜類揀了梅菜蒸芥蘭,梅菜切得細碎,而鹹甜味適中,芥蘭選用最嫩的部份,冇渣,一口咬半條能夠嘗到芥蘭本身的清甜,梅菜又起了提鮮的作用。用來平衡之前雞油花雕蟹的油膩剛剛好。最後的三蝦炒飯分別用上鮮蝦,蝦乾及蝦膏作為炒飯的原材料。鮮蝦切粒,味道雖然清淡,但配合蝦乾及蝦膏就啱啱好。炒飯本身炒得非常乾身,碗底不見一滴油,是炒飯的合格以上👍最後上的甜品有生磨杏仁茶及杞子雪糕,一冷一熱。先食雪糕,底味是雲呢拿,還咬到有粒粒的杞子,但杞子味道不算濃。反而生磨杏仁茶味道就十分濃,亦很有滋補潤肺的感覺,為豐富的晚餐劃上完美句號。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-18
0 瀏覽
九如坊的大班樓,已經聽過呢個名好多年啦,最近聽同事講餐廳名氣大增,得了亞洲50大香港區餐廳第一位。於是就去左試下。我地一行六人食左九道菜。我地分別叫左蒸蟶子,秘製叉燒,酥炸蟹肉香菇盒及雞油花雕蒸大花蟹配陳村粉,剁椒魚頭,陳皮油漬脆皮米鴨,羊肋骨,魚米湯煮象拔,梅菜扣肉煲仔飯。蒸蟶子 – 7.5/10清甜有鮮味,肥美。秘製叉燒 – 7/10香口,有玫瑰露香味,但略厚,影響入味。雞油花雕蒸大花蟹配陳村粉 – 8.5 / 10蟹很新鮮清甜,配有陣陣雞油花雕香,加埋陳村粉,回味無窮。剁椒魚頭 – 7/10椒味香,不太辣。魚肉滑。羊肋骨 – 7.5/10羊味濃,脆口,好食。魚米湯煮象拔 – 8/10清甜有鮮味,象拔配魚米湯一流。陳皮油漬脆皮米鴨 – 5.5/10普普通通,沒有驚喜。酥炸蟹肉香菇盒 – 5/10普普通通,外層炸的酥軟鬆化,略嫌沒有蟹味。梅菜扣肉煲仔飯 – 7.5/10梅菜香,扣肉腍,好岩送飯。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-09-10
0 瀏覽
欲罷不能又係「大班樓」!今次係兩餐混合戰,有午餐同晚宴,多謝 Chef Andy 兩次精心安排菜式。第一道菜係爆膏鹽焗奄仔蟹鹽香滲透蟹身,食嘅時候香濃嘅蟹膏夾雜着淡淡嘅鹹香,令人垂涎🤤。跟住呢個樟木煙燻鵝應該係我食過最好食嘅煙燻鵝,不嬲對煙燻鵝都冇乜興趣,因為大部份餐廳都會做到肉質乾柴,但「大班樓」做到呢個煙燻鵝皮香肉嫩,樟木煙燻嘅香味完全滲入鵝皮鵝肉,這道菜配以紅酒一起品嚐是一流的配搭。另一道菜是彭棋蟹膏柚皮冬瓜,彭棋蟹膏嘅鮮配以柚皮冬瓜嘅清,簡單但美味。另外花椒滷水螢光魷魚同象拔蚌粥底都非常出色,但值得一題嘅又係「大班樓」另一名物臭豆腐,非常簡單嘅炸臭豆腐,亦係食過最好食嘅臭豆腐, 連臭豆腐都要自家製係咩概念。最後係人生第一次食燒豬尾,好好食但有啲膩。 繼續閱讀
(以上食評乃用戶個人意見 , 並不代表OpenRice之觀點。)
Mr
等級1 2021-08-30
378 瀏覽
Over the years, the Chairman has been a very good Chinese restaurant with quality cuisine.  We looked forward to our visit for dinner after several months lead time booking.I think the food quality is still of a good quality, but it is not as high as before.  Their signature dish - the crab - was not warm, and quite light on the sauce provided (which is the essence of the dish).But I have to say that the service is not what I would expect of a restaurant of this reputation. Their servers are in a rush to kick you out by clearing dishes when it is clear you have not finished. And by offering to put everything in a take out box while you are still eating.   And the constant interruptions while the diners were in the midst of conversation were not appreciated.  I know  there is a 10pm closing deadline, but rushing people to have desert at 9:20pm is really not necessary. I would no longer recommend this place to friends.  Their service is basically like an ordinary  Chinese restaurant.  繼續閱讀
(以上食評乃用戶個人意見 , 並不代表OpenRice之觀點。)