貊炙

營業中

休息中

今日去了灣仔新鴻基中心一間餐廳「貊炙」食Lunch餐廳Menu有個 Steak Omakase $380 (每位) 好似幾吸引今日專程嚟試吓，Steak Omakase 套餐包括：1️⃣ 韓式前菜五小葉2️⃣ 生菜包及自家包飯醬3️⃣ 韓式蒸蛋4️⃣ 和牛他他5️⃣ Steak Omakase 和牛羽下肉、是日熟成牛肉、韓國五花肉、熟成醬油牛肋骨6️⃣ 平壤冷麵7️⃣ 甜品整體來講：餐廳服務唔錯，今次由職員負責幫手燒，比起平時自己燒，的確有明顯分別總數💰：$836 (點菜總數 $760 + 服務費 $76)

第一次嚟食 付款 去呢間餐廳位於灣仔區 呢一間真係超正係專食韓國和牛如果想去食嘅話記住要book定位超多人好爆我哋食咗佢嘅和牛拼盤 每一件牛肉都好新鮮入口即溶 服務員真係超好用心講解每一道菜色嘅特別之處同埋會幫我哋燒埋 知道晒幾時先係最好食嘅 配上唔同嘅調味料 同埋佢哋嘅前菜都好入味好開胃 汁調得好好仲有我哋嗌左嘢飲都係冇乜糖分嘅比較健康中和返味道 嗌咗水果茶 比較清淡同埋我哋嗌左大醬湯配上白飯 呢種天氣好啱飲同埋啲白飯配上紫菜質感好好最後佢哋嘅甜品雪糕都好好食

扒房食得多，不過韓式扒房都係第一次食。依間係新鴻基中心一樓嘅韓式扒房，一入門口就被一個熟成肉櫃吸引住，櫃裡每件肉都寫明日子和重量。扒房主打28-45日熟成牛肉，西式厚切熟成扒等，仲配有韓式前菜。Steak Omakase $380加一真心抵。食物係勁豐富。-韓式前菜六款，其中大蔥沙律最特別，平時蔬果沙律就成日食，原來大蔥都可以做沙律，而且咪道都唔錯，前菜有辣有酸，相當開胃。攞盤講究和有心思。-生菜包及自家蛋包飯醬-韓式蒸蛋，用石鍋蒸蛋，上枱時仲滾緊，裡面仲有香菇、蟹柳和蟹子等配料。要快食，不然會焦。-全蛋紫菜包飯，以蛋為主，基本上飯都冇粒，食完唔會太飽。-主食肉有是日熟成牛肉，和牛羽下肉，韓國五花肉，熟成醬油牛肋骨。職員親切有禮，主動同我哋講燒每款肉嘅次序，鮮味先燒，味濃嘅醬油牛肋骨最後燒。店內嘅28-45日熟成牛肉，先放熟成櫃，自行調整及跟進熟成程序，每舊肉都有獨一無二嘅味道，相當專業和講究。熟成牛肉味濃郁，燒完依然保留肉汁，好有驚喜！韓國五花肉，肥瘦剛好，燒到甘黃少脆，再用生菜包住連自家醬汁一齊食，絕配。熟成醬油牛肋骨，店家預先用新鮮果汁和醬料醃製，食落味道少少甜，嫩滑又好味。和牛

這間位於灣仔的韓式扒房，裝修走沉穩低調風，燈光刻意調暗，座位寬敞，更特設3 間空間特大的獨立VIP房，適合商務包廂或一班朋友相約一齊圍爐燒烤。餐廳獨具特色，融合韓燒及西式厚扒文化，既有韓國的薄切醃肉，亦有西式的厚切熟成牛肉，最吸引小編的是這裡的燒肉廚師發辦 Steak Omakase。小編🐰只吃過日式料理 Omakase，Steak Omakase 也是第一次見識。🌸 Steak Omakase $380 (兩位起）套餐非常豐富，包括：韓式前菜生菜包及自家包飯醬韓式蒸蛋自選朝鮮小品 - 牛肉他他平壤冷麵熟成醬油牛肋骨是日熟成牛肉韓國五花肉和牛羽下肉甜品 - 焦糖雪糕當中最吸引的還是熟成牛肉，餐廳自設熟成櫃，熟成牛則採用美國USA Prime Meat，作28日的熟成。熟成牛肉是一門複雜的技術，廚師會跟進熟成程序，自行調整溫度、濕度及風速，每塊肉都有獨一無二的味道。熟成牛肉質感重，牛味濃郁，脂肪較少。另外，和牛羽下肉是和牛必點的稀有部位。其實羽下肉位於肩胛靠近肋骨處，是翼板肉的一部分。因油脂分佈細緻均勻像羽毛，故被稱為羽下肉，肉質有彈性、口感軟嫩適中，油脂飽滿，燒起來脂香撲鼻，垂涎欲滴。

