Porterhouse - Seafood & Steak (已搬遷) 新店位置

出左新一期消費券梗係要食餐豪嘅❣️好想瘋狂食海鮮同和牛呀！上網見到蘭桂坊呢間Porterhouse嘅自助餐，有哂我想食嘅野就Book左枱去食啦✨坐低無耐，店員先送上一日一客中式煮法嘅南非鮑魚🌟自助區嘅海鮮有勁多款選擇，真係花多眼亂🤩有爽彈嘅龍蝦🦞好多蟹膏嘅麵包蟹🦀啖啖肉嘅長腳蟹腳🦀鮮甜嘅海蝦🍤貝類海鮮都有好多款，有Creamy嘅生蠔🦪仲有青口、螺、蜆等等肉類方面，有我最鍾意嘅和牛扒🥩肉味濃郁肉質軟腍，估唔到自助餐都有咁高質嘅肉類可以食到🥰仲有羊架、燒雞、豬鞍！包羅萬有😇食咗咁多海鮮同肉要攞返啲沙律平衡下🤓呢度嘅沙律同冷盤都有十幾款選擇🥗記得留肚食呢度嘅甜品同水果🍮竟然有我近期最愛嘅蘋果批😋仲有各式各樣嘅芝士蛋糕、切餅等等！加埋榛子雪糕一齊食，超滿足😌Porterhouse - Seafood & Steak (中環)中環蘭桂坊德己立街30-32號加州大廈7樓

蘭桂芳平時飲野就飲得多，無諗到原來呢度都有間咁高質既steak house，黎到見到佢地既weekend brunch都幾多人食，基本上都係爆場。餐廳環境幾精緻，真係有種歐洲扒房既感覺，氣氛一流。 Weekend brunch $598/each 冷盤&前菜區 都有好多款可以選擇，例如煙三文魚，parma ham，芝士等等，雖然食唔哂咁多款，不過食過既每款質素都唔錯，唔會比熱食同主菜比下去。特別一提係呢度仲有成塊既蜂蜜可以食，真係好清甜。 凍海鮮區 凍海鮮既種類都好多，有龍蝦，長腳蟹腳，生蠔，麵包蟹，螺，蜆，每一款都試過哂，全部都好新鮮。龍蝦肉質結實啖啖肉，生蠔海水味都幾濃，長腳蟹腳鮮甜，肉質爽彈，蜆大部份都好飽滿，以自助餐黎講真係好高質，所以基本上食2 round係走唔甩。 燒肉區 肉類方面有三款，分別係羊架，豬腩肉同埋烤和牛，當然黎到steak house佢地既肉真係有一定保證，特別係和牛，和牛咬落既味道充滿肉味同油香，肉質粉嫩唔柴，質素媲美平時單點既扒。羊架都燒得好嫩，帶有少少羊膻味，但唔會太濃，一般人都可以接受到。 鮑魚 每人都會有一隻蒸鮑魚，肉質軟熟，味道清甜，而且仲要幾大隻

又出左消費劵 第一時間食餐好嘅喺蘭桂芳入面嘅Porterhouse有做weekend brunch598一位食物好高質 可以食兩個鐘呢度嘅海鮮選擇好豐富 樣樣都好新鮮有龍蝦、麵包蟹、生蠔、長腳蟹、翡翠螺等 我就主打龍蝦同生蠔 回本之選龍蝦隻隻都好爽口鮮甜 仲有好多膏勁正生蠔海水味重肉質creamy 一啲都唔腥另外每人送一隻鮑魚 大隻厚肉另外仲有好多西式美食牛扒最出色 真係好嫩好juicy好重牛味另外仲有即煮意粉 配料可以揀青口鮑魚沙律吧有好多cold cut同新鮮菜食到滯滯地食碟沙律又可以繼續戰鬥蒸魚用石班真係好有誠意 蒸得啱啱好勁滑甜品都係好好好正 美式蛋糕為主好鍾意肉桂藍莓批同朱古力蛋糕另外甘筍蛋糕係食過咁多間最好味嘅仲有雪糕同生果 真係要留定個甜品胃

