25
13
5
灣仔地鐵站A1出口向左行5分鐘 繼續閱讀
所有分店 (2)
電話號碼
28922888
獎項殊榮
米芝蓮一星餐廳 (2022-24), 亞洲50最佳餐廳 (2019-2021)
營業時間
今日營業
11:30 - 15:00
18:00 - 23:00
星期一至日
11:30 - 15:00
18:00 - 23:00
付款方式
Visa Master 現金 AE 銀聯
其他資料
酒精飲品
自帶酒水
切餅費
電話訂座
外賣服務
加一服務費
以上資料只供參考, 請與餐廳確認詳情
食評 (54)
等級4 2023-11-25
3136 瀏覽
舊同學由外地返嚟飯聚,同學提議試吓一間高級傳統粵菜食府「家全七福」,連續兩年獲得米芝蓮推介。餐廳位於酒店三樓,中菜廳格局,樓底高,牆上有中國畫裝飾,我哋一行八人,安排坐大圓枱,座位寬敞,都見到大部份係遊客嚟幫襯。乳豬需預先落訂,另留起叉燒及炸子雞。◈ 大紅片皮乳豬全體 $2000餐廳招牌菜式,需預先落訂,以前去飲宴都經常食到乳豬全體,近年比較少遇到。乳豬以炭火烤製,第一食先食脆皮,外皮烤得酥脆,油香四溢,刀工了得,皮下保留薄薄一層脂肪,配上甜麵醬、酸菜,大蔥絲,千層餅夾住食,感覺會吸減啲油,減低肥膩感。享用完脆皮部份,店員會攞返入廚房,隨後會上第二食乳豬斬件同豬骨,肉質嫩滑,唔太瘦亦唔肥膩,無多餘肥膏,調味剛好,唔會過鹹。◈ 蜜汁叉燒 (例) $420米芝蓮推介必食叉燒,肥瘦比例各佔一半,所謂嘅半肥瘦,切得有厚度,肉質軟腍鬆化,肥嘅位置有咬口,蜜汁清甜又唔會蓋過叉燒原味道,最緊要燒烤完,肉汁依然被鎖住夠晒juice。◈ 當紅炸子雞 (1隻) $600唔算好大隻,外表炸得金黃油亮,皮真係炸得非常脆,入口嚓嚓聲裂開,雞肉緊致嫩滑,有肉汁,鮮雞味濃,一啲都唔肥。◈ 欖菜乾煸四季豆 $200唔係咩名貴食材,但乾煸得夠晒火喉,四季豆表面皺皺的,口感焦香乾脆,唔會過諗,加埋欖菜嘅鹹鮮,增加風味。◈ 魚香茄子炆伊麵 $450上枱已經陣陣鹹魚香,茄子棉滑索汁,加埋肉碎爆得好香,餡料多,伊麵有彈性,唔會過諗,炆得入味,唔肥膩,隻碟唔會有多餘嘅油滰住,大廚煮得出色,全晚我最鍾意。◈ 生炒牛肉飯 $420有云要知道廚師真功夫,就應該要試炒飯,平凡嘅炒飯要炒得好食並唔簡單。牛肉鬆軟鹹香,加埋雞蛋蔥花簡直絕配,時間同火喉控制得好好,生菜絲微軟依然保持爽口,飯炒得粒粒分明,係每粒飯都會被蛋包住嘅黃金炒飯,盡顯廚師功架。◈ 菠蘿咕嚕肉 $420夠鑊氣,糖醋汁酸甜度足夠,但豬肉係切薄片,炸得乾咗啲,我哋都有食淨。◈ 蛋白杏仁茶 (位) $80杏仁味好香濃,一絲絲蛋白夠滑夠多,融入杏仁漿口感幼滑細膩。◈ 生磨合桃露 (位) $80有點失望,浠咗啲,唔夠濃郁。粵菜嚟講算貴價,當然會有更高期望,菜式有出色嘅,亦有點失望位。埋單$5758,當我哋離開嘅時候,先發現門口貼有張海報,用匯豐咭埋單可享九折,可惜發現得太遲,埋單時店員亦無提及,食客去幫襯就可以留意下。#家全七福地址:灣仔駱克道57-73號粵海華美灣際酒店3樓 繼續閱讀