表妹放風啦🤣不要浪費保貴機會🤭表妹好喜歡吃韓國燒烤,我便決定帶她吃新開張數月的香港第一間韓式扒房！-來到餐廳門外被它的熟成櫃吸引,內有不同熟成牛肉🤤餐廳環境內燈光昏暗非常有格調！雖然吃韓式烤肉,但裝修是西式風格為主！餐廳內還獨立vip房,私隱度極高！我同我表妹最讚是餐廳細心地在每張枱的頂上有一盞射燈照耀著烤爐又不會令食客有刺眼的感覺👍👍👍-HK$380Steak Omakase Selected Cut/位韓式前菜~大豆芽菜、辣茄子、辣泡菜、銀魚仔、大葱沙律、泡菜.......我同表妹鍾意食辣茄仔及辣泡菜！前者微辣又茄子肉軟綿綿；後者甜辣,葉同梗也是柔軟又吸滿泡菜汁的精華又不太咸；-生菜包及自家包飯醬有紫蘇葉、生菜、青瓜、甘筍及車厘茄！除了肉食也要吃蔬菜均衡營養哦！-韓式蒸蛋~上枱的時候像一座小山丘並飄出白茫茫的煙縷,入口像吃棉花糖一樣有蓬鬆又柔軟的感覺配上脆卜卜又鮮味十足的蟹籽,口感雙重享受；-自選.朝鮮小品~在前菜餐牌上六選一,表妹選擇韓式和牛他他~有別於歐洲的和牛他他,多了雪梨又用紫菜代替麵包,雪梨吃起來清甜又爽口,用咸香紫菜包著用雞蛋拌好的軟滑牛肉,風味獨特；-Steak 🥩

Dry aged prime bone ribeye$1100 set for twoThe portion is sooo huge that it’s suitable for three or fourThe beef is definitely the main focusLove how the waiter followed through the cooking processHe even grilled them in different rawness and asked for our preference Enjoyed the prime bone a lotIt hasn’t aged for too long but good enough to give you some tertiary flavour say mushroom and cheese The fatty part is also unexpectedly yummy

新鴻基中心有間食韓燒嘅餐廳叫貊炙。喺灣仔番工嘅朋友話番工經過成日見到都好想試，今日約我放工去試。餐廳燈光暗，幾有情調，好啱情侶。入面有好多卡位，坐得舒適。見到有店員推牆入左去，原來入面重有VIP房！下次早d book定先得。同一般韓燒店唔同，呢間餐廳係一間「韓式扒房」，對肉嘅質素要求好高，確保食客食到高質素嘅肉👍🏻。一入門口就見到有個「熟成櫃」。好奇問店員先知佢地會調整同跟進肉嘅成個熟成程序，每舊肉嘅熟成時間都唔同，分別由28至45日不等，所以每舊肉嘅味都唔同。嗌左個「Steak Omakase Selected Cuts」餐，$380/位(兩位起)。呢個餐有好多野食！有韓式前菜、生菜包及自家包飯醬、韓式蒸蛋、自撰·朝鮮小品(2人1份、3-4人2份)、Steak Omakase、Korean Special重有甜品。韓式前菜有大蔥沙律和茄子等，可以無限添加。生菜包及自家包飯醬可以包住d肉一齊食，有菜有肉感覺健康。韓式蒸蛋有驚喜！入面有蟹柳絲、蟹子等。放喺個熱煲仔入面，上枱時重滾架！未食已經feel到有幾熱啦。食落口感透氣鬆軟，入口有煲仔香。小心辣親嘴仔，食之前一定要吹一吹凍先擺入口呀。

灣仔有間韓式扒房，佢地自設熟成櫃，會自行調整同埋跟進熟成程序，每舊肉都有獨一無二嘅味道。Steak Omakase：韓式前菜五小碟樣樣都好精緻，最緊要好味👍🏻。韓式蒸蛋用左石鍋上熱辣辣蛋仲煮得嫩滑。和牛他他用左火槍燒一燒個牛肉，所以有小小半生熟嘅效果，食時用紫菜加埋梨，好食到不得之了👍🏻主角出場喇，熟成醬油牛肋骨、和牛羽下肉、韓國五花肉同埋是日熟成牛肉，樣樣都肥瘦均勻各有特色燒完入口即溶全部都係好高質好嫩滑，食完返唔到轉頭😆另外仲點左和牛三角，脂肪比例好平均，唔使咬都已經溶係口👍🏻飲品叫左柑橘梳打同提子梳打，甜品有雲呢拿軟雪糕加左小小焦糖醬，好完美嘅一餐😍