趁今日假期，梗係要同朋友去食返餐好嘅，之前喺網上見到中環蘭桂坊呢間餐廳有週末Brunch buffet, 當時見到已經好想試吓，所以打嚟book位，好彩俾我哋book到。入到餐廳已經幾乎滿座，職員好細心咁帶我哋入座。喺自助區已經見到各式各樣嘅食物，包括有超級多款式嘅沙律、海鮮類、扒、熱盤同甜品。沙律吧個人認為款式仲多過酒店自助餐，而且職員都好快refill食物, 平時好少食沙律嘅我，都喺沙律吧揀咗好多唔同款式嘅沙律同ham!! 海鮮方面，有生蠔、長腳蟹、麵包蟹、龍蝦、翡翠螺同埋蜆，生蠔每次可以攞三隻，不過好彩唔算好多人排隊，本人已經食咗十幾隻，全部都非常新鮮，麵包蟹非常多膏，而且肉質鮮甜，龍蝦更加唔使講，非常爽口彈牙，呢幾樣海鮮已經encore左好多次扒類方面，餐廳提供任食和牛、羊架、同埋脆豬腩肉。本人非常貪心，每樣都要晒，估唔到每樣肉都非常juicy, 最鍾意係脆豬腩肉，個皮超級脆，脂肪分布平均，唔會太過油膩。另外，甜品方面都非常有驚喜，有我最鍾意嘅gelato，而且仲係任食㗎，我哋已經每人食咗兩球朱古力味!! 最後我同朋友都捧住個肚走

-𝙋𝙤𝙧𝙩𝙚𝙧𝙝𝙤𝙪𝙨𝙚 🥩位於中環蘭桂芳扒房🍝Tagliolini ($398)波士頓龍蝦寬扁意粉 – 用上自家制意粉 幼身彈牙上碟時都會伴有大大粒新鮮龍蝦肉 肉質爽實 底下亦都有切碎左既龍蝦肉 龍蝦忌廉汁作為基底 中意重口味既我會覺得如果再濃味少少就完美!🦐King Prawn Cocktail ($258)大蝦配咯嗲汁其實姐係平時食生蠔會見到既Cocktail sauce用水煮既方法輕輕煮熟左個虎蝦 想講個虎蝦真係有手掌咁大隻 肉質肥厚得黎都幾鬆軟 食得到鮮甜味 呢個真係會大到有飽腹感🐟Smoked Swordfish Carpaccio ($258)煙燻劍魚薄片- 用上茴香 松子作為醃製劍魚肉質細膩 口感嫰滑厚實 而且係含有豐富不飽和脂肪酸比一般既肉類有大量維生素 / 鉀等物質 係入口即溶 同埋伴有橙同火箭菜可以令成個味道清新番 同多番唔同既味道衝擊都好唔錯🥩Wagyu Beef Tartare ($278)想講呢個生和牛他他都幾唔錯 新鮮冇異味用上36個月既Parmesan Cheese + 白蘑菇 +黑蒜 + 黑松露蛋黃醬 味道層次非常豐富加入黑蒜呢個組合 都幾特別 多左一

同幾位愛吃之人來個小聚會朋友揀選了位於中環的Porterhouse - Seafood & Steak 餐廳裝修很有情調，很適合聚會慶生ꔐ澳洲450日穀飼純種和牛T骨牛扒（$1880)T骨牛扒超級有份量，賣相亦很吸引牛肉選擇了5成熟，火喉控制剛好肉味幾濃郁，軟腍有肉香帶骨部位充滿油香，很高水準發揮ꔐ波士頓龍蝦寬扁意粉（$398)龍蝦份量好多，啖啖肉十分爽彈；意粉幾有咬口，醬汁香濃惹味ꔐ澳洲羊架（$488)羊架選擇了7成熟，羊味好濃但不會太羶，單單配鹽已經好好食ꔐ紐西蘭青口配蒜香酸麵包（$398)跟白酒香蒜迷迭香汁朋友大推菜式，青口份量好多而且厚肉juicy，白酒香蒜醬汁令風味更佳ꔐ即開新鮮生蠔半打（$298)生蠔細細隻，但蠔味十足ꔐ炸海鮮拼盤（$268)魷魚、虎蝦、鱈魚、帶子、銀魚配他他醬炸皮不算厚而且炸得很乾身，帶子虎蝦非常出色ꔐ薯條（$88）粗薯條很香脆，完全不油膩