(以上食評乃用戶個人意見 , 並不代表OpenRice之觀點。)
等級1 2024-03-31
0 瀏覽
晚餐: $5500皮蛋有臭味, 海蜇以為係惠康包裝貨式雞鴨各半隻,都尚算合格東星班,蒸太耐,好似魚扒咁酸辣湯,無味,要加辣椒醬食震撼五觀嘅$280 蒸肉餅,以為食緊廚餘或員工福食,自己睇下幅相 其實點解係米芝蓮,係咪攪錯咗? 繼續閱讀
(以上食評乃用戶個人意見 , 並不代表OpenRice之觀點。)
等級3 2024-01-22
959 瀏覽
今次去咗家「繽紛滋味」試下佢哋個平民化食評。啱啱搞掂一日嘅勞碌,肚餓到咁,直頭係時候開個好戰。靚景街沿咗佢嗰簡潔門面,落手之作,揀咗佢哋招牌嘅幾款小食黎試吓。先嚟嘅係香滑蛋撻🥧,焗得金黃酥脆,啖啖肥美,蛋香撲鼻,一啖咬落去,皮脆心滑,一流!話說個豆腐花,真係有得一讚!溫熱微甜,入口即化,嗰份滑溜嘅口感真係得意,令人心頭好滋味。跟住就嚟個豉油皇炒麵🍜,絲絲分明嘅麵條彈牙得嚟唔會太硬,嗰陣豉油嘅醇香伴上蔥花嘅微辣,仲有啲酥脆嘅豆芽,真係夠晒爽口!為咗清下口,仲要一碗青菜湯,簡單清潤,食完覺得暖笠笠嘅。當然,硬菜係個鹹蛋黃肉餅🍖啦,多層次嘅肉餅質地優美,啲鹹蛋黃點綴係度,帶來獨特嘅鹹香,同埋啲豬肉嘅甜味相得益彰咁。最後,結尾嘅飯後點心係糯米紫薯球,色彩繽紛,吃落口感黏糯,紫薯甜味剛剛好。總括嚟講,「繽紛滋味」真係搵到平民嘅美味,食物之中流露生活嘅小確幸。食得開心,食得滿足,期待下一餐又有咩新發現啦!👍🍽️ 繼續閱讀
(以上食評乃用戶個人意見 , 並不代表OpenRice之觀點。)
等級2 2023-12-23
1036 瀏覽
訂位這個服務員態度很有問題,如果你忙你電話可以不接,但請對自己的服務態度有一些要求,我來吃飯訂位不是來求你送飯。每一道菜等半小時,一頓晚飯吃了2小時,幾道菜是預定,真的不知道你們是人員不夠還是什麼。埋單再等20分鐘,衝去櫃檯這位女士服務員還一臉嫌棄,難道我欠你的嗎?6個人吃6千多真的貼錢買難受,以後都不會去。怪不得國內的服務水平都比這一家好!有一說一,食物是不錯但不夠再讓我埋單! 繼續閱讀
(以上食評乃用戶個人意見 , 並不代表OpenRice之觀點。)
等級2 2023-12-04
1249 瀏覽
南乳齋煲味精好重手,食到面都痺埋,炸子雞上枱只係微暖,皮亦唔係好脆,飲完個燉湯真係要飲多两杯水,糯米飯就正正常常啦!最深刻印象係一個黑衫而貌似高級嘅部長或經理,成晚聽見佢鬧D伙計,仲要加埋D三級助語詞,唔知係咪輸咗馬,仲有個可能係洗碗阿嬸(因為戴住膠手套)成晚喺度行嚟行去,好攪笑,D伙記又成日喺度大嗌叫人做嘢,真係唔知米芝蓮係乜嘢準則! 繼續閱讀
(以上食評乃用戶個人意見 , 並不代表OpenRice之觀點。)