《和諧的一睌》在未踏入餐廳已見到一個令人興奮的熟成櫃，內裡有寫上不同日期的「牛牛」，感覺今晚的晚餐必定是很豐富及充滿期待感。果然一進入餐廳，燈光暗暗，充滿和諧感，也有一種fine dining的感覺。在走進餐廳時，留意到餐廳內設三間空間很大的VIP房。當我們被安排坐下後，侍應介紹了餐廳的食物種類，我們便選了$380的套餐，接著，就有一台自動送餐機送上不同的餐前小食，心裡「嘩」了一聲。小食的陳設很精緻，也為今天的晚餐作了一個很好的開始。前菜時間到了，我和友人選了和牛他他，一入口像是滿足了味蕾，再加上餐廳選用了兩款的海苔，其中一款是平日較少機會吃到的軟綿綿海苔，入口簡直是充滿幸福感，真是有驚喜！由於價錢合理的關係，預計了肉的份量不會太多，於是額外點了一份厚切和牛羽下肉，誰不知，是我們預計失敗，套餐的份量是足夠大食的我。套餐內有兩大舊今天晚餐最期待的25日熟成牛，一入口簡直是天賜的美食，由未入口開始已聞到濃濃的芝士味，一入口，好吃到不得了，下次再來一定要點餐廳的熟成牛套餐，來滿足作為牛魔的我。今次到訪韓式扒房，真的與光顧一般韓國餐廳不一樣，因為感覺是高級的，可以與西式扒房媲美，還觀察到大部分

一直想試哩間新開既韓式扒房好耐，今日終於約左朋友黎試。餐廳環境寬敞舒適，入面仲有3間獨立既大VIP房。特別值得一讚既係店員服務好好，會幫手燒肉🔥餐廳亦有提供口罩套。大家可以選擇叫Steak Omakase或者單點，而Steak Omakase係性價比高之選。✨Steak Omakase Selected Cuts每位 $380🌶️韓式前菜前菜種類豐富，仲可以任添，有泡菜、芽菜、茄子、辣魷魚、大蔥沙律同水泡菜，特別推介辣魷魚同水泡菜，我自己都加添左兩次😆🥬生菜包及自家包飯醬餐廳會提供一兜生菜，兜裏面仲放左青瓜條、蘿蔔條同蕃茄仔，另外仲有自家製醬料。🥚韓式蒸蛋蒸蛋上面放有蟹籽同蟹柳，食落更有口感。🐖自撰·朝鮮小品：韓式豬手朝鮮小品有六款可以選擇，我地就揀左韓式豬手，豬手夠厚身，充滿骨膠原，另外配有大醬、魚醬、辣蘿蔔絲、白菜同紫蘇葉，係紫蘇葉上放上豬手同辣蘿蔔絲一齊食，味道清新，大家不妨試試。🥩肉類🔸和牛羽下肉羽下肉肉質軟嫩，油脂分布平均。🔸是日熟成牛肉真係第一次試熟成牛肉，原來餐廳入面有熟成櫃，熟成牛肉會經過28至45日既處理，廚師會調整同跟進熟成既過程，相當講究，食落亦相當有驚喜❗️牛肉表皮

韓燒就食過好多次，韓式扒房既燒肉omakase真係第一次見～所以就同朋友book左食dinner試試佢。佢地主打28-45日熟成牛肉，自設熟成櫃，亦係自行調整同跟進熟成程序，所以每塊肉都係獨一無二味道架！Steak Omakase Selected Cuts只需要$380一位加一，估唔到咁grand既扒房都有價錢咁親民既set😋包左多款韓式前菜，其中我地最推薦既係茄子，醃魷魚同泡菜。食完仲可以再追加架～勁開心🥰和牛他他Appetizers我地揀左和牛他他，可以用紫菜包住沾蛋黃既和牛同雪梨一齊食。雪梨既鮮甜令到和牛入完全唔膩，仲有好香既牛味😋韓式蒸蛋估唔到都幾滑身，而且仲有陣蟹肉香味～Steak Omakase每款肉都有唔同既特色，當中熟成牛肉既牛肉香會比較濃郁，我就好鐘意～熟成醬油牛肋骨就會係最淋身同入味，而五花肉就十分建議燒到微微焦，再加泡菜包入生菜一齊食～大醬湯配飯最後個set仲包左一款熱食，個大醬湯既調味恰到好處，唔會過咸，飲落去好舒服～和牛三角呢碟真係不得了，佢d油花勁多，食落去就同拖羅一樣，滿口都係油脂香❤️最後仲有甜品，係雪糕呀😍今次既體驗真係十分好👍而且佢地仲設有3間獨立而