再訪總有原因因為太想念這家的青口!!!所以假借朋友聚會之名來滿足我的小食慾·位於中環加洲大廈的Porterhouse - Seafood & Steak餐廳裝修高貴有格調· 氛圍滿滿♡ Bread basket ♡ 即開新鮮生蠔半打（$298)生蠔size偏小·但尚算飽滿最有驚喜是蠔味非常重·在口腔久久不散！♡ 炸海鮮拼盤（$268)魷魚｜虎蝦｜鱈魚｜帶子｜銀魚聚會要來點香口脆身的小食！海鮮炸得香脆· 裡面仍保持鮮嫩♡ 薯條（$88）薯條香口·用來配青口汁食簡直一絕！•♡ 紐西蘭青口配蒜香酸麵包（$398)跟白酒香蒜迷迭香汁我最愛的青口· 是必點系列青口鮮嫩多汁· 粒粒飽滿白酒香蒜迷迭香汁絕對有提鮮作用別錯過蒜香麵包· 配汁食無得彈！♡ 波士頓龍蝦寬扁意粉（$398)扁意粉比龍蝦吸引無論是咬感或是掛汁程度· 屬高質之作！當然龍蝦新鮮爽嫩· 亦為菜式生色不少ꕺ店員會提供醬料芥辣· 配搭肉類食用♡ 澳洲450日穀飼純種和牛T骨牛扒（$1880)T骨牛扒份量十足！賣相很可以啊！店員還有點小火保持溫度· 細心值得加分牛扒5成熟的粉嫩非常誘人大廚處理恰宜·牛扒外焦香而裡面滿滿肉汁油脂亦恰如其分·

難得今日甘齊人，一齊嚟到位於中環蘭桂坊加州大廈7樓嘅Porterhouse - Seafood & Steak食好嘢。餐廳裝修好有格調，而且座位闊落非常舒適。-Oyster if the day (1/2 Dozen) $288蠔又肥又鮮甜，而且好有海水味，加上檸檬汁，成個鮮味吊左出黎，另外仲有個sauce可以加，酸酸甜甜幾特別。-Wagyu Beef Tartare $278牛味濃郁，而且口感極佳，咬落好嫩，調味咸咸地幾多食，加上蘑菇，味道中和左更加有層次感。-Lobster Bisque $178湯頭好有風味，龍蝦味濃郁得嚟又鮮甜，飲落好creamy，好惹味-Clam Chowder $178奶白嘅湯底，睇落就覺得好絲滑，而且蜆肉鮮甜，再加上麵包糠增加口感，幾好。-Tagliolini $398龍蝦份量都幾多，有韌勁好有口感，手工製任嘅pasta亦都煮得啱啱好，食落幾彈牙好有口感。再加上鮮味十足嘅龍蝦汁，又香又好味。-Grilled Australian Lamb Rack $488羊肉當要然要選擇midium rare，鮮嫩嘅羊肉配上3成嘅熟度，無論口感定味道都好出色，味道一啲都

最近好朋友搬新屋，我地決定去中環蘭桂坊的Porterhouse享受一頓美味的晚餐祝賀一賀佢😚呢家餐廳位於加州大廈7樓，環境優雅且氣氛悠閒，非常適合喜慶節日或慶祝活動與朋友和家人共度美好時光。.今次我哋試咗好多唔同款式嘅菜式，俾啲意見大家俾大家參考吓可以叫邊款。.🦪 Oyster新鮮生蠔口感鮮美且滑嫩，搭配醋汁和檸檬，味道更顯層次，絕對是海鮮愛好者的一大享受😍.🐮 Beef Tartare牛肉他他採用優質的生牛肉，並加入洋蔥、香料等調味，呈現出濃郁的口感和豐富的層次。與麵包搭配食用，香脆可口🤤.🦞Lobster Bisque龍蝦濃湯味道濃郁，龍蝦肉鮮彈😍每一口都能感受到濃厚的龍蝦肉味。搭配上鮮奶油和香草，更增添幾分美味🥳.🥣 Clam Chowder周打蜆湯口感濃郁，蜆肉質鮮美，整道菜充滿了層次感🤤.🐏Grill Australia Lamb Rackmedium rare澳洲炭燒羊排烹調得恰到好處，外皮香脆，肉質鮮嫩多汁👍🏻.🐮Full Blood Wagyu | Mayura, Australiamedium完美符合我哋要求嘅熟度 ，呢一道澳洲450日穀飼純種和牛T骨牛扒，使用極出席

公司終於出bonus，成班同事勁開心，揀咗蘭桂坊高級扒房Porterhouse 慶祝。原來呢間餐廳係牛扒工房，搜羅世界各地的優質牛扒，餐牌仲有各款西式美食。最正嘅係呢間餐廳會自行熟成唔同產地唔同部位嘅牛扒，所以如果鍾意食扒嘅朋友一定要來試吓。Lift門一開，見到餐廳環境開揚，裝修Modern，富時尚感，昏黃嘅燈光帶出高級感，餐枱側邊有一個好大嘅紅白酒酒櫃，揀杯靚酒，嘆翻塊靚牛，絕對Fine Dining 的好選擇，約會或者慶祝節日都一流。餐廳嘅職員都好細心主動，我哋叫佢推介紅酒嘅時候都講解得好詳盡。今晚揀咗法國波爾多產區 既Château Caronne Ste. Gemme，口感滑，果酸度平衡，澀味唔重，算係一款新手都容易入口既酒。點左西班牙八爪魚作為前菜，口感軟腍 。揀左西班牙熟成牛，5成熟，一大塊完整上菜，有前手臂咁長咁大件，見到都流哂口水，等我哋欣賞完影完相，待應會即場切件，切開即時見到粉嫩既牛肉，一塊切到成十五件，件件厚身。高級餐廳煎牛扒既功力完全唔使質疑，做到外層1cm左右焦香，內裏粉嫩。西班牙嘅牛脂肪比例相對少，所以比較有嚼勁，而且牛味比較濃郁，但係覺得呢塊牛扒出色嘅地方

喺Porterhouse食過佢哋嘅weekend brunch，今次黎食dinner成個感覺好唔同，牛扒配上紅酒再配上迷人夜景，格外有情調🌃🍷🥩西班牙35日草飼T骨牛扒 $1780The Porterhouse Selection有三款T骨牛扒可選，我地揀左西班牙出產嘅Rubia Gallega T骨牛扒🇪🇸 呢款牛種全部係喺西班牙加利西亞區飼養，味道混合住鵝肝、牛油果等香氣！乾式熟成嘅做法令牛肉味道更濃烈突出濃烈，建議大家先趁熱食牛柳部分，醬汁方面bellofood強烈推介green peppercorn sauce🔥 🐙西班牙八爪魚 $280八爪魚外層焦香，底層伴碟用上辣肉腸醬薯蓉，微微香辣味道非常惹味🌶️🍝波士頓龍蝦寬扁意粉 $398意粉係手工製作，粗幼度呈不規則形，口感特別，麵條本身味道亦幾濃厚！龍蝦肉鮮味十足，而龍蝦忌廉汁用上Brandy 煮成，香氣撲鼻，麵條掛汁美味🦞🍨意式濃縮咖啡伴雪糕及利口酒 $98有驚喜！Affogato咖啡味香濃，每啖都帶酒香，連埋雲尼拿雪糕食真係好滿足☕️🥰🍫香濃朱古力蛋糕 $9870%嘅朱古力令蛋糕唔會太膩，配上海鹽焦糖醬同花生碎充滿口感！我哋嗌咗嚟

即開新鮮生蠔 $288/半打 每隻額外$38生蠔非常新鮮，大大隻，而且肉質飽滿，每一隻都食到淡淡海水味，礦物味相當濃郁！質感偏爽口，一定要叫！配埋白酒，不經不覺就食咗一打！龍蝦湯$178 龍蝦湯相當濃稠，以龍蝦頭同蝦肉熬製而成，鮮香非常突出，唔錯周打蜆湯$178周打蜆湯偏厚身，入口綿滑，仲有足料蜆肉，正！豬肉香腸捲麵$288香腸捲麵加入黑松露醬，未食已經聞到香氣撲鼻嘅黑松露香，捲麵煮到幾有咬口，配上豬肉香腸，值得試T骨牛扒 1kg $1880T骨牛扒肉質柔嫰，牛味香濃，叫左五成熟啱啱好！蜜糖煙肉 $118煙肉外層煎到好香脆，每塊更沾滿蜜糖醬，鹹甜交織，不錯！香草烤原隻去骨春雞配卡津風味薯條春雞以香草醃製，惹味十足，雞肉相當juicy，肉質亦幾嫰滑，配埋金黃香脆嘅薯條，超豐富！