牛扒就食得多, 韓式扒房又真係未試過! 仲要係熟成牛肉既扒房, 所以食之前都超期待!! 呢到既OMAKASE SET有超多野食超豐富, 除左任食既韓式前菜,仲有蒸蛋/小食/燒肉拼盤/主食, 仲有甜品! 🍦小食我就揀左BURATA, 係軟芝士既一種, 因為之前都未試過呢樣野, 原來係咁香滑又唔膩!🧀燒肉拼盤雖然只有4款, 但份量好多, 除左3款熟成牛肉, 仲有豬肉! 因為係熟成牛肉, 所以味道都經過特別調製, 好岩我地合味, 超好食, 特別係個牛肋骨, 勁大件好驚喜!

朋友係灣仔返工，於是等佢收工一齊去咗灣仔韓式扒房「貊灸」。首先黎咗青檸梳打，我就覺得冇乜味，朋友話提子梳打就甜甜地。之後就上咗前菜，分別有芽菜、泡菜、小魚干等。跟餐必有既就係韓式蒸蛋，蛋上面有蟹柳絲、蟹子、菇同蔥，啲蛋食落都好滑。跟住就黎咗吞拿魚他他，一碟共有五片。之後就黎咗重點就係牛肉同豬肉啦，就咁睇好似唔多咁，但其實食落都唔少，個人就鐘意五花腩，因為燒完迫走啲油份，食落好香口，包埋生菜同蔥食仲好清新添。而朋友就鐘意燒牛肉，佢話食落重牛味，所以我地仲另外叫和牛三角，呢個燒完放入充滿牛味。跟餐仲有個冷麵，清清地可以中和吓食燒肉既油膩感。最後甜品有雪糕做結尾。

在ig 上看到介紹，照片拍得很是吸引人，就打了電話book檯。餐廳這陣子應該很多人訂位，九月中打的電話，需要十月初才有得吃。兩人用餐，選了最熱門的steak omakase。小菜都可以免費續、其中包含的茄子好吃，想再續，可惜店員說已經賣完了。前菜選了牛肉他他（這頓飯最好吃😂）配上紫菜、蔥、蒜，這個牛肉他他吃起來跟平常吃的不太一樣，別有一番風味，非常好吃。接下來的韓式蒸蛋，熱呼呼的，蒸蛋因為還很熱，還在噗噗噗地冒煙排氣～也很好吃，想多吃但忍住了，想說把胃留給接下來的主菜⋯後來主菜的表現⋯不如趁著蒸蛋熱呼呼的快吃⋯主食的部分拍照很好看ヽ(；▽；)ノ一開始還忘了上豬油，烤網非常容易黏肉，跟店員反應才發現是後台人員忘了上。後來店員幫著我們烤，服務很親切。看這肉好厚，好期待！！ 但⋯完全咬不動⋯⋯不是烤太久，好明顯是肉質不好。（店員說我們那桌那一排，當天烤爐的火力特別弱⋯）其他肉也是表現得不好，熟成牛肉的確比較嫩，但醃得味道太重了，吃不出牛肉最美好的風味。整盤主菜，最好吃的是烤香菇、烤年糕（想店員要了蜜糖沾著吃，店員說沒有蜜糖但有焦糖可以提供♪( ´▽｀) 但也猜到了等等的甜點應該是焦糖冰淇淋哈

Maekjeok 貊炙 - 韓式扒房今日介紹一間位於灣仔區的燒烤店，主打韓國燒烤，更加特別是一間韓式扒房，提供28-45日熟成牛肉，設有熟成櫃，全自家控制熟成的程序，餐廳更設有獨立的房間，可以寧靜咁享受熟成牛扒。Steak Omakase $380/位韓式前菜首先有多款非常正宗地道的前菜。韓式蒸蛋超有feel的韓式蒸蛋，用石鍋盛着，非常嫩滑。全蛋紫菜包飯採用蛋絲、蔬菜再以紫菜包着，非常健康的前菜。是日熟成牛肉、熟成醬油牛肋骨和牛羽下肉、韓國五花肉多款精選的牛肉、五花肉，當中最深刻當然是熟成牛肉，熟成過後，牛味更出，更濃烈，肉質亦相當軟腍。和牛三角 $280再加配了和牛三角，油脂風形，油香包着牛肉。大醬湯配飯濃郁的大醬，地道的韓式味道。最後還有蜂蜜雪糕，相當解膩。