為左慶祝母親節，專登book左中環呢間喺蘭桂坊嘅porterhouse，環境氣氛同食物都有一定質素同保證☺️order完食物好快就黎左2款麵包，酸種麵包以及一款薄脆嘅餅乾生蠔 $288/6🦪前菜當然要試下生蠔，大隻新鮮冇異味，肉質creamy，配cocktail source 同檸檬非常開胃龍蝦湯 周打蜆湯 $178龍蝦湯係呢度嘅招牌之一，店員會喺你面前倒上龍蝦湯，一入口果然非常濃厚而且細滑，當中仲有唔少龍蝦肉。周打蜆湯相比之下亦唔會失色，料多味道層次豐富美國T骨牛扒porterhouse $1680店員向我地推薦人多嘅話可以試下呢款美國牛嘅porterhouse，足有1 kg！黎到嘅時候會即時幫你切開，其中牛柳部份，口感比較淋，配阿根廷香草青醬好好食🤤而T骨最好嘅地方就係可以食到2種部位，西冷，肉味較為濃厚，有纖維感，表面經焦糖化而變得香脆加上淡淡炭燒味，整體黎講T骨係唔會令人失望☺️豬肉香腸捲麵 $288呢款捲麵係我第一次食到，我同屋企人都好中意☺️口感煙韌彈牙，每條麵掛滿晒牛肝菌黑松露汁，creamy又好味👍🏻蜜糖厚切煙肉 $118 可以add on嘅其中一款菜式，感覺似港式燒味蜜糖叉

蘭桂坊人氣扒房Porterhouse的weekend brunch自助餐有任食和牛扒、生蠔、龍蝦、麵包蟹等多款凍海鮮 $598/位、另加$$208 / 位可以兩小時任飲汽酒、紅白酒等🥂🍷可放肆食大餐🙌🏼款式未必有大酒店甘多但都足夠而且勝在有水準👍🏼好食嘅拎多幾次，我食飽到肚都爆😂凍海鮮係回本之選而且都新鮮，有開邊龍蝦🦞、龍蝦鉗、生蠔🦪、加拿大螺、青口、蜆、蟹腳、海蝦🦐、麵包蟹🦀彈牙龍蝦同麵包蟹拎幾次都多膏👍🏼每位客人都有一件彈牙中式蒸鮑魚前菜冷盤都有十幾款，最鍾意食煙三文魚、Parma ham配蜜瓜、蕃茄沙律嘅蕃茄好甜、蘆筍沙律爽口👍🏼牛肉非常粉嫩有牛味🥩5成熟左右，食左三塊😆配熔岩芝士薯條好正🧀豬扒都好嫩滑🐷應該係用慢煮形式燒春雞都皮脆肉嫩🐓有廚師即場煮意粉🍝自選多款配料如鮑魚粒、魷魚粒、蘑菇、煙肉、蒜香 等等好惹味有熱湯、熱盤，起大條龍躉甜品都有十幾款😍朱古力Gelato幼滑濃郁🍫亦有麵包布甸、芝士蛋糕、蘋果批等

餐廳環境雅緻，樓底超高，檯與檯之間非常闊落，空間感十足。其海鮮烤肉Brunch自助餐，性價比高，可任食和牛、烤肉、生蠔、凍海鮮、龍蝦、甜品等，款款精緻吸引，最重要是吃得舒舒服服，絕對是海鮮肉類愛好者的天堂。海鮮烤肉Brunch自助餐，逢星期六、星期日及公眾假期供應，成人每位$598及小童每位$279，另加一服務費。加$208更可無限量暢飲香檳、精選紅白餐酒、氣泡酒、啤酒等。小朋友或不喝酒類的朋友，也有無酒精飲品套餐，每位加配$108可無限量暢飲雜果賓治、精選無酒精雞尾酒、汽水及果汁，非常貼心周到。Brunch自助餐主打新鮮海鮮，有必食的愛爾蘭麵包蟹、鮮甜無比的愛爾蘭新鮮即開生蠔、波士頓龍蝦、愛爾蘭蟹腳、螺、凍蝦等，每位食客更有一隻爽口彈牙的香蔥辣椒蒸鮑魚。自助冷熱盤包括有凍肉拼盤、煙三文魚、精選芝士、沙律、鱸魚、鴨胸、湯類等，更有自選即製意粉，以及現場手切烤豬、澳洲和牛D-Rump、烤雞，還有邪惡又美味的熱熔Raclette芝士！推介澳洲和牛D-Rump，口感軟嫩，牛味香郁。整體自助餐食物水準高質，選擇豐富，適合一眾大胃王人